چ پەیوەنیگ هاناوەین زەیت ئاشکردن و شێرپەنجە

شەفەق نیوز/ پسپۆرەیل خوەراک باس لەوەگ کەن ئەو خوەراکەیلە ئیمە خوەیمنێ کاریگەری فرەیگ لەبان لەش دروسکەێ هاتێ لەو خوەراکەیلە هووکار بوون ئەرا تویشهاتن وە شێرپەنجە.

لە ماڵپەڕ " eremnews" بڵاو کریاس، لێکۆڵینەوەیل لەی کۆتایی  پەیوەنی ناوەین زەیت ئاشکردن و  شێرپەنجە ئاشکرا کردیە، شارەزایەیل ئەرایان دەرکەفتیە ترش لینۆلیک کە چەوریی باوەیگە لە زەیت ئاشکردن هەس کاریگەر لەبان تویشهاتن وە شێرپەنجە دیرێد، کە ترشی لینۆلیک ترشی چەوری ئۆمیگا ٦ە کە فرەتر لە زەیت سۆیا و گوڵەبەرەفتاو و گەنمەشامی هەس.

توێژەرەیل کۆلێژ پزیشکی لە نیویۆرک دەریخستنە کە خواردن وەردەوام زەیت ئەوزەڵکردن خانەیل شێرپەنجەی مەمک زیاد کەێد.

ترش لینۆلیک وە پرۆتینێکەوە بەسرێد وەپی ئوشرێد  FABP5 (fatty acid binding protein 5) کە وە ئاست بەرز لە خانە شێرپەنجەگان هەس، ئێ بەسانەوە رێڕەو   mTORC1 گاڵ دەێد، کە ڕێکخەر سەرەکی ئەوزەڵکردن خانەیل و میتابۆلیزمە.

لە توێژینەوەیل هاتیە ئەو مویشەیلە خوەراکەیل دەوڵەمەن وە  ترش لینۆلیکیان وەپیان دریابوی تویش وەرەم گەپیگ هاتبوین، وە یەش ئەوە چەسپان کە خواردنی وە رێژەی فرە هاتێ ئەوزەڵکردن شێرپەنجەگە بەدتربکەن.