شەفەق نيوز- بەغداد

نرخ دۆلار ئەمریکی وەرانەور دینار عراقی، ئمڕوو سێشەممە، وەگەرد بەسیان بۆرسەیل سەرەکی بەغداد پایتەخت، وەشیوەی کەمیگ بەرزەو بوی، و لە هەولێر پایتەخت هەرێم کوردستان، داوەزیان توومار کرد.

پەیامنێر ئاژانس شەفەق نیوز وت کە بۆرسەیل سەرەکی کیفاح و حارسیە لە بەغدای پایتەخت، ئیوارەی ئمڕوو، لەبان نرخ 169050 دينار عراقی وەرانەور 100 دۆلار ئەمریکی دەرەیلیان بەسان.

شەوەکی ئمڕوو، نرخ 100 دۆلار ئەمریکی رەسیە 168900 دينار.

پەیامنێر ئاژانسمان وتیش کە نرخ فرووشتن و سەنین لە دوکانەیل ناوخوەیی بەغداد جیگیر بوی، کە نرخ فرووشتن 100 دۆلار ئەمریکی رەسیە 169500 دينار عراقی، و نرخ سەنینی رەسیە 168500  دينار.

لە هەولێر پایتەخت هەرێم کوردستان، نرخ دۆلار وەگەرد بەسیان بۆرسە داوەزیان کەمیگ توومار کرد، کە نرخ فرووشتن 100 دۆلار ئەمریکی رەسیە 168900 دينار عراقی، و نرخ سەنینی رەسیە  168800 دينار.

شەفەق نیوز - بەسرە

دەسەڵاتەیل عراقی، رووژ سێشەممە، ریگری کردن لە نیشتنەوی فڕۆکەی هەڵوژاردەی نیشتمانی ئیرانی ئەرا تووپان پێ لە فڕۆکەخانەی ناودەوڵەتی بەسرە، کە بڕیار بۊ هەڵوژاردەگە بەشداری بکەێد لە پاڵەوانێتی چواری کە تەکبیرە پەنجشەممەی ئایەندە دەس وەپی بکەێد.

 سەرچەوەیگ ئەمنی ئەرا ئاژانس شەفەق نیوز وت، کە دەسەڵاتەیل مووڵەت نیشتنەو نەیانەسە فڕۆکەگە، کە یەیش بۊە هووکار ئەوەگ رویکردن خوەی ئاڵشت بکەێد  وەرەو شار عەبادان ئیرانی، لەبان ئەوەگ هەڵوژاردەگە لەڕی هشکانییەو باێدە بەسرە.

 سەرچەوەگە مەزەنە کرد کە هووکارەیل نەیاین مووڵەتەگە پەیوەندیدار بوین وەو سزا ناودەوڵەتییەیلە کە چەسپیانە لەبان فڕۆکەوانی ئیرانی، لە وەختیگ دیاری کرد کە شاند هەڵوژاردەی ئیرانی لەڕی هشکانییەو لە عەبادانەو چنە بەسرە.

رووژ جمعەی ئایەندە، لە شار بەسرە لە باشوور عراق، رکابەرییەیل پاڵەوانێتی چواری ناودەوڵەتی ئەرا تووپان دەس وەپی کەن، وە بەشداریکردن هەڵوژاردەیل عراق (میواندار) و ئیران و لوبنان و فەڵەستین، لە ناو چەوەڕیکردنیگ جەماوەری ئەرا ئەو رۊوەرۊبۊنەیلە کە شارەگە میواندارییان کەێد.

 هەڵوژاردەی ئیران کەفێدە نوای لیست هەڵوژاردە بەشدارەیل لەڕۊ پۆلێنکردن جیهانییەو، وە گردن پلەی 23 لە جیهان، وەپەی پۆلێنکردن یەکێتی ناودەوڵەتی ئەرا تووپان (فیفا) ئەرا مانگ تشرین یەکەم 2026.

شەفەق نیوز - بەغداد

سەرچەوەیگ ئاسایش، ئمڕوو سێشەممە، خەوەر دا لە زەخمداربوین دوو ئەفسەر وە پلەی "موقەدەم" لە کڕ هێزەیل پۆلیس فریاکەفتن ک یەکیگیان جێگر فەرماندەی فەوجە، لە ئەنجام وەردەوەردەیگ کە رەسیە پەلامارداین لە خوەرهەڵات بەغداد پایتەخت.

سەرچەوەگە ئەرا ئاژانس شەفەق نیوز وت: یەکیگ لە دوو ئەفسەرەگە وە لیوان چووڵیگ ئەرا ئەوەکەیتر وەشنێد، ئەرا دویەم رووژ ئەوەکەیتر  وە چەک  خوەی تەقە لەلی کەێد، لە وەخت ئەنجامداین ئەرک فەرمی لەناو بەش ئەفسەرەیل لە فەوج هەفتەم لە ناوچەی بەغداد جەدیدە، و دووپات کرد ک  ئەرا نەخۆشخانە کلکریان تا چەسە وەربگرن وەگەرد دەسوەسەرکردنیان  و وازکردن لێکۆینەو لە رویداوەگەگه.

شەفەق نیوز - ئەنبار

وەڕێوەبەر وەرگری شارستانی لە ئەنبار عەمید مستەفا مەحموود سەلەج، ئمڕوو سێشەممە، خەوەردا لە کەمەوبۊن رۊداوەیل ئاگرکەفتن لە پارێزگاگە وە رێژەی 85% لە ماوەی ساڵ 2026، و مدوو ئەوە گلەو دا ئەرا خەسەوکردن وەشکینە مەیدانییەیل و هەڵمەتەیل هوشیارکردن و رێنماییکردن لەباوەت مەرجەیل بیوەیی و خوەیپاراستن.

 سەلەج ئەرا ئاژانس شەفەق نیوز وت، کە وەڕێوەبەرایەتییەگە چالاکییەیل چەودیاریکردن و هوشیارکردن جیوەجی کردگە کە بینا بازرگانییەیل و فەرمانگە حکومییەیل و مەکتەوەیل و خەسەخانەیل لەخوەی گرد، وە ئامانج هازدارکردن گریەداربۊن وە ریکارەیل بیوەیی و کەمەوکردن هووکارەیل ئاگرکەفتن.

 دیاری کرد کە تیمەیل وەرگری شارستانی وانەیل هوشیارکردن لە مەکتەوەیل رێک خەن وەرد دەسکردن ساڵ خوەنستن، لە شان کۆڕەیل و پرۆڤە مەیدانییەیل لە دامەزراوە حکومییەیل و ئەو شوینەیلە کە زیایبوین لە شمارەی هاووڵاتییەیل وەیخوەیان دۊنن، بیجگە لە سازدان وۆرکشۆپەیل ئەرا پاراستن و وەدۊاکەفتن سیستەمەیل بیوەیی لە نەخوەشخانەیل.

دیاری کرد کە ئی چالاکییەیلە لە دریژایی ساڵ وەردەوامن، و جیوەجی کریەین وەپەی ئەوە کە گونجیاگ بوود وەرد سروشت دامەزراوەیل و هەوەجەیلیان، وە شیوەیگ کە دەسمیەتی بەێد لە بەرزەوکردن ئاست هوشیاری وە رخبارییەیل ئاگرکەفتن و ریەیل خوەیپاراستن لەلی و ئامرازەیل رەفتارکردن وەرد فریاگوزاری.

 سەلەج باس  نەۊین شمارەیل هۊرد کرد کە ری بەێد وەراوردیگ بکریەێد لە ناوەین ئەو ئاگرەیلە کە توومار کریانە وەرجە جیوەجیکردن ریکارەیل بیوەیی و دۊای ئەوە، وە دیاریکردن ئەوە کە ئەو زانیارییەیلە کە لە وەردەسن تەنیا لەبان ئەو رێژەی کەمەوبۊن راگەیانریایە سنووردارن.

 دووپات کرد کە وەردەوامبۊن هەڵمەتەیل هوشیارکردن و وەشکینە دەورییەیل نۊنەرایەتی بەشیگ بنەڕەتی لە تەقەلایل وەڕێوەبەرایەتییەگە کەن ئەرا کەمەوکردن رۊداوەیل و پاراستن گیانەیل و سامانەیل.

شەفەق نیوز - بەغداد

شارەزای مەزەنەیل کەشوهەوا سادق عەتیە، خەوەر دا، کە نەخشەیل کەشوهەوا نشان وەرکەفتن ناوچەیل فرەیگ لە ناوڕاس نیمچەدوورگەی عەرەبی دەن وە رەوشیگ لە ئارامی کەشوهەوایی، کە لە ئمڕوو سێشەممەو دەس وەپی کەێد، و وەردەوام بوود تا شەممە 14ی لە مانگ تشرین دۊەم/ نۆڤەمبەر ئیسە، وە دەسنشانکردن ئەرا ئەوە کە ئی رەوشە وارین وارانەیل جیاواز لە تونی وەردی تیەێد، کە رەسێدە رفت، وەرد ئەگەر وارین تەگر.

 عەتیە لە خوەنستنی ئەرا نەخشە ئاسمانییەیل وت، کە مەزەنە کریەێد بڕەیل وارانە کەڵەکەبۊیەیل ئەرا چەن سەعاتیگ رەد بکەن لە 100 ملم لە بڕیگ لە ناوچەیل، کە بوودە هووکار دروسبۊن تافاو ئاو و لافاوەیل، و وە تایبەت لە ماوەی لۊتکەی رەوشەگە لە هەردوگ رووژ سێشەممە و چوارشەممە.

 دیاری کرد کە ئی رەوشە لە دەرەنجام پەڕین پەڵەیگ باڵای سەردەو تیەێد، کە هاووەختە وەرد چالاکی نزمەپاڵەپەستۆی دەریای سوور و ئەو رەوانەبۊن نم کە وەردی تیەێد، کە هەلەیل دروسبۊن ئەورە کەڵەکەبۊەیل و وارین وارانەیل پەڵاچەدار هازدار کەێد.

ئایا عراق رەسێدە عراق 

 لەباوەت رادەی کاریگەری ئی رەوشە لەبان عراق، شارەزای کەشوهەوا وت، کە هەرچەن کاریگەری دریژەوبۊن پەڵە باڵا سەردەگە کەفێدە نزیک عراق، و هەمیش ناوچەیلیگ لە وڵات شام و ئیران، وەلێ کاریگەری بەرزەپاڵەپەستۆی کەشوهەوایی رویکەشی لە ئاسمان وڵاتەگە وە هوکاریگ نەرێنی هەژمار کریەێد و ریگری لە هەر رەوشیگ ناسەقامگیری کەێد، و لەبان ئی بنەما، مەزەنەیل دەسنشان کەن ئەرا وەردەوامبۊن کەشوهەوا سەقامگیرەگە وە شیوەیگ گشتی لە عراق، وەرد نزمەوبۊن پلەیل گەرمی ئەرا چەن رووژیگ.

 عەتیە وەردەوام بۊ لە قسەیلی و وت: دۊر نییه‌خرێدەو بڕیگ ئەور دەرکەفن لە هەردوگ رووژ سێشەممە و چوارشەممە لە بەشەیل پەرتەوازەیگ لە ناوچەی باشووری، کە شایەت بوونە هووکار وارین پرزە یا نمە وارانیگ سووک و دیاریکریاگ (سنووردار)، وەبی مەزەنەیل وە دریژەوبۊن کاریگەرییە وارانییەیل وەرەو گشت شارەیل.

