Sat, 24 Oct 2026 15:06:09 +0000 ar hourly 3 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%87%D9%88%D8%B4%D8%AF%D8%A7%D8%B1-%D8%B1%D8%A7-%D9%88-%D8%B3%D8%A7-%D8%A7-%D9%84-%D8%AE-%D9%88-%D8%B1%D9%88%D9%88-%D8%A7%D9%86-%D9%85-%D9%84-%D8%B3-%D8%B9%D8%A7%D8%AA-%D8%B1-%D8%AF-%D8%A8-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%87%D9%88%D8%B4%D8%AF%D8%A7%D8%B1-%D8%B1%D8%A7-%D9%88-%D8%B3%D8%A7-%D8%A7-%D9%84-%D8%AE-%D9%88-%D8%B1%D9%88%D9%88-%D8%A7%D9%86-%D9%85-%D9%84-%D8%B3-%D8%B9%D8%A7%D8%AA-%D8%B1-%D8%AF-%D8%A8-%D8%AF هوشداری ئەرا وەساڵاچگەیل: خەو رووژانەیگ مەکە کە لە سەعاتیگ رەد بکەێد

شەفەق نیوز - وەدۊاچگن

لێکۆڵینەوەیگ ناودەوڵەتی نیشان دا کە خەو رووژانەی رێکخریاگ کە ئەرا سەعاتیگ یا فرەتر وەردەوام بوود پەیوەندی وە بەرزەوبۊن رخباریەیل مردن لەلای گەورە تەمەنەیل دیرێد.

 توێژەرەیل لە لێکۆڵینەوەگە شیکاری ئەرا داتایەیل 4447 کەس لە دانیشتگەیل ڤێتنام کردن کە ناوەنجی تەمەنیان رەسیە نزیکەی 70 ساڵ، و چەودیاری بەشداربۊیەیل کردن لە دریژایی چوار ساڵ، وەگەرد هەڵسەنگاندن ماوەی خەو رووژانە و رێکخریاگیی و خاسی هچان شەوانە، و لە ماوەی لێکۆڵینەوەگە مردن 514 بەشداربۊ لە لێکۆڵینەوەگە توومار کردن.

 لێکۆڵینەوەگە وتیش، کە ئەو کەسەیلە کە هووکارە بۊنە لەبان سەرخەوشکانن رووژانە ئەرا ماوەی سەعاتیگ یا فرەتر ئەگەر گیانلەدەسداینیان وە رێژەی 39% بەرزتر بۊە لە وەراورد وەوانە کە رووژانە نیەخەفن، و ئی پەیوەندییە وەردەوام بۊ تەنانەت دۊای رەچاوکردن خاسی خەو شەوانە و هوکارەیل ترەک.

لە وەرانوەر، ئەو خەو رووژانەی کوڵە کە ماوەگەی کەمتر لە 30 خولەکە، و نە ئەو هچانە کە لە ناوەین 30 و 59 خولەکە، هیچ پەیوەندییگ خاوەن نیشانەی ئاماری وەرد بەرزەوبۊن رخباری مردن نیشان نەیان.

هەرلیوا زانایەیل پەیا کردن کە خاسی خەو شەوانە کاریگەری لەبان پەیوەندی ناوەین پشوو رووژانە و گیانلەدەسداینەیل هیشتگە، وەلی ئەو مەترسییە بەرزە هەر مەن لەلای ئەوانە کە هووکارە بۊنە لەبان خەو رووژانە ئەرا فرەتر لە سەعاتیگ وەبی رەچاوکردن خاسی خەویان لە شەو.

ئەنجامدەرەیل لێکۆڵینەوەگە دوینن کە خەو رووژانەی دریژ شایەت نیشانەیگ بوود لەبان کێشەیل تەندروسی لەلای گەورە تەمەنەیل، وەلی لێکۆڵینەوەگە ئەوە تیەچسپنێد کە خەو رووژانە وە تەنیا خوەی رخباری گیانلەدەسداین بەرزەو بکەێد، چۊنکە شایەت رەنگدانەوەی ئاڵۆزییەیل بوود کە لە بنەڕەت لەناو لەش هەن.

]]> Sat, 24 Oct 2026 14:06:13 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%A7-%D8%B1-%D8%B3-%D9%87%D8%A7%D9%86%D8%AA%D8%A7-%D8%A7-%D8%A7-%D8%AC-%D9%87%D8%A7%D9%86-%D8%AF%D8%A7-%D8%B1-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%A7-%D8%B1-%D8%B3-%D9%87%D8%A7%D9%86%D8%AA%D8%A7-%D8%A7-%D8%A7-%D8%AC-%D9%87%D8%A7%D9%86-%D8%AF%D8%A7-%D8%B1-%D8%AF ڤایرۆس "هانتا".. ئایا جیهان داگیر کەێد؟

شەفەق نیوز - وەدویاچگن

ئەکادیمییگ، ئمڕوو شەممە، هۆشداری دا  ڤایرۆس "هانتا" کە لەناو گەشتیارەیل کەشتی گەشتیاری "ئێم ڤی هۆندیوس" بڵاوبویە،  جیهان داگیر کەێد.

ئەندام ئەکادیمیای زانستەیل روسیا سرگی نیتیسۆڤ راگەیان  بڵاوبوینەگە هاتێ لە ئەنجام گەشتیاری چالاک لە ناوچەیلە هەڵگرن رخداربوود، لەوانەش گەشتەیل دەریایی ئەرا هەردووگ جەمسەر و گەشتەیل ئەرا ئەمریکای باشوور، و وەگەرد تێکەڵاکردن مرۆڤ وە سەرچەوەیل سروشتی ئەرا ڤایرۆسەگە.

 دیارە  ڤایرۆسەگە لە سەرەتای مانگ مایۆی گوزەشتە دەرکەفت لەبان کەشتی گەشتیاری هۆڵەندی "ئێم ڤی هۆندیوس"، کە لە گەشتیگ بوی لە ئارجەنتین وەرەو سەرچەوەی سەوز.

رێکخریاگ تەندروستی جیهانی راگەیان  گشت تووشبوینەیل بەسیاگ وە کەشتیەگە رەسێدە 13 حاڵەت،  سێ کەس لەلیان گیانلەدەسدان، لە وەختیگ دەسەڵاتەیل تەندروسی لە 33 وڵات توەنستن زیاتر لە 650 کەس لە تێکەڵاوکەرەیل تووشبویەیل دیاری بکەن و دوەیاچگن ئەرایان بکەن.

رێکخراوەگە لە مانگ تەممووز گوزەشتە تەواوبوین بڵاوبوین ڤایرۆس هانتا بەسرياگ وە کەشتی گەشتیاری "ئێم ڤی هۆندیوس" راگەیان و دووپات کرد کە هویچ تووشهاتن نوویگ توومار نەکریاس لە 25ی مایۆ گوزەشتە و  کەرەنتینەی تەندروستی ئەرا گشت تێکەڵاوبویەیل تەواوبوی.

]]> Sat, 24 Oct 2026 09:12:55 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%88-%D8%AE%D8%AA-%D8%B1%D8%A7-%D9%88-%D8%B1%D8%B2%D8%B4-%D8%AE%D8%A7%D8%B3 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%88-%D8%AE%D8%AA-%D8%B1%D8%A7-%D9%88-%D8%B1%D8%B2%D8%B4-%D8%AE%D8%A7%D8%B3 چ وەختیگ ئەرا وەرزش خاسە؟

شەفەق نیوز ـ وەدویاچگن

شمارەیگ تێژەر پزیشکی لە زانکۆیگ بەریتانی توێژینەوەیگ ئەنجامدان لەبان خاسترین وەخت ئەرا وەرزش کردن، لە توێژینەوەگە دەرکەفتیە خاسترین وەخت ئەرا وەرزشکردن شەوەکیان وەرجە نان خواردنە.

توێژینەوەگەلە  لە زانكۆی (باس وبرمنگهام) بەریتانیا کریاس، شمارەیگ لە توێژەر پزیشكی بەشداری لەلیکردنه.

لە توێژینەوەگە تاقیكردنەوە لەان 30 كەس کریاس كە  كێش لەشیان فرە بەرزبویە، دویای رەدبوین چەن هەفتەیگ وەبان  وەرزشكردنیان دەركەفت ئەوانەگ كە وەرجە ناشتا وەرزش كردن كێشیان تا رادەیەك کەمببوی، باوجی ئەوانەگدویای ناشت وەرزشکردن هویچ ئاڵشتبوینیگ دیار وەخوەیان نەدین.

(خابیر گونزالیس) پزیشكیگە و بەشداری لەی توێژینەوە كردیە ئوشد: "بەشیگ لەو چەورییە كە مرۆڤ دیردێ لە وەخت وەرزشكردن شەوەکیان بوودە وزە و هەمیش وەرزش شەوکیان کاریگەری فرەیگ وەبان هاوسەنگی رێژەی ئەنسۆلین لە مرۆڤ دیرێد".

]]> Thu, 22 Oct 2026 10:55:37 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%AF-%D8%B1%D8%B2-%D8%B4-%D8%AF%D8%A7%D9%88-%D8%B2%D8%A7%D9%86%D9%86-%D9%88-%D9%86-%D8%A7%D8%B1-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%AF-%D8%B1%D8%B2-%D8%B4-%D8%AF%D8%A7%D9%88-%D8%B2%D8%A7%D9%86%D9%86-%D9%88-%D9%86-%D8%A7%D8%B1-%D8%AF دەرزی کێش داوەزانن چوین کارکەێد

شەفەق نیوز ــ وەدویاچگن

دەرزی ئۆزەمپیک یەکیگە لەو دەرزیەیلە ئەرا چارەکردن بیماری شەکرەی جویر دوو وەکارتێد و لایەن دەسەی خوەراک و دەرمان ئێف دی ئەی ئەمریکی پەسەنکریاس، باوجی لەوەر کاریگەری راستەوخوەی لەبان هۆرمۆن تێربوین و کەمکردن ئەزرەت خوەراک، لەی دویاییەیلە لە گشت جیهان جویر ئامرازیگ ئەرا کەمکردن کێش وەکارتێد.

ئێ دەرزیە پێکهاتیە لە مادەی سیماگلۆتاید، جویر هۆرمۆن سرووشتی لەش کارکەێد کە لەدویای خواردن دریەێد یەیش بوودە مدوو کلکردنهشارەی تێربوین ئەرا مێشک و یەواشکردن پرۆسەی هەرسکردن.

وەکارهاوەرەیل ئێ دەرمانە وەگەرد ئڵشتکردن سیستەم خوەراکیان توەنن ٪15 تا ٪20 سوود لێ بدوینن و کێش لەشیان کەم بکەن، چوینکە ئێ دەرزیە کاریگەری لە مەڵوەنەیل خواردن کەێد لە مێشک و هەس ورسگ و ئەزرەت شەکر نیەهیلێد، وەرد یە پرۆسە خالیکردن گەیە یەواش کەێد و هیلێد هەس وە تێری بکەریەێد ئەرا وەخت درویژیگ.

وەگەرد وەلیفەتەیلی بڕیگ زەرەد لاوەکی دیرێد کە وەگەرد وەکارهاوردنی وەکارهاوردنی رویوەرویان بوود، دڵشیویان و ئەلاوردن و زگچگن و سەرژان ئیانە ئەو زەرەد لاوەکیەیلەس  کە لە هەفتەی یەکەم و دویەم تویشیان بوود توێژەرەیل دەرخسنە دویای وسانن دەرمانەگە  فرەیگ لەو کەسەیلە سێ یەک ئەو کێشە داوەزاننە دوارە گلەوخوەد ئەگەر ئاگادار وەرزش و سیستەم خوەراکیان نەون، وەگەرد یەیش هاتێ وەگەرد لە دەسدان چەوری فرەیگ ماسیلچەش لەدەس بدەن.

]]> Mon, 19 Oct 2026 16:13:59 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B3-%D8%B1%D9%85-%D9%87-%D9%88-%D8%AC-%D9%88-%D8%B3-%D8%B1%D8%AF%D8%A7%D9%86-%D8%AF-%D8%AA-%D8%B1-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B3-%D8%B1%D9%85-%D9%87-%D9%88-%D8%AC-%D9%88-%D8%B3-%D8%B1%D8%AF%D8%A7%D9%86-%D8%AF-%D8%AA-%D8%B1-%D8%AF کەی گیس چەرمگی هەوەجە وە سەردان دکتۆر کەێد

شەفەق نیوز ـ وەدویاچگن

چەرمگ بوین تاڵەل گیس پرۆسەیگ سروشیە کە گشت کەسیگ وەپی رەدبوود، باوجی دەرکەفتن تاڵ چەرمگ لە تەمە کەمیگ پرسیار و نیگەرانی دروسکەێد لای فرەیگ کەس.

وەپای  باوەتیگ لە  ماڵپەر "Cleveland Clinic" سەرچمگ بوین گیس لە فرە کەس لە تەمەۆ سی ئەرا چل ساڵ دەسوەپی کەێد، باوجی پرۆسەگە لە کەسیگ ئەرا کەسیگتر جیاوازە.

هووکار چەرمگبوین پیشوەختە چەیگە؟

1. سترێس و فشاری دەروینی.

2. کەمی ڤیتامین و کانزا لە لەش.

3. سیگارکیشان.

4. کاریگەری لاوەی وەکارهاوردن بڕیگ  دەرمان پزیشکی.

5. بیماریە خودیەگان ((Autoimmune diseases.

6. هووکارە بۆماویەگان.

چەرمگبوین گیس لە تەمەن گەنجی ئاساییە باوجی کەی هەوەجە وە سەردان پزیشک کەێد؟

ئەگەر تێبینی کریا وە خێرایی و لەناوکاو لە تەمەنیگ کەم چەرمگەوبوود و وەگەردی ئێ نیشانەیلەبوی:

- هەسکردن وە شەکەتی  وەردەوام.

- داوەزین یا زیایبوین لەناکاو کێش.

- دەرکەفتنی پەڵەی چەرمگ لەبان پووس  لەش.

]]> Sun, 18 Oct 2026 18:28:25 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%AA-%D9%85-%D9%86-12-%D8%B3-%D8%AF-%D8%B3-%D8%A7-%D8%B1%D8%AF%D9%86-%D8%B4%D9%88-%D9%86-%D8%B4%D9%88-%D9%86-%D9%88%D8%A7%D8%B1-%D9%86%D9%88%D9%88-%D9%84-%D9%82-%D9%84%D8%A7-%D8%B2-%D9%88-%D8%A8%D8%A7%D8%A8%D9%84 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%AA-%D9%85-%D9%86-12-%D8%B3-%D8%AF-%D8%B3-%D8%A7-%D8%B1%D8%AF%D9%86-%D8%B4%D9%88-%D9%86-%D8%B4%D9%88-%D9%86-%D9%88%D8%A7%D8%B1-%D9%86%D9%88%D9%88-%D9%84-%D9%82-%D9%84%D8%A7-%D8%B2-%D9%88-%D8%A8%D8%A7%D8%A8%D9%84 تەمەنی 12 سەدەس.. پەیاکردن شوینیگ شوینەواری نوو لە قۊلایی زەوی بابل

شەفەق نیوز - بابل

نویسینگەی راگەیانن ئەرا پارێزگای بابل، ئمڕوو یەکشەممە، راگەیان لە پەیاکردن شوینیگ شوینەواری لە قەزای قاسم باشوور پارێزگاگە، کە بڕوا کریەێد گلەو خوەێد ئەرا سەردەم عەباسی وەرجە نزیکەی 1200 ساڵ.

 نویسینگەگە لە بەیاننامەیگ فەرمی باس لەوە کرد، کە پارێزگار بابل سەرەدان شوینەگە کردگە ئەرا ئاگاداربۊن لە نیشانەیلی و گرنگییە میژووییەگەی و باسکردن ئاسووەیل گرنگیپیداین وەپی و پاراستن کەلەپوورە شارستانییەگەی، و وازکردن دەروازە لە وەرانوەر پەرەپیدانی وە شیوەیگ گەشتیاری وەپەی رێنماییە شوینەواری و یاساییەیل.

 بەیاننامەگە وتیش کە ئی "پەیاکردنە بەهاگەی کوڵ نیەوود لەبان ئەوەگ زەوی ئاشکرای کەێد لە کارەیل وەرین، بەڵکم کیشیەێد ئەرا ئەوەگ هەڵگرێدەی لە دەرفەتەیل ئەرا وەهیزکردن گەشتیاری فەرهەنگی و دەرخستن پێگە میژووییەگەی ئەرا بابل".

]]> Sun, 18 Oct 2026 12:35:02 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%86%D8%A7-%D8%B2%D8%A7-%D9%84-%D9%81-%D8%B1-%D9%86%D8%B3%D8%A7-%D9%88-%D8%B1%D8%B3-%D8%A7%D8%B1-%D9%84-%D9%84-%D8%A8%D8%A7%D9%88-%D8%AA-%D8%B1%D9%88-%D9%88-%D9%88-%D8%A8-%D9%86-%D8%A8-%D8%B1%D8%B4-%D9%84-%D9%86-%D9%88-%D8%B3%D8%A7%D9%86-%D8%AC-%D8%B1%D9%85%D8%A7%D9%86-%D9%84-%D8%AE%D9%88%D9%84-%D8%A7-%D9%88%D8%A7%D9%86-%D9%84 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%86%D8%A7-%D8%B2%D8%A7-%D9%84-%D9%81-%D8%B1-%D9%86%D8%B3%D8%A7-%D9%88-%D8%B1%D8%B3-%D8%A7%D8%B1-%D9%84-%D9%84-%D8%A8%D8%A7%D9%88-%D8%AA-%D8%B1%D9%88-%D9%88-%D9%88-%D8%A8-%D9%86-%D8%A8-%D8%B1%D8%B4-%D9%84-%D9%86-%D9%88-%D8%B3%D8%A7%D9%86-%D8%AC-%D8%B1%D9%85%D8%A7%D9%86-%D9%84-%D8%AE%D9%88%D9%84-%D8%A7-%D9%88%D8%A7%D9%86-%D9%84 ناڕەزاییەیل فەرەنسا و پرسیارەیل لەباوەت رویوەڕویبۊن بەرشەلۆنە و سان جێرمان لە خول پاڵەوانەیل

شەفەق نیوز - وەدۊاچگن

لە سای ئاڵووزییەیل ئەمنی و ناڕەزاییەیل کە چەن شاریگ فەرەنسی وەخوەیانەو دوینن، پرسیارەیل هاتنە بان لەباوەت توانای وەڕیەوچگن بازی تووپان بەرشەلۆنە و پاریس سان جێرمان لە خول پاڵەوانەیل کە جەماوەرەیل تووپان وە گرنگی فرەیگەو چەوڕیی کەن.

 هەردوگ تیمەگە، رووژ سێشەممە، لە یاریگای "پارک دی پرانس" لە پاریس پایتەخت فەرەنسی یەکەو گرن، لەناو گەردین سێیەم لە قۆناغ خولەگە لە پاڵەوانیەتی ئەوروپی.

رویوەڕویبۊنەگە گرنگییگ گەپ وەدەس تیەرێد، دۊای ئەوە کە هەردوگ تیمەگە شەش خاڵ ئەرا هەر یەکیگیان چنین وەشوین سەرکەفتنیان لە یەکەم دوو گەردین، ئەوەگ هیلێد یەکەوگردنەگە بوودە رویوەڕویبۊنیگ راسەوخۆ ئەرا وەهیزکردن شوینەیلیان لە پیشەنگی خشتەی رزبەنی.

 بەرشەلۆنە خوەی ئامادە کەێد ئەرا گەشتکردن وەرەو پاریس، کە لە ماوەی پشوو کۆتایی هەفتە ناڕەزاییەیل فراوانیگ وەخوەی دی کە رویوەڕویبۊنەیل و کارەیل ئاژاوە لەناوی بۊ، لە وەختیگ دەسەڵاتەیل فەرەنسی تەقەلا دەن ئەرا کۆنترۆڵکردن ئاڵووزییەیل و ئارامکردن ناوچە زینگەیل.

 وەگەرد ئی پیشهاتەیلە، تا ئیسە نیشانەیگ لەبان دۊاخستن بازیەگە راگەیان نەکریایە، چۊنکە بەرشەلۆنە وەردەوامە لە ئامادەکارییەیل خوەی وەپەی بەرنامەی دیاریکریاگ، لەناو رویکردنیگ ئەرا وەڕیەوچگن یەکەوگردنەگە لە وەخت بڕیارلیدریاگ خوەی.

 وەپەی ئەوە کە رووژنامەی "مۆندۆ دیپۆرتیڤۆ" ئیسپانی باسی کرد، بەرشەلۆنە پلان دانەێد ئەرا گەشتکردن وەرەو فەرەنسا وە شیوەیگ ئاسایی، وەبی خستنەڕوی وژاردەی دۊاخستن رویوەڕویبۊنەگە تا ئیسە، لە سای وەردەوامبۊن ئامادەکارییە هونەری و رێکخستنەیل ئەرا بازیەگە.

]]> Sun, 18 Oct 2026 12:31:12 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%84%D8%A7-%D9%86-%D8%B1-%D9%84-%D9%88-%D9%86-%D8%B1%D8%AF%D9%86-%D9%88-%D9%85-%D8%A8%D8%A7-%D9%84-%D9%88%D9%86-%D8%A8%D9%84%D8%A7%D8%B3-16-%D9%86 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%84%D8%A7-%D9%86-%D8%B1-%D9%84-%D9%88-%D9%86-%D8%B1%D8%AF%D9%86-%D9%88-%D9%85-%D8%A8%D8%A7-%D9%84-%D9%88%D9%86-%D8%A8%D9%84%D8%A7%D8%B3-16-%D9%86 لایەنگرەیل وینەگردن چەوەڕێ مۆبایل "ون بلاس 16" کەن

شەفەق نیوز - وەدویاچگن

کۆمپانیای "ون بلاس" خوەی ئەرا خستنەرووی مۆبایل نوو خوەی ئامادە کەێد کە دروسکریاس  وە پاترییگ گەپ و کامێرايل و تەکنەلۆژیای بەرز کە کەنێ یەکیگ لە خاسترین مۆبایلەیل ئەرا لایەنگرەیل توومارکردن وینە و ڤیدیۆ.

مۆبایل OnePlus 16 خاوەن کامێرای سەرەکی سی دانەیی وە هویردی (200+50+50) میگابیکسڵە، ک لەناوی لێنز  telephoto و لێنز ultrawide هەسە، و توان  ئەرا توومارکردن ڤیدیۆیل 8K دیرێد،  و وە کامێرایگ پێشەیی وە هویردی 50 میگابیکسڵ کە توانای توومارکردن ڤیدیۆیل 4K دیرێد وە رێژەی 60 چوارچووب لە چرکەیگ.

لەشەگەی لە ئەلومینیم و شوشەی دژەدرز  دروس کریا، و  دژەئاو و دژەخەڵە وەپای پەیمانەی IP68/IP69K، و قەبارەی (161.4/76.7/8.5) ملم، و یادگەی 217 غ.

و شاشەگەیشی  LTPO AMOLED وە قەبارەی 6.78 ئینچ، و هویردی نیشاندانەگەی (1272/2772) بیکسڵ، و فریکوێنسییەگەی رەسینە 185 هێرتز، و رووشناییەگەی 2000 ، و پشتگیری  تەکنەلۆژیایەیل HDR Vivid، و HDR10، و Dolby Vision کەێد.

ئامێرەگە کار کەێد وە سیستەم "ئەندروید-17" وە رویکەش OxygenOS 17، و پرۆسێسەر Qualcomm Snapdragon 8 Elite Extreme Gen 6 کە رێکخریاس وە تەکنەلۆژیای 2 نانۆمەتر، و پرۆسێسەر گرافیک Adreno 850، و یادگەی دەسڕەس  12/16 گیگابایت، و یادگەی ناوخوەیی کە قەبارەیلیان لەناوەین 256 گیگابایت و 1 تیرابایت رەد کەێد.

و  دوو شوین ئەرا کارت پەیوەنی، و شوین USB Type-C 3.2، و شایپ NFC، و سکانەر پەنجەمۆر کە لەناو شاشەگە چەسپیاس، و تەکنەلۆژیای Infrared ئەرا کۆنترۆڵکردن ئامێرە ئەلیکترۆنییەیل لەدویرەو، و پاترییگ گەورە وە قەبارەی 9000 میلی ئەمپێر ک کار کەێد وە  خێرایی بەرز وە توانا 100 وات، و توانای شارژکردن وە بێتیل وە توانا 50 وات دیرێد.

]]> Thu, 15 Oct 2026 09:43:07 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%AF-%D8%B3-%D8%B1-%D8%B1%D8%AF%D9%86-%D8%B1-%D8%A8-%D8%AA-%D9%88-%D8%AA%D9%88%D9%88%D9%85-%D8%AA-%D8%B2%D8%AF%D8%A7-%D9%86-%D8%B3-%D8%B3-%D9%84-%D9%85%D8%A7%D9%86-%D8%A7 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%AF-%D8%B3-%D8%B1-%D8%B1%D8%AF%D9%86-%D8%B1-%D8%A8-%D8%AA-%D9%88-%D8%AA%D9%88%D9%88%D9%85-%D8%AA-%D8%B2%D8%AF%D8%A7-%D9%86-%D8%B3-%D8%B3-%D9%84-%D9%85%D8%A7%D9%86-%D8%A7 دەسگیرکردن رۆبۆتیگ وە توومەت "چزداین سێکسی" لە ئەڵمانیا

شەفەق نیوز- وەدویاچگن

پۆلیس لە شار کۆلۆنیا لە ئەڵمانیا، رووژ سێشەممە، راگەیان لە دەسگیرکردن رۆبۆتیگ وە توومەت "دەسدریژی سێکسی" لەبان دۊتە ناخاڵەیگ کە تەمەنی 16 ساڵە.

وەپەی ئەو قسە و باسەیلە کە بڵاو بۊنە، رۆبۆتەگە، کە باڵای نزیکەی 1.20 مەترە، دۊای نیمەشەو لە وەردەم چێشتخانەیگ ئەرا خواردەمەنییە خێراگان لە پشتەو نزیکەو بۊە لە دۊتەگە، و دەس لەلی داگە، و وە جۊلەیل سێکسی وەلیەو کردگە.

توومەتەیل لەبان خاوەن رۆبۆتەگە توومار کریان، کە کوڕە ناخاڵەیگە و تەمەنی رەسێدە 16 ساڵ، وەرد برادەری کە تەمەنی رەسێدە 19 ساڵ، وە پەخشکردن راتەوخۆی دەسدریژییەگە لەڕی بەرنامەی "تیک تۆک"ەو.

 پۆلیس رۆبۆتەگە لەناو سندووق ماشینیگ لە جۊر ڤۆلکسڤاگن پەیا کرد، و هەرلیوا دەس گردە بان موبایلەیل هەردوگ گومانلیکریاگەگە و رۆبۆتەگەیش، و لێکۆڵینەوەیگ واز کرد ئەرا زانستن چوینیەتی جیوەجیکردن تاوانەگە و ئایا یەکیگیان کۆنترۆڵ جۊلەیلی کردگە یا نە.

 پۆلیس وینەیگ فەرمی ئەرا رۆبۆتەگە دەرکرد کە لەناوی دیارە لەبان زەوی دریژەو کریاس، دەمچەوی وە چەویلکەیگ تاوسانان پووشیاس، وەرد سیوڵ سییە، و کوتریگ چەرمگ بی باڵ لەوەر کەێد وەرد زنجیریگ رەنگ زەڕین کە ساختە دیارە.

 پسپۆڕەیل هوشداری دان لە توانای هاککردن ئی رۆبۆتەیلە ئەرا باجسەنین لە خاوەنەیلیان یا ئازارداین لەشییان، تا رەسێدە کوشتن.

لەی چوارچیوەو، جەیک موور، راویژکار ئاسایش سایبەری (ئەلکترۆنی) لە یەکیگ لە کومپانیا ئەڵمانییەیل، دیاری کرد کە ئەو کامێرایەیلە کە هانە ناو ئی ئامرازەیلە توانا داشتوود هاک بکریەن ئەرا کارەیل باجسەنین، وە مدوو ئەوەگ شایەت کامێرایەیل بەهاداریگ لەخوەی بگرێد ئەرا تاوانبارە ئەلکترۆنییەیل.

]]> Tue, 13 Oct 2026 13:33:52 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B2-%D8%B4-%D8%B9%D8%B1%D8%A7%D9%82-%D9%87%D9%88%D8%B4%D8%AF%D8%A7%D8%B1-%D8%AF-%D8%AF-%D9%84-%D8%AA-%D8%B1%D8%AF%D9%86-%D8%AF-%D8%B1%D9%85%D8%A7%D9%86-%D9%84-%D9%84-%D9%86%D8%A7%D9%88-%D8%AF-%D8%B1%D8%B2-%D9%87-%D8%B4-%D8%A7%D9%86-%D8%AF-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B2-%D8%B4-%D8%B9%D8%B1%D8%A7%D9%82-%D9%87%D9%88%D8%B4%D8%AF%D8%A7%D8%B1-%D8%AF-%D8%AF-%D9%84-%D8%AA-%D8%B1%D8%AF%D9%86-%D8%AF-%D8%B1%D9%85%D8%A7%D9%86-%D9%84-%D9%84-%D9%86%D8%A7%D9%88-%D8%AF-%D8%B1%D8%B2-%D9%87-%D8%B4-%D8%A7%D9%86-%D8%AF-%D8%AF پزیشکیگ عراقی هوشداری دەێد لە تیکەڵکردن دەرمانەیل لەناو دەرزی: هەڕەشەی ژیان دەێد

شەفەق نیوز - کەربەلا

پزیشک خیزان عەلی ئەبو تحین، رووژ سێشەممە، هوشداری دا لە رخبارییەیل تیکەڵکردن دەرمانەیل و دایینان وەرد یەک لەناو یەک دەرزی، و دووپات کرد کە ئی کارە شایەت بوودە مدوو کارلێکەیل دەرمانی رخباری و ئالووزییەیل کە ژیان ئایەم خەنە رخبارییەو.

ئەبو تحین، ئەرا ئاژانس شەفەق نیوز وت، کە ئاڵشتکارییەیل کەشوهەوا لە ماوەی هەردوگ وەرز پایز و وەهار، بیجگە لە وەرز زمسان، بەشداری کەن لە زیایبۊن تۊشهاتنەیل ڤایرۆسی و ئەنفلۆنزا و هەستیاری، و فتراق دا وە ئەوە کە زاڕووەیل و گەوراساڵەیل و ئەو کەسەیلە کە تۊش بیمارییە دریژماوەیل هاتنە لەو چینەیلە هەژمار کریەین کە فرەتر کەفنە وەر رخباری ئالووزییەیل.

و داوا کرد کە وریایی بکریەێد و گرنگی وە خوەراک تەندروس بیریەێد و دویرکەفتن لە جگارەکیشان و سەرچەوەیل پیسبۊن، وەرد خوازیایی سەردانیکردن پزیشک وەخت تونبۊن نیشانەیل یا دەرکەفتن نیشانەیلیگ کە هەوەجە وە دەسوەردەداین پزیشکی دیرن.

 لەباوەت تیکەڵکردن دەرمانەیل، ئەبو تحین رووشنەو کرد، کە بڕیگ لە هاووڵاتییەیل پەنا بەنە وەر وەکارهاوردن دەرزییگ کە فرەتر لە یەک مادەی دەرمانی لەخوەی گرێد، و دیاری کرد کە لەو تیکەڵە باوەیلە تیکەڵکردن مادەی دیکلۆفیناکە، کە وە بازرگانی وە ناو "ڤۆلتارین" ناسریاس، وەرد مادەی دیکسامیسازۆن، کە وە ناو "دیکادرۆن" ناسریاس.

وتیش کە تیکەڵکردن دەرمانەیل لەناو یەک دەرزی نەبایەس وە شیوەیگ هەڕەمەکی جیوەجی بکریەێد، چۊنکە خوازیارە دڵنیابۊن لە گونجیان مادەیل و بۊین پاساویگ پزیشکی ئەرا وەکارهاوردنیان بەسێد، و هوشداری دا لە ئەگەر رویوەڕویبۊن وە کارلێکەیل دەرمانی تون لەلای بڕیگ لە کەسەیل، کە شایەت پەرە بگرێد ئەرا شۆکیگ هەستیاری یا ئالووزییگ کە کاریگەری لەبان دڵ و فشار خۊن بیلێد.

وتیش کە دەرنەکەفتن کاریگەرییە لاوەکییەیل لەلای کەسەیلیگ کە زویتر ئی دەرزییە وەکار هاوردنە مانای ئەوە نییە کە ئەرا گشت کەسیگ ئارامە، چۊنکە وەڵامداین لەش ئەرا دەرمانەیل لە کەسیگ ئەرا یەکیگ ترەک جیاوازە، و توانا نییە مسۆگەر ئەوە بