Wed, 12 Aug 2026 16:25:58 +0000 ku hourly 3 https://shafaq.com/ku/%D9%87%D9%88%D9%86%D9%87-%D8%B1/%D9%85%D8%B1%D8%AF%D9%86-%D9%88%D8%B1%D8%A7%D9%86-%D8%B1-%D9%86%D8%A7%D9%88%D8%AF%D8%A7%D8%B1-%D8%B1%D8%A7%D9%86-%D8%AD%D8%B3-%D9%86-%D8%AE%D9%88%D8%A7%D8%AC-%D9%85-%D8%B1-%D8%B1-%D8%AC-%D9%84-%D8%AA-%D9%85-%D9%86-94-%D8%B3%D8%A7 https://shafaq.com/ku/%D9%87%D9%88%D9%86%D9%87-%D8%B1/%D9%85%D8%B1%D8%AF%D9%86-%D9%88%D8%B1%D8%A7%D9%86-%D8%B1-%D9%86%D8%A7%D9%88%D8%AF%D8%A7%D8%B1-%D8%B1%D8%A7%D9%86-%D8%AD%D8%B3-%D9%86-%D8%AE%D9%88%D8%A7%D8%AC-%D9%85-%D8%B1-%D8%B1-%D8%AC-%D9%84-%D8%AA-%D9%85-%D9%86-94-%D8%B3%D8%A7 مردن گورانیچر ناودار ئیرانی حسێن خواجە ئەمیری "ئیرەج" لە تەمەن 94 ساڵە

شەفەق نیوز- ئەڵگەردان تایبەت

گورانیچڕ ناودیار ئیرانی حسێن خواجە ئەمیڕی، نازناو هونەری "ئیرەج"، ئمڕوو چوارشەممە گیانی لەدەسدا، لە تەمەنیگ رەسیە 94 ساڵە، دۊای ململانێیگ دریژ وەگەرد بیماری، وەپای میدیایەیل راگەیانن ناوخۆیی و ماڵ مۆسیقای ئیرانی.

 وە پشت بەسین وە راپۆرت ئاژانس "میهر" ئیرانی کە ئاژانس شەفەق نیوز ئەڵگەردانی کردگە، کووچکردگ وە یەکیگ لە ناودارترین کەسایەتییەیل مۆسیقای کلاسیك و گورانی ڕەسەن لە ئیران لەماوەی سەدەی بیسەم هەژمار کریەێد، کە کاروان هونەریی ئەرا چەن دەەیگ دریژەو بۊ کە لەماوەی دەوڵەمەن کەشوهەوای مۆسیقای ناوخۆیی کرد وە بڕیگ فرە لە کارەیل بەناوودەنگ.

خواجە ئەمیری لە ساڵ 1933 لە ئەسفەهان لە خیزانیگ خاوەن بنەما مۆسیقاییەیل لەداڵگ بۊ، و بنەمای گورانی لە بۊچگی لەبان دەس باوگی وەرگرد، وەرجە ئەوەگ بچوود ئەرا تاران پایتەخت ئەرا وەردەوامبۊن لە خوەنستن و گەشەپیدان توانایەیل مۆسیقایی لەژیر سەرپەرشتی کەسایەتییەیل هونەر ئیرانی، و لە سەرەتایان مۆسیقاژەن ئەبو حەسەن سەبا.

لەبان چگنی ئەرا کۆلێژ سەربازی و دەرچگنی وە ئەفسەر، وەلی وەپی خاستر بۊ زۊ خانەنشین بوود ئەرا خوەیدان تەمام وە کار هونەری.

"ئبرەج" ناوبانگی فراوانیگ وەدەس هاورد لە ناوڕاس سەدەی گوزەشتەو لەڕی بەشداری دریژیگ لە بەرنامەی ڕادیۆیی "گلها" (گوڵەیل)، کە زیاتر لە 200 گورانی پیشکەش کرد.

هەمیش دەنگی بەشداری کرد لە دەوڵەمەنکردن سینەمای ئیرانی لەڕی پیشکەشکردن ئەو گورانییەیلە کە هاوڕێ بۊن وەرد 105 فیلم سینەمایی، کە یەیش ئامادەبۊنی لەلای جەماوەر گشتی خەسەو کرد.

 کاروان دریژی هاوکارییگ وەخوەی دی وەگەرد هەڵوژاردیگ لە ناودارترین مۆسیقاژەن و ژەنیارەیل ئیرانی، لەناویان جەلیل شەهناز، و پەرویز یاحەقی، و ئەنوشیروان رووحانی، وەگەرد دەرکردن دەیان ئالبۆم گورانی کە بڵاوبۊن فراوانیگ وەخوەی دی.

 رەخنەگران و شارەزایەیل مۆسیقا لە ئیران رکدارن لەبان ئەوەگ کووچکردگ خاوەن تایبەتمەندی دەنگی بیوینەیگ بۊ کە لە کەلەپوور مۆسیقای ناوخۆیی توومار کریەێد وە "دەنگ تەواوکەر" (شەش دەنگ)، کە تایبەتمەندی بەرزیگ دیرێد وە رووبەر دەنگی فراوان و توانای جۊلەکردن لەناو تەبەقەیل بەرز وە هویرد و قەوارەی دەنگی خوەش.

]]> Wed, 12 Aug 2026 15:36:00 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D9%88-%D9%88-%D8%B1%D8%AF%D9%86-%D9%84%D8%A7%D9%86-%D8%AF%D8%A7%D8%B9%D8%B4-%D8%B1%D8%A7-%D9%88-%D8%A7%D9%85%D8%A7%D9%86%D8%AC-%D8%B1%D8%AF%D9%86-%D8%AF%D8%A7%D9%85-%D8%B2%D8%B1%D8%A7%D9%88-%D8%B1%D9%86-%D9%84-%D9%88-%D8%AA https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D9%88-%D9%88-%D8%B1%D8%AF%D9%86-%D9%84%D8%A7%D9%86-%D8%AF%D8%A7%D8%B9%D8%B4-%D8%B1%D8%A7-%D9%88-%D8%A7%D9%85%D8%A7%D9%86%D8%AC-%D8%B1%D8%AF%D9%86-%D8%AF%D8%A7%D9%85-%D8%B2%D8%B1%D8%A7%D9%88-%D8%B1%D9%86-%D9%84-%D9%88-%D8%AA ‏پویچەوکردن پلانیگ "داعشی" ئەرا وە ئامانجگردن دامەزراوەیگ گرنگ لە کوەیت

‏شەفەق نیوز ـ کوەیت

‏وەزارەت ناوخوەی کوەیت، ئمڕوو چوارشەممە، پویچەوکردن تەقەلای "تیرۆرستیگ" ئاشکراکرد کە یەکیگ لە دامەزراوە گرنگەیل وڵاتەگە کردبویە ئامانج، وەبی ئاشکراکردن هویردەکاری دامەزراوەگە.

‏وەزارەت ناوخوەی کوەیت لە بەیاننامەیگ کە ئاژانس شەفەق نیوز دیەسێ راگەیان، "دەزگای ئەمنی وڵاتەگە توەنست هاوڵاتیگ دەسگیربکەێد سەر وە رێکخریاگ تیرۆرستی داعشە وەرجا وەجی رەسان پلانەگەی".

‏وتیش، "هاوڵاتیەگە راهێنان دروسکردن تەقەمەنیو درۆنوەرگردیە ئەرا وەکارهاوردنی لە وەجی رەسانن پلانەیل تیرۆرستی".

‏

‏

]]> Wed, 12 Aug 2026 15:24:45 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%85-%D8%B3-%D9%88-%D8%A7%D9%85-%D8%A7%D8%B1-%D8%B1-%D8%AF-%D8%A7-%D9%88%D9%88-%D8%A8%D8%A7%D9%88-%D8%A8%D8%A7%D8%B3-%D9%88%D8%A7%D8%B2%D9%87%D8%A7%D9%88%D8%B1%D8%AF%D9%86-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%85-%D8%B3-%D9%88-%D8%A7%D9%85-%D8%A7%D8%B1-%D8%B1-%D8%AF-%D8%A7-%D9%88%D9%88-%D8%A8%D8%A7%D9%88-%D8%A8%D8%A7%D8%B3-%D9%88%D8%A7%D8%B2%D9%87%D8%A7%D9%88%D8%B1%D8%AF%D9%86-%D8%AF مێسی وە پەیامیگ کاریگەر دۊای کووچ باوگی باس وازهاوردن کەێد

شەفەق نیوز- وەدۊاچگن

ئەسارەی ئەرجەنتینی لیۆنێل مێسی باس لە خەفەت قۊلی کرد دۊای مردن باوگی، لە پەیامیگ کاریگەر کە لە هەژمار فەرمی خوەی لە "ئینستاگرام" بڵاوی کردەو، وەگەرد گلەوداین هەسەیل لەدەسدان و ئازاریگ کە لەی ماوەی سەختە ژیەێد.

 مێسی باس لە سەختی قبوولکردن کووچ باوگی کرد، و دووپات کرد کە دیارنەمانی کەل گەورەیگ لە ژیانی هیشتگەسە جی، و هۊرەکردن لە ندین دووارەی تاڵ دیارە و فامستنی سەختە. قسەیل مێسی کاردانەوەیگ فراوان لە ناو شوینکەفتگەيلی دروس کرد، وە تایبەت وەگەرد ئەوەگ لەلی فامیا لە نشانەیل ئەرا گام خاتگ لە کاروان تووپانی دەێد، لە ناو گومانەیل لەباوەت ئەگەر نزیکبۊن کووتایی ریەەی لەناو یاریگەیل.

پەیام سەرکردەی هەڵوژاردەی ئەرجەنتین ئاڵشت بۊ ئەرا مەوقەیگ مرۆیی کاریگەر، دۊای ئەوەگ لایەن سووز مێسی دەرکەفت دۊر لە کەشوهەوای بازیکردن و دەسکەفتە وەرزشییەیل، لە ماڵئاواییگ کە فرەیگ لە پەژارە و سپاسگوزاری ئەرا باوگی هەڵگردۊد.

]]> Wed, 12 Aug 2026 14:33:44 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%B9%D9%80%D9%80%DB%8C%D8%B1%D8%A7%D9%82/%D8%AF%D8%A7%D9%88-%D8%B2-%D8%A7%D9%86-%D9%86%D8%B1%D8%AE-%D8%AF-%D9%84%D8%A7%D8%B1-%D9%88-%D8%B1%D8%AF-%D8%A8-%D8%B3-%D8%A7%D9%86-%D8%A8-%D8%B1%D8%B3-%D9%84-%D8%A8-%D8%BA%D8%AF%D8%A7%D8%AF-%D9%88-%D9%87-%D9%88%D9%84-%D8%B1-1-2-7 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%B9%D9%80%D9%80%DB%8C%D8%B1%D8%A7%D9%82/%D8%AF%D8%A7%D9%88-%D8%B2-%D8%A7%D9%86-%D9%86%D8%B1%D8%AE-%D8%AF-%D9%84%D8%A7%D8%B1-%D9%88-%D8%B1%D8%AF-%D8%A8-%D8%B3-%D8%A7%D9%86-%D8%A8-%D8%B1%D8%B3-%D9%84-%D8%A8-%D8%BA%D8%AF%D8%A7%D8%AF-%D9%88-%D9%87-%D9%88%D9%84-%D8%B1-1-2-7 داوەزیان نرخ دۆلار وەگەرد بەسیان بۆرسەیل بەغداد و هەولێر

شەفەق نيوز- بەغداد/ هەولێر 

نرخ دۆلار ئەمریکی وەرانەور دینار عراقی، ئمڕوو چوارشەممە، وەگەرد بەسیان بۆرسەیل سەرەکی بەغداد پایتەخت، و لە هەولێر پایتەخت هەرێم کوردستان، داوەزیان توومار کرد.