شەفەق نیوز ـ بەغدا

سەرچەوەیگ ئەمنی، ئمڕوو سێشەممە، خەوەردا لە مردن فەرمانبەریگ حکومی وە مدوو رویداویگ هاتوچوی لە ناوڕاس بەغدای پایتەخت.

سەرچەەگە وە ئاژانس شەفەق نیوز وت: رویداویگ لەیەکەوداین لەناوەین دوو ماشین و پلیانیان  رویدا لە نزیک پیەل حارسیە وە ئاراستەی تونیل زەیتون لە ئەنجام خێرایی بەرز و هووشیارنەوین لە ئەنجام خانمە فەرمانبەریگ وەزارەت نەفت گیان لەدەسدا.

وتیش؛ رانندەگەی تر دەسگیرکریا رێکار یاسایی وەرانوەری گیریەێدەوەر، دیاریکرد تەرم قوربانیەگە ئەرا پزیشک دادوەری کلکریا.

شەفەق نیوز - بەغدا / هەولێر

نرخ تەڵای بیگانە و عراقی، ئمڕوو سێشەممە، لە بازاڕەیل بەغداد پایتەخت   و هەولێر پایتەخت هەرێم کوردستان بەرزەوبوی.

پەیامنێر ئاژانس شەفەق نیوز وت: نرخ فرووشتن یەک مسقاڵ عەیار 21 تەڵای خەلیجی و تورکی و ئەوڕوپی لە بازاڕەیل بڕ فرووشتن لە جادەی نەهر بەغداد پایتەخت رەسیە 975 هەزار دینار، و نرخ سەنینی رەسیە 967 هەزار    دینار.

پەیامنێر ئاژانسمان وتیش: نرخ فرووشتن یەک مسقاڵ عەیار 21 تەڵای عراقی هەمیش بەرزەوبوین توومار کرد لەپای 945 دینار  دینار، و نرخ سەنینی رەسیە 937 هەزار دینار.

لەباوەت نرخ تەڵا لە دوکانەیل زەڕنگەری، نرخ فرووشتن یەک مسقاڵ تەڵای خەلیجی عەیار 21 ها ناوەین  یەک 975 هەزار دینار و 985 هەزار دینار، و نرخ فرووشتن یەک مسقاڵ تەڵای عراقی ها ناوەین 945 - و 955 هەزار دینار.

لە هەولێر پایتەخت هەرێم کوردستان، نرخ تەڵا بەرزەوبوی، کە نرخ فرووشتن یەک مسقاڵ تەڵای عەیار 24 رەسیە   1.033، و نرخ فرووشتن یەک مسقاڵ تەڵای عەیار 21 رەسیە   987 هەزا دینار، و نرخ فرووشتن یەک مسقاڵ تەڵای عەیار 18 رەسیە 845 هەزار دینار.

شەفەق نیوز - زیقار/ واست

دوو سەرچەوەی ئاسایش و ناوچەیی لە پارێزگایەیل زیقار و واست، رووژ سێشەممە، خەوەر دان لە توومارکردن دوو حاڵەت خوەیکوشتن ئەرا دوو دویەت وەرد کوشیان گەنجیگ لە ئەنجام وەردەوەردە وەمدوو بازی تووپان.

سەرچەوەیگ ئاسایش لە زیقار ئەرا ئاژانس شەفەق نیوز وت: "دویەتیگ لە سییەیل تەمەنی دەسبرد ئەرا  خوەیکوشتن وە وەکارهاوردن دەرمان مویش لەناو مال خوەیان لە ناوچەی ئیسکان پیشەسازی لە باشوور شار ناسریە"، دیاری کرد  مدووەیل رویداوەگە، وەپای زانیارییەیل سەرەتایی، گلەوخوەد ئەرا تیکچگن دەروینی، لە وەختیگ تەرمەگە  ئەرا فەرمانگەی پزیشکی دادوەری کلکریا تا  رێکارەیل یاسایی تەواوبکریەێد.

لە قەزای دواییش لە زیقار، هەمان سەرچەوە راگەیان، دویەتیگ تر لە بیستەیل تەمەنی  خوەیکوشت وە سزانن خوەی و  وەکارهاوردن بەنزین لەناو مال خوەیان لە قەزاگە کە کەفێدە باکوور خوەرهەڵات پارێزگاگە، دیاریکد  تەرمەگەی  ئەرا پزیشکی دادوەری کلکریا، بی ئەوەگ مدووەیل رویداوەگە تا ئیسە بزانریەد.

سەرچەوەگە ئاشکرا کرد،  لایەنەیل تایبەتمەن لە پارێزگاگە لێکۆڵینەوەیگ واز کردن ئەرا زانین وردەکاری هەردووگ رویداوەگە.

لە پارێزگای واستیش، سەرچەوەیگ ناوچەیی ئەرا ئاژانسەکە وت:  گەنجیگ لە سییەیل تەمەنی وە زەخدارکردن وە چەقۆیگ تیژ کوشیا، لەدویای وەردەوەردیگ  وەمدوو بازی ناوەین تیپەیل جەماوەری ئەرا تووپان، لە سەعاتەیل دیروەخت دویەشەو دوشەممە، لە ناوچەی دجیلی.

دیاریکرد  تەقەلایەیل فریاکەفتن گەنجەگە و گواستنەوەی ئەرا خەستەخانە سەرکەفتی نەبوی لە قورتارکردن ژیانی، لە وەختیگ توومەتبار وە زەخدارکردنەگە ئەرا شوونیگ نادیار وایە.

شەفەق نيوزــ بەغداد/ هەولێر

نرخ دۆلار ئەمریکی وەرانوەر دینار عراقی،  ئمڕوو سێشەممە،  لە بۆرسەی سەرەکی  بەغداد  پایتەخت  و هەولێر بەرزەوبوی .

پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت رەسیە 168900  دینار عراقی وەرانوەر 100 دۆلار ئەمریکی.  رووژ دووشەممە  نرخ دۆلار رەسیە  168600 دینار عراقی وەرانوەر 100 دۆلار ئەمریکی.     

پەیامنێڕمان وتیش؛ نرخ فروو‌شتنی لە دوکانەیل بەغداد  رەسیە 169500 دینار عراقی وەرانوەر 100 دۆلار ئەمریکی، و نرخ سەنینی رەسیە 168500.     

لەهەولێر پایتەخت  هەرێم کوردستانیش نرخ دۆلار بەرزەوبوی، کە نرخ فروشتن رەسیە 169000 عراقی وەرانوەر 100 دۆڵار ئەمریکی، و نرخ سەنینی 168900 عراقی وەرانوەر 100 دۆلار ئەمریکی.

‌  

شەفەق نیوز - بەغداد

وەزیر دارایی فالح ساری، ئمڕوو سێشەممە، ئەرکدار کریەێد وە دابینکردن پویل ئەرا سیستەمەیل وەرگیری ئاسمانی لە کۆریای باشوور، "تا دڵنیا بکەێدەو لە وەهێزکردن توانای عراق ئەرا پاراستن ئاسمانی، لە چوارچمگ پشتیوانیکردن پلانەیل نواچگن توانایەیل وەرگیری هاز چەکدار".

یەیش لە وەخت دیداریگ وەرد وەزیر وەرگری نايف ئەلشمری هات، کە لێکۆڵینەوە کرد چەن کاغەزیگ پەیوەنیدار وە پشتیوانیکردن دەزگای سەربازی و وەهێزکردن توانایەیل هێزەیل چەکدار، وەپای بەیاننامەیگ کە لە وەزارەت دارایی دەرچگ.

وەزیر لە دیدارەگە دووپات کرد لەبان پاداگری وەزارەت ئەرا هاوکاریکردن هێزەیل چەکدار و دابینکردن تەرخانکردنەیل دارایی هەوەجە ئەرا وەهێزکردن توانایەلی، وەتایبەت لە مژار چەکدارکردن و دابینکردن.

لە لای خوەییشەو، وەزیر وەرگری دەسخوەشی کرد ئەرا   پشتیوانیکردن وەزارەت دارایی ئەرا دەزگای سەربازی، و دووپاتکرد کرد لەبان گرنگی وەردەوامبوین هەماهەنگی لە ناوەین هەردوگ لایەن ئەرا جیوەجیکردن کاغەزەیل هاوبەش و وەهێزکردن توانایەیل هازەیل چەکدار و بەرزکردن ئاست ئامادەیی.

شەفەق نیوز - کەرکووک

سەرچەوەیگ ئەمنی، ئمڕوو سێشەممە، خەوەردا وە دەسکردن پرۆسەیگ ئەمنی لە "دووڵ زغەیتوون" کە کەفێدە ناوەین ناحیەی رەشاد و قەزای داقووق لە باشوور پارێزگای کەرکووک، ئەرا مینەکردن تەرم سێ چەکدار لە ریخریاگ داعش، دۊای دوو گورز ئاسمانی کە فڕۆکەیل عراقی لە جۊر F-16 جیوەجییان کردنە.

 سەرچەوەگە ئەرا ئاژانس شەفەق نیوز وت، کە هێزیگ لە سوپای عراقی دەس کردیەسە پرۆسەیگ ماڵین لە ناوچەیل "دووڵ زغەیتوون"، ئەرا مینەکردن ئەو تەرمەیلە کە گومان کریەێد خاوەنەیلیان لە دەرەنجام ئەو دوو گورز ئاسمانییە کوشیانە کە بنکەیل ریخریایەگە لە ناوچەگە کردنەسە ئامانج.

 دیاری کرد کە پرۆسەگە وە پاڵپشتی ئاسمانی لە فڕۆکەوانی سوپا وەڕیەو چگ، لە وەختیگ هێزە ئەمنییەیل وەردەوامن لە پرۆسەیل مینەکردن و وەشکین لە ناوچە ئامانجدارەیل، ئەرا دڵنیابۊن لە دەرەنجامەیل هەردوگ گورزەگە و پەیاکردن تەرم کوشیاگەیل.

 ئی ئۆپراسیۆن ئەمنییە هاووەختە وەرد جیوەجیکردن گورزیگ ئاسمانی لەلایەن فڕۆکەیل جەنگی F-16 سەر وە هێز ئاسمانی عراقی، دۊکە دووشەممە، کە حەشارگەیگ ریخریاگ داعش لە دووڵ زغەیتوون لەناو کەرت کەرکووک کردە ئامانج، وەپەی ئەوەگ سەرچەوەیگ ئەمنی ئەرا ئاژانس شەفەق نیوز خەوەری دا، و دۊای ئەوەیش نویسینگەی فەرماندەی گشتی هێزە چەکدارەیل ئی زانیارییەیلە دووپات کرد، وە دەسنشانکردن ئەوە کە گورزەگە جیوەجی کریاس لەبان بنەمای زانیارییەیل هەواڵگری هۊرد لە وەڕێوەبەرایەتی هەواڵگری سەربازییەو، و دۊای ئەوەگ یەکەیل چەودیاری جۊلەی سێ تیرۆریست لە کەرتەگە کردنە.

شەفەق نیوز ـ دیالە

سەرچەوەیگ ئەمنی لە دیالە، ئمڕوو دووشەممە، خەوەردا لە پەیاکردن تەرم مناڵیگ لە چەم خریسان باشوور شار بەعقوبە.

سەرچەوەگە وە ئاژانس شەفەق نیوز وت، هاوڵاتیەیل تەرم مناڵیگ خنکیاگ لە ئاو پەیاکردن کە وەبان ئاو کەفتیە لە چەم بزایەر بهروز لە باشوور شار بەعقوبە لە پارێزگای دیالە و دەسوەجی پۆلیس لێ خەوەردار کریاس.

دیاریکرد، هێزەیل ئەمنی رەسینەس شوین رویداوەگە و تەرمەگە دراوردن و ئەرا پزیشک دادوەری کلیکردن ئەرا تەواوکردن رێکارەیل یاسایی.

شەفەق نيوز- بەغداد/ هەولێر 

نرخ دۆلار ئەمریکی وەرانەور دینار عراقی، ئمڕوو دووشەممە، وەگەرد بەسیان بۆرسەیل سەرەکی بەغداد پایتەخت، و لە هەولێر پایتەخت هەرێم کوردستان، بەرزەوبوین توومار کرد.

پەیامنێر ئاژانس شەفەق نیوز وت کە بۆرسەیل سەرەکی کیفاح و حارسیە لە بەغدای پایتەخت، ئیوارەی ئمڕوو، لەبان نرخ 168800 دينار عراقی 100 دۆلار ئەمریکی دەرەیلیان بەسان.

شەوەکی ئمڕوو، نرخ 100 دۆلار ئەمریکی رەسیە 168600 دينار عراقی.

پەیامنێر ئاژانسمان وتیش کە نرخ فرووشتن و سەنین لە دوکانەیل ناوخوەیی بەغداد بەرزەو بوی، کە نرخ فرووشتن 100 دۆلار ئەمریکی رەسیە 169250 دينار عراقی، و نرخ سەنینی رەسیە 168250 دينار.

لە هەولێر پایتەخت هەرێم کوردستان، نرخ دۆلار هەمیش وەگەرد بەسیان بۆرسە بەرزەو بوی، کە نرخ فرووشتن 100 دۆلار ئەمریکی رەسیە 168800 دينار عراقی، و نرخ سەنینی رەسیە 168700 دينار.

شەفەق نیوز - بەغداد

وەڕێوەبەرایەتی وەرگری شارستانی، رووژ دووشەممە، راگەیان لە کۆنترۆڵکردن ئاگریگ کە لەناو ئەمباریگ ئەرا پڕناڵ لە بازاڕ شۆرجە لە ناوڕاس بەغدای پایتەخت هەڵسیا، وەبی توومارکردن هیچ زیانیگ گیانی.

و وەڕێوەبەرایەتییەگە لە بەیاننامەیگ کە رەسیە ئاژانس شەفەق نیوز وت، کە تیمەیلی تۊنستن، ئاگرەگە کپەو بکەن و وە تەواوی کۆنترۆڵی بکەن.

دیاری کرد کە مەفرەزەیلی وەرەو شوین رۊداوەگە چگن دەسوەجێ دۊای وەرگن ئاگادارکردنەگە، و دەس کردنە پرۆسەیل کپەوکردن و رۊوەرۊبۊنی، و تۊنستن ئاگرەگە دەورە بیەن و ریگری بکەن لە تەشەنەکردنی وەرەو ئەمبارەیل و دوکانەیل شانی، وتیش کە زیانەیلە تەنیا لە لایەنە ماددییەیل بۊن.

شەفەق نیوز - بابل

پۆلیس پارێزگای بابل، ئمڕوو دووشەممە، خەوەردا وە پەیاکردن تەرم "مناڵیگ"، کە دۊکە لە یەکیگ لە ئاواییەیل باشوور شار حیلە سەنتەر پارێزگاگە گوم بۊد.

 قسەکەر پۆلیس بابل عەمید عەممار شەممەری، ئەرا ئاژانس شەفەق نیوز وت، کە تەرم مناڵەگە نیمەڕو ئمڕوو پەیا کریاس، لە ناوچەی روفەیعات، لەناو کەرت بنکەی پۆلیس شوهەدا، وە دیاریکردن ئەوە کە زانیارییە سەرەتاییەیل نشان دەن کە رۊداوەگە تاوانکارییە، و لێکۆڵینەوەیل لەی وەختە وەردەوامن ئەرا ئاشکراکردن هۊردەکارییەیلی.

 لە چوارچیوەیگ پەیوەندیدار، وەڕێوەبەرایەتی پەروەردەی بابل دیاری کرد کە ئەو مناڵە وە ناو رەهەف خوەنەوارە لە پۆل یەکەم سەرەتایی لە مەکتەو سەلمان محمدی سەرەتایی سەر وە قەزای کفل، وە ئاماژەداین وەرەو ئەوەگ کە دۊکە یەکشەممە رفایاگە.

و وەڕێوەبەرایەتییەگە زیای کرد کە دەوام مەکتەوەگە شەوەکیانە بۊە، و رۊداوەگە لە ساعەت سێی ئیوارەی رۊ دایە، لە وەخت دەرچگن مناڵەگە لە ماڵ کەسوکاری، واتە دۊای دەوام مەکتەو.

شەفەق نیوز - بەغداد

زانیارییەیل وەزارەت دارایی تایبەت وە جیوەجیکردن بودجەی فیدڕاڵی تا کۆتایی مانگ ئەیلول/ سێپتەمبەر 2026، نیشان دان کە بڕ گشتی داهاتەیل عراق رەسیەسە نزیکەی 52.822 ترلیۆن دینار، لە وەختیگ داهاتە نەفتییەیل نزیکەی 76% لە بڕ سەرچەوەیل دەوڵەت هاوردنە.

وەپەی ئەو زانیارییەیلە کە ئاژانس شەفەق نیوز چەوی کەفتەسە پیان، داهاتە نەفتییەیل رەسینەسە نزیکەی 40.202 ترلیۆن دینار، لە وەرانوەر داهاتەیل نانەفتی کە رەسینەسە نزیکەی 12.620 ترلیۆن دینار، کە یەکسانە وە نزیکەی 24% لە بڕ گشتی داهاتەیل.

 زانیارییەیل نیشان دان کە بڕ گشتی داهاتەیل عراق رەسیەسە نزیکەی 52.822 ترلیۆن دینار، لە وەرانوەر بڕ گشتی خەرجییەیل کە رەسیەسە نزیکەی 85.680 ترلیۆن دینار، کە واتە توومارکردن کەلینیگ لە ناوەین داهاتەیل و خەرجییەیل وە بڕ نزیکەی 32.858 ترلیۆن دینار.

 قەرەبووەیل فەرمانبەرەیل کەفتنە نوای بەندەیل خەرجکردن ئیسە وە باییگ کە رەسیە نزیکەی 46.135 ترلیۆن دینار، دۊای ئەوەیش خەرجییەیل چەودیاری کۆمەڵایەتی هاتن وە بڕ نزیکەی 20.572 ترلیۆن دینار، دۊاتر بەخشین و دەسمیەتی و سوود و خەرجییەیل ترەک وە بڕ نزیکەی 7.601 ترلیۆن دینار.

 هەمیش خەرجییەیل هەوەجەیل کاڵایی رەسیەسە نزیکەی 3.007 ترلیۆن دینار، و هەوەجەیل خزمەتگوزاری نزیکەی 203.9 ملیار دینار، لە وەختیگ خەرجییەیل پاراستن سامانەیل نزیکەی 57.7 ملیار دینار توومار کردنە.

 وەی جۊرە زانیارییەیل جیوەجیکردن بودجەگە، وەردەوامبۊن فراوانەوبۊن کەلینەگە لە ناوەین داهاتەیل دەوڵەت و خەرجییەیلی ئاشکرا کەن، کە خەرجییەیل رەد بڕ گشتی داهاتەیل کردن وە بڕ نزیکەی 32.9 ترلیۆن دینار لە ماوەی نۆ مانگ یەکەم لە ساڵ 2026، هاووەخت وەرد وەردەوامبۊن پشت بەسین دارایی گشتی وە داهاتە نەفتییەیل کە نزیکەی سێ چارەک لە بڕ گشتی سەرچەوەیل هاوردنە.

 لەبان بنەمای وەراورد ساڵانە، داهاتەیل بودجەی فیدڕاڵی عراقی نزمەو بۊنە ئەرا نزیکەی 52.822 ترلیۆن دینار تا ئەیلول 2026، وە وەراورد وەرد نزیکەی 91.168 ترلیۆن دینار ئەرا هەمان ماوە لە ساڵ 2025، وە نزمەوبۊنیگ کە رەسیەسە نزیکەی 38.347 ترلیۆن دینار، و وە رێژەی 42.1%.

 ئی داوەزیانە لە دەرەنجام نزمەوبۊن داهاتە نەفتییەیل هات وەرەو نزیکەی 40.202 ترلیۆن دینار، وە وەراورد وەرد نزیکەی 81.749 ترلیۆن دینار لە وەرانوەر ساڵ 2025، وە داوەزیانیگ کە رەسیە 50.8%، لە وەختیگ داهاتە نانەفتییەیل بەرزەو بۊنە ئەرا نزیکەی 12.620 ترلیۆن دینار، لە وەرانوەر 9.420 ترلیۆن دینار، وە زیایبۊنیگ کە رەسیە 34%.

شەفەق نیوز - بەغدا / هەولێر

نرخ تەڵای بیگانە و عراقی، ئمڕوو دووشەممە، لە بازاڕەیل بەغداد پایتەخت   و هەولێر پایتەخت هەرێم کوردستان بەرزەوبوی.

پەیامنێر ئاژانس شەفەق نیوز وت: نرخ فرووشتن یەک مسقاڵ عەیار 21 تەڵای خەلیجی و تورکی و ئەوڕوپی لە بازاڕەیل بڕ فرووشتن لە جادەی نەهر بەغداد پایتەخت رەسیە 967 هەزار دینار، و نرخ سەنینی رەسیە 963 هەزار    دینار.

پەیامنێر ئاژانسمان وتیش: نرخ فرووشتن یەک مسقاڵ عەیار 21 تەڵای عراقی هەمیش بەرزەوبوین توومار کرد لەپای 937 دینار  دینار، و نرخ سەنینی رەسیە 933 هەزار دینار.

لەباوەت نرخ تەڵا لە دوکانەیل زەڕنگەری، نرخ فرووشتن یەک مسقاڵ تەڵای خەلیجی عەیار 21 ها ناوەین  یەک 970 هەزار دینار و 980 هەزار دینار، و نرخ فرووشتن یەک مسقاڵ تەڵای عراقی ها ناوەین 940 - و 950 هەزار دینار.

لە هەولێر پایتەخت هەرێم کوردستان، نرخ تەڵا بەرزەوبوی، کە نرخ فرووشتن یەک مسقاڵ تەڵای عەیار 24 رەسیە   1.027دینار، و نرخ فرووشتن یەک مسقاڵ تەڵای عەیار 21 رەسیە   982 هەزا دینار، و نرخ فرووشتن یەک مسقاڵ تەڵای عەیار 18 رەسیە 842 هەزار دینار.

 شەفەق نیوز- بەغداد/ هەولێر 

نرخ دۆلار ئەمریکی وەرانبەر دینار عراقی، شەوەکی ئمڕوو دوشەممە، لە بازاڕەیل بەغدای پایتەخت  جیگیربوی  و لە هەولێر بەرزەوبوی.

پەیامنێر ئاژانس شەفەق نیوز وت: "نرخ دۆلار لە بۆرسەی کیفاح و حارسیەی ناوەندی لە بەغدا رەسیە 168600 دینار ئەرا هەر 100 دۆلاریگ،  نرخ دۆلار لە رووژ دویەکە یەکشەممە  بوی".

لە دوکانەیل ئاڵشتکردن پویل  لە بازاڕە ناوخۆییەیل بەغدا، نرخ فرووشتن لەبان 169000 دینار جێگیر بوی، و نرخ سەننیش  رەسیە 168000 دینار ئەرا هەر 100 دۆلاریگ.

لەباوەت وە هەولێریش، بازاڕەیل نرخەیل بەرزەوبوی نرخ فرووشتن رەسیە 168450 دینار، و نرخ سەنینش 168350 دینار بوی وەرانوەر هەر 100 دۆلاریگ.

شەفەق نیوز ـ بەغداد

سەرچەوەیگ ئەمنی، ئمڕوو دووشەممە، خەوەردا لە دەسگیرکردن پیای و ژنیگ لە ناوچەی کەرادەی بەغدا وەپای مادەی 28 لە یاسای هووشبەر، و دەسگیریا وەبان کەرەستەیل کیشان و تەرازوو ئەلکترۆنی کە وەپیان بوی و کە وە مەبەست بڵاوکردن مادەگە وەکاری هاوردنە.

لە رویداویگ جیا، سەرچەوەگە وە ئاژانس شەفەق نیوز وت، هێزەیل ئەمنی توومەتباریگ لەداڵگبوی 2006 دەسگیرکردن وەپای فەرمان مادەی 6 لە یاسای بازرگانیکردن وە مرۆڤ، یەیش لەدویای دانان کوڵە ئەرای لە ناوچەی حەی جیهاد بەغدا، لەدویای وەدویاچگن و لێکۆڵینەوەی ئەمنی.

سەرچەوەگە راگەیان هێزەیل ماڵ توومەتبارەگە وشنینە دەسگردنە وەبان قنینیە گاز بویچگ و فەندەک و لویلە کە ئەرا کیشان مادەی هووشبەر وەکارهاوریاس، و ئەو کەسەیلترەک کە لەناو ماڵەگەبوین کە دویەتیگ لەداڵگبوی 2009 دانشتگ هەولێر و دوو گەنج لەداڵگبویەیل 2004 و2003 بوین.

رادەس وەڕێوەبەرایەتی رویوەرویبوین بازرگانی وە مرۆڤ کریان ئەرا وەرگردن رێکار یاسایی وەرانوەریان.

شەفەق نیوز - سەڵاحەدین

سەرچەوەیگ ناوچەیی لە پارێزگای سەڵاحەدین، رووژ دوشەممە، خەوەر دا  زانیارییەیل سەرەتایی دیاریکەن ئەرا  درۆنیگ کە کێڵگەی گازی کۆرمۆر لە ناوچەی چەمچەماڵ لە پارێزگای سلێمانی ئامانج گرت، لە ناوچەیگ  دەوروپشت قەزای دوز خورماتوو وشنیاس.

سەرچەوەگە ئەرا ئاژانس شەفەق نیوز وت:  دەزگایەیل تایبەتمەن وەردەوامن لە لێکۆڵینەوە و گەردین ئەرا دیاریکردن شوین دروس وشانەگە و ئەو لایەنە کە لەپشت پەلامارەگەس، و چەوڕێ ئەنجامەیل لێکۆڵینەوەیەیل ئەمنی و تەکنیکین لە ئێ دۆسیەن.

کێڵگەگە  ها لە قەزای چەمچەماڵ کەفتە وەر پەلاماریگ وە درۆنیگ کە یەکیگ لە دامەزراوەیلی ئامانج گرد لە وەختیگ زانیارییەیل سەرەتایی دیاریکەن ئەرا   نەکەفتن زەرەد  گیانی، باوج کارەیل بەرهەمهاوردن و کلکردن گاز لەلی وە تەواوەتی وسیا.

لەدویای پەلامارەگە، فەرماندەی گشتی هێزەیل چەکدار علی فالح زەیدی، فەرمان دا وە دروسکردن لیژنەیگ لێکۆڵینەی هاوبەش وەرد دەزگایەیل تایبەتمەن لە هەرێم کوردستان، ئەرا ئاگاداربوین لە جویر دەسدرویژیەگە.

شەفەق نيوز- بەغداد/ هەولێر 

نرخ دۆلار ئەمریکی وەرانەور دینار عراقی، ئمڕوو یەکشەممە، وەگەرد بەسیان بۆرسەیل سەرەکی بەغداد پایتەخت، و لە هەولێر پایتەخت هەرێم کوردستان، داوەزیان توومار کرد.

پەیامنێر ئاژانس شەفەق نیوز وت کە بۆرسەیل سەرەکی کیفاح و حارسیە لە بەغدای پایتەخت، ئیوارەی ئمڕوو، لەبان نرخ 168400 دينار عراقی وەرانەور 100 دۆلار ئەمریکی دەرەیلیان بەسان.

شەوەکی ئمڕوو، نرخ 100 دۆلار ئەمریکی رەسیە 168600 دينار عراقی.

پەیامنێر ئاژانسمان وتیش کە نرخ فرووشتن و سەنین لە دوکانەیل ناوخوەیی بەغداد جیگیر بوی، کە نرخ فرووشتن 100 دۆلار ئەمریکی رەسیە 169000 دينار عراقی، و نرخ سەنینی رەسیە 168000 دينار.

لە هەولێر پایتەخت هەرێم کوردستان، نرخ دۆلار هەمیش وەگەرد بەسیان بۆرسە داوەزیان توومار کرد، کە نرخ فرووشتن 100 دۆلار ئەمریکی رەسیە 168350 دينار عراقی، و نرخ سەنینی رەسیە 168250 دينار.

شەفەق نیوز - کەرکووک

سەرچەوەیگ ناوخۆیی لە پارێزگای کەرکووک، رووژ یەکشەممە، ئاشکرا کرد لە بەرزەوبۊن ئاستەیل ئاو چەم زێی خوار، یەکیگ لە لقەیل چەم دیجلە، لە دەرەنجام وارانە رفتەیل کە ناوچەیل باکوور و سنووری لە ماوەی سەعاتەیل گوزەشتە وەخوەیان دۊنستنە.

 سەرچەوەگە ئەرا ئاژانس شەفەق نیوز وت، کە بڕەیل ئەو ئاوە کە رەوانە بوون وەرەو رێڕەو زێی خوار بەرزەو بۊن وە هووکار وارانەیل و لافاوەیل هاتگ لە ناوچەیل باکوورییەو، کە بۊە هووکار زیایبۊن ئاستەیل چەمەگە وە شیوەیگ دیار، وە دیاریکردن ئەوە کە بەرزەوبۊن ئاستەیل زێ وە شیوەی پلەپلە رەنگەو دایە لەبان ئاستەیل چەم دیجلە.

 دیاری کرد کە وەردەوامبۊن وارین وارانەیل لە ناوچەیل کەرکووک و هەرێم کوردستان شایەت بوودە هووکار زیایبۊن رەوانەبۊن ئاوەیل لە ماوەی سەعاتەیل ئایەندە، وە تایوەت وەرد وەردەوامبۊن بەرزەوبۊن ئاستەیل شمارەیگ لە دووڵەیل و رێڕەوەیل ئاوی.

سەرچەوەگە وتیش کە لایەنە پسپۆڕەیل وەردەوامن لە چەودیاریکردن جۊلەی ئاو و ئاستەیل چەمەیل و دووڵەیل، لەوەر خوەیئامادەکردن ئەرا هەر بەرزەوبۊنیگ زیایە، و وە تایوەت لەو ناوچەیلە کە نزیکن لە رێڕەو زێی خوار و چەم دیجلە.

شەفەق نیوز ـ ئەنبار

دادگای تاوانەیل ئەنبار، ئمڕوو یەکشەممە، سزای زیندانیکردن هەمیشەیی ئەرا دوو کەس، ژن و پاییگ، دەرکرد وە تاوان بازرگانیکردن وە مادەی هووشبەر.

ئەنجومەن دادگای باڵا لە بەیاننامەیگ وە ئاژانس شەفەق نیوز راگەیان، دەزگایەیل پەیوەنیدار 14 هەزار حەب مادەی ئەمیفیتامین هووشبەر وە زیندانیەل گردنە، دانابوینی ئەرا فروشتن و بڵاوکردنی لەناو وەکارهاوەرەیلی.

وتیش، سزاگە وە پشت بەسان وە سزای مادەی 28/ یەکەم لە یاسای مادە هووشبەر و کاریگەری دەروینیەیل شمارە 50 ساڵ 2017دەرچگە وە مادە هاوبەشەیل  47 و48 و49 لە یاسای سزاداین.

شەفەق نیوز - زیقار

چوار کەس، رووژ یەکشەممە، زەخمدار بۊن، دۊای پەلاماریگ چەکداری کە کەسەیل نادیاریگ سوار ماشینیگ لە جۊر "چارجەر" جیوەجیی کردنە، لە قەزای شەتڕە لە باکوور پارێزگای زیقار.

 سەرچەوەیگ ئەمنی ئەرا ئاژانس شەفەق نیوز وت، کە چەکدارەیل تەقە کردنە وەرەو بریگ لە مەردم لەناو یەکیگ لە ناوچەیل قەزاگە، کە بۊە هووکار زەخمداربۊن چوار کەس لەلیان وە فیشەک.

 دیاری کرد کە پەلامارەگە لەبان بنەمای ناکۆکییەیل هووزانە لە ناوەین هەردوگ لایەنەگە هاتگە، وە دیاریکردن ئەوە کە پەلاماردەرەیل واینە وەرەو شوینیگ نادیار، لە وەختیگ زەخمدارەیل ئەرا نزیکترین بنکەی تەندروسی بریانە ئەرا وەرگردن چارەسەر.

شەفەق نیوز ـ بەغداد/ هەولێر

نرخ تەڵای بیگانە و عراقی، ئمڕوو شەممە، لە بازاڕەیل بەغداد پایتەخت   و هەولێر پایتەخت هەرێم کوردستان جیگیربوی.

پەیامنێر ئاژانس شەفەق نیوز وت: نرخ فرووشتن یەک مسقاڵ عەیار 21 تەڵای خەلیجی و تورکی و ئەوڕوپی لە بازاڕەیل بڕ فرووشتن لە جادەی نەهر بەغداد پایتەخت رەسیە 960 هەزار دینار، و نرخ سەنینی رەسیە 956 هەزار دینار.

پەیامنێر ئاژانسمان وتیش: نرخ فرووشتن یەک مسقاڵ عەیار 21 تەڵای عراقی هەمیش جیگیربوین توومار کرد لەپای  930 هەزار دینار، و نرخ سەنینی رەسیە 926 هەزار .

لەباوەت نرخ تەڵا لە دوکانەیل زەڕنگەری، نرخ فرووشتن یەک مسقاڵ تەڵای خەلیجی عەیار 21 ها ناوەین 960 هەزار دینار و 970 هەزار دینار، و نرخ فرووشتن یەک مسقاڵ تەڵای عراقی ها ناونی 930 هەزار دینار و 940 هەزار دینار.

لە هەولێر پایتەخت هەرێم کوردستان، نرخ تەڵا جیگیربووی، کە نرخ  فرووشتن یەک مسقاڵ تەڵای عەیار 22 رەسیە   1019 هەزار دینار، و نرخ فرووشتن یەک مسقاڵ تەڵای عەیار 21 رەسیە 974  ملیۆن دینار، و نرخ فرووشتن یەک مسقاڵ تەڵای عەیار 18 رەسیە 834 دینار.