Thu, 29 Oct 2026 01:54:22 +0000 ar hourly 3 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B4%D9%86%D8%A7%D8%B3-%D9%87-%D8%B1-%D9%85-%D9%88%D8%A7%D8%B1%D8%A7%D9%86-%D9%88-%D9%88%D8%B1-%D9%88-%D8%B1%D8%AF-%D8%AF%D8%A7%D9%88-%D8%B2-%D8%A7%D9%86-%D9%84-%D8%B1%D9%85 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B4%D9%86%D8%A7%D8%B3-%D9%87-%D8%B1-%D9%85-%D9%88%D8%A7%D8%B1%D8%A7%D9%86-%D9%88-%D9%88%D8%B1-%D9%88-%D8%B1%D8%AF-%D8%AF%D8%A7%D9%88-%D8%B2-%D8%A7%D9%86-%D9%84-%D8%B1%D9%85 کەشناسی هەرێم: واران و ئەور وەگەرد داوەزیان پلەی گەرمی

شەفەق نیوز ـ وەدویاچگن

وەڕێوەبەرایەتی کشناسی و زەویلەرزەناسی هەرێم کوردستان، ئمڕوو چوارشەممە، مەزەنەی کەشوهەوای ناوچگە کرد  راگەیان پلەی گەرمی داوەزیان وەخوەی دوینێد.

وەڕێوەبەرایەتیەگە لە بەیاننامەیگ راگەیان "ئمڕوو لە ئەنجام هاتن نزمە پاڵەپەستو دەریای چەرمگ ناوڕاس ئاسمان هەرێم نیمە ئەور تا ئەور تەواوە ئاڵشتبوود ئەرا نمە واران و  لە بەش خوەرئاوای هەرێم دەسوەپی کەێد وە تایبەت لە ئیدارەی سەروەخوەی زاخۆ و سنووری پارێزگای دهۆک دویای نیمەڕوو ناوچە کویەیل بەرز و سنوور پارێزگای هەولێرو ئیدارەی سەروەخوەی سۆران گرێد لە دیر وەخت شەو  سنوور پارێزگای سلێمانیش گرێدەو،  پلەی گەرمی بەراورد وە دویەکە نزمەوبوود".

 دیاریکرد "لە ئەنجام وەردەوامبوین شەپوول وارانوارین لە گشت ناوچە جیایەیل واران وەشیوەی واران ناوڕاس گاوەختیگ نمە واران کوتکوت بوود وەگەرد دروسبوین بەڵاچە، و تونی وا ناوڕاسە وە ئاراستەی باکوور خوەرئاوا و پلەی گەرمی لە بڕیگ ناوچە نزیکە و لەبڕیگ  کەمیگ داوەزێد بەراورد وە توومارەیل ئمڕوو".

هەولێر: 29 پلەی سیلیزی 

پیرمام: 25 پلەی سیلیزی

سلێمانی: 27 پلەی سیلیزی

هەڵەبجە: 28 پلەی سیلیزی 

چەمچەماڵ: 29 پلەی سیلیزی

دهۆک: 27 پلەی سیلیزی

زاخۆ: 26 پلەی سیلیزی 

ئاکرێ: 28 پلەی سیلیزی 

گەرمیان: 33 پلەی سیلیزی 

حاجی ئۆمەران: 17 پلەی سیلیزی.

]]> Wed, 28 Oct 2026 08:43:22 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%87-%D8%A8%D8%AC-%D8%A7%D9%87-%D9%86-%D8%B1%D8%A7-%D9%86%D8%A7%D8%B1-%D9%84-%D8%AF-%D8%AF-%D8%B3-%D8%B1%D8%AF%D9%86-%D9%88-12%D9%80-%D9%85-%D9%86-%D9%81-%D8%B3%D8%AA-%D8%A7-%D9%88-%D8%A8-%D8%B4%D8%AF%D8%A7%D8%B1-%D8%B1%D8%AF%D9%86-%D9%81%D8%B1-%D8%AA%D8%B1-%D9%84-500-%D9%86%D8%A7%D9%88-%D9%86%D8%AF-%D9%88-%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%87-%D8%A8%D8%AC-%D8%A7%D9%87-%D9%86-%D8%B1%D8%A7-%D9%86%D8%A7%D8%B1-%D9%84-%D8%AF-%D8%AF-%D8%B3-%D8%B1%D8%AF%D9%86-%D9%88-12%D9%80-%D9%85-%D9%86-%D9%81-%D8%B3%D8%AA-%D8%A7-%D9%88-%D8%A8-%D8%B4%D8%AF%D8%A7%D8%B1-%D8%B1%D8%AF%D9%86-%D9%81%D8%B1-%D8%AA%D8%B1-%D9%84-500-%D9%86%D8%A7%D9%88-%D9%86%D8%AF-%D9%88-%D9%86 هەڵەبجە ئاهەنگ ئەرا ئەنارەیلی کەێد.. دەسکردن وە 12ـەمین فێستیڤاڵ وە بەشداریکردن فرەتر لە 500 ناوەند (وینە)

شەفەق نیوز - هەڵەبجە

لە پارێزگای هەڵەبجە، رووژ چوارشەممە، کارەیل دوانزەهەمین فێستیڤاڵ ساڵانەی بەرهەمە ناوخۆییەیل و ئەنار هەڵەبجە دەسوەپی کرد، وە بەشداریکردن فرەتر لە 500 ناوەند ئەرا خستنەڕوی و فرووشتن بەرهەمە کشتوکاڵی و ناوخۆییەیل، لەناو چەوەڕوانییەیل ئەرا هاتن جەماوەریی فراوانیگ.

 پارێزگار هەڵەبجە، نوخشە ناصح، لە وتاریگ لە مەوقەی وازکردنەگە، کە پەیامنێر ئاژانس شەفەق نیوز ئامادەی بۊ، وت کە "فێستیڤاڵەگە لە دوانزەهەمین چاپ خوەی دەروازەیلی لە وەرانوەر سەردانکەرەیل رووژانە لە ساعەت 08:00 شەوەکی تا ساعەت 12:00 نیمەشەو واز کەێد، و ئەرا ماوەی چوار رووژ لەدۊای یەک وەردەوام بوود"، وە دەسنشانکردن ئەوە کە "بەرهەمە نمایشکریاگەیل ئامادەن ئەرا بازاڕکردن و فرووشتن راسەوخۆ لە وەرانوەر هاووڵاتییەیل و گەشتیارەیل".

 وتیش کە "ئی فێستیڤاڵە بۊسە ناسنامەیگ نیشتمانی ئەرا پارێزگاگە، ئەراوە ئی چاپە لەژیر درووشم (نیشتمان جویر ئەنار هەڵەبجەس) دەس وەپی کەێد"، وە دەسنشانکردن ئەرا ئەوە کە "بەرهەمەیل هەڵەبجە تەنیا لەبان بازاڕە ناوخۆییەیل لە هەرێم کوردستان و عێراق نەوسێد، بەڵک رەسینە ئەرا دەوڵەتەیل جیاواز لە جیهان".

 باس ئومید خوەی کرد کە "ئی چالاکییە بوود بڕبڕەیگ فراوانتر ئەرا پەرەداین وە کەرت گەشتوگوزاری و وەدەسهاوردن بووژانەوەی ئابووری لە پارێزگاگە".

]]> Wed, 28 Oct 2026 08:30:19 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B3%D9%84-%D9%85%D8%A7%D9%86-%D8%B4%D8%A7%D9%86-%D8%A7-%D9%85%D8%A7%D8%B4-%D9%86-%D8%AF-%D8%B3-%D8%A7%D8%B1-%D8%B1-%D8%A7-50-%D9%85%D8%A7%D8%B4-%D9%86-%D9%84-%D8%AE%D9%88-%D8%B1-%D8%AF-%D9%86%D8%B1%D8%AE-%D9%84-%D8%A7%D9%86-200-%D9%87-%D8%B2%D8%A7%D8%B1-%D8%AF-%D9%84%D8%A7%D8%B1-%D8%B1-%D8%AF-%D8%AF-%D9%88-%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B3%D9%84-%D9%85%D8%A7%D9%86-%D8%B4%D8%A7%D9%86-%D8%A7-%D9%85%D8%A7%D8%B4-%D9%86-%D8%AF-%D8%B3-%D8%A7%D8%B1-%D8%B1-%D8%A7-50-%D9%85%D8%A7%D8%B4-%D9%86-%D9%84-%D8%AE%D9%88-%D8%B1-%D8%AF-%D9%86%D8%B1%D8%AE-%D9%84-%D8%A7%D9%86-200-%D9%87-%D8%B2%D8%A7%D8%B1-%D8%AF-%D9%84%D8%A7%D8%B1-%D8%B1-%D8%AF-%D8%AF-%D9%88-%D9%86 سلێمانی.. پێشانگای ماشین دەسکاریکریاگ 50 ماشین لەخوی گرێد کە نرخەیلیان 200 هەزار دۆلار رەد کەێد (وینە)

شەفەق نیوز - سلێمانی

خوەنەوارەیل پەیمانگای "بڕایت" لە شار سلێمانی پێشانگایگ ئەرا ماشین دەسکاریکریاگ نمایش کردن، وە بەشداریکردن 50 ماشین لە جویرەیل جیاواز، کە موتور و چوارچیوەیلیان دەسکاری کریاگە، لە وەختیگ نرخەیلیان لە ناوەین 20 هەزار دۆلار و فرەتر لە 200 هەزار دۆلارە.

پەیمانگای تەکنیکی "بڕایت"، یەکیگە لە پەیمانگایەیل فێرکاری و راهێنان چالاك لە شار سلێمانی لە هەرێم کوردستان، و گرنگی دەێد وە پەرەداین وە توانا گەنجییەیل و پیشەییەیلیان و پاڵپشتیکردن دەرچگەیل.

 مستەفا نەوزاد، ئەندام دەسەی ئامادەکار ئەرا پێشانگاگە، ئەرا ئاژانس شەفەق نیوز وت، کە پێشانگاگە 50 ماشین دەسکاریکریاگ لەخوی گرێد، کە موتورەیلیان پەرە پی دریاگە و ئاڵشتکاری لە شیوەیلیان ئەنجام دریاگە، ئەرا خستنەڕوییان لە وەرانوەر هاووڵاتییەیل و ناسانن وەو دەسکارییە هونەرییەیلە کە لەبانیان ئەنجام دریاگە.

 نەوزاد وتیش، کە ماشینە بەشداربویەیل جویراوجۊرن لە ناوەین (فۆرد و مووستانگ و کامارۆ و جیپ)، لە شان جۊرەیل ترەک، وە دەسنشانکردن ئەوە کە بڕیگیان لە ناوەخۆی هەرێم کوردستان دەسکاری کریانە لەبان دەس خوەنەوارەیل بەش مەکینە لە پەیمانگاگە، لە وەختیگ ماشینەیل ترەک لە دەیشت هەرێمەو رەسینە دۊای ئەوەگ خریانە وەر دەسکارییە هونەرییە پیشەییەیل.

 دەسنشان ئەرا ئەوە کرد کە نرخ ماشینە نمایشکریاگەیل لە 20 هەزار دۆلار دەس وەپی کەێد، و بەرزەو بوود تا 200 هەزار دۆلار رەد کەێد، وەپەی جۊرەیلیان و ئاست ئەو دەسکارییەیلە کە لەبانیان ئەنجام دریاگە.

]]> Tue, 27 Oct 2026 11:56:30 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%AF%D8%A7%D8%B1%D8%A7-%D9%88%D8%B1%D8%AF%D8%B3%D8%AA%D8%A7%D9%86-%D8%AF%D9%88%D9%88-%D8%A7%D8%AA-%D8%B1%D8%AF-%D9%84-%D8%A7%D8%A8-%D9%86%D8%AF%D8%A8%D9%88-%D9%86-%D9%84-%D8%B1%D8%AF%D9%86-%D9%84-%D8%B3%D8%AA-%D9%85%D9%88%D9%88-%D9%84-%D9%88-%D8%AF%D8%A7%D8%A8-%D9%86-%D8%B1%D8%AF%D9%86-%D8%B4%D8%AA-%D9%88-%D8%A8-%D8%A7%D8%B1-%D9%84-%D8%A8-%D8%BA%D8%AF%D8%A7%D9%88-%D8%A8-%D8%B3-%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%AF%D8%A7%D8%B1%D8%A7-%D9%88%D8%B1%D8%AF%D8%B3%D8%AA%D8%A7%D9%86-%D8%AF%D9%88%D9%88-%D8%A7%D8%AA-%D8%B1%D8%AF-%D9%84-%D8%A7%D8%A8-%D9%86%D8%AF%D8%A8%D9%88-%D9%86-%D9%84-%D8%B1%D8%AF%D9%86-%D9%84-%D8%B3%D8%AA-%D9%85%D9%88%D9%88-%D9%84-%D9%88-%D8%AF%D8%A7%D8%A8-%D9%86-%D8%B1%D8%AF%D9%86-%D8%B4%D8%AA-%D9%88-%D8%A8-%D8%A7%D8%B1-%D9%84-%D8%A8-%D8%BA%D8%AF%D8%A7%D9%88-%D8%A8-%D8%B3-%D8%AF دارایی کوردستان دووپاتکرد لە پابەندبوین کلکردن لیست مووچەیل و دابینکردنی پشت وە بڕیاریگ لە بەغداوە بەسێد

شەفەق نیوز - هەولێر

وەزارەت دارایی و ئابووری لە هەرێم کوردستان، ئمڕوو سێشەممە، دووپاتکرد لە پابەندبوین گشتی خوەی وە کلکردن لیست مووچەیل فەرمانبەرەیل و تەرازووی وەپیاچگن ئەرا وەزارەت دارایی فیدراڵی وە مەبەست دابینکردنی، و لە هەمان وەخت دیاریکرد ئەرا  بڕیار کلکردن مووچەیل پاشەکەوتکریاگ ئەرا قەرزەیل فەرمی لە ئەستۆ حکومەت هەرێمە.

قسەکەر وەناو وەزارەتەگە، هونەر جەمال، لە کۆنگرەیگ رووژنامەوانی کە لە هەولێر ساز کریا و ئاژانس شەفەق نیوز وەدویاچگنی کرد، وت:  "وەزارەتەگە پابەندە وە جیوەجییکردن ئەرکەیل کەفێدە بانی لە کلکردن لیست فەرمانبەرەیل و تەرازووی وەپیاچگن مانگانە وە  هەمیشەیی جویر  مانگەیل گوزەشتە"، و ئاشکرا کرد "رێکارەیل دابینکردن مووچەیل و دیاریکردن وەخت کلکردنی بەسیاگە وە وەزارەت دارایی فیدراڵی، و لە لای ئیمەوە هویچ گیچەڵیگ نییە کە وەرپەرچ بەشەوکردنەگە بدەێد".

لە وەڵام پرسیاریگ پەیوەنیدار وە دۆسیەی مووچەیل پاشەکەوتکریاگ لە ساڵەیل گوزەشتە، جەمال ئاشکرا کرد کە "وە دەستپێشخەرییگ لە وەزارەت دارایی، ئەنجومەن وەزیران هەرێم کوردستان بڕیار دایە وە گلەوداین مووچەیل پاشەکەوتکریاگ جویر قەرز لە ئەستۆی حکومەت ئەرا پارێزگاریکردن لە مافەیل فەرمانبەەیل و پابەنبوین وە گلەودانیان لە ئایندە".

]]> Tue, 27 Oct 2026 10:29:00 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B4%D9%86%D8%A7%D8%B3-%D9%87-%D8%B1-%D9%85-%D8%B3%D9%88%D9%88-%D9%86%D8%B2%D9%85-%D8%A7-%D8%B3%D8%AA-%D8%B1%D9%88-%D9%84-%D9%87-%D8%B1-%D9%85-%D9%88%D8%B1%D8%AF%D8%B3%D8%AA%D8%A7%D9%86-%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B4%D9%86%D8%A7%D8%B3-%D9%87-%D8%B1-%D9%85-%D8%B3%D9%88%D9%88-%D9%86%D8%B2%D9%85-%D8%A7-%D8%B3%D8%AA-%D8%B1%D9%88-%D9%84-%D9%87-%D8%B1-%D9%85-%D9%88%D8%B1%D8%AF%D8%B3%D8%AA%D8%A7%D9%86-%D8%AF کەشناسی هەرێم: سوو نزمە پاڵەپەستۆیگ روی لە هەرێم کوردستان کەێد

شەفەق نیوز ـ وەدویاچگن

وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو سێشەممە، راگەیان پالەپەستۆ نوویگ روی لە هەرێم کوردستان کەێد.

وەڕێوەبەرایەتیەگە لە بەیاننامەیگ راگەیان " ئمڕوو ئاسمان ناوچەگە نیمە ئەورە  تونی وایە یەواشەو و پلەی گەرمی بەرزەوبوود بەراورد وە ئمڕوو".

دیاریکرد " سوو چوارشەممە، ئاسمان لەناوەین لەکە ئەور و نیمەئەورە کاریگەری نزمە پالەپەستۆیگ سەرەتا وە نمە واران لە ناوچەیل سنووری دەسوەپی کەێد، دویایی لە وەخت نیوەڕوو و دویا نیمەڕوو نمە واران لە ناوچە جیاجیایەیل سنوور ئیدارەی زاخۆ و سنوور  پارێزگای دهۆک و ناوچە کویەیل بەرز  پارێزگای هەولێر و بەشیگ لە ئیدارەی سۆران وارێد . پارێزگای سلێمانی و هەڵەبجەو کەرکووک ئاسمانیان وەردەوام نیمە ئەور بوود، پلەی گەرمی وە نزیکەی   (2-4)پلەی سیلیزی  داوەزێد".

بەرزترین پلەی گەرمی مەزەنەکریاگ:

هەولێر: 27 پلەی سیلیزی 

پیرمام: 24 پلەی سیلیزی

سلێمانی: 26 پلەی سیلیزی

هەڵەبجە:27 پلەی سیلیزی 

چەمچەماڵ: 28 پلەی سیلیزی

دهۆک: 24 پلەی سیلیزی

زاخۆ: 25 پلەی سیلیزی 

ئاکرێ:26 پلەی سیلیزی 

گەرمیان:32 پلەی سیلیزی 

حاجی ئۆمەران:18 پلەی سیلیزی.

]]> Tue, 27 Oct 2026 08:27:26 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B1%D8%A7-%D9%85-%D8%AC%D8%A7%D8%B1-%D9%84-%D8%B1%D8%AF-%D8%A7-%D9%86-1300-%D9%86-%D9%85%D8%A7%D9%85-%D8%AE%D9%88%D8%B1%D9%85%D8%A7-%D9%84-14-%D8%AC%D9%88-%D8%B1-%D8%B9%D8%B1%D8%A7%D9%82-%D9%84-%D8%B1-%D9%88 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B1%D8%A7-%D9%85-%D8%AC%D8%A7%D8%B1-%D9%84-%D8%B1%D8%AF-%D8%A7-%D9%86-1300-%D9%86-%D9%85%D8%A7%D9%85-%D8%AE%D9%88%D8%B1%D9%85%D8%A7-%D9%84-14-%D8%AC%D9%88-%D8%B1-%D8%B9%D8%B1%D8%A7%D9%82-%D9%84-%D8%B1-%D9%88 ئەرا یەکەم جار لە پردێ.. کاڵین 1300 نەمام خورما لە 14 جویر عراقی لە کەرکوک

شەفەق نیوز - کەرکووک

هۆبەی جفتکاری ئاوەدانی پردێ لە پارێزگای کەرکوک، ئمڕوو سێشەممە، خەوەردا لە کاڵین نزیکەی 1300 نەمام خورما لە 14 جویر لە خاسترین جویرەیل خورمای عراقی، لە چوارچمگ پڕۆژەیگ جفتکاری ئەزموونی کە سەرکەفتن خوەی لە ناوچەگە چەسپان.

وەڕێوەبەر هۆبەی جفتکاری ئاوەدانی، مەریوان ساڵحی، لە لێدوانیگ ئەرا ئاژانس شەفەق نیوز، وت: "ئەزموون کاڵین خورما یەکەم جویر خوەیە لە ئاوەدانیگە"، و ئاشکرا کرد  "پڕۆژەگە لە قۆناغ یەکەمی دەسوەپیکرد وە کاڵین نزیکەی 130 نەمام لە کێڵگەی جفتکار شێرکۆ حەساری بوی، و ئەزموونەگە سەرکەفتن دیاریگ چەسپان".

دیاری کرد  "قۆناغ نووەگە کاڵین نزیکەی 1300 نەمام خورما کەێد کە نوێنەرایەتی 14 جویر لە خاسترین جویرەیل خورما کەێد، کە لە باخەیل بەغدا و حللە و دیالە ئاوریاس، وە ئامانج فراوانکردن ئەزموونەگە و ئەوزەڵداین واقیع جفتکاری لە ناوچەگە".

 ساڵحی ئاشکرا کرد کە هۆبەی توێژینەوەیل جفتکاری لە ئاوەدانیگە هەماهەنگی  وەگەرد جفتکارەیل ناوچەگە ئەرا فراوانکردن کاڵینەگە، و دیاریکرد  "بەرهەم دار خورمایگ هاتێ بڕەسێد وە نزیکەی 150 کیلوگرام وەپای جویرەگەی"، و دووپات کرد لەبان گرنگی ئەزموونەگە لە گاڵداین سەرمایەگوزاری جفتکاری و فرەچەشنکردن بەرهەمەیل لە پردێ.

]]> Tue, 27 Oct 2026 08:24:31 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%AF-%D8%B3%D8%AF%D8%B1-%D9%84-%D8%B1-%D8%B3%D9%86-%D8%AE%D8%A8%D8%B2%D8%A7%D9%86-%D9%84-%D9%88%D8%B1%D8%AF-%D9%84-%D9%88-%D8%AE%D9%88%D8%A7%D8%B1%D8%AF%D9%86-%D8%B1%D8%A7-%D9%86%D8%A7%D9%88-%D9%84-%D8%A7%D9%86-%D9%84-%D8%A8%D8%A7-%D9%88%D9%88%D8%B1-%D8%B3%D9%88%D8%B1-%D8%A7-%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%AF-%D8%B3%D8%AF%D8%B1-%D9%84-%D8%B1-%D8%B3%D9%86-%D8%AE%D8%A8%D8%B2%D8%A7%D9%86-%D9%84-%D9%88%D8%B1%D8%AF-%D9%84-%D9%88-%D8%AE%D9%88%D8%A7%D8%B1%D8%AF%D9%86-%D8%B1%D8%A7-%D9%86%D8%A7%D9%88-%D9%84-%D8%A7%D9%86-%D9%84-%D8%A8%D8%A7-%D9%88%D9%88%D8%B1-%D8%B3%D9%88%D8%B1-%D8%A7-%D8%AF دەسدریژییەیل رەسنە خيزانەیل کورد کە گلەو خواردنە ئەرا ناوچەیلیان لە باکوور سوریا (ڤیدیۆ)

شەفەق نیوز - دیمەشق

خیزانەیل کورد کە گلەو خواردنە ئەرا ماڵەیل و ئاواییەیلیان لە ناوچەی گرێ سپی (تل ئەبیەز) لە باکوور سوریا، رووژ دووشەممە، تویش دەسدریژییەیل هاتن لەلایەن گرووپەیلیگ کە تاکەیلیان سەروە باڵە چەکدارەیلن، وەپەی وتەی یەکیگ لە گلەوخواردگەیل، کە وت ئەوانە دەس نانەسە بان ماڵەیل وە دەسپیچگ پەیوەندیدار بۊن خاوەنەیلیان وە هێزەیل سوریای دیموکرات.

 یەکیگ لە گلەوخواردگەیل ئەرا ئاژانس شەفەق نیوز وت، کە خیزانەیل وەرجە یە هەماهەنگی وەرد حکومەت و ئیدارەی ناوچەی گرێ سپی و هێزە ئەمنییەیل کردنە، و ئەو بەڵگەنامەیلە دەرهاوردنە کە خاوەنداریەتییان ئەرا زەوی و ماڵەیل چەسپنێد، وەرجە رێککەفتن لەبان گلەوخواردن ئەرا ناویان ئمڕوو.

وتیش، کە نزیکەی 50 خیزان شەوەکی رویکردنە گرێ سپی و دەوروبەری، وە دووپاتکردن ئەوە کە ئەوانە لە دانیشتگەیل رەسەن ناوچەگەن، و گرووپەگە هیچ خیزانیگ ئەرا چەکدارەیل هێزەیل سوریای دیموکرات لەناوی نییە.

 دەسنشان ئەرا ئەوە کرد کە گلەوخواردگەیل تویش دەسدریژی هاتن لەلایەن کەسەیلیگ کە لە ناوڕاس شار گرێ سپی گردەو بۊنە، ئەوەگ هیشت  خیزانەیل خوەیان بپارێزن لەناو بارەگای ئیدارەی ناوچەگە.

 وەپەی هاووڵاتییەگە، کە داوا کرد ناسنامەی ئاشکرا نەکریەێد لەوەر هوکارەیل ئەمنی، ماشینەیل گلەوخواردگەیل تویش دزی و سزانن هاتنە، و شمارەیگ لە پیاوەیل و ژنەیل تویش پەلامار هاتن.

و داوا لە لایەنە حکومییەیل کرد هێزەیل و پشتیوانییەیل ئەمنی کل بکەن و خیزانەیل لە ناوچەگە درارن، وە رووشنکردن ئەوە کە دەیان ژن و مناڵ هێمان لەناو بینای ئیدارەی ناوچەگە گیر کردنە، لەناو وەردەوامبۊن ئاڵووزی لە شارەگە.

 لە ئاب / ئۆگۆستۆس گوزەشتە، خیزانەیل ئاوارەی کوردی لە سەرێ کانی (رەئس ئەلعەین) تویش دەسدریژییگ هاتن دۊای گلەوخواردنیان ئەرا ماڵەیلیان لە شارەگە، لە وەختیگ لەو وەختەو گلەوخواردن ئاوارە کوردەیل ئەرا ناوی وسیا، و پرۆسەیل گلەوخواردن کوڵەو بۊ لەبان کۆچپیکریاگەیل ئەرا ئاواییەیل دەورگرد شارەگە.

 لە ساڵ 2019، تورکیا و باڵەیل ئۆپۆزسیۆن سووری پرۆسەی "کانی ئاشتی" (نەبع سەلام) لە هەردوگ ناوچەی سەرێ کانی (رەئس ئەلعەین) و گرێ سپی (تل ئەبیەز) جیوەجی کردن، ئەوەگ بۊە هوکار ئاوارەبۊن نزیکەی 300 هەزار مەدەنی لە سەرەتای پەلامارەگە، لە وەختیگ دۊاتر نزیکەی 100 هەزار ئاوارە لە ئۆردوگایەیل و ناوەندەیل داڵدەداین کاتی مەننەو، کە فرەیان کوردن.

]]> Mon, 26 Oct 2026 13:45:26 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%87-%D9%86-%D9%88-%D9%86-%D9%88-%D9%86%D8%A7%D8%B1-%D9%84-%D8%B3%D8%AA-%D9%88%D8%A7%D9%84-%D9%88%D8%A7%D8%B1-%D9%85-%D8%B2%D8%A7%D8%AE-%D9%88-%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%87-%D9%86-%D9%88-%D9%86-%D9%88-%D9%86%D8%A7%D8%B1-%D9%84-%D8%B3%D8%AA-%D9%88%D8%A7%D9%84-%D9%88%D8%A7%D8%B1-%D9%85-%D8%B2%D8%A7%D8%AE-%D9%88-%D9%86 هەنگوین و ئەنار لە ڤیستیوال چوارەم زاخۆ (وینە)

شەفەق نیوز - دهۆک

ئیدارەی سەروەخوەی زاخۆ، ئمڕوو دوشەممە،  سازکردن چاپ چوارەم  لە ڤیستیوال ئەنار و بەرهەمەیل ناوخوەیی وەخوەی دی، وە بەشداریکردن جفتکارەیل و بەرهەمکەرەیل ئەسەڵ، وە ئامانج پشتگیری لە بەرهەم ناوخوەیی و فراوانکردن دەرفەتەیل بازاڕکردن لە بازاڕەیل هەرێم کوردستان و عراق و دەێشت.

جێگر یەکەم  سەرۆک ئیدارەی سەروەخوەی زاخۆ، فارس یوحەنا، ئەرا ئاژانس شەفەق نیوز، وت:  ڤیستیوالەگە ئامانجی ناسانن کوالێتی بەرهەمەیل ناوخوەیی، و قایمکردن پەیوەنی ناوەین جفتکارەیل و هاوڵاتییەیل و حکومەتە، وەگەرد وازکردن دەروازەیل نوو ئەرا بازاڕکردن بەرهەمەیل جفتکاری و بەرهەمەیل ئەسەل.

وتیش؛  ڤیستیوالەگە  بەشداریکردن نزیکەی 15 تا 17 جفتکار بوی، و 23 لە بەرهەمکەرەیل ئەسەلگردەخوەی، و دووپاتکرد کرد کە پشتگیری کەرت جفتکاری و فرەچەشنکردن سەرچەوەیل داهات نوێنەرایەتی بەشیگ لە ئاراستەیل حکومەت هەرێم کوردستان کەێد ئەرا کەمکردن پشتبەسان وە نەفت، و قایمکردن بەرهەم ناوخوەیی و چالاککردن گەشتوگوزار.

جفتکارەیل لە ناوچەیل جیاواز لە زاخۆ بەرهەمەیل ئەنار وە گشت جویرەیلی سوور و زەرد نیشان دان، لە وەختیگ ئاو ئەنار تازە، و لە لاێلیگ ترەک بەرهەمکەرەیل ئەسەل بەرهەمەیل سروشتی خوەیان ئەرا مێوانەیل پێشکەش کردن ئەرا ناسانن کوالێتییەگە و زیایکردن دەرفەتەیل رەسین وە وەکاربەرەیل.

لە لای خوەیەوە، کۆڤان لەزکین، یەکیگ لە بەرهەمکەرەیل ئەسەل، دیاریکرد، ڤیستیوالەگە نوێنەرایەتی دەرفەتێگ گرنگ کەێد ئەرا ناسانن ئەسەل سروشتی کە ناوچەگە بەرهەمی کەێد و رەساننی وە وەکارهاوەرەیل لە هەرێم کوردستان و عراق و بازاڕەیل جیهانی، و هشارەدا وە سۆز بەرهەمکەرەیل ئەرا پێشکەشکردن ئەسەل سروشتی و پاک و خاوەن کوالێتی بەرز.

 لە لای خوەیەو، مەهدی نێعمەت، یەکیگ لە جفتکارەیل ئەنار لە ناوچەی گۆڵی، بڕوا داشت کە  میوەیەیل بەرهەم تەقەلای جفتکارەیل و ئاگادارییان کەێد لەبان زەوییەیل جفتکاری، و دیاری کرد گرنگی ئی چالاکییەیلە لە دیارکردن بەرهەمەیل ناوخوەیی و گاڵدانیان ئەرا بازاڕکردن.

لەوەرانوەر، جفتکار تەمەد عیسا، لە ئاوای زەریزی، باسکرد لە کوالێتی ئەنار بەرهەمتیات لە ئاوایەگە و تام تایبەتمەنی، و ئاشکرا کرد  ڤیستیوالەگە دەرفەتیگ واز کەێد ئەرا ناسانن جویرەیل جیاواز ئەنار و بەرهەمەیلی، وەتایبەت ئاوەگە کە ری دەێد وە مێوانەیل ئەرا تامکردن و ناسین تایبەتمەنییەیلی.

 سازکردن ڤیستیوالەگە  لە چوارچمگ تەقەلای ئامانجدار ئەرا پشتگیری جفتکارەیل و بەرهەمکەرەیل ئەسەل هات، و چالاککردن بازاڕەیل ناوخوەیی، و قایمکردن ئامادەبوین بەرهەمەیل جفتکاری لە بازاڕەیل دەرەکی، وە جویریگ کە بەشدار بوود لە فرەچەشنکردن سەرچەوەیل داهات و پشتگیری ئابووری ناوخوەیی لە ئیدارەی سەروەخوەی زاخۆ.

]]> Mon, 26 Oct 2026 13:01:43 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B4%D9%88%D9%87-%D9%88%D8%A7-%D8%AF%D9%88%D9%88-%D8%B1%D9%88%D9%88-%D8%A7-%D9%86%D8%AF-%D9%84-%D9%87-%D8%B1-%D9%85-%D9%88%D8%B1%D8%AF%D8%B3%D8%AA%D8%A7%D9%86-8-0 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B4%D9%88%D9%87-%D9%88%D8%A7-%D8%AF%D9%88%D9%88-%D8%B1%D9%88%D9%88-%D8%A7-%D9%86%D8%AF-%D9%84-%D9%87-%D8%B1-%D9%85-%D9%88%D8%B1%D8%AF%D8%B3%D8%AA%D8%A7%D9%86-8-0 کەشوهەوای دوو رووژ ئایندە لە هەرێم کوردستان

شەفەق نیوز ـ وەدویاچگن

وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو دووشەممە، کەشوهەوای دوو رووژ ناوچەگە دیاریکرد.

کەشناسی لە بەیاننامەیگ راگەیان " ئمڕوو ئاسمان لەکە ئەورە وەرد تەپوتوز سوکیگ تونی وا یەواشە وە   (5 - 15) کم/س  وە ئاراستەی باکوور خوەرئاوا و مەودای نوڕین هاناوەین 7– 9) کم و پلەی گەرمی نزیکە لە توومارەیل دویەکە".

داریکرد "سوو سێشەممە ئاسمان هاناوەین ئەور و نیمەئەور  و تونی وا یەواشە (5 - 15) کم/س وە ئاراستەی باکوور خوەرهەڵات، و پلەی گەرمی کەمیگ بەرزەوبوود مەزەنەکریەێد بڕەسێدە:

هەولێر: 28 پلەی سیلیزی 

پیرمام: 25 پلەی سیلیزی

سلێمانی: 26 پلەی سیلیزی

هەڵەبجە: 29 پلەی سیلیزی 

چەمچەماڵ: 29 پلەی سیلیزی

دهۆک: 27 پلەی سیلیزی

زاخۆ: 28 پلەی سیلیزی 

ئاکرێ: 28 پلەی سیلیزی 

گەرمیان: 34 پلەی سیلیزی. 

حاجی ئۆمەران: 18 پلەی سیلیزی

]]> Mon, 26 Oct 2026 07:55:25 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%AF%D9%87-%D9%83-%D8%AA%D9%88%D9%88%D9%85-%D8%AA%D8%A8%D8%A7%D8%B1-%D9%88-%D9%88%D8%B4%D8%AA%D9%86-%D8%B3-%D8%A8%D8%B1%D8%A7-%D8%AF%D9%88-%D8%A7-%D9%86-%D8%B1%D9%88%D9%88-%D9%84-%D8%AA%D8%A7%D9%88%D8%A7%D9%86-%D8%AE%D9%88-%D8%AF-%D8%AF-%D8%AF-%D8%B3 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%AF%D9%87-%D9%83-%D8%AA%D9%88%D9%88%D9%85-%D8%AA%D8%A8%D8%A7%D8%B1-%D9%88-%D9%88%D8%B4%D8%AA%D9%86-%D8%B3-%D8%A8%D8%B1%D8%A7-%D8%AF%D9%88-%D8%A7-%D9%86-%D8%B1%D9%88%D9%88-%D9%84-%D8%AA%D8%A7%D9%88%D8%A7%D9%86-%D8%AE%D9%88-%D8%AF-%D8%AF-%D8%AF-%D8%B3 دهۆك.. توومەتبار وە کوشتن سێ برا دویای چەن رووژیگ لە تاوانەگە خوەی دەێدە دەس

شەفەق نيوز- دهۆك  

موقەدەم عیماد حسێن قسەکەر فەرمانگەی پولیس ئاکرێ لە پارێزگای دهۆک، ئمڕوو یەکشەممە، راگەیان کە ئەو توومەتبارە وە تاوان کوشتن سێ برا خوەی دادە دەس پولیس، و سێ توومەتبار ترەکیش گیریان.

حسێن ئەرا ئاژانس شەفەق نیوز وت کە تاوانەگە دۊای نیمەی شەو پەنجشەممە لەبان جمعە نزیک باخچەی گشتی ناوڕاس شار ئاکرێ جیوەجی کریا و بۊە مدوو کوشیان سێ برا و زەخمداری کەسیگ. 

وتیش کە تیمەیل لێکۆڵینەوە تۊنستن سێ توومەتبار دەسگیر بکەن لە ساعەت سێەی شەفەق رووژ رویداوەگە، وە فەرمان وەڕێوەبەر پولیس ئاکرێ و ریکارەیل یاسایی وەرانوەر توومەتبارەیل جیوەجی کریا.

]]> Sun, 25 Oct 2026 11:46:12 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%85-%D8%B3%D8%B1%D9%88%D8%B1-%D8%A8%D8%A7%D8%B1%D8%B2%D8%A7%D9%86-%D9%88-%D8%B1%D8%AF-%D9%88%D8%A7%D9%85-%D9%86-%D9%84-%D9%81%D8%B1-%D8%B4%D9%86-%D8%B1%D8%AF%D9%86-%D8%A7%D8%A8%D9%88%D9%88%D8%B1-%D9%88-%D8%AF%D8%A7%D8%A8-%D9%86-%D8%B1%D8%AF%D9%86-%D8%AF-%D8%B1%D9%81-%D8%AA-%D8%A7%D8%B1-%D9%84-%D9%87-%D8%B1-%D9%85-%D9%88%D8%B1%D8%AF%D8%B3%D8%AA%D8%A7%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%85-%D8%B3%D8%B1%D9%88%D8%B1-%D8%A8%D8%A7%D8%B1%D8%B2%D8%A7%D9%86-%D9%88-%D8%B1%D8%AF-%D9%88%D8%A7%D9%85-%D9%86-%D9%84-%D9%81%D8%B1-%D8%B4%D9%86-%D8%B1%D8%AF%D9%86-%D8%A7%D8%A8%D9%88%D9%88%D8%B1-%D9%88-%D8%AF%D8%A7%D8%A8-%D9%86-%D8%B1%D8%AF%D9%86-%D8%AF-%D8%B1%D9%81-%D8%AA-%D8%A7%D8%B1-%D9%84-%D9%87-%D8%B1-%D9%85-%D9%88%D8%B1%D8%AF%D8%B3%D8%AA%D8%A7%D9%86 مەسرور بارزانی: وەردەوامین لە فرەچەشنکردن ئابووری و دابینکردن دەرفەت کار لە هەرێم کوردستان

شەفەق نیوز - زاخۆ

سەرۆک حکومەت هەرێم کوردستان، مەسرور بارزانی، ئمڕوو یەکشەممە، دووپات کرد لەبان وەردەوامبوین حکومەت لە جیوەجیکردن نەخشەیل فرەچەشنکردن ئابووری و دابینکردن دەرفەت کار، و دیاریکرد ئەرا وازکردن بارەگای سەرەکی کۆمپانیای "نیسان" ئەرا ماشینەیل لە ئیدارەی ناوچەی زاخۆ سەروەخوەی، ئاڵشتکاری "گەپیگە" کە پشتگیری ئابووری هەرێم کەێد.

 مەسرور بارزانی، لە وتاریگ لە وەخت مەراسیم وازکردن بارەگاگە پێشکەشی کرد، وت: ئەوزەڵدان کەرت پیشەسازی لە بان پیشینەی کارنامەی حکومەت تێد ئەرا زیایکردن داهاتەیل دارایی ناوخوەیی و خولقانن دەرفەت کار نوو ئەرا گەنجەیل.

ئاشکرا کرد، حکومەت هەرێم گرنگی فرە داگە وە کەرتەیل کشتوکاڵ و گەشتوگوزار و پیشەسازی ئەرا قایمکردن پایەیل ئابووری لە هەرێم و دویرکەفتن لە پشتبەسان لەبان یەک سەرچەوە ئەرا داهات، و دووارە داوا لە وەبەرهێنەرەیل کرد ئەرا بەشداری گورجیگ لە ئەوزەڵداین پڕۆسەی ئابووری لە کوردستان.

 سەرۆک حکومەت هەرێم وتیش؛  وازکردن لق نوو کۆمپانیای "نیسان" سەدان دەرفەت کار ئەرا رووڵەیل ناوچەگە دابین کەێد،  وە جویرییگ راستەوخوەی بەشدار بوود لە زینگەوکردن جویلەی ئابووری و بازرگانی لە زاخۆ و هەرێم.

]]> Sun, 25 Oct 2026 09:15:08 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/260-%D9%87-%D8%B2%D8%A7%D8%B1-%D9%86-%D8%B4%D8%AA-%D8%B1-%D8%B1-%D9%88-773-%D9%85%D9%84-%D8%A7%D8%B1-%D8%AF-%D9%86%D8%A7%D8%B1-%D8%AE-%D8%B1%D8%AC-%D9%84-%D9%88%D8%B1%D8%AF%D8%B3%D8%AA%D8%A7%D9%86-%D8%A7%D9%85%D8%A7%D8%B1-%D8%AA-%D9%86%D8%AF%D8%B1%D9%88%D8%B3-%D8%A7%D8%B4-%D8%B1%D8%A7-%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/260-%D9%87-%D8%B2%D8%A7%D8%B1-%D9%86-%D8%B4%D8%AA-%D8%B1-%D8%B1-%D9%88-773-%D9%85%D9%84-%D8%A7%D8%B1-%D8%AF-%D9%86%D8%A7%D8%B1-%D8%AE-%D8%B1%D8%AC-%D9%84-%D9%88%D8%B1%D8%AF%D8%B3%D8%AA%D8%A7%D9%86-%D8%A7%D9%85%D8%A7%D8%B1-%D8%AA-%D9%86%D8%AF%D8%B1%D9%88%D8%B3-%D8%A7%D8%B4-%D8%B1%D8%A7-%D8%AF 260 هەزار نەشتەرگەری و 773 ملیار دینار خەرجییەیل.. کوردستان ئامارە تەندروسیەگەی ئاشکرا کەێد

شەفەق نیوز - هەولێر

حکومەت هەرێم کوردستان، رووژ یەکشەممە، راگەیان لە ئەنجامداین نزیکەی 260 هەزار نەشتەرگەری لە خەسەخانە حکومییەیل لە ماوەی ساڵ 2025، لە شان فرەتر لە نیم ملیۆن وەشکین ئەرا ئاشکراکردن زۊنەی بیمارەیل دریژماوە، لە وەختیگ ئاشکرای  فەراهەمکردن خزمەتگوزارییە تەندروسیەیل کرد کە هاووڵاتییەیل لە بارگرانییە داراییەیل پاراست کە مەزەنە کریەێد وە فرەتر لە 182 ملیار دینار.

 فەرمانگەی راگەیانن و زانیارییەیل لە حکومەت هەرێم کوردستان، لە راپۆرتیگ کە ئامادەی کردگە وە هەماهەنگی وەرد وەزارەت تەندروسی، باس لەوە کرد، کە خەسەخانە حکومییەیل لە ماوەی ساڵ گوزەشتە 258 هەزار و 488 نەشتەرگەری ئەنجام دانە، لەناویانیش 217 هەزار و 238 نەشتەرگەری گشتی، و 41 هەزار و 250 نەشتەرگەری کوتوپڕ بۊنە، وە دەسنشانکردن ئەوە کە نەشتەرگەرییە کوتوپڕەیل وە بیوەرانوەر ئەنجام دریانە، لە وەختیگ رسووماتە رەمزییەیل ئەرا نەشتەرگەریە گشتییەیل رەسینە هەفت هەزار دینار.

 راپۆرتەگە کە رەسیە ئاژانس شەفەق نیوز رووشنەو کرد، کە خەرج ئەنجامداین خود ئی نەشتەرگەرییەیلە لە خەسەخانە تایبەتەیل شایەت لە 182 ملیار دینار رەد بکردیاد، لەناویانیش نزیکەی 161.4 ملیار دینار ئەرا نەشتەرگەرییە گشتییەیل و 20.6 ملیار دینار ئەرا نەشتەرگەرییە کوتوپڕەیل، و ئی بڕە پۊلەیلە حکومەتەگە مەزەنەیان کردگە وە داوەزیانە داراییەیل ئەرا هاووڵاتییەیل وە هوکار دەسکەفتنیان لە خزمەتگوزارییەیل لە کەرت گشتی.

 لە بوار نەشتەرگەرییە ئاڵووزەیل و چارەسەرە تایبەتمەنەیل، راپۆرتەگە دەسنشان ئەرا ئەوە کرد کە 1108 نەشتەرگەری ئەرا کاڵین گورچگ و 24 نەشتەرگەری ئەرا کاڵین مەغز سقان ئەنجام دریانە، بیجگە لە پیشکەشکردن 138 هەزار و 306 دانیشتن ئەرا شووردن گورچگ وە پەتی لە جیاجیی ناوچەیل هەرێم.

هەرلیوا کەرت تەندروسی توومار ئەنجامداین 32 هەزار و 790 نەشتەرگەری قەستەرەی دڵ و فراوانکردن خوینبەرەیل وە باڵۆن، و 28 هەزار و 572 دانیشتن چارەسەر تیشکی ئەرا تویشبۊەیل وە پەنامەیل کرد، لە شان 536 نەشتەرگەری ئەرا ئاڵشتکردن جومگەیل.

 لە بوار خوەیپارێزی و ئاشکراکردن زۊنە، داتایەیل نیشان دان کە 512 هەزار و 264 وەشکین وە پەتی ئەرا ئاشکراکردن بیماری شەکرە و بەرزەوبۊن پەستان خوین ئەنجام دریانە، بیجگە لە 122 هەزار و 705 وەشکین ئەرا ئەوانە کە رویکەنە هاوسەرگیری، و 47 هەزار و 176 وەشکین ئەرا ئاشکراکردن زۊنەی شێرپەنجەی مەمگ وە وەکارهاوردن وینەگردن تیشکی.

 لەباوەت چارەسەر بیماریە رخبارەیل و دریژماوەیل، راپۆرتەگە خەوەر دا کە حکومەت هەرێم کوردستان خەرجەیل دەسنشانکردن و چارەسەرکردن بیمارەیل شێرپەنجە هەڵگرێد، کە چارەسەر کیمیایی و تیشکییش گرێدە خوەی، وە دەسنشانکردن ئەوە کە خەرج چارەسەر بڕیگ لە بیماریەیل لە ناوەین 180 هەزار و 200 هەزار دۆلارە، بیجگە لە فەراهەمکردن چارەسەر بی وەرانوەر ئەرا فرەتر لە 23 هەزار بیمار وە تالاسیمیا.

 لەبان ئاست خەرجکردن، راپۆرتەگە ئاشکرا کرد کە خەرج فەراهەمکردن دەرمانەیل لە ماوەی ساڵ 2025 رەسیە نزیکەی 325 ملیار دینار، حکومەت فیدراڵی بەشداری وە 222 ملیار دینار لەلی کرد، لە وەرانوەر 103 ملیار دینار کە حکومەت هەرێم هەڵگردەی.

 وەپەی داتایەیل دارایی، خەرجییەیل کەرت تەندروسی لە هەرێم کوردستان لە ماوەی ساڵ گوزەشتە رەسینە 773.4 ملیار دینار، لە وەرانوەر داهاتەیلیگ کە رەسینە 112.9 ملیار دینار، لە وەختیگ پاڵپشتی حکومی نزیکەی 85% لە بڕ گشتی خەرجییەیل هاورد.

 راپۆرتەگە دەسنشان ئەرا ئەوە کرد کە ناوەنجی خەرجکردن حکومی ساڵانە لەبان خزمەتگوزارییە تەندروسیەیل یەکسانە وە نزیکەی 167 دۆلار ئەرا هەر تاکیگ، وە دووپاتکردن وەردەوامبۊن پشت بەسین کەرت تەندروسی وە دارایی حکومی ئەرا فەراهەمکردن خزمەتگوزارییە چارەسەری و خوەیپارێزییەیل ئەرا هاووڵاتییەیل.

]]> Sun, 25 Oct 2026 08:53:19 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%82-%D8%B2%D8%A7-%D8%A7-%D8%B1-%D8%B1%D9%88%D8%A7%D9%86-%D9%82-%D9%86%D8%A7%D8%BA-%D8%B3-%D9%85-%D8%B1%D8%A7-%D8%B1-%D9%86-%D9%86-%D9%85%D9%84-%D9%86-%D8%AF%D8%A7%D8%B1-%D8%A8-%D9%88%D9%88-%D8%AF-%D8%B3-%D9%88-%D8%AF-%D9%88-%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%82-%D8%B2%D8%A7-%D8%A7-%D8%B1-%D8%B1%D9%88%D8%A7%D9%86-%D9%82-%D9%86%D8%A7%D8%BA-%D8%B3-%D9%85-%D8%B1%D8%A7-%D8%B1-%D9%86-%D9%86-%D9%85%D9%84-%D9%86-%D8%AF%D8%A7%D8%B1-%D8%A8-%D9%88%D9%88-%D8%AF-%D8%B3-%D9%88-%D8%AF-%D9%88-%D9%86 "قەزای ئاکرێ".. روانگە قۆناغ سێیەم ئەرا پرۆژەی چنین یەک ملیۆن دار بەڕوو دەس وەپی کەێد (وینە)

شەفەق نیوز - دهۆک

دامەزراوەی روانگە، رووژ شەممە، قۆناغ سێیەم لە پرۆژەی چنین یەک ملیۆن دار بەڕۊ لە قەزای ئاکرێ لە پارێزگای دهۆک جیوەجی کرد، وە بەشداریکردن فرەتر لە 700 خوەیبەخش.

دامەزراوەگە لە بەیاننامەیگ کە رەسیە ئاژانس شەفەق نیوز باس لەوە کرد، کە ئی پرۆژە تیەێدە ناو چوارچیوەی پابەندبۊن وە بەڵێنەگەی ئەرا چنین یەک ملیۆن دار بەڕۊ لە سەرتاسەر کوردستان، وە دەسنشانکردن ئەوە کە قۆناغ سێیەم وە سەرکەفتگیی جیوەجی کریا لەڕی هەڵمەتیگ گەورە کە ئەرا دوو رووژ وەردەوام بۊ ئەرا چنین تۊمەیل بەڕۊ لە ناوچەی تیشی و ئاوای شرمن لە قەزای ئاکرێ.

 دەسنشان ئەرا ئەوە کرد کە لە هەڵمەتەگە، فرەتر لە 100 هەزار تۊم بەڕۊ چنریا لەلایەن 750 خوەیبەخش لە گەنجەیل، و موختار ئاواییەگە وەگەرد رووڵەیل کۆمەڵگەی ناوخۆیی ئامادەی چاڵاکییەگە بۊن.

]]> Sat, 24 Oct 2026 13:25:27 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%AA-%D9%86%D8%AF%D8%B1%D9%88%D8%B3-%D9%88%D8%B1%D8%AF%D8%B3%D8%AA%D8%A7%D9%86-%D8%AF-%D8%B3-%D8%AF-%D9%87-%D9%85-%D8%AA-%D8%A7-%D8%B3-%D9%86-%D9%88-%D8%B1%D8%B2-%D9%8A%D9%84-%D9%88-%D9%87%D9%88%D8%B4%D8%AF%D8%A7%D8%B1-%D8%AF-%D8%AF-%D9%84-%D9%85-%D9%88%D8%A8%D9%88-%D9%86-%D9%88%D8%AA%D8%A7%D9%86-%D8%AF-%D9%88-%D8%B3%D9%88%D9%88%D8%B1 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%AA-%D9%86%D8%AF%D8%B1%D9%88%D8%B3-%D9%88%D8%B1%D8%AF%D8%B3%D8%AA%D8%A7%D9%86-%D8%AF-%D8%B3-%D8%AF-%D9%87-%D9%85-%D8%AA-%D8%A7-%D8%B3-%D9%86-%D9%88-%D8%B1%D8%B2-%D9%8A%D9%84-%D9%88-%D9%87%D9%88%D8%B4%D8%AF%D8%A7%D8%B1-%D8%AF-%D8%AF-%D9%84-%D9%85-%D9%88%D8%A8%D9%88-%D9%86-%D9%88%D8%AA%D8%A7%D9%86-%D8%AF-%D9%88-%D8%B3%D9%88%D9%88%D8%B1 تەندروسی کوردستان دەس کەێدە هەڵمەت ڤاکسینە وەرزییەيل و هوشداری دەێد لە کەمەوبوین کوتان دژ وە سووریژە

شەفەق نیوز - هەولێر

وەزارەت تەندروسی لە حکومەت هەرێم کوردستان، رووژ شەممە، راگەیان لە دەسکردن وە هەڵمەت ڤاکسینە وەرزییەیل لە شارەیل هەرێمەگە، لە وەختیگ هوشداری دا لە داوەزیان رویکردن مەردم لەبان کوتان مناڵەیلیان دژ وە سووریژە، لەوەر ئەو رخداریە تەندروسییەیلە کە دروسیان کەێد.

 وەڕیەوبەر گشتی تەندروسی هەولێر دلۆڤان محمد ئەرا ئاژانس شەفەق نیوز وت، کە هەڵمەتەیل کوتان وە ڤاکسینە وەرزییەیل و ڤاکسینەیل مناڵەیل لە سەرتاسەر ناوچەیل هەرێمەگە وەردەوامن، وەتایبەت هەولێر، وە دەسنشانکردن ئەوە کە ئی تەقەلایەلە بەشداری کردنە لە کەمەوکردن تۊشبۊنەیل وە ڤایرۆسەکان و ئەنفلەوەنزای وەرزی.

 محمد وتیش کە هەڵمەتەگە لە ماڵ وەساڵاچگەیل لە هەولێر دەس وەپی کردگە، وە دووپاتکردن ئەوە کە تیمە پزیشکییە تایبەتمەنەگان وەپەی پێوەر و رێنماییە دەرچگەیل لە ریخریاگ تەندروستی جەهانی کار کەن، و لەژیر سەرپەرشتی حکومەت هەرێم کوردستان.

لە باوەت وە کوتان مناڵەیل، محمد هوشداری دا لە کەمەوبوین رویکردن هاووڵاتییەیل لەبان کوتان مناڵەیلیان دژ وە سووریژە، ئەوە وە سەرچەوەیگ ئەرا نیگەرانی و رخباریەیل تەندروستییە، و بانگەوازکردن مەردم ئەرا پابەندبۊن وە بەرنامەیل کوتان ئەرا پاراستن مناڵەیلیان و کەمەوکردن بڵاوبۊن بیماریەیل.

 دەسنشان ئەرا ئەوە کرد کە هەرێم کوردستان هیچ تۊشبۊنیگ وە ئیفلیجی مناڵەیل توومار نەکردگە لە ساڵ 1998ەو، وە هوشدارداین لەوە کە لاوازی رویکردن لەبان ڤاکسینەیل شایەت هەڕەشە لە دەسکەفتە تەندروسییە وەدیهاتگەیل بکەێد و رخباریەیل گلەوخواردن ئەو بیمارەیلە زیای بکەێد کە تۊنرێد لەڕی کوتانەو خوەیپارێزی لەلیان بکریەێد.

محمد دووپات کرد کە حکومەت هەرێم کوردستان دابینکار سەرەکی ئەرا ڤاکسینەیل دیرێد، کە وە پەتی ئەرا هاووڵاتییەیل فەراهەم کریەێد، وە بانگەوازکردن خیزانەیل ئەرا کارلیککردن وەرد هەڵمەتەگە و رویکردن ئەرا کوتان مناڵەیلیان وەخاتر پاراستن تەندروسی گشتی.

]]> Sat, 24 Oct 2026 11:28:40 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B4%D9%86%D8%A7%D8%B3-%D9%84-%D8%B1%D9%85-%D8%AF%D8%A7%D9%88-%D8%B2-%D8%A7%D9%86-%D9%88-%D8%AE%D9%88-%D8%AF%D9%88-%D9%86-%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B4%D9%86%D8%A7%D8%B3-%D9%84-%D8%B1%D9%85-%D8%AF%D8%A7%D9%88-%D8%B2-%D8%A7%D9%86-%D9%88-%D8%AE%D9%88-%D8%AF%D9%88-%D9%86-%D8%AF کەشناسی.. پلەی گەرمی داوەزیان وەخوەی دوینێد

شەفەق نیوز ـ وەدویاچگن

وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو شەممە، کەشوهەوای دوو رووژ ناوچەگە کرد.

وەڕێوەبەرایەتیەگە لە بەیاننامەێگ راگەیان، ئمڕوو ئاسمان وە گشتی سامانە وەرد دروسبوین بڕیگ لەکە ەور وە تایوەت لە ناوچە کویەیلە، پلەی گەرمی نزیکەوبوود لە توومارەیل دویەکە".

دیاریکرد، "سوو ئاسان ساماڵ و لەکە ئەورە لەبڕیگ وەخت و شوین ئاڵشتبوود ئەرا نیمە ئەور، لە وەخت ئیوارە هاتێ نمە واران کەم بوود لە ناوچە کویەیل سنوور باکوور هەرێم وەگەرد بەشیگ لە سنوور پارێزگای دهۆکیش گرێدەو، و پلەی گەرمی نزیکەوبوود لە توومارەیل ئمڕوو".

 بەرزترین پلەی گەرمی مەزەنەکریاگ ئەرا سوو:

هەولێر: 28 پلەی سیلیزی 

پیرمام: 26 پلەی سیلیزی

سلێمانی: 27 پلەی سیلیزی

هەڵەبجە: 29 پلەی سیلیزی 

چەمچەماڵ: 28 پلەی سیلیزی

دهۆک: 28 پلەی سیلیزی

زاخۆ: 28 پلەی سیلیزی 

ئاکرێ: 27 پلەی سیلیزی 

گەرمیان: 33 پلەی سیلیزی 

حاجی ئۆمەران: 19 پلەی سیلیزی.

]]> Sat, 24 Oct 2026 10:45:34 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B4%D9%88%D9%87-%D9%88%D8%A7-%D8%AF%D9%88%D9%88-%D8%B1%D9%88%D9%88-%D9%84-%D9%87-%D8%B1-%D9%85-%D9%88%D8%B1%D8%AF%D8%B3%D8%AA%D8%A7%D9%86-6-5-0 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B4%D9%88%D9%87-%D9%88%D8%A7-%D8%AF%D9%88%D9%88-%D8%B1%D9%88%D9%88-%D9%84-%D9%87-%D8%B1-%D9%85-%D9%88%D8%B1%D8%AF%D8%B3%D8%AA%D8%A7%D9%86-6-5-0 کەشوهەوای دوو رووژ لە هەرێم کوردستان

شەفەق نیوز ـ وەدویاچگن

وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو پەنجشەممە، کەشوهەوای دوورژ ناوچەیل هەرێم کوردستان دیاریکرد.

وەڕێوەبەرایەتیەگە لە بەیاننامەیگ راگەیان "ئمڕوو ئاسمان لە ناوەین نیمە ئەور و ئەور تەواوە  وە تایوەت لە ناوچە کویەیلە وەگەرد ئەگەر کەمیگ تاوە واران و بەڵاچە لە ناوچەیل سنوور خوەرهەڵات هەرێم تا وەخت دویای نیمەڕوو وەشیوەی کوتکوت وەردەوام بوود و تونی وا ها ناوەین یەواش و ناوڕاس ئاراستەی لە باکوور خوەرهەڵاتەو ئاڵشتبوود ئەرا باکوور خوەرئاوا، و پلەی گرمی نزیکە لە توومارەیل دویەکە".

دیاریکرد "ئاسمان وە گشتی نیمەئەورە تونی وا یەواشە وە ئاراستەی باکوور خوەرئاوا، و پلەی گەرمی وە گشتی نزیکە لە توومارەیل ئمڕوو".

بەرزترین پلەی گەرمی مەزەنەکریاگ وە پلەی سیلیزی:

هەولێر: 26 پلەی سیلیزی 

پیرمام: 26 پلەی سیلیزی

سلێمانی: 24 پلەی سیلیزی

هەڵەبجە:26 پلەی سیلیزی 

چەمچەماڵ: 28 پلەی سیلیزی

دهۆک: 27 پلەی سیلیزی

زاخۆ: 28 پلەی سیلیزی 

ئاکرێ:28 پلەی سیلیزی 

گەرمیان:31 پلەی سیلیزی 

حاجی ئۆمەران:16 پلەی سیلیزی.

]]> Thu, 22 Oct 2026 10:53:56 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%88%D8%B4-%D8%A7%D9%86-%D8%AF%D9%88%D9%88-%D8%A8%D8%B1%D8%A7-%D9%88-%D9%84%D8%A7%D9%85%D8%A7%D8%B1-%D8%AF%D8%A7%D8%B1-%D9%84-%D8%A7-%D8%B1-%D8%A8%D8%A7-%D9%88%D9%88%D8%B1-%D8%AF%D9%87 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%88%D8%B4-%D8%A7%D9%86-%D8%AF%D9%88%D9%88-%D8%A8%D8%B1%D8%A7-%D9%88-%D9%84%D8%A7%D9%85%D8%A7%D8%B1-%D8%AF%D8%A7%D8%B1-%D9%84-%D8%A7-%D8%B1-%D8%A8%D8%A7-%D9%88%D9%88%D8%B1-%D8%AF%D9%87 کوشیان دوو برا وە پەلاماریگ چەکداری لە ئاکرێ باکوور دهۆک

شەفەق نیوز ـ دهۆک

ەرچەوەیگ ئەمنی، ئمڕوو پەنجشەممە، خەوەردا لە کوشیان دوو برا وە گول لە ناوەن قەزای ئارێ باکوور پارێزگای دهۆک.

سەرچەوەگە وە ئاژانس شەفەق نیوز وت، دوو گەنج گیان لەدەسدان دویە شەو وە تەقەکردن راستەوخوەی لەلیان لە قەزاگە.

وتیش؛ هێزەیل ئەمنی ئاخڵەی شوین رویداوەگەدان و لێکۆڵینەوەی دەسوەجی لە چۆنیەتی رویداوەگە وازکردن.

سەرچەوەگەدیاریکرد، تەرم دوو قوربانیەگە ئەرا خەستەخانە کلکریا و هێزەیل ئەمنی وەردەوامن لە ارەیل مینەکردن و وەدویاچگا ئەو تاوانبارەیلە کەواینە.

]]> Thu, 22 Oct 2026 07:59:51 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%86-%D8%B1-%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D9%87-%D8%B1-%D9%88-%D8%A7-%D8%B4%D8%AA-%D9%88-%D8%A7%D8%B1-%D8%B2-%D8%B1-%D8%B1%D8%A7-%D9%85%D8%A7%D9%81-%D9%88-%D9%86%D8%A7%D8%B3%D9%86%D8%A7%D9%85-%D8%B2%D8%AF-%D9%84-%D9%85-%D9%86-%D9%85%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%86-%D8%B1-%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D9%87-%D8%B1-%D9%88-%D8%A7-%D8%B4%D8%AA-%D9%88-%D8%A7%D8%B1-%D8%B2-%D8%B1-%D8%B1%D8%A7-%D9%85%D8%A7%D9%81-%D9%88-%D9%86%D8%A7%D8%B3%D9%86%D8%A7%D9%85-%D8%B2%D8%AF-%D9%84-%D9%85-%D9%86-%D9%85%D9%86 نێچیرڤان بارزانی: هەر وە پاڵپشت و پارێزەر ئەرا ماف و ناسنامەی ئێزدییەیل مینیمن

شەفەق نیوز - هەولێر

نێچیرڤان بارزانی سەرۆک هەرێم کوردستان، رووژ چوارشەممە، دووپات لەبان وەردەوامبۊن پاڵپشتی ئێزدییەیل و پاراستن ماف و ناسنامەیان کرد، لە وەختیگ دەسنشان ئەرا وەردەوامبۊن تەقەلاگان کرد ئەرا ئازادکردن رفیاگەیل و ئاشکراکردن چارەنویس بیسەروشوینەیل، و وەدیهاوردن دادپەروەری ئەرا رزگاربۊیل لە تاوانەیل ریخریاگ داعش.

 یەیش لە وتاریگ هات کە دڵشاد شەهاب یاریدەدەر سەرۆک هەرێم کوردستان، لەجیای بارزانی، لەناو رێوڕەسم راگەیانن "تووڕ هەڵسیان رزگاربۊیل" ئێزدییەیل پیشکەشی کرد، کە شەوەکی ئمڕوو لە هەولێر وەڕیەو چگ، وە ئامادەبۊن وەرپرسەیل و کەسایەتییەیل لە ناوخۆ و دەیشت هەرێم کوردستان.

 بارزانی لە وتارەگەی کە رەسیە ئاژانس شەفەق نیوز وت، کە رێوڕەسمەگە کوڵ نیەود لەبان زینگکردن یاد جینۆساید و ئەو تاوانەیلە کە ریخریاگ "داعش" وەرانوەر هاووڵاتییە ئێزدییەیل ئەنجامیان دا، بەڵکم  لە سەرەتاییگ نوو ئەرا رزگاربۊیل تیەێدە دی، کە رەنگدانەوەی ئیرادە و رکداری لەبان بیناکردن ژیانیگ خاستر و ئایندەیگ ئارامتر.

وتیش کە ئێزدییەیل چەسپانن وە وەرگەگردن و ئازایەتییان، کە تیرۆر، وەگەرد تاوانەیل و دڕندەیی، نەتۊنست ئیرادەیان بشکنێد یا کۆتایی وە ئومیدیان لە ژیان بارێد، وە دووپاتکردن پابەندبۊنیان وە گلەوهاوردن مافەیلیان و بیناکردن بانانیگ خاستر ئەرا خوەیان و مناڵەیلیان.

 دەسنشان ئەرا ئەوە کرد کە راگەیانن "توڕ هەڵسیان رزگاربۊیل  لە گامیگ گرنگ وەرەو قۆناغیگ تیەێد دی کە رزگاربۊیل خوەیان خاوەن دەسپێشخەری و دەنگ کاریگەر بوون لەو دۆسیە و بڕیارەیلە کە پەیوەندی وە مافەیلیان و ئایندەیانەو دیرن"، وە دەربڕین "پاڵپشتیی ئەرا ئامانجەیل توڕەگە".

 یەیش وە دەرفەتیگ دانێد ئەرا وەهیزکردن هاوکاری و هاوپشتی لە ناوەین رزگاربۊیل لە پێکهاتە جیاجیاگان کە تاوانەیل "داعش" گردیەیانە ئامانج.

 بارزانی، دووپاتکردنی نووەو کرد کە هەرێم کوردستان هەر وە پاڵپشتیگ ئەرا ئێزدییەیل و پارێزەریگ ئەرا مافە رەوایەیل و ناسنامەیان لە کوردستان و عراق و گشت ئەو شوینەیلە کە لەتیان هەن مینێد، وە دەسنشانکردن ئەوە کە تەقەلایل وەردەوام بوون تا وەختیگ تەنیا یەک رفیاگیش بوود، وە ئامانج ئازادکردن رفیاگەیل و گلەوهاوردنیان و ئاشکراکردن چارەنویسیان.

دیاری کرد کە وەدیهاوردن دادپەروەری، و مسۆگەرکردن مافەیل رزگاربۊیل، و ئاشکراکردن چارەنویس بیسەروشوینەیل، و جیوەجیکردن یاسای رزگاربۊە ئێزدییەیل، و دروسکردن رەوشەیل گونجیاگ ئەرا گلەوخواردن ئاوارەیل و دوبارە ئاوەدانکردن شنگال و ناوچە ئێزدییەیل ترەک، دروس کەن لە ئەرکەیلیگ سەرەکی کە تەقەلایەیل وەردەوام بوون ئەرا جیوەجیکردنیان.

 دەسنشان ئەرا ئەوە کرد کە لە ماف رزگاربۊیلە بڕەسنە دادپەروەری و ژیانیان وە یەخسیر نەهامەتییەیل جینۆساید نەمینێد، بەڵکم دەرفەت ئەرايان پەیا بکەێد ئەرا بەشداریکردن چالاک لە بیناکردن کۆمەڵگەیان و داڕشتن ئایندەیان، وە دەسنشانکردن ئەوە کە گووشگردن لە دەنگەیلیان و بەشداریکردنیان لەو بڕیارەیلە کە پەیوەندی وە مافەیل و ژیانیانەو دیرن لە بەشیگ بنەڕەتی لە دادپەروەری و رێزگردن لە کەرامەت مرۆڤایەتی.

 نێچیرڤان بارزانی لە قسەیلی وتیش کە سەرکەفتن توڕەگە لە سەرکەفتنیگ تیەێدە دی ئەرا ئەو تەقەلایەلە کە ئامانج لەلیان وەدیهاوردن دادپەروەری و خاسەوبۊن و وەهیزکردن ئاشتی و وەیەکەوژیانە، وە پیرۆزباییکردن لە رزگاربۊیل لەی دەسپێشخەرییە، و دەسخوەشی لە ئازایەتی و وەرگەگردن و رکدارییان لەبان وەرەونواچگن.

]]> Wed, 21 Oct 2026 12:25:57 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%88-%D8%A7%D9%85%D8%A7%D9%86%D8%AC-%D8%B1%D8%AF%D9%86-%D8%A8%D8%A7%D8%B1-%D8%A7-%D8%A7%D8%B1%D8%AA-%D8%A7%D8%B2%D8%A7%D8%AF-%D9%88%D8%B1%D8%AF%D8%B3%D8%AA%D8%A7%D9%86-%D8%B1%D8%A7%D9%86-%D9%88-4-%D9%85%D9%88%D9%88%D8%B4-%D9%84-%D8%A8%D8%A7%D9%84-%D8%B3%D8%A7%D9%86-%D9%84-%D9%87-%D8%B1-%D9%85-%D9%88%D8%B1%D8%AF%D8%B3%D8%AA%D8%A7%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%88-%D8%A7%D9%85%D8%A7%D9%86%D8%AC-%D8%B1%D8%AF%D9%86-%D8%A8%D8%A7%D8%B1-%D8%A7-%D8%A7%D8%B1%D8%AA-%D8%A7%D8%B2%D8%A7%D8%AF-%D9%88%D8%B1%D8%AF%D8%B3%D8%AA%D8%A7%D9%86-%D8%B1%D8%A7%D9%86-%D9%88-4-%D9%85%D9%88%D9%88%D8%B4-%D9%84-%D8%A8%D8%A7%D9%84-%D8%B3%D8%A7%D9%86-%D9%84-%D9%87-%D8%B1-%D9%85-%D9%88%D8%B1%D8%AF%D8%B3%D8%AA%D8%A7%D9%86 وە ئامانجگردن بارەگای پارت ئازادی کوردستان ئیران، وە 4 مووشەک لە بالیسان لە هەرێم کوردستان

شەفەق نیوز - هەولێر

پارت ئازادی کوردستان ئیران ئۆپۆزسیۆن، ئمڕوو چوارشەممە، وە ئامانجگردن یەکیگ لە بنکەیلی وە چوار مووشەک بالستی وەلایەن هێزەیل ئیرانی لە ناوچەی دووڵ بالیسان سەر وە هەرێم کوردستان راگەیان.

پارتەگە لە بەیاننامەیگ فەرمی دیاری کرد  "لە سەعات 9:22 شەوەکی، پەلاماریگ مووشەکی ئیرانی دەسوەپیکرد  یەکیگ لە بنکەیل (هێزەیل پاراستن کوردستان) لە ناوچەی هەریر - بالیسان ئامانج گرد، تا ئیسە چوار مووشەک بالستی تەقیاگە".

 بەیاننامەگە ئاشکرا کرد  "وە مد چوڵکردن بارەگاگە لە گوزەشتە، هویچ زەردیگ گیانی لە رز هێزەیل پێشمەرگەی سەر وە پارتەگە توومار نەکریایە".

]]> Wed, 21 Oct 2026 09:22:35 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%A8%D8%A7-%D9%88-%D8%B2%D8%AE%D8%A7%D9%86-%D8%B1%D8%A7%D9%86-%D8%A7-%D9%84-%D8%A8-%D8%BA%D8%AF%D8%A7%D8%AF-%D8%A8-%D8%A7%D9%88-%D8%B1%D8%AF%D9%86-%D8%AF%D8%B1-%D9%86-%D9%84-%D9%87-%D8%B1-%D9%85-%D9%88%D8%B1%D8%AF%D8%B3%D8%AA%D8%A7%D9%86-%D8%B1-%D8%AF-%D8%AF-%D9%88-%D8%B1%D8%A7-%D8%B1%D8%AA-%D8%B1%D8%A7%D9%86-%D9%88-%D8%AF%D8%B1%D9%88%D9%88-%D8%B2%D8%A7%D9%86-%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%A8%D8%A7-%D9%88-%D8%B2%D8%AE%D8%A7%D9%86-%D8%B1%D8%A7%D9%86-%D8%A7-%D9%84-%D8%A8-%D8%BA%D8%AF%D8%A7%D8%AF-%D8%A8-%D8%A7%D9%88-%D8%B1%D8%AF%D9%86-%D8%AF%D8%B1-%D9%86-%D9%84-%D9%87-%D8%B1-%D9%85-%D9%88%D8%B1%D8%AF%D8%B3%D8%AA%D8%A7%D9%86-%D8%B1-%D8%AF-%D8%AF-%D9%88-%D8%B1%D8%A7-%D8%B1%D8%AA-%D8%B1%D8%A7%D9%86-%D9%88-%D8%AF%D8%B1%D9%88%D9%88-%D8%B2%D8%A7%D9%86-%D8%AF باڵوێزخانەی ئۆکرانیا لە بەغداد بڵاوکردن درۆن لە هەرێم کوردستان رەدکەێد و راپۆرتیگ ئیرانی وە دروو زانێد

شەفەق نیوز - بەغداد

باڵوێزخانەی ئۆکرانیا لە کۆمار عراق، ئمڕوو چوارشەممە، بانگەشەیلیگ کە راگەیاننەیل ئیرانی بڵاوی کردوین لەبان بڵاوکردن فڕۆکەی بیفڕۆکەوان (درۆن) وەلایەن کیێڤ لە هەرێم کوردستان رەدکەێد، و داوا کرد کە "دۊزەو" بوون  و دویرەوبکەفن  لە بڵاوکردن "بانگەشەیل نەچەسپیاگ".

یەیش جویر جواویگ هات   ئەرا راپۆرتیگ کە ئاژانس "تەسنیم" ئیرانی بڵاوی کردوێد،  کە وەپای سەرچەوەیگ ئەمنی کە ناسنامەی ئاشکرا نەکردگە، و بانگەشەی ئەوەگ کەێد ئۆکرانیا یەکەیل و هەزاران فڕۆکەی بیفڕۆکەوان لە هەرێم بڵاو کردگە.

باڵوێزخانەگە لە بەیاننامەیگ فەرمی کە رەسیە ئەرا ئاژانس شەفەق نیوز راگەیان  "ئێ بانگەشەیلە وە تەواوی  دویر لە راسی، و چەواشەکارییگ ئەنقەستن"، و دووپات کرد لەوەگ کیێڤ "هویچ فڕۆکەیگ بیفڕۆکەوان یا یەکەیل سەر وە خوەی یا کەسایەتیەیل پەیوەنیدار وە خوەی بڵاو نەکردی، نە لە هەرێم کوردستان و نە لە هویچ شوونیگ ترەک لە عراق".

بەیاننامەگە دیاری کرد  ئۆکرانیا "رێز تەواو لە سەروەری کۆماری عراق و سەربەخوەیی خاکەیلی گرێد، و شانازی کەێد وە پەیوەنیەیل دووستایەتی کە بەسێدەی وە حکومەت فیدڕاڵی و حکومەت هەرێم کوردستان".

]]> Wed, 21 Oct 2026 08:51:09 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%84-48-%D8%B3%D8%A7%D8%B9-%D8%AA-%D8%A7-%D9%86%D8%AF-%D9%88-%D9%88%D8%A7%D8%B1%D8%A7%D9%86-%D9%88-%D8%A8-%D8%A7-%D9%84-%D9%86%D8%A7%D9%88-%D9%84-%D9%87-%D8%B1-%D9%85-%D8%B1-%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%84-48-%D8%B3%D8%A7%D8%B9-%D8%AA-%D8%A7-%D9%86%D8%AF-%D9%88-%D9%88%D8%A7%D8%B1%D8%A7%D9%86-%D9%88-%D8%A8-%D8%A7-%D9%84-%D9%86%D8%A7%D9%88-%D9%84-%D9%87-%D8%B1-%D9%85-%D8%B1-%D8%AF لە 48 ساعەت ئایندە چەوڕەێ واران و بەڵاچە لە ناوچەیل هەرێم کریەێد

شەفەق نیوز ـ وەدویاچگن

وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو چوارشەممە، کەشوهەوای 48 ساعەت ئایندەی ناوچەگە دیاریکرد و راگەیان واران و بەڵاچە ناوچەیل هەرێم کوردستان گرێدەو.

وەپای بەیانامەیگ وەڕێوەبەرایەتیەگە "ئمڕوو ئاسمان ئەور تەواو بوود لە فرەیگ وەخەیل و لە ئیوارە هاتێ بەڵاچە و واران کەمیگ بوود لە وەخت و شوین جیاجیا، لەدیر وەخت شەو بڕ واران وارین زیای کەێد  وە تایوەت لە ناوچەیل  سنوور پاڕیزگای هەولێر و سلێمانی و هەڵەبجە وەگەرد باشوور و باشوور خوەرهەڵات پارێزگای دهۆک و ئیدارەی سەربەخوەی سۆران و راپەرین وە بەشیگ لە سنوور ئیدارەی گەرمیان، پلەی گەرمی 1 تا 2 پلە داوەزیان وە خوەی دوینێد".

دیاریکرد، "س ئاسمان ئەور تەواوە لە وەخت شەوەکی کاریگری واران وارین و بەڵاچە تا وەخت دویای نیمەڕوو لەبان ناوچەیل  ( ئیدارەی سەربەخوەی سۆران و ناوچە کویەیل، بەشیگ لە ناوچەی جیا جیای پارێزگای هەولێر، ئیدارەی راپەرین، بەشیگ لە سنوور پارێزگای سلێمانی و هەڵەبجە وەگەرد ناوچەی جیا جیای ئیدارەی گەرمیان) وەردەوام بوود لە دویای نیمەروو ئاسمان کەفێدە ناوەین لەکە ئەور و نیمەئەور".

بەرزترین پلەی گەرمی مەزەنەکریاگ ئەرا سوو:

هەولێر: 28 پلەی سیلیزی 

پیرمام: 26 پلەی سیلیزی

سلێمانی: 27 پلەی سیلیزی

هەڵەبجە: 27 پلەی سیلیزی 

چەمچەماڵ: 28 پلەی سیلیزی

دهۆک: 28 پلەی سیلیزی

زاخۆ: 28 پلەی سیلیزی 

ئاکرێ: 29 پلەی سیلیزی 

گەرمیان: 31 پلەی سیلیزی 

حاجی ئۆمەران: 20 پلەی سیلیزی.

]]> Wed, 21 Oct 2026 08:46:00 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%85%D8%B1%D8%AF%D9%86-%D9%88-%D8%B2-%D8%AE%D9%85%D8%AF%D8%A7%D8%B1-5-%D9%86%D8%A7%D8%A8-%D8%B1-%D8%B3%D9%88%D9%88%D8%B1-%D9%88-%D8%B1%D9%88-%D8%AF%D8%A7%D9%88-%D9%87%D8%A7%D8%AA%D9%88-%D9%88-%D9%84-%D8%AF%D9%87 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%85%D8%B1%D8%AF%D9%86-%D9%88-%D8%B2-%D8%AE%D9%85%D8%AF%D8%A7%D8%B1-5-%D9%86%D8%A7%D8%A8-%D8%B1-%D8%B3%D9%88%D9%88%D8%B1-%D9%88-%D8%B1%D9%88-%D8%AF%D8%A7%D9%88-%D9%87%D8%A7%D8%AA%D9%88-%D9%88-%D9%84-%D8%AF%D9%87 مردن و زەخمداری 5 پەنابەر سووری وە رویداو هاتوچو لە دهۆک

شەفەق نیوز ـ دهۆک

سەرچەوەیگ ئەمنی، ئمڕوو سێشەممە، خەوەردا لە مردن سێ پەنابەر کورد سوریا وزەخمداری دوو گلە ترەک وە رویداو هاتوچو لەبان ری ناوەین قوش و بەدریە لە باشوور پارێزگای دهۆک وە مدوو لەیەکەداین ناوەین دوو ماشین.

سەرچەوەگە وە ئاژنس شەفەق نیوز وت "قوربانیەیل پەنابەر سوورین دانشتگ کەمپ دەرە شەکران لە خوەرئاوای هەولێرن لە هەرێم کوردستان" دیاریکرد "یەکیگ لەلیان لەدویای کلکردن ئەرا خەستەخانە گیان دەسدا".

وتیش؛ " تەرم قوربانیەیل ئەرا پزیشک دادوەری کلکریا ئەرا تەواوکردن رێکارەل یاسایی و لێکۆڵینەوە لە چوینیەتی رویداوەگە و رادەسکردنیان وە کەسوکاریان".

سەرچەوەگە ئاشکراکرد، تا ئیسە مدوو رویداوەگە وە هویردی دیارنییە لایەنەیل پەیوەنیدار وەردەوامن لە لێکۆڵینەوە".

]]> Tue, 20 Oct 2026 15:39:58 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%A7%D8%B1%D8%AA-%D8%B1%D8%A7%D9%86-%D8%B2%D8%B3-%D9%86-%D8%A7%D9%85%D8%A7%D8%AF-%D9%85%D9%86-%D8%B1%D8%A7-%D9%88-%D8%AC-%D9%87-%D8%B4%D8%AA%D9%86-%D9%87-%D8%B1-%D9%85-%D9%88%D8%B1%D8%AF%D8%B3%D8%AA%D8%A7%D9%86-%D9%88-%D9%85%D8%A7%D9%86-%D9%88-%D8%AF-%D8%B3-%D9%86-%D9%85%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%A7%D8%B1%D8%AA-%D8%B1%D8%A7%D9%86-%D8%B2%D8%B3-%D9%86-%D8%A7%D9%85%D8%A7%D8%AF-%D9%85%D9%86-%D8%B1%D8%A7-%D9%88-%D8%AC-%D9%87-%D8%B4%D8%AA%D9%86-%D9%87-%D8%B1-%D9%85-%D9%88%D8%B1%D8%AF%D8%B3%D8%AA%D8%A7%D9%86-%D9%88-%D9%85%D8%A7%D9%86-%D9%88-%D8%AF-%D8%B3-%D9%86-%D9%85%D9%86 پارتیگ ئیرانی ئۆپۆزسیۆن: ئامادەیمن ئەرا وەجیهیشتن هەرێم کوردستان و چەکمان وەدەس نیەیمن

شەفەق نیوز - هەولێر

خەلیل نادری قسەکەر وەناو پارت ئازادی کوردستان ئیرانی ئۆپۆزسیۆن، رووژ سێشەممە، دووپات کرد کە پارتەگە لەژیر هیچ رەوشیگ چەک خوەی وەدەس نیەێد، و دەسنشان ئەرا ئامادەبۊن پارتەگە کرد ئەرا وەجیهیشتن هەرێم کوردستان عراق ئەگەر دەسەڵاتەیل هەرێمەگە بۊین پارتەگە بۊنن کە فشار یا کێشەیل لەبانیان دروس کەێد.

 نادری، ئەرا ئاژانس شەفەق نیوز وتیش کە "ئیران لە رێککەفتن ساڵ 2022ەو تەقەلا داس تا ریگری لە خەبات ئۆپۆزسیۆن لە خوەرئەڵات کوردستان بکەێد"، وە دەسنشانکردن ئەوە کە "تەهران فشارەیل لەبان سەرکردایەتییەیل ئۆپۆزسیۆن خستە کار ئەرا پاڵنانیان وەرەو وەدەسداین خوەیان".

 نادری ئەو فشارەیلە کە تەهران خەێدەی کار وە ئەوە دانەێد کە "هەڵوێست پارتەگە لە باوەت چەک ئاڵشت نیەکەن"، و رووشنەو کرد کە "پارتەگە لاری نەیرێد رویکردنی وەرەو ناوچە کویەستانییەیل لە خوەرهەڵات کوردستان بوود ئەگەر تویش فشارەیلیگ گەورە لەلایەن دەسەڵاتەیل هەرێمەو بوود، کە وەدەسداین چەک یا دەسهەڵگردن لە چالاکی پارتەگە رەد کەێد".

 لەباوەت پەیوەندی وەرد حکومەت هەرێم کوردستان، نادری رووشنەو کرد کە "پەیوەندی و دیالۆگەیل لە ناوەین هەردوگ لا وەردەوامن"، وە دووپاتکردن ئەوە کە "پارتەگە رەچاو رەوشەیل هەرێم کەێد و پابەندە وە بڕیار و یاسا و سیستەم و سنوورەیلی".

 دەسنشان ئەرا ئەوە کرد کە "پارتەگە لە فرەتر لە 30 ساڵەو پابەندە وە جیوەجینەکردن هیچ کاریگ سەربازی دژ وە ئیران لە خاک هەرێم کوردستانەو"، وە دەسنشانکردن ئەوە کە "پارتەگە رێز لە سەروەری هەرێمەگە گرێد و تەقەلا نیەیەێد ئەرا شیویان جیگیربۊنی".

 نادری رەد کرد کە پارتەگە هیچ پەیوەندییگ فەرمی لە حکومەت هەرێم کوردستان لەباوەت "چەککردن یا دەرکردن" وەرگربوید، وە دووپاتکردن ئەوە کە "ئەو پەیوەندییە کە هەس فتراق خەێدە بان رێزگردن لە یاساگان هەرێم کوردستان و رەچاوکردن رەوشەیلی".

 هەڵوێست نادری تیەێد دۊای بڵاوکریاییگ کە خریەێدە زوان محەمەد کازم ئال سادق باڵوێز ئیرانی لە عراق، کە لەتی باس لە رێککەفتنیگ لە ناوەین بەغداد و تەهران کرد لەباوەت دەرکردن گرووپەیل ئۆپۆزسیۆن کوردی ئیرانی لە هەرێم کوردستان عراق یا رادەسکردنیان وە ئیران، لە وەختیگ راگەیانن عراقی پەیوەندیدار وە گردەوبوینەگە هیچ دووپاتکردنیگ ئاشکرا ئەرا ئی وردەکارییە لە خوەی نەگرد.

 بارەگایەیل پارتەیل ئۆپۆزسیۆن کوردی ئیرانی وە شیوەیگ سەرەکی لە هەرێم کوردستان هەن، و لەی وەختە کەفنە ژیر رێککەفتنەیل ئەمنی نوو لە ناوەین بەغداد و تەهران کە ئامانجیان دویرخستنیانە لە سنوورەیل.

بارەگایەیل ئۆپۆزسیۆن لە وەختیگ ئەرا وەختیگ ترەک تویش گورز و بەئامانجگردن وە فڕۆکە بیفڕۆکەوانەیل و موشەکەیل لە لایەن ئیرانییەو بوون، کە نووترین لەلیان ئەو پەلامارەیلە بۊن کە شوینەیل لە هەولێر و سۆران گردنە ئامانج.

]]> Tue, 20 Oct 2026 14:12:28 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%87-%D9%88%D9%84-%D8%B1-%D8%A8-%D8%B4-%D9%88-%D8%B1%D8%AF%D9%86-1700-%D8%A7%D8%B1-%D8%B2-%D9%88-%D8%B1%D8%A7-%D9%81-%D8%B1%D9%85%D8%A7%D9%86%D8%A8-%D8%B1-%D9%84-%D8%AD-%D9%88%D9%85-%D8%AA https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%87-%D9%88%D9%84-%D8%B1-%D8%A8-%D8%B4-%D9%88-%D8%B1%D8%AF%D9%86-1700-%D8%A7%D8%B1-%D8%B2-%D9%88-%D8%B1%D8%A7-%D9%81-%D8%B1%D9%85%D8%A7%D9%86%D8%A8-%D8%B1-%D9%84-%D8%AD-%D9%88%D9%85-%D8%AA هەولێر.. بەشەوکردن 1700 پارچە زەوی ئەرا فەرمانبەرەیل حکومەتی

شەفەق نیوز - هەولێر

حکومەت هەرێم کوردستان، رووژ دووشەممە، راگەیان لە بەشەوکردن 1700 پارچە زەوی نوو ئەرا فەرمانبەرەیل لە سنوور پارێزگای هەولێر.

ساسان عەونی وەزیر شارەوانییەیل و گەشتوگوزار لە حکومەت هەرێم کوردستان، لە کۆنگرەیگ رووژنامەوانی کە پەیامنێر ئاژانس شەفەق نیوز ئامادەی بۊ، وت کە "لە وەخت دەسکردن وە جیوەجیکردن بڕیار بەشەوکردن زەوییەیل لە ناوەین فەرمانبەرەیل وەپەی ریکارەیل گیریاگەوەر لە مانگ تەموز/یۆلیۆی ساڵ گوزەشتەو، تا ئیسە 40 هەزار پارچە زەوی بەشەو کریاس، لە وەختیگ کارەیل وردبینیکردن لە فۆرمەیل 50 هەزار فەرمانبەر ترەک وەردەوامە".

 عەونی وتیش کە "گشت پرۆسەی بەشەوکردن زەوییەیل ئەرا فەرمانبەرەیل لە رێژەی 50% پەڕیەسەو، و وەردەوام بوود تا گشت شایستەیل بگرێدەو"، وە دەسنشانکردن ئەوە کە لە شان بەشەوکردن زەوییەیل لە ناوەین فەرمانبەرەیل، قەرەبوو خاوەن زەوییە رەسەنەیل کریەێد کە کەفنە ناو ئەو موڵکەیلە کە ئی پرۆسە گرێدەیانەو".

]]> Mon, 19 Oct 2026 13:27:29 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%86%D8%A7-%D8%A7%D8%B1-%D8%B1%D8%AF%D9%86-%D8%B4%D8%AA-%D8%AF%D8%A7%D9%85%D9%88%D8%AF-%D8%B2-%D8%A7-%D9%85-%D8%AF-%D8%A7-%D9%84-%D9%84-%D9%87-%D8%B1-%D9%85-%D9%83%D9%88%D8%B1%D8%AF%D8%B3%D8%AA%D8%A7%D9%86-%D9%88-%D8%AC-%D9%88-%D8%AC-%D8%B1%D8%AF%D9%86-%D8%AF-%D8%B3-%D9%88-%D8%B1-%D9%85-%D8%A7-%D8%AA https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%86%D8%A7-%D8%A7%D8%B1-%D8%B1%D8%AF%D9%86-%D8%B4%D8%AA-%D8%AF%D8%A7%D9%85%D9%88%D8%AF-%D8%B2-%D8%A7-%D9%85-%D8%AF-%D8%A7-%D9%84-%D9%84-%D9%87-%D8%B1-%D9%85-%D9%83%D9%88%D8%B1%D8%AF%D8%B3%D8%AA%D8%A7%D9%86-%D9%88-%D8%AC-%D9%88-%D8%AC-%D8%B1%D8%AF%D9%86-%D8%AF-%D8%B3-%D9%88-%D8%B1-%D9%85-%D8%A7-%D8%AA ناچارکردن گشت دامودەزگا میدیاییەیل لە هەرێم كوردستان وە جیوەجیکردن دەسەوەر کۆمەڵایەتی

شەفەق نیوز- هەولێر

وەزارەت کار و کاروبار کۆمەڵایەتی لە حکومەت هەرێم كوردستان، ئمڕوو دوشەممە، راگەیان وە ناچاریە پابەن بوین  گشت ئەو کەسەیل لە دامودەزگا میدیاییەیل کارکەن وە دەسەوەری کۆمەڵایەتی، لە گامیگ وە ئامانج پاراستن مافەیل رووژنامەنویسەیل و کارکەرەیل لە کەرت میدیایی.

وەزیر کار و کاروباری کۆمەڵایەتی لە هەرێم، کوێستان محمد، لە وەخت کۆنگرەیگ ڕۆژنامەوانی کە ئاژانس شەفەق نیوز ئامادەی بوو، وت: "دویای هەماهەنگی هاوبەش لەناوین سەندیکای رووژنامەنووسەیل كوردستان و وەزارەت، و راپرسی لە ئەنجومەن شوورای هەرێم، و وەپشتیوانی وە قانون خانەنشینی و دەستەبەری کۆمەڵایەتی و قانون کار رووژنامەنووسی، بڕیاردریا کە بوودە ئەرکیگ وەبان هەر دەزگایگ میدیایی دابینکردنی دەستەبەری کۆمەڵایەتی ئەرا گشت کارکەرەیلی".

وەزیر کار و کاروباری کۆمەڵایەتی لە هەرێم، کوێستان محمد، لە وەخت کۆنگرەیگ رووژنامەوانی کە ئاژانس شەفەق نیوز ئامادەی بوی، وت: "دویای هەماهەنگی هاوبەش لەناوەین سەندیکای رووژنامەنویسەیل كوردستان و وەزارەت، و راپرسی لە ئەنجومەن شوورای هەرێم، و وەپشتیوانی وە یاسای خانەنشینی و دەستەبەری کۆمەڵایەتی و یاسای کار رووژنامەنووسی، بڕیاردریا کە بوودە ئەرکیگ وەبان هەر دەزگایگ میدیایی دابینکردن دەستەبەری کۆمەڵایەتی ئەرا گشت کراکارەیلی".

کوێستان محمد ئاشکرایکرد، ئی بڕیارە سوودمەنبوین رووژنامەنویسەیل و کراکارەیل مسۆگەر کەێد لە شایستە داراییەیل لە وەخت رەسین وە تەمەن خانەنشینی یا لە وەخت بڕیان لە کار، کە بڕیگ لەلیان وەپای یاسای خانەنشینی و دەستەبەری بڕیەێد و خرێدە ناو حساو تایوەت خوەیان وەرانوەر وە  خزمەتەیل گوزەشتەیان.

دیاریکرد، بڕیارەگە ئەو کارکەرەیلە لە دەزگا میدیاییەیل نیەگردەو کە لە هەمان وەخت مووچەخوەر فەرمی لە حکومەت هەرێم كوردستانن لەوەر ئەوەگ بەشیگ لە مووچەیان مانگانە بڕیەێد ئەرا مەبەست خانەنشینی حکومەتی.

وەزیر کار وەردەوام بوی وت: "بیجگە لەو چینە کە باسکریا، بڕیارەگە وەبان گشت کارکەرەیل ترەک جیوەجیبد ، وەرد دروستکردن لیژنەیگ ئیداری وە سەرۆکایەتی بڕیکار وەزارەت ئەرا وەدویاچگن و جیوەجیکردن ئی دۆسیە".

لە لای خوەیەو، نەقیب رووژنامەنویسەیل كوردستان، ئازاد حەمەد ئەمین، دووپاتکرد ئی گامە پشت وە رایگ یاسایی بەسیە کە لە ئەنجومەن شوورای هەرێم دەرچوود، و جویر فەتوا لە قەڵەم درێد ئەرا دووپاتکردن لە دابینکردن  گرێبەست کار فەرمی و دەستەبەری کۆمەڵایەتی ئەرا رووژنامەنووسەیل کارکەر لە دەزگا میدیاییەیل، و دیاریکرد وە مەینەتی کەرتەگە لە گوزەشتە لە ئەنجام ئەنجامنەدان گرێبەس کار ئەرا شمارەیگ فرە لە رووژنامەنووسەیل لەلایەن بڕیگ لە دەزگایل.

لەلایگ ترەک، نەقیب رووژنامەنووسەیل ئاشکراکرد تەقەلادان  و پەیوەنی وەردەوام هەس وەرد حکومەت هەرێم و وەزارەت شارەوانییەیل ئەرا تەرخانکردن زەوی نیشتەجیبوین ئەرا ئەو رووژنامەنویسەسلە کە خزمەت پیشەییان لە 8 ساڵ زیاترە، کە شمارەیان رەسێدە 1800 رووژنامەنویس و شارەزا لە گشت هەرێم.

]]> Mon, 19 Oct 2026 11:28:27 +0000