پەیامنێر ئاژانس شەفەق نیوز وت: بۆرسەیل سەرەکی کیفاح و حارسیە لە بەغدای پایتەخت، ئیوارەی ئمڕوو، لەبان نرخ 153100 دينار عراقی وەرانەور 100 دۆلار ئەمریکی دەرەیلیان بەسان.

شەوەکی ئمڕوو، نرخ 100 دۆلار ئەمریکی رەسیە 153300 دينار.

پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد داوەزیا، کە نرخ فرووشتن 100 دۆلار ئەمریکی رەسیە 153500 دينار عراقی، و نرخ سەنینی رەسیە 152500 دينار.

لە هەولێر پایتەخت هەرێم کوردستان، نرخ دۆلار هەمیش وەگەرد بەسیان بۆرسە داوەزیان توومار کرد، کە نرخ فرووشتن 100 دۆلار ئەمریکی رەسیە 153000 دينار عراقی، و نرخ سەنینی رەسیە 152950 دينار.

]]> Wed, 12 Aug 2026 14:28:03 +0000 https://shafaq.com/ku/%D9%88%D8%AA%D9%80%D8%A7%D8%B1/%D9%86%D8%AC-%D9%84-%D9%88%D8%B2-%D8%B1%D9%86-%D9%88-%D8%AF%D8%B1%D9%88%D8%B3-%D8%B1-%D9%84-%D8%A8%D8%A7%D9%86%D8%A7%D9%86 https://shafaq.com/ku/%D9%88%D8%AA%D9%80%D8%A7%D8%B1/%D9%86%D8%AC-%D9%84-%D9%88%D8%B2-%D8%B1%D9%86-%D9%88-%D8%AF%D8%B1%D9%88%D8%B3-%D8%B1-%D9%84-%D8%A8%D8%A7%D9%86%D8%A7%D9%86 گەنجەیل.. وزەی ئیرنگە و دروسکەرەیل بانان

فاتیمە سەڵاح ئەرکەوازی

‏گەنجی تەنیا قۆناغیگ لە تەمەن ئایەم نییە، بەڵم هاز بی پایانیگە و روح زینگیگە کە بزوێنەر سەرەکی ئاڵشتکاری ،و داهێنان، و وەنواچگن کۆمەڵگەی مرۆییە.

‏لەرووژ جیهانی گەنجەیل، جیهان رێز لە کوشان و داهێنان و هیوای نەوەیل نوو گرێد، نەوەیگ کە لەناوەین ئاڵنکاری پیچاوپیچەیل ئمڕوو تەقەلای دروسکردن ئایندەیگ رووشنتر و دادپەروەرانەتر دەێد.

‏رۆل گەنجەیل لە مقیەتیکردن و توونکردن فەرهەنگ و زوان و ناسنامەی نەتەوەیل جویر سەنگ بناغە  و ئەوزەڵکردنە، گەنجەیل خاوەن هویرمان جیاواز و باوەڕ وە خوەی نەک تەنیا بوونە پاسەوان میرات رەسەن وەرین، بەڵکم وە ئامراز هاوچەرخ و دیدگای نوو دەنگ رەسەنایەتی رەسننە جیهان، لە مژارەیل زانست، ئەدەب، هونەر و تەکنەلۆژیا، هەر وەخت دەرفەت و پشتگیری شایستە دریابوود وە گەنجەیل ئەنجامەگەی شۆرش فکری و پیشکەفتن بی وینە بویە.

‏باوجی ئێ هازە گەپ و پۆلاییە هەوەجە وە دەرفەتیگ یەکسان و پەروەردەی سەردەمی و رەخسانن زەمینەی ئەوزەڵدان دیرێد، کۆمەڵگەیگ بڕوا وە توانای گەنجەیل بیاشتوود گوش لەلیان بگرێد، کۆمەڵگەیگ زینگە و وەرەو ئایندە گام نێد.

‏ئمڕوو (12 ئاب) رووژ گەنجەیل، رووژ دووپاتکردن بەڵێنەیلە ئەرا پشتگیری گەنجەیل و داننان وە مافەیلیان و رێزگردن لەو شەکەتیە ک رووژانە ئەرا بونیاتنان بانانیگ خاستر کیشن، گەنج نەک تەنیا ئایندە، بەڵکم ئیرنگە و زەمینەی سەرەکی ئاڵشتکاریە، با ئمڕوو بوودە رووژ وە هویرهاوردن باوەڕداشتن وە توان گەنجیگ باوەرداشتنە وە رووشنایی ئایندەی گشت مرۆڤایەتی، جویر ئەوەگ  نێلسۆن ماندێلا ئوشێد:

‏"گەنجەیل ئمڕوو، بیناسازەیل ئایندەن. ئەگەر بانانیگ رووشن توایمن، بایەت ئمڕوو باوەڕ وە توانایەیلیان بیاشتویمن".

‏ 

‏

‏

]]> Wed, 12 Aug 2026 14:23:58 +0000 https://shafaq.com/ku/%D9%87%D9%88%D9%86%D9%87-%D8%B1/%D9%85%D8%A7%D9%84-%D9%85%D8%AD-%D9%85-%D8%AF-%D8%A7%D9%87-%D9%86-%D8%AE-%D8%B1%D8%AE%D9%88%D8%A7%D8%B2-%D9%84-%D8%B3%D9%84-%D9%85%D8%A7%D9%86-%D8%B1%D8%A7-%D8%B4%D8%AA-%D8%B1-%D8%AE-%D8%B3-%D8%AE%D8%A7%D9%86-%D9%87-%D9%88%D8%A7-%D8%B3%D8%A7%D8%B2-%D8%AF https://shafaq.com/ku/%D9%87%D9%88%D9%86%D9%87-%D8%B1/%D9%85%D8%A7%D9%84-%D9%85%D8%AD-%D9%85-%D8%AF-%D8%A7%D9%87-%D9%86-%D8%AE-%D8%B1%D8%AE%D9%88%D8%A7%D8%B2-%D9%84-%D8%B3%D9%84-%D9%85%D8%A7%D9%86-%D8%B1%D8%A7-%D8%B4%D8%AA-%D8%B1-%D8%AE-%D8%B3-%D8%AE%D8%A7%D9%86-%D9%87-%D9%88%D8%A7-%D8%B3%D8%A7%D8%B2-%D8%AF ‏کەمال محەمەد ئاهەنگیگ خێرخوازی لە سلێمانی ئەرا پشتگیری خەسەخانەی هیوا ساز کەێد

‏شەفەق نیوز ـ سلێمانی

‏هونەرمەن کورد کەمال محەمەد، ئمڕوو چوارشەممە، رێکخسن ئاهەنگیگ گۆرانی خێرخوازی لە شار سلێمانی راگەیان، کە گشت داهاتەگەی ئەرا پشتگیری خەسەخانەی هیوا دانرێد کە تایبەتمەنە وە دەرمانکردن بیمارەیل شێرپەنجە، لە وەختیگ ئامادەیی خوەی نیشان دا ئەرا سازکردن ئاهەنگیگ جویر ئەوەگ لە بەرژەوەنی خەسەخانەی  نانەکەلی لە هەولێر کریا.

‏کەمال، لە کۆنگرەیگ رووژنامەوانی کە ئاژانس شەفەق نیوز ئامادەی بوی، وت: ئاهەنگەگە لە 27 ئاب/ئۆگەست 2026 لە هۆڵ هونەر (تەلار هونەر) لە سلێمانی ساز کریەێد، و دیاری کرد کە داهاتەیل وەدەس هاتگی ئەرا بەرژەوەنی خەسەخانەی هیوا دانرێد.

‏دیاریکرد: "خوەشحاڵم کە دەرفەتیگ ئەرا من فەراهەم بوود ئەرا پێشکەشکردن هاوکاری وە خەسەخانەی هیوا"، و دووپاتکرد  هونەرمەنەیل بەشیگن لە ئی وڵاتە، و ئەرکیان ئەوەس ئەوەگ توەنن پێشکەش بکەن ئەرا خزمەتکردن کۆمەڵگە و پشتگیری هاووڵاتییەیل.

‏کەماڵ  ئامادەیی خوەی نیشاندا ئەرا رێکخسن ئاهەنگیگ خێرخوازی ترەک لە هەولێر ئەرا پشتگیری خەستەخانەی نانەکەلی، ئەگەر ئاسانکارییەیل هەوەجەکریاگ ئەرا سازکردن فەراهەم بوود، و ئاشکرا کرد  هونەرمەنەیل توەنن ئامادەبوونیان و هونەرەگەیان لە گامەیل مرۆیی و خزمەتکردن کۆمەڵگە وەکاربارن.

‏

‏

‏

]]> Wed, 12 Aug 2026 13:35:57 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D9%85-%D9%86-%D9%83-%D9%81%D8%AA%D9%86-%D9%88%D8%B4-%D8%A7%D9%86-%D9%88-%D9%84%D8%A7%D9%85%D8%A7%D8%B1-%D9%87-%D8%B2-%D9%84-%D8%AD-%D9%88%D9%85-%D9%88-%D8%A8%D8%A7%D9%86-%D8%B1%D8%AF-%D9%88%D8%A8-%D9%86-%D8%AD%D9%88%D9%88%D8%B3-%D9%84 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D9%85-%D9%86-%D9%83-%D9%81%D8%AA%D9%86-%D9%88%D8%B4-%D8%A7%D9%86-%D9%88-%D9%84%D8%A7%D9%85%D8%A7%D8%B1-%D9%87-%D8%B2-%D9%84-%D8%AD-%D9%88%D9%85-%D9%88-%D8%A8%D8%A7%D9%86-%D8%B1%D8%AF-%D9%88%D8%A8-%D9%86-%D8%AD%D9%88%D9%88%D8%B3-%D9%84 یەمەن.. كەفتن کوشیانیگ وە پەلامار هیزەیل حکومی وەبان گردەوبۊن حووسیەیل

شەفەق نیوز- سەنعا

هیزەیل سەر وە حکومەت یەمەنی، ئمڕوو چوارشەممە، راگەیان لە ئامانجگردن گردەوبۊنەیل گرووپ ئەنسارولڵای "حووسیەیل" لە خوەراوای شار قەعتەبە لە باکوور پارێزگای زالع.

 میدیایەیل راگەیانن عەرەبی، لە هیزەیل چەکدار سەر وە حکومەت یەمەنی وتن کە پەلامارەگە وە فرۆکەیل بیفڕۆکەوان جیوەجی کریاس، و بۊەسە مدوو کوشیان شمارەیگ لە حووسیەیل، وە بی دیاریکردن شمارەیان.

میدیایەیل راگەیانن وتنیش کە هیزەیل حکومی چوار فرۆکەی بیفڕۆکەوان سەر وە حووسیەیل لە باکوور مەئریب خستنەسە خوارەو.

وەگەرد یەیش، میدیایەیل راگەیانن سەر وە حووسیەیل، خەوەردان لە پالاماریگ تووپخانەیی لەلایەن هیزەیل سعودی، نیمەڕۊ ئمڕوو، کە ئامانج شمارەیگ لە ناوچەیل لە وەڕێوەبەرایەتی زاهر سنووری گردگە، وە بی هۊردەکارییگ زیاتر.

 حووسیەیل وەردەوامن لە ئامانجگردن هیزەیل حکومی یەمەنی، وەگەرد پەلامارەیل لەبان کەشتیەیل بازرگانی و هەڵگرەیل نەفت لە دەریای سوور لەلای گەروو باب ئەلمەندەب، کە دۊاترینیان دۊکە سێشەممە بۊ، کە پاسەوان کەناراوەیل یەمەنی کوشیان شەش کەس و زەخمداربۊن دە کەس ترەک وە پەلاماریگ راگەیان کە کەشتییگ بازرگانی لە باب ئەلمەندەب کردە ئامانج.

]]> Wed, 12 Aug 2026 13:06:33 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%B9%D9%80%D9%80%DB%8C%D8%B1%D8%A7%D9%82/%D9%88%D8%B4-%D8%A7%D9%86-%D9%88-%D8%B2-%D8%AE%D9%85%D8%AF%D8%A7%D8%B1-3-%D9%86-%D9%88-%D8%B1%D8%AF-%D8%A7-%D9%88-%D9%88-%D8%B1%D8%AF-%D9%88-%D8%B1%D8%AF-%D8%AE-%D8%B2%D8%A7%D9%86-%D9%84-%D8%AF-%D8%A7%D9%84 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%B9%D9%80%D9%80%DB%8C%D8%B1%D8%A7%D9%82/%D9%88%D8%B4-%D8%A7%D9%86-%D9%88-%D8%B2-%D8%AE%D9%85%D8%AF%D8%A7%D8%B1-3-%D9%86-%D9%88-%D8%B1%D8%AF-%D8%A7-%D9%88-%D9%88-%D8%B1%D8%AF-%D9%88-%D8%B1%D8%AF-%D8%AE-%D8%B2%D8%A7%D9%86-%D9%84-%D8%AF-%D8%A7%D9%84 ‏کوشیان و زەخمداری 3 ژن وەگەرد پیایگ وە وەردەوەردەیگ خیزانی لە دیالە

‏شەفەق نیوز ـ دیالە

‏سەرچەوەیگ ئەمنی لە پارێزگای دیالە، ئمڕوو چوارشەممە، خەوەردا لە کوشیان دوو ژن و زەخمداری سێیەمیان وەگەرد پیایگ وە مدوو وەردەوەردەیگ خیزانی کە  وە "نەهوە" ناسریاگە لە باکوور خوەرهەڵات پارێزگاگە کە کوڕەگە ئەرای هەس نەیلێد ئامووزای شۊ بکەێد.

‏سەرچەوەگە وە ئاژانس شەفەق نیوز وت، مەرافەیگ خیزانی لە یەکیگ لە ئاوایەیل قەزای خانەقین رویدایە رەسیەس ئەرا وەکارهاوردن چەک لە ئەنجام دوو ژن کوشیان و ژنیگ و پیایگیش زەخمداربویە. 

‏سەرچەوەگە وتیش؛ هیزەیل ئەمنی رەسینە و ئاخڵەی ئەمنی دانە لە دەوروگەرد ئاوایەگە، و دەسکریاس وە ئۆپراسیۆن مینەکردن ئەرا دەسگیرکردن تاوانبارەگە.

‏

‏

]]> Wed, 12 Aug 2026 12:53:23 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%B9%D9%80%D9%80%DB%8C%D8%B1%D8%A7%D9%82/%D9%86%D8%AC-%D8%B4%D8%A7%D8%B1-%D8%B9%D8%B1%D8%A7%D9%82-%D9%84-%D9%86%D8%A7%D9%88-%D9%84-%D8%B3%D8%AA-%D8%B1%D9%85%D8%AA%D8%B1-%D9%86-%D9%86%D8%A7%D9%88-%D9%84-%D8%AC-%D9%87%D8%A7%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%B9%D9%80%D9%80%DB%8C%D8%B1%D8%A7%D9%82/%D9%86%D8%AC-%D8%B4%D8%A7%D8%B1-%D8%B9%D8%B1%D8%A7%D9%82-%D9%84-%D9%86%D8%A7%D9%88-%D9%84-%D8%B3%D8%AA-%D8%B1%D9%85%D8%AA%D8%B1-%D9%86-%D9%86%D8%A7%D9%88-%D9%84-%D8%AC-%D9%87%D8%A7%D9%86 پەنج شار عراقی لەناو لیست گەرمترین ناوچەیل جەهان

شەفەق نیوز- وەدۊاچگن

داتایەیل چەودیاری کەشوهەوای جەهانی، ئمڕوو چوارشەممە، دەرخستن توومارکردن 5 ناوچەی عراقی لەناو لیست بەرزترین 15 پلەی گەرمی لەبان ئاست جەهان لەماوەی چوار و بیس سەعات گوزەشتە.

بالدی بیکۆن لە بەلیز کەفتە سەرەتای لیستەگە، دۊای ئەوەگ 53.3 پلەی سەدی توومار کرد، و دۊای ئەو ئومیدیەی ئیرانی وە 50.2 پلەی سەدی، ئیجا بەندەر ماهشەهر ئیرانی و فرۆکەخانەی ناودەوڵەتی کوێت وە 49.9 پلەی سەدی ئەرا هەر یەکیگیان.

 بستان ئیرانی لە پلەی پەنجەم جەهانی هات، وە پلەی گەرمییگ کە رەسیە 49.8 پلەی سەدی، لە وەختیگ فڕگەی بەسرەی ناودەوڵەتی عراقی لە پلەی شەشەم هات، دۊای ئەوەگ 49.7 پلەی سەدی توومار کرد.

 میهران ئیرانی لە پلەی هەفتەم هات وە 49.5 پلەی سەدی، و دۊای ئەو ئابادان ئیرانی وە 49.4 پلەی سەدی، لە وەختیگ ناحیەی کووت حەی عراقی لە پلەی نۆهەم جەهانی هات، وە پلەیگ کە رەسیە 49.3 پلەی سەدی.

 دیهلەران ئیرانی 49.2 پلەی سەدی توومار کرد تا بچوودە پلەی دەيەم، وە یەکسانی وەگەرد ریفاعی عراقی کە لە پلەی یانزهەم هات وە خود پلە.

 سەفی ئاباد دزفووڵ ئیرانی لە پلەی دوازدەم جەهانی هات، وە پلەی گەرمییگ کە رەسیە 49 پلەی سەدی، لە وەختیگ ناسریەی عراقی لە پلەی سیانزەهەم هات، و سەماوەی عراقی لە پلەی چواردەهەم، دۊای ئەوەگ 48.9 پلەی سەدی توومار کردن ئەرا هەر یەکیگیان.

ئەهواز ئیرانی لیست بەرزترین 15 پلەی گەرمی لە جەهان کووتایی هاورد، دۊای ئەوەگ 48.8 پلەی سەدی توومار کرد.

]]> Wed, 12 Aug 2026 11:48:59 +0000 https://shafaq.com/ku/%D9%88%D8%AA%D9%80%D8%A7%D8%B1/%D9%86%D8%A8%D8%A7%D8%B1-%D8%B2-%D8%AE%D9%85%D8%AF%D8%A7%D8%B1%D8%A8-%D9%86-4-%D8%B3-%D9%88-%D8%A7-%D8%B1-%D9%84-%D8%A7%D8%B1-%D8%BA%D8%A7%D8%B2-%D9%84-%D9%82%D8%A7-%D9%85-%D8%AF https://shafaq.com/ku/%D9%88%D8%AA%D9%80%D8%A7%D8%B1/%D9%86%D8%A8%D8%A7%D8%B1-%D8%B2-%D8%AE%D9%85%D8%AF%D8%A7%D8%B1%D8%A8-%D9%86-4-%D8%B3-%D9%88-%D8%A7-%D8%B1-%D9%84-%D8%A7%D8%B1-%D8%BA%D8%A7%D8%B2-%D9%84-%D9%82%D8%A7-%D9%85-%D8%AF ئەنبار.. زەخمداربۊن 4 کەس وە ئاگریگ لە کارگەیگ غاز لە قائیم (ڤیدیۆ)

شەفەق نیوز- ئەنبار

سەرچەوەیگ ئەمنی، ئمڕوو چوارشەممە، خەوەردا لە هیزگردن ئاگریگ لەناو کارگەیگ غاز ئەهلی لە قەزای قائیم لە خوەراوای پارێزگای ئەنبار.

سەرچەوەگە ئەرا ئاژانس شەفەق نیوز وت، کە تیمەیل وەرگری شارستانی تۊنستن کۆنتڕۆڵ ئاگرەگە بکەن، لە وەختیگ کار کردن لەبان چووڵکردن ماشینەیل نزیک لە شوین ئاگرەگە و رزگارکردنیان.

وتیش کە رۊداوەگە بۊە مدوو زەخمداربۊن چوار کەس، کە بریان ئەرا خەسەخانەی قائیم ئەرا وەرگردن چارەسەر، بی ئەوەگ بڕ زەرەدەیل ماددی لە ئەنجام ئاگرەگە بزانرێد.

]]> Wed, 12 Aug 2026 11:43:12 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%B9%D9%80%D9%80%DB%8C%D8%B1%D8%A7%D9%82/%D9%85%D8%B1%D8%AF%D9%86-%D8%B3-%D9%88-%D8%B2-%D8%AE%D9%85%D8%AF%D8%A7%D8%B1-18-%D8%B3-%D9%88-%D8%B1%D9%88-%D8%AF%D8%A7%D9%88-%D9%84-%D9%87%D8%A7%D8%AA%D9%88-%D9%88-%D8%AC-%D8%A7%D8%AC-%D8%A7-%D9%84-%D9%86-%D9%86-%D9%88%D8%A7-%D9%84-%D9%85%D8%A7%D9%88-24-%D8%B3%D8%A7%D8%B9-%D8%AA https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%B9%D9%80%D9%80%DB%8C%D8%B1%D8%A7%D9%82/%D9%85%D8%B1%D8%AF%D9%86-%D8%B3-%D9%88-%D8%B2-%D8%AE%D9%85%D8%AF%D8%A7%D8%B1-18-%D8%B3-%D9%88-%D8%B1%D9%88-%D8%AF%D8%A7%D9%88-%D9%84-%D9%87%D8%A7%D8%AA%D9%88-%D9%88-%D8%AC-%D8%A7%D8%AC-%D8%A7-%D9%84-%D9%86-%D9%86-%D9%88%D8%A7-%D9%84-%D9%85%D8%A7%D9%88-24-%D8%B3%D8%A7%D8%B9-%D8%AA ‏مردن کەسیگ و زەخمداری 18 کەس وە رویداوەیل هاتوچو جیاجیا لە نەینەوا لەماوەی 24 ساعەت ‏

‏شەفەق نیوز ـ نەینەوا

‏سەرچەوەیگ ئەمنی لە پارێزگای نەینەوا، ئمڕوو چوارشەممە، خەوەردا لە مردن کەسیگ و زەخمداری 18 کەس وە رویداوەیل جیاواز لە پارێزگاگە لە ماوەی 24 ساعەت گوزەشتە.

‏سەرچەوەگە وە ئاژانس شەفەق نیوز وت، پارێزگاگە نۆ رویداو هاتوچوی جیاواز توومارکردیە لەناوەین لای راست و چەپ موسڵ و شمارەیگ لە قەزا و ناحیەیلی، وتیش؛ لە دیارتین رویداوەیل مردن پیایگە وە رویداو تلانن لە جادەی کەرکوک لە خوەرهەڵات موسڵ.

‏دیاریکرد، لە رویداوەیل ترەک کە بەشەوبوود لەناوەین لەیەکەوداین ماشینەیل و مماتوڕسکیلەیل، لە ئەنجام 18 کەس ئەرا چارەسەرکردن کلکریانەس خەستەخانە، دووپاتکرد، پۆلیس هاتوچوی رێکار  یاسایی هەوەجەکریاگ گردیەسەوەر و کڕکاری هاتوچوی کیشایە ئەرا  دیاریکردن مدوو رویداوەیل.

‏

‏

]]> Wed, 12 Aug 2026 11:03:02 +0000 https://shafaq.com/ku/%D9%88%D8%AA%D9%80%D8%A7%D8%B1/%D8%A8-%D8%BA%D8%AF%D8%A7%D8%AF-%D8%A8%D9%88%D9%88-%D9%86-%D9%84-%D8%AA-%D8%A7%D9%86-%D9%88-6-%D8%AF-%D8%B3-%D8%B1-%D8%B1%D8%AF%D9%86-%D9%88-%D9%84%D8%A7%D8%AF%D8%A7-%D9%86-8-%D8%B4%D9%88-%D9%86-%D8%B1%D8%A7-%D8%AA%D8%A7%D9%88%D8%A7%D9%86%D9%86-%D8%A7%D9%86%D8%B2%D8%A7-%D9%84-%D8%AF-%D8%AF https://shafaq.com/ku/%D9%88%D8%AA%D9%80%D8%A7%D8%B1/%D8%A8-%D8%BA%D8%AF%D8%A7%D8%AF-%D8%A8%D9%88%D9%88-%D9%86-%D9%84-%D8%AA-%D8%A7%D9%86-%D9%88-6-%D8%AF-%D8%B3-%D8%B1-%D8%B1%D8%AF%D9%86-%D9%88-%D9%84%D8%A7%D8%AF%D8%A7-%D9%86-8-%D8%B4%D9%88-%D9%86-%D8%B1%D8%A7-%D8%AA%D8%A7%D9%88%D8%A7%D9%86%D9%86-%D8%A7%D9%86%D8%B2%D8%A7-%D9%84-%D8%AF-%D8%AF بەغداد.. "بووە گەنەیل" تەکان وە 6 دەسگیرکردن و لاداین 8 شوین ئەرا تاوانن کانزایەیل دەێد

شەفەق نیوز- بەغداد

فەرماندەیی پرۆسەیل بەغداد، ئمڕوو چوارشەممە، راگەیان بەسانن دوو کارگەی بی مووڵەت و لاداین 8 شوین کە کۊرەی تاوانن کانزایەیل لەخوەی گرێد، وەگەرد دەسگیرکردن شەش سەرپێچیکار لە خاوەنەیلیان، لە ناوچەی سەبع قسوور لە خوەرهەڵات پایتەخت.

 فەرماندەییەگە لە بەیاننامەیگ کە رەسیە ئاژانس شەفەق نیوز دیاری کرد، کە دەسەی فەرمان دیوانی (241285)، وە هاوبەشی وەگەرد مەفرەزەیل دەزگای ئاسایش نیشتمانی و پولیس ژینگەی رەسافە و شارەوانی شەعب، ئەرکەیلیگ ئەرا هۊردبینیکردن و بەسانن کارگەیل و کۊرەیل تاوانن کانزا بی مووڵەتەیل جیوەجی کردنە.

وتیش کە هەڵمەتەگە بۊە مدوو بەسانن دوو کارگە ئەرا بەرهەمهاوردن قاپوقاچاخ ماڵ، لەوەر پابەند نەۊنیان وە رێنماییە کارپیکریاگەیل، و لاداین هەشت شوین کە کۊرەیل تاوانن کانزایەیل لەخوەی گرێد لەوەر سەرپێچیکردنیان لە مەرجە ژینگەییەیل، لەوەر ئەوەگ بۊنەسە مدوو زەرەدەیل لەبان تەندروسی و بیوەیی هاووڵاتیەیل.

 فەرماندەییەگە باس  دەسگیرکردن شەش سەرپێچیکار لە خاوەنەیل ئەو شوینەیلە کرد، و دووپات کرد کە ئی رێکارەیلە لە چوارچیوەی کەمەوکردن پیسبۊن ژینگەیی تیەێد کە لە دەرچگن گازەیل و بووەیل هاوڕێ وەرد پرۆسەیل بەرهەمهاوردن کەفێدەو.

 لە وەختیگ زۊتر لە ئمڕوو، روانگەی "عراق سەوز" تایبەتمەن وە کاروبارەیل ژینگە، هوشداری دا لە دووارەبۊن دیاردەی بڵاوبۊن بووە گەنەیل لە بەغداد لەماوەی رووژەیل ئایندە دا، و ئەوەیش گلەو دا ئەرا وەردەوامبۊن سەرچەوەیل پیسبۊن و چارەسەرنەکردنیان وە شیوەیگ بنەڕەتی.

دانیشتگەیل بەغدای پایتەخت داد کەن لە بڵاوبۊن بووە گەنەیلیگ کە بڕیگیان وەسفی کردن وە تیکەڵبۊگ وە بوو کبریت، لە وەختیگ دانیشتگەیلیگ لە ناوچەیل باشوور پایتەخت دەسنشان کردن ئەرا ئەگەر گریەدانی وە سزانن گەناڵخە لە ناوچەی نەهرەوان و شوینەیل نزیک لە سەربازگەی رەشید.

]]> Wed, 12 Aug 2026 10:40:41 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%85%D8%A7%D8%B3-%D9%86-%D8%AE%D8%B4-%D8%B4-%D8%AF-%D8%B1%D8%A7-%D8%AF%D8%B1%D9%88%D8%B3-%D8%B1%D8%AF%D9%86-%D9%88%D8%B1%D8%A7%D8%AA%D8%B1-%D9%86-%D8%A7%D8%B1-%D9%84-%D8%AC-%D9%87%D8%A7%D9%86-%D9%88-%D8%A8-%D8%B1%D9%87-%D9%85%D9%87%D8%A7%D9%88%D8%B1%D8%AF%D9%86-120-%D9%85%D9%84-%D8%A7%D8%B1-%D8%AF-%D9%84%D8%A7%D8%B1 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%85%D8%A7%D8%B3-%D9%86-%D8%AE%D8%B4-%D8%B4-%D8%AF-%D8%B1%D8%A7-%D8%AF%D8%B1%D9%88%D8%B3-%D8%B1%D8%AF%D9%86-%D9%88%D8%B1%D8%A7%D8%AA%D8%B1-%D9%86-%D8%A7%D8%B1-%D9%84-%D8%AC-%D9%87%D8%A7%D9%86-%D9%88-%D8%A8-%D8%B1%D9%87-%D9%85%D9%87%D8%A7%D9%88%D8%B1%D8%AF%D9%86-120-%D9%85%D9%84-%D8%A7%D8%B1-%D8%AF-%D9%84%D8%A7%D8%B1 ماسک نەخشە کێشێد ئەرا دروسکردن گەوراترین کارگەی چیپ لە جەهان وە بەرهەمهاوردن 120 ملیار دۆلار

شەفەق نیوز- وەدۊاچگن

ملیاردێر ئەمریکی ئیلۆن ماسک نەخشە کیشێد ئەرا دروسکردن کارگەیگ گەپ ئەرا بەرهەمهاوردن نیمچەئەسنەیل لە ویلایەت تەکساس، وە رووبەریگ کە رەسێدە 9.3 ملیۆن مەتر چوارگووشە، لە پرۆژەیگ کە هەردوگ کۆمپانیای "تێسلا" و "سپەیس ئێکس" گرەو لەبانی کەن ئەرا پڕەوکردن هەوەجەی رووژوەرووژ زیاتربۊیان لە چیپەیل و توانایەیل ژمێرکاری گریەدریاگ وە زیرەکی دەسکرد.

هەردوگ کۆمپانیای "تێسلا" و "سپەیس ئێکس" نیاز دیرن کارگەی "تێرافاب" لە کەرت گرایمز لە ویلایەت تەکساس دروس بکەن، تا لەژیر یەک قەواسەی پرۆسەیل دروستردن چیپەیل و پارچەیل هویرگە، لەشان پیچانن پیشکەفتگ و تاقیکردن گردەو بکەێد.

 وەپای زانیارییە سەرەتاییەیل، بەهای بەرهەمهاوردن لە قۆناغ یەکەم لە پرۆژەگە رەسێدە زیاتر لە 16.8 ملیار دۆلار، وەگەرد چەوەڕیکردنەیل وە ئەوەگ بەهای پرۆژەگە هەگ تەواو بوود بڕەسێدە نزیکەی 120 ملیار دۆلار، لە وەختیگ نزیکەی 3 هەزار دەرفەت کار دابین کەێد.

 ماسک، لە بڵاوکریاییگ لەبان سەکوو "ئێکس"، وت، کە هەردوگ کۆمپانیاگەی ئامادەکاری کەن ئەرا دەسکرن وە دروسکردن "گەوراترین پرۆژە ئەرا دروسکردن چیپەیل"، کە ناوەین لۆژیک و هویرگە و پیچانن پیشکەفتگ لەژێر یەک خانگ گردەو کەێد، وە ئامانج بەرهەمهاوردن چیپەیل زیرەکی دەسکرد لەبان ئاستیگ فراوان ئەرا وەکارهاوردنەیل زەمینی و ئاسمانی.

پرۆژەی "تێرافاب" لەبان رووبەریگ دریژەو بوود کە رەسێدە نزیکەی 9.3 ملیۆن مەتر چوارگووشە، یانی ئەوەگ یەکسانە وە زیاتر لە 100 ملیۆن پای چوارگووشە، کە ئەگەر جیوەجی بوود، وە جیاوازییگ فرە گەوراتر بوود لە ناوەند "نیو سینچری گڵۆباڵ سەنتەر" لە شار چێنگدۆی چینی، کە رووبەرەگەی رەسێدە نزیکەی 1.76 ملیۆن مەتر چوارگووشە.

 یەیش رووبەر دامەزراوەگەی ماسک زیاتر لە پەنج ئەوەنەی رووبەر بینا چینیەگە بوود کە وە یەکیگ لە گەوراترین بینایەیل لە جەهان هەژمار کریەێد.

تەمەیل پرۆژەگە تەنیا لەبان دروسکردن چیپەیل نووسیاس، کە ئامانج رەسین وە توانایگ بەرهەمهاور دیرێد کە بتۊنێد پاڵپشتی زیاتر لە یەک تێراوات لە هاز ژمێرکاری ساڵانە بکەێد، ئەرا دابینکردن هەوەجەی کۆمپانیایەیل ماسک کە رووژوەرووژ زیاتر بوون لە چارەسەرکەرەیل و توانایەیل ژمێرکاری.

 چەوەڕی کریەێد ئەو چیپەیلە کە لە کارگەگە بەرهەم تیەن لە ماشینەیل "تێسلا" وەکار باریەن، وەگەرد رۆبۆتەیل "ئۆپتیمۆس"، و ژیرخان ژمێرکاری و ئاسمانی سەر وە "سپەیس ئێکس".

 پرۆژەگە لە وەختیگ تیەێد کە هەوەجەی کۆمپانیایەیل تەکنەلۆژیا ئەرا نیمچەڕەسنەیل فرەو بوود، وەگەرد ئەو بازدان زویوەزویە کە لە بەرنامەیل زیرەکی دەسکرد و ماشینەیل خوەیئاژوو و رۆبۆتەیل دیرن.

 کۆمپانیایەیل ماسک لەڕی "تێرافاب" تەقەلا دەن پشت بەسانیان وە دابینکەرەیل چیپەیل دەیشتەکی کەمەو بکەن، و کۆنتڕۆڵیگ گەوراتر بەنە گرووپەگە لەبان زنجیرەی بەرهەمهاوردن، لە دەسکردن وە دروسکردن پارچەیل تا رەسێدە پیچانن و تاقیکردن.

 ئی تەواوکارییە، لە ئەگەر سەرکەفتنی، تۊنێد توانایگ گەوراتر بەێدە کۆمپانیایەیل ماسک ئەرا کۆنتڕۆڵکردن لەبان خەرج بەرهەمهاوردن و زنجیرەیل دابینکردن، لەشان کەمەوکردن رخبارییەیل کەموکوڵی لە چیپەیل یا ئاڵووزییەیل دابینکردن.

 ماڵپەڕەگە توانای بەرهەمهاوردن ئایندەیی ئەرا پرۆژەگە بەسێدەو وە نەخشەیل فراوانتر کە بەرهەمهاوردن ئەوەگ رەسێدە ملیۆنیگ رۆبۆت لە جۊر "تێسلا ئۆپتیمۆس" لەخوەی گرێد، وەگەرد رەوانەکردن ئەوەگ رەسێدە 10 ملیۆن تەن لە کاڵا ئەرا ئاسمان ساڵانە، لەشان زیاتر لە یەک تێراوات لە وزەی خوەر.

 "سپەیس ئێکس" نیاز تەیرێد تەواو خەرج پرۆژەگە وە تەنیا بگرێدە خوەی، چۊنکە کۆمپانیای "تێرافاب" هەشت داواکاری پیشکەش کردگە ئەرا وەرگردن هاندەرەیل باجی ئەرا دوو ناوچەی فێرکاری ناوخۆیی، لەناو بەرنامەی "تیجی" لە تەکساس.

 کۆمپانیاگە تەقەلا دەێد، لەڕی داواکارییەیلەو، بنەمای ئەو بەها دیاری بکەێد کە وەپای ئەو ریژەیگ لە باجەیل ماڵداری مەکتەوی ئەرا ماوەی دە ساڵ لە هەر گامیگ لە گامەیل پرۆژەگە هەژمار کریەێد.

 کۆمپانیاگە دیاری کرد کە نەوین ئی هاندەرەیل شایەت بوودە مدوو داوەزیان داهات لەبان بەرهەمهاوردن لە کەمترین ئاست داواکریاگ،  وتیش کە ویلایەتەیل رکابەر، لەناویان ئەریزۆنا، شایەت مەرجەیل ئابووری گونجیاگتر پیشکەش بکەن.

 وەپای داواکارییە پیشکەشکریاگەیل، دەس نەکەفتن ئی هاندەرەیلە تۊنست گاڵ کۆمپانیاگەو بیەێد ئەرا ئاڵشتکردن پرۆژەگە ئەرا دەیشت تەکساس.

لە وەرانوەر ئەوە، دەسەڵاتەیل ویلایەتەگە ئامادەیی خوەیان ئەرا پشتیوانیکردن پرۆژەگە نیشان دان، چۊنکە تەکساس وەخششیگ وە بەهای 30 ملیۆن دۆلار لە سندووق تەکساس ئەرا پرۆژەیل دا وە کۆمپانیای "سپەیس ئێکس".

 دوسەڵاتدار ویلایەتەگە وت کە تەکساس "ئەو شوینەس کە هۊرە گەورەیل لەناوی گەشە کەن تا گەوراتر بوون"، و باس "تێرافاب" وە دامەزراوەیگ بیوینە کرد کە تۊنێد بەرهەمهاوردن چیپە ئەلکترۆنییەیل زویترەو بکەێد و هەزاران کار دابین بکەێد.

 پرۆژەی "تێرافاب" لە سای پشت بەسانن پیشەسازی تەکنەلۆژیای ناودەوڵەتی وە شمارەیگ دیاریکریاگ لە کۆمپانیایەیل و ناوچە جوگرافییەیل لە بەرهەمهاوردن نیمچەڕەسنەیل تیەێد، و لە سەرەتایان کۆمپانیایەیل ئاسیایی.

 کۆمپانیایەیل ماسک گرەو لەبان ئەوە کەن کە بەرهەمهاوردن چیپەیل وە ناوخۆیی توانایگ گەوراتر وەپیان دەێد ئەرا رۊوەڕۊبۊن ئاڵووزییەیل دابینکردن ناودەوڵەتی، وە تایبەت وەگەرد بەرزەوبۊن داواکاری لەبان ئەو چارەسەرکەرەیلە کە لە زیرەکی دەسکرد و رۆبۆتەیل و ماشینەیل و سیستەمەیل ئاسمانی وەکار تیەن.

 وە یەوە "تێرافاب" تەنیا کارگەیگ نوو لەناو سامانەیل "تێسلا" و "سپەیس ئێکس" نوێنەرایەتی نیەکێد، بەڵکم تەقەلایگە ئەرا دروسکردن بەشیگ بنەڕەتی لە ژیرخان ژمێرکاری کە ئیمپراتۆریەت ماسک لەماوەی ساڵەیل ئایندە هەوەجەی دیرێد، وەگەرد هاوردن بەشیگ فرە لە زنجیرەی دروسکردن چیپەیل ئەرا ناو ویلایەتە یەکگرتگەیل.

]]> Wed, 12 Aug 2026 10:34:21 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%B1-%D8%A7-%D8%A8%D8%A7%D8%B4%D9%88%D9%88%D8%B1-7-%D8%B1-%D8%AA-%D9%86-%D9%84-%D8%A7%D8%B4-%D8%B1%D8%A7-%D8%AF-%D9%88-%D8%A7%D9%85%D8%A7%D9%86%D8%AC-%D8%AF%D8%A7%D9%88-%D8%B2-%D8%A7%D9%86-%D9%88-%D8%A8%D8%A7%D9%86-%D9%85%D8%A7%D9%86-%D8%AA%D8%A7-%D8%B3%D8%A7-2030-%D8%AF-%D8%B1-%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%B1-%D8%A7-%D8%A8%D8%A7%D8%B4%D9%88%D9%88%D8%B1-7-%D8%B1-%D8%AA-%D9%86-%D9%84-%D8%A7%D8%B4-%D8%B1%D8%A7-%D8%AF-%D9%88-%D8%A7%D9%85%D8%A7%D9%86%D8%AC-%D8%AF%D8%A7%D9%88-%D8%B2-%D8%A7%D9%86-%D9%88-%D8%A8%D8%A7%D9%86-%D9%85%D8%A7%D9%86-%D8%AA%D8%A7-%D8%B3%D8%A7-2030-%D8%AF-%D8%B1-%D8%AF کۆریای باشوور 7 پرۆژەی تەکنەلۆژی ئاشکرا کەێد و ئامانج داوەزیان وەبان مانگ تا ساڵ 2030 دیرێد

شەفەق نیوز- وەدۊاچگن

کۆریای باشوور، ئمڕوو چوارشەممە، ئاشکرای ستراتیژیەتیگ تەکنەلۆژی تەمادار کرد کە هەفت پرۆژەی سەرەکی لە بوارەیل وزەی ناوەکی و ژمێرکاری بڕی (کوانتۆم) و ئاسمان و تەکنەلۆژیای زیندەیی لەخوەی گرێد، لە چوارچیوەی تەقەلایەیلی ئەرا پەیاکردن بزوێنەرەیل گەشەی نوو کە لە پشت بەسانن وە نیمچەگەڕەسنەیل و زیرەکی دەسکرد رەد بکەێد.

 دەسپێشخەری "سێڤن مێجەر سید"، کە لە دیداریگ وە سەرۆکایەتی سەرۆک کۆریای باشوور لی جای میۆنج راگەیەنیا، ئامانجەیلیگ لەخوەی گرێد کە نیشتن وەبان روی مانگ تا ساڵ 2030، و گەشەپیدان کۆمپیوتەریگ بڕی ناوخۆیی وە توانای 100 کیوبیت تا ساڵ 2029، وەگەرد بازاڕکردن بازرگانی ئەرا بەرهەمەیل روکار مێشک و کۆمپیوتەر تا ساڵ 2035 لەخوەی گرێد.

وەزیر زانستەیل پای کیۆنج-هۆن وت، کە هەفت پرۆژەگە کارلەیەکەرە ناوەکییە بۊچگە پێوەرییەیل، و وزەی یەکگردن ناوەکی، و وزەی نووەوبۊ لە نەوەی هاتگ، و تەکنەلۆژیای بڕی، و ئاسمان و فڕین، و تەکنەلۆژیای زیندەیی پیشکەفتگ، و زنجیرەیل دابینکردن کانزا و مادە بنەڕەتییەیل لەخوەی گرێد.

 نەخشەگە ئامانج دیرێد ئەرا خەسەوکردن توانای کۆریای باشوور لەبان روویەڕووبۊن خاوەوبۊن گەشەی ئابووری چەوەڕیکریاگ لەبان مەودای دریژ، و سوودوەرگردن لە تەکنیکە نووەیلە کە دی گرنگی رووژوەرووژ زیاتریگ وەدەس تیەرن لەبان هەردوگ ئاست ئابووری و ئەمنی.

 کیۆنج-هۆن وت کە حکومەتەگە کار کەێد لەبان پشتیوانیکردن ئی پرۆژەیلە ئەرا گەشەپیدان، وە ئامانج دروسکردن "کۆریای باشووریگ کە هیچیگ ترەک لەماوەی 10 یا 20 ساڵ وینەی نەوود".

]]> Wed, 12 Aug 2026 09:57:02 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%B1-%D9%84-%D9%85%D9%84%D9%85%D9%84%D8%A7%D9%86-%D9%81%D8%B1-%D9%88-%D8%A8%D9%88%D9%88%D9%86-%D8%AA-%D9%86-%D8%AA%D9%88%D9%88%D9%85-%D8%AA%D8%A8%D8%A7%D8%B1-%D9%86%D8%A7%D8%AA-%D8%AF-%D9%88-%D8%AF%D8%B2-%D8%B1%D8%AF%D9%86-%D8%B1%D8%A7-%D9%86%D8%A7%D9%88-%D8%B2-%D8%B1-%D8%A7-%D8%A7%D8%B1%D8%A7%D9%85 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%B1-%D9%84-%D9%85%D9%84%D9%85%D9%84%D8%A7%D9%86-%D9%81%D8%B1-%D9%88-%D8%A8%D9%88%D9%88%D9%86-%D8%AA-%D9%86-%D8%AA%D9%88%D9%88%D9%85-%D8%AA%D8%A8%D8%A7%D8%B1-%D9%86%D8%A7%D8%AA-%D8%AF-%D9%88-%D8%AF%D8%B2-%D8%B1%D8%AF%D9%86-%D8%B1%D8%A7-%D9%86%D8%A7%D9%88-%D8%B2-%D8%B1-%D8%A7-%D8%A7%D8%B1%D8%A7%D9%85 "ئەگەرەیل ململانێ فرەو بوون".. پۊتین توومەتبار "ناتۆ" کەێد وە دزە کردن ئەرا ناو زەریای ئارام

شەفەق نیوز- مۆسکۆ

ڤلادیمیر پۊتین، سەرۆک رووسیا، ئمڕوو چوارشەممە، توومەتبار هاوپەیمان باکوور ئەتڵەسی "ناتۆ" کرد کە "دزە کەێد" ئەرا ناوچەی زەریای ئارام، و هوشداری دا لە زیابۊن ئەگەرەیل هەڵگیرسیان جەنگ لە ناوچەگە، و باس بڵاوکردن یا نەخشەکیشان ئەرا بڵاوکردن سیستەمەیل چەک نوو و دروسکردن باڵەیل سەربازی و سیاسی لەناوی کرد.

یەیش ئامادەبۊنی لە قۆناغ کووتایی لە مانۆڕەیل کەشتییەیل زەریای ئارام رووسی لە شار یوجنۆ-ساخالینسک لە ئەوپەڕ خوەرهەڵات رووسیا هات، کە وت: "دۊنیمن، وەداخەو، کە ئەگەر هەڵگیرسیان جەنگ لەیرە (لە زەریای ئارام) فرەو بوود، هاوپەیمان ناتۆ دزە کەێدە ئێرە، و باڵەیل سەربازی و سیاسی نۊ دروس بوون، و سیستەمەیل چەک نوو بڵاو کریەێد یا نەخشە ئەرای کیشیەێد لێرە بڵاو بکریەێد، کە یەیش هەڕەشەیل لەبان وڵاتەگەمان دیرێد".

 پۊتین دووپات کرد کە مانۆڕەیل کەشتیەیل زەریای هێمن ئارام ئەرا مقیەتیکردن لە ئامادەیی جەنگی ئەرا کەشتییەیل و مقیەتیکردن بەرژەوەنی و ئاسایش رووسییەیل لە ناوچەی ئاسیا و زەریای ئارام، وەگەرد خەسەوکردن توانایەیل سەربازی رووسیا لە ناوچەگە، وباس هەوەجەی سوودوەرگردن لە "ئەزموون ئۆپراسیۆنە سەربازییە تایبەتەگە" کرد.

 وتیش کە پیادەی دەریایی سەر وە کەشتیەیل زەریای ئارام توانای جیوەجیکردن گشت ئەرکە جەنگییەیل دیرن، و دەسخوەشی لە ئازایەتی و پیشەییبوین و پاڵەوانیتییان کرد.

 لەباوەت ژاپۆن، پۊتین وت کە تۆکیۆ، رووسیا خستە ناو، "ئەرا یەکەمین جار"، ناوچەی سەرچەوەیل هەڕەشەی سەرەکی لە نوترین بەڵگەنامەیل هویروباوەڕی سەربازیی خوەی، و لە خود وەخت دووپات کرد کە مۆسکۆ هەڕەشەیگ ئەرا ژاپۆن دروس نیەکەێد و هیچ بانگەشەیگ دژی نەیرێد.

 سەرۆک رووسیا رەخنە لەو سزایەیلە گرد کە ژاپۆن لەبان وڵاتەگەی چەسپانیە لەبان باکگراوەند جەنگ لە ئۆکرانیا، و وت کە قسەکردن لەباوەت ئەگەر دەسگردن وەبان کەشتیەیل رووسی و فرووشتن موڵکەیل رووسی نوێنەرایەتی، "چەتەیی و تاڵانی" کەێد، و هوشداری دا لەوەگ جیوەجیکردن جۊر ئی رێکارەیلە لەبان زەوی هیلید مۆسکۆ وە هەمان شیوە وەڵام بەێد، تەنانەت لە ناوچەی وەرپرسیاریەتی کەشتیگەل زەریای ئارامیش.

لە وەرانوەر ئەوە، پۊتین دووپات لە ئامادەیی رووسیا کرد ئەرا مینەکردن چارەسەرەیل ناوەنجی وەگەرد هاوسایەیل و هاوبەشەیلی، لەڕۊ بەرژەوەنییە هاوبەشەیلەو، وتیش کە مۆسکۆ وەردەوامە لە خەسەوکردن ئاسایش خوەی لە ناوچە جیاجیایەیل.

و مانۆڕەیل کەشتیگەل زەریای ئارام رووسیا لە 4 ئاب ئیسەوە وەڕیەوە چوود وە سەرکردایەتی فەرماندەی کەشتیەیل ئەدمیراڵ ڤیکتۆر لینا، و نزیکەی 60 کەشتی و ژیرئاوگەرد و کەشتی پاڵپشتی لەناوی بەشداری کەن، و 30 فرۆکە و هێلیکۆپتەر و فرۆکەی بیفڕۆکەوان، و زیاتر لە 13 هەزار سەرباز.

 مەشقەیل لە ئاوەیل دەریای ژاپۆن و دەریای ئۆخۆتسک و بەش باکوور خوەراوای لە زەریای ئارام جیوەجی کریەێد، لە وەختیگ پۊتین وەدۊاچگن ئەرا قۆناغ کووتایی لەبانی کرد لەبان کەشتییە مووشەکییەگەی "ڤاریاگ".

]]> Wed, 12 Aug 2026 09:39:27 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B4%D9%88%D9%87-%D9%88%D8%A7-48-%D8%B3%D8%A7%D8%B9-%D8%AA-%D8%A7-%D9%86%D8%AF-%D9%84-%D9%87-%D8%B1-%D9%85-%D9%88%D8%B1%D8%AF%D8%B3%D8%AA%D8%A7%D9%86-3-5 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B4%D9%88%D9%87-%D9%88%D8%A7-48-%D8%B3%D8%A7%D8%B9-%D8%AA-%D8%A7-%D9%86%D8%AF-%D9%84-%D9%87-%D8%B1-%D9%85-%D9%88%D8%B1%D8%AF%D8%B3%D8%AA%D8%A7%D9%86-3-5 ‏کەشوهەوای 48 ساعەت ئایندە لە هەرێم کوردستان

شەفەق نیوز ـ وەدویاچگن

‏وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو چوارشەممە، کەشوهەوای، دوو رووژ ناوچەگە راگەیان.

‏کەشناسی لە بەیاننامەیگ وت؛ "ئمڕوو ئاسمان وە گشتی نیمە ئەورە دویایی ئەرا رووشن و لەکەئەور ئاڵشتبوود، پلەی گەرمی بڕیگ ناوچە نزمەوبوود و بڕیگ ناوچەش نزیکە لە توومارەیل دویەکە" و مەزەنەکەێد پلەی گەرمی ئمڕوو له هەرێم وەیجویرە بوود: هەولێر: 43°C ، پیرمام: 39°C ، سلێمانی: 41°C ، هەڵەبجە: 43°C ، چەمچەماڵ: 43°C ، دهۆک: 41°C ، زاخۆ: 42°C ، ئاکرێ: 43°C ، گەرمیان: 47°C ، حاجی ئۆمەران: 31°C".

‏دیاریکرد، "سوو پەنجشەممە، ئاسمان ساماڵ و لەکە ئەورە پلەی گەرمی نزیکە لە توومارەیل ئمڕوو".

‏بەرزترین پلەی گەرمی مەزەنەکریاگ ناوچەیل ئەرا سوو پەنجشەممە: "‌‌‌ هەولێر: 43°C ، پیرمام: 39°C ، سلێمانی: 41°C ، هەڵەبجە: 43°C ، چەمچەماڵ: 43°C ، دهۆک: 41°C ، زاخۆ: 42°C ، ئاکرێ: 43°C ، گەرمیان: 47°C ، حاجی ئۆمەران: 31°C".

‏

‏

]]> Wed, 12 Aug 2026 09:12:21 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%B9%D9%80%D9%80%DB%8C%D8%B1%D8%A7%D9%82/%D8%A8-%D8%B1%D8%B2-%D9%88%D8%A8%D9%88-%D9%86-%D9%86%D8%B1%D8%AE-%D8%AA-%D8%A7-%D9%84-%D8%A8-%D8%BA%D8%AF%D8%A7%D8%AF-%D9%88-%D9%87-%D9%88%D9%84-%D8%B1 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%B9%D9%80%D9%80%DB%8C%D8%B1%D8%A7%D9%82/%D8%A8-%D8%B1%D8%B2-%D9%88%D8%A8%D9%88-%D9%86-%D9%86%D8%B1%D8%AE-%D8%AA-%D8%A7-%D9%84-%D8%A8-%D8%BA%D8%AF%D8%A7%D8%AF-%D9%88-%D9%87-%D9%88%D9%84-%D8%B1 ‏بەرزەوبوین نرخ تەڵا لە بەغداد و هەولێر

شەفەق نیوز - بەغدا و هەولێر

‏نرخ تەڵای بیگانە و عراقی، ئمڕوو چوارشەممە، لە بازاڕەیل بەغداد پایتەخت  و هەولێر پایتەخت هەرێم کوردستان بەرزەوبوی.

‏پەیامنێر ئاژانس شەفەق نیوز وت: نرخ فرووشتن یەک مسقاڵ عەیار 21 تەڵای خەلیجی و تورکی و ئەوڕوپی لە بازاڕەیل بڕ فرووشتن لە جادەی نەهر بەغداد پایتەخت رەسیە 957  هەزار دینار، و نرخ سەنینی رەسیە 953 هەزار    دینار.

‏پەیامنێر ئاژانسمان وتیش: نرخ فرووشتن یەک مسقاڵ عەیار 21 تەڵای عراقی هەمیش بەرزەوبوین توومار کرد لەپای 927 دینار  دینار، و نرخ سەنینی رەسیە 923 هەزار دینار.

‏لەباوەت نرخ تەڵا لە دوکانەیل زەڕنگەری، نرخ فرووشتن یەک مسقاڵ تەڵای خەلیجی عەیار 21 ها ناوەین  960 و 970، و نرخ فرووشتن یەک مسقاڵ تەڵای عراقی ها ناوەین 830 - 940 هەزار دینار.

‏لە هەولێر پایتەخت هەرێم کوردستان، نرخ تەڵا بەرزەوبوی، کە نرخ فرووشتن یەک مسقاڵ تەڵای عەیار 24 رەسیە 988 هەزار دینار، و نرخ فرووشتن یەک مسقاڵ تەڵای عەیار 21 رەسیە یەک 945 هەزار دینار، و نرخ فرووشتن یەک مسقاڵ تەڵای عەیار 18 رەسیە 810 هەزار دینار.

‏

]]> Wed, 12 Aug 2026 09:01:11 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%A7-%D8%B3%D8%AA%D8%A7%D9%86-%D9%88%D8%B4-%D8%A7%D9%86-3-%D9%84-%D9%87%D8%A7%D9%88%D9%88-%D8%A7%D8%AA-%D9%84-%D9%84-%D8%AF-%D8%B1-%D8%A7-%D8%B3%D9%88%D9%88%D8%B1-%D9%88-%D9%84%D8%A7%D9%85%D8%A7%D8%B1-%D8%AD%D9%88%D8%B3-%D9%84-%D8%B4%D8%AA-%D8%A7%D8%B3-%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%A7-%D8%B3%D8%AA%D8%A7%D9%86-%D9%88%D8%B4-%D8%A7%D9%86-3-%D9%84-%D9%87%D8%A7%D9%88%D9%88-%D8%A7%D8%AA-%D9%84-%D9%84-%D8%AF-%D8%B1-%D8%A7-%D8%B3%D9%88%D9%88%D8%B1-%D9%88-%D9%84%D8%A7%D9%85%D8%A7%D8%B1-%D8%AD%D9%88%D8%B3-%D9%84-%D8%B4%D8%AA-%D8%A7%D8%B3-%D8%AF ‏پاکستان کوشیان 3 لە هاووڵاتییەیلی لە دەریای سوور وە پەلامار حوسییەیل پشتڕاس کەێد

شەفەق نیوز ـ ئیسلام ئاباد

‏وەزیر دەیشت پاکستان، محەمەد ئیسحاق دار، ئمروو چوارشەممە، کوشیان سێ هاووڵاتی پاکستانی رایگەیان وە مدوو پەلاماریگ کە دویەکە دریا وەبان  کەشتییگ بازرگانی لە دەریای سوور.

‏پاکستان وە توندی پەلامارەگە شەرمەزا کرد، دیاریکرد  ئەلامارەیل گرووپ حوسییەیل  هەڕەشەی رخداریگ ئەرا دەریاوانی و ئاسایش دەریایی و هامشوو کەشتیوانی لە دەریای سوور دروسکردیە.

‏لە گوزەشتەش ئاژانس "رۆیترز" لە دوو سەرچەوە لە پاسەوان دەریایی یەمەنی و وەرپرسەیل سەربازی لە حکومەت راگەیاندبوی کەشتی باربەریگ بویچگ، رووژ سێشەممەی گوزەشتە، کەفتەسە وەر پەلاماریگ حوسییەیل  لە تەنگەی باب ئەلمەندب، کە بویە مدوو کوشیان سێ ئەندام لە دەسەی کەشتیەگە.

‏هەمیش، پاسەوان دەریایی یەمەنی، ئیوارەی رووژ سێشەممەی گوزەشتە راگەیان،  قوربانی و زەخمداری کەفتیە لە پەلاماریگ کە کەشتییگ بازرگانی لە باب ئەلمەندب وە  ئامانج کردبوی، دیاریکردن پەلامارەگە  6 کوشیاگ و 10 زەخمدار وەجی هیشتە.

‏

‏

‏

‏

]]> Wed, 12 Aug 2026 09:00:05 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%B9%D9%80%D9%80%DB%8C%D8%B1%D8%A7%D9%82/%D9%88%D8%B4-%D8%A7%D9%86-%D8%AF%D9%88%D9%88-%D8%B3-%D9%88-%D8%B2-%D8%AE%D9%85%D8%AF%D8%A7%D8%B1-%D8%B3-%D9%85-%D8%B3-%D9%88-%D9%85-%D8%B1%D8%A7%D9%81-%D9%87%D9%88%D9%88%D8%B2%D8%A7%D9%86-%D8%B3-%D8%AE%D8%AA-%D9%84-%D8%AE%D9%88-%D8%B1%D9%87-%D8%A7%D8%AA-%D8%B2-%D9%82%D8%A7%D8%B1 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%B9%D9%80%D9%80%DB%8C%D8%B1%D8%A7%D9%82/%D9%88%D8%B4-%D8%A7%D9%86-%D8%AF%D9%88%D9%88-%D8%B3-%D9%88-%D8%B2-%D8%AE%D9%85%D8%AF%D8%A7%D8%B1-%D8%B3-%D9%85-%D8%B3-%D9%88-%D9%85-%D8%B1%D8%A7%D9%81-%D9%87%D9%88%D9%88%D8%B2%D8%A7%D9%86-%D8%B3-%D8%AE%D8%AA-%D9%84-%D8%AE%D9%88-%D8%B1%D9%87-%D8%A7%D8%AA-%D8%B2-%D9%82%D8%A7%D8%B1 ‏کوشیان دوو کەس و زەخمداری سێیەم کەس وە مەرافەی هووزانەی سەختیگ لە خوەرهەڵات زیقار

‏شەفەق نیوز ـ زیقار

‏سەرچەوەیگ ناوخوەیی، ئمڕوو چوارشەممە، خەوەردا لە کوشیان دوو کەس و زەخمداری کەس سێیەم وە هیزگردن مەرافەی هووزانەی "سەختیگ" وە مدوو رویداو هاتوچو لە قەزای ئەلفهوود لە خوەرهەڵات پارێزگای زیقار.

‏سەرچەوەگە وە ئاژاس شەفەق نیوز وت: مەرافەیگ وە مدوو رویداویگ هاتوچو ماتوڕسکیلیگ سێ چەرخە لە جویر (سەتوتە) دروسبویە، چەک سوک و ناوڕاس وەکار هاوریایە، لە ئەنجام دوو کەس کوشیا کە یەکیگیان کارمەن هێزە ئەمنیەیلە، و  ئەوەکەش زەخمداربوی.

‏سەرچەوەگە وتیش؛ هێزەیل ئەمنی کۆنترۆل شوین مەرافەگە کردنە، و تەرمەیل ئەرا پزیشک دادوەری کلکریان و زەخمدارەگە بریارە نزیکترین بنکەی تەندروسی ئەرا وەرگردن چارەسەر.

‏

‏

]]> Wed, 12 Aug 2026 08:42:44 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B3%D9%84-%D9%85%D8%A7%D9%86-72-%D9%86-%D9%84-%D8%A7-%D8%B3%D8%A7%D8%B2-%D9%88-14-%D8%B3-%D8%A7%D9%86-%D9%88-%D8%AC-%D9%88-%D8%AC-%D8%B1%D8%AF%D9%86-%D8%B3%D8%B2%D8%A7-%D9%84-%D8%B3-%D8%AF%D8%A7%D8%B1-%D8%AF%D8%A7%D9%86%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B3%D9%84-%D9%85%D8%A7%D9%86-72-%D9%86-%D9%84-%D8%A7-%D8%B3%D8%A7%D8%B2-%D9%88-14-%D8%B3-%D8%A7%D9%86-%D9%88-%D8%AC-%D9%88-%D8%AC-%D8%B1%D8%AF%D9%86-%D8%B3%D8%B2%D8%A7-%D9%84-%D8%B3-%D8%AF%D8%A7%D8%B1-%D8%AF%D8%A7%D9%86%D9%86 ‏سلێمانی.. 72 ژن لە چاکسازی و 14 کەسیان چەوەڕی جیوەجیکردن سزای لەسێدارەدانن

‏شەفەق نیوز ـ سلێمانی

‏وەڕێوەبەڕایەتی چاکسازی ژنەیل و مناڵەیل لە سلێمانی، ئمڕوو چوارشەممە، ئاشکرا کرد  72 ژن سزادریاگ وە سزایەیل دادوەری جوراوجویر لە ناو چاکسازی هەس، لە ناویاین 14 سزادریاگ وە لەسێدارەدان،  دووپات کرد لەبان وەردەوامی پێشکەشکردن چەودێری تەندروسی و کۆمەڵایەتی و بەرنامەیل پەروەردەیی و ڕاهێنان ئەرا بەندکریاگەیل.

‏وەڕێوەبەر چاکسازی ژنەیل و مناڵەیل لە سلێمانی، فوئاد جەزا، ئەرا ئاژانس شەفەق نیوز وت، "شمارەی ژنەیل سزادریاگ ئیرنگە لە ناو چاکسازین رەسێدە 72 زیندانی"، دیاریکرد سزایەیل دەرچگ لە وەرانوەریان پەیوەنیدارە وە دۆسیەی جوراوجویر، دیارترینیان کوشتن و دزی و مادەی بیهووشکەر و ساختەکاری.

‏جەزا وت: "لە ناو زیندانیەیل 14 ژن هەس  سزای لەسێدارەدان وەرانوەریان دەرچگە، و چەوڕێ جیوەجیکردن سزاگەن"، دیاریکرد "شمارەی مناڵەیل ناو چاکسازی جێگیر نییە، و ئاڵشتبوود  وەپای حاڵەتەیل هاتگ و چگنەدەێشت".

‏ئاشکرا کرد،  وەڕێوەبەڕایەتی چاکسازی چەودێری تەندروسی و کۆمەڵایەتی ئەرا زیندانیەیل دابین کەێد، چوینکە ئەرا هەر زیندانیگ لە وەخت هاتنەناو فۆرمیگ تایبەت واز کریەێد و کەفێدە ژیر وشکنین پزیشکی، وەرجە بەشەوکردنی وەبان بەش دیاریکریاگ وەپای تەمەن.

‏دیاریکرد ئەرا  رێکخسن خول و بەرنامەی پەروەردەیی و ئەوزەڵداین ئەرا بەندکریاگەیل، وت: شمارەیگ لە لیان لە ماوەی سزاگەیان توەنستنە خوەنین ئامادەیی تەواو بکەن، لە وەختیگ ئەوان ترەک درویژە وە خوەنین زانکۆییان دانە لە ناو چاکسازییەوە.

‏لەباوەت خزمەتگوزاری خوەراک، جەزا دووپات کرد، ژەمەیل پێشکەشکریاگ ئەرا زیندانیەیل "جێگیرە و کاریگەری قەیرانەیل ئابووری یا دارایی لەبانی نییە"، هەمیش دووپاتکد لەبان  ئەوەگ گوزەران زیندانیەیل لە ناو چاکسازی "جێگیرە و ها ژیر کۆنترۆڵ"، وەگەرد وەردەوامی پێشکەشکردن خزمەتگوزارییەیل تەندروسی و کۆمەڵایەتی و راهێنان ئەرایان.

‏

‏

‏

]]> Wed, 12 Aug 2026 08:32:22 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%B9%D9%80%D9%80%DB%8C%D8%B1%D8%A7%D9%82/%D8%A8-%D8%B1%D8%B2-%D9%88%D8%A8%D9%88-%D9%86-%D9%86%D8%B1%D8%AE-%D8%AF-%D9%84%D8%A7%D8%B1-%D9%84-%D8%A8-%D8%BA%D8%AF%D8%A7-%D9%88-%D9%87-%D9%88%D9%84-%D8%B1-0-4-2-2 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%B9%D9%80%D9%80%DB%8C%D8%B1%D8%A7%D9%82/%D8%A8-%D8%B1%D8%B2-%D9%88%D8%A8%D9%88-%D9%86-%D9%86%D8%B1%D8%AE-%D8%AF-%D9%84%D8%A7%D8%B1-%D9%84-%D8%A8-%D8%BA%D8%AF%D8%A7-%D9%88-%D9%87-%D9%88%D9%84-%D8%B1-0-4-2-2 ‏بەرزەوبوین نرخ دۆلار لە بەغدا و هەولێر

‏شەفەق نيوزــ بەغداد/ هەولێر

‏نرخ دۆلار ئەمریکی وەرانوەر دینار عراقی،  ئمڕوو چوارشەممە،  لە بۆرسەی سەرەکی بسەرەکی بەغدادەغداد پایتەخت  و هەولێر بەرزەوبوی .

‏پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت رەسیە153,300  دینار عراقی وەرانوەر 100 دۆلار ئەمریکی.  رووژ سێشەممە  نرخ دۆلار رەسیە 153250 دینار عراقی وەرانوەر 100 دۆلار ئەمریکی.    

‏پەیامنێڕمان وتیش؛ نرخ فروو‌شتنی لە دوکانەیل بەغداد  رەسیە 153750 دینار عراقی وەرانوەر 100 دۆلار ئەمریکی، و نرخ سەنینی رەسیە 152750 دینار.     

‏لەهەولێر پایتەخت  هەرێم کوردستانیش نرخ دۆلار بەرزەوبوی، کە نرخ فروشتن رەسیە 153,350 عراقی وەرانوەر 100 دۆڵار ئەمریکی، و نرخ سەنینی 153,500 عراقی وەرانوەر 100 دۆلار ئەمریکی.

‏‌

]]> Wed, 12 Aug 2026 08:14:32 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%81%D8%AA%D9%86-4-%D8%AF%D8%B1-%D9%86-%D9%84-%D9%87-%D9%84-%D8%B1-%D8%B2-%D8%B1-%D8%AF-%D9%84-%D9%85%D8%A7%D8%AF%D8%AF-%D8%B1-%D8%B3%D9%86-%D8%AF-%D9%88-%D9%87-%D8%B2-%D8%B1%D8%AF%D9%86-%D8%A7-%D8%B1-%D9%84-%D9%88-%D9%85%D8%AF%D9%88%D9%88-%D8%A7%D9%86-%D9%88 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%81%D8%AA%D9%86-4-%D8%AF%D8%B1-%D9%86-%D9%84-%D9%87-%D9%84-%D8%B1-%D8%B2-%D8%B1-%D8%AF-%D9%84-%D9%85%D8%A7%D8%AF%D8%AF-%D8%B1-%D8%B3%D9%86-%D8%AF-%D9%88-%D9%87-%D8%B2-%D8%B1%D8%AF%D9%86-%D8%A7-%D8%B1-%D9%84-%D9%88-%D9%85%D8%AF%D9%88%D9%88-%D8%A7%D9%86-%D9%88 کەفتن 4 درۆن لە هەلێر زەرەدەیل ماددی رەسنێد و هیزگردن ئاگریگ لە کۊیەیگ وە مدوو یەکیگیانەو

شەفەق نیوز - هەولێر

چوار درۆن 

 نادیار، شەوەکی زۊ ئمڕوو چوارشەممە، کەفتنە خوارەو لە ناوچەیل جیاجیای سەر وە ئیدارەی سەروەخوەی "سۆران" لە باکوور پارێزگای هەولێر پایتەخت هەرێم کوردستان، وە بی توومارکردن زیانەیل گیانی وەپای راپۆرتە سەرەتاییەیل.

 وەپای زانیاریەیل جیماگەی یەکیگ لە درۆنەیل کەفتەسە بان ماڵیگ مەدەنی لە سەنتەر قەزای سۆران، کە بۊەسە مدوو زەرەدەیل ماددی لە بیناگە.

 زانیاریەیل نشان دەن کە دوو درۆن ترەک لە نزیک یەکیگ لە ئاواییەیل سەر وە قەزای خەلیفان خریاسە خوارەو، لە وەختیگ فرۆکەی چوارەم کەفتەسە بان کۊیەی "بنی هەریر" لە ناحیەی هەریر، کە بۊەسە مدوو هیزگردن ئاگریگ لە گژوگیای کۊیەگە.

]]> Wed, 12 Aug 2026 07:30:37 +0000 https://shafaq.com/ku/%D8%B4%D9%8A%D8%B9%D8%B1/%D8%B3-%D9%88%D9%86%D8%B2%D9%87 https://shafaq.com/ku/%D8%B4%D9%8A%D8%B9%D8%B1/%D8%B3-%D9%88%D9%86%D8%B2%D9%87 سەونزه

‏‍ ‍ سەونزە بڕەس شینم بکە

‏فکرێ ئەڕاێ چینم بکە

‏مە  گوم بۊ  دەس تونم

‏ خوەد بەو میەنێ نەۊوم بکه 

‏تەرمم بنە لاێ بێستۊن 

‏تا بوومە هاوساێ بێستۊن

‏سەونزە بڕەس یەێ جار تر

‏ خوەد تەرفم و تۊنم بکە

‏هازێ لە گیانم دی نەمەن

‏بارێ وە شانم دی نەمەن

‏سەونزە بڕەس زەردە دڵم

‏هەم ئاو و هەم ڕۊنم بکە

‏سەوەنزە بنووڕ چۊ مردمە

‏لە داخ دەورانەیل تیەڵ

‏سۊنم ڕمانێیە دۊرید 

‏فکرێ ئەڕاێ سۊنم بکە

‏سەونزە بڕەس وەێ ساکییە

‏دڵم لەێ دونیا شاکییە

‏من وە دەس خوەد مردمە

‏خوەد بەو داوای خۊنم بکە

‏مەهوەش سولێمانپووڕ

‏پاییز

‏هەم  خەزانەو دڵتەنگی نیشتەو پەل دار شەوار

‏باوەشێ دووسی بێار و واەدەمان باخ ئەنار

‏خوەت وە تاوەی واز کردیتەس پەڕ شاڵت  ک  "وا"

‏سەردەوا هەم، عەتر گوڵ بیارێ ئەڕامان چۊ وەهار

‏پایزەو  ڕز گرتگەس دەێ دارسانە تێخِ خەێز

‏سازِ واران کوک بکەو بیا، گڕگڕی ڕامان بوار

‏باخِ مەۊ ڕزیاگە ، ڕز ڕز وەلنگ زەردێ  ها زەمین

‏تام ژینێ، خۊنِ گیانێ، کۊزە کۊزە ها وە  دار

‏وەرژە زمسان بیا  ک  یەێ باوش ئەنارِ عشق وەێ

‏سات عومرم  ها دە دەو چۊ ئەسبِ تێژِ  بێ‌سوار

‏ 

 نۊرمراد رزایی

‏

]]> Tue, 11 Aug 2026 20:16:13 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D9%88%D9%84-%D9%85%D8%A8-%D8%A7-%D8%B4%D9%85%D8%A7%D8%B1-%D9%82%D9%88%D8%B1%D8%A8%D8%A7%D9%86-%D9%84-%D8%B2-%D9%88-%D9%84-%D8%B1%D8%B2-%D8%A8-%D8%B1%D8%B2-%D9%88-%D8%A8%D9%88%D9%88%D8%AF-%D8%B1%D8%A7-224-%D9%88%D8%B4-%D8%A7 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D9%88%D9%84-%D9%85%D8%A8-%D8%A7-%D8%B4%D9%85%D8%A7%D8%B1-%D9%82%D9%88%D8%B1%D8%A8%D8%A7%D9%86-%D9%84-%D8%B2-%D9%88-%D9%84-%D8%B1%D8%B2-%D8%A8-%D8%B1%D8%B2-%D9%88-%D8%A8%D9%88%D9%88%D8%AF-%D8%B1%D8%A7-224-%D9%88%D8%B4-%D8%A7 ‏کولۆمبیا.. شمارەی قوربانییەیل زەویلەرزەگە بەرزەو بوود ئەرا 224 کوشیاگ

‏شەفەق نیوز ـ بوگوتا

‏دەسەڵاتدارەیل لە کولۆمبیا، ئمروو سێشەممە، بەرزەوبوین شمارەی قوربانییەیل زەویلەرزەگە کە لە خوەرئاوای وڵاتەگە دا رایگەیان ئەرا 224 کوشیاگ، و کارکەرەیل  وەردەوامن لە کارکرد  لە گەردین ئەرا رزگاربوویەیل لە ناوەین لاوارەیل وەردەوامن.

‏زەویلەرزەیگ وە هاز 7.4 پلە، دویەکە دووشەمە دا لە ناوچەیگ   لە کولۆمبیا، کە قایمترین زەویلەرزەس کە لەماوەی دەیان ساڵ گوزەشتە دایەس لە وڵاتەگە.

‏  زەویلەرزەگە بویە مدوو رمانن بینایەیل چەن نهۆمی لە شارەل بیرێرا  و کالی، هەمیش بویە مدوو شەقبردن یەکێ لە تاوەرەیل کاتدراییل مێژوویی لە شار مانیثالیس. 

‏ سەرۆک کولۆمبی ئەبیلاردۆ دی ئیسپریا، دویەکە دووشەممە، بەرزەوبوین قوربانییەیل زەویلەرزەگە کە لە چەن ناوچەیگ لە وڵاتەکەی دا راگەیاندبوی، و ئاشکرا کرد کە "شمارەی قوربانییەیل رەسیەس 111 کوشیاگ و 87 زەخمدار".

‏

‏

‏

]]> Tue, 11 Aug 2026 20:14:23 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B3%D9%84-%D9%85%D8%A7%D9%86-%D8%AF%D8%A7%D9%85-%D8%B2%D8%B1%D8%A7%D9%88-%D8%B1%D9%88%D8%A7%D9%86-%D8%A7%D9%87-%D9%86-%D8%B1%D8%A7-%D8%A8-%D8%A7%D9%88-%D8%B1%D8%AF%D9%86-%D8%AA%D8%A7%D9%88-%D8%B1-%D8%AE%D9%86-%D8%B1%D9%88%D8%A7%D9%86-%D9%86%D8%AC%D8%A7%D9%85-%D8%AF%D8%A7-%D9%88-%D9%86-%D9%84 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B3%D9%84-%D9%85%D8%A7%D9%86-%D8%AF%D8%A7%D9%85-%D8%B2%D8%B1%D8%A7%D9%88-%D8%B1%D9%88%D8%A7%D9%86-%D8%A7%D9%87-%D9%86-%D8%B1%D8%A7-%D8%A8-%D8%A7%D9%88-%D8%B1%D8%AF%D9%86-%D8%AA%D8%A7%D9%88-%D8%B1-%D8%AE%D9%86-%D8%B1%D9%88%D8%A7%D9%86-%D9%86%D8%AC%D8%A7%D9%85-%D8%AF%D8%A7-%D9%88-%D9%86-%D9%84 ‏سلێمانی.. دامەزراوەی روانگە ئاهەنگ ئەرا بڵاوکردن کتاو "رەخنەی روانگەیی" ئەنجام دا (وینەیل)

شەفەق نیوز ـ سلێمانی

‏دامەزراوەی روانگە لە شار سلێمانی، ئمڕوو سێشەممە، ئاهەنگ بڵاوکردن و ئیمزاکردن کتاو "رەخنەی ڕوانگەیی" لە نویسین دکتۆر نەوزاد ئەحمەد ئەسوەد ئەنجام دا.

‏دامەزراوەگە ئاشکرایکرد  ئاهەنگەگە وە ئامادەبوین پارێزگار سلێمانی، و وەڕێوەبەر رووشنهویری لە پارێزگاگە، و وە بەشداریکردن بژاردەیگ لە نووسەرەیل و ئەدیبەیل و رووشنهویرەیل، وەگەرد نوینەرەیل لە پارتەیل سیاسی و هونەرمەندەیل بویە.

‏وتیش: "بڵاوکریاگە وە یەکیگ لە بڵاوکریاگەیل دامەزراوەی روانگە لە مژار ڕەخنە و رووشنهویری شمارێد، چوینکە ئاسۆیل فراوانیگ واز کەێد ئەرا فامکردن وتار رووشنهویری و پەیابوین ڕەهەندەیل شاریاگ لە دەقەیل ئەدەبی و کارەیل هونەری، هەمیش لایەنیگ گرنگ لە روانگەی ڕەخنەیی و فکری نویسەرەگە نیشان دەێد، و بەشدارە  لە دەوڵەمەنکردن کتاوخانەی رووشنهویری  و هیزدان وە دیالۆگ مەعرفی".

‏

‏

]]> Tue, 11 Aug 2026 15:20:08 +0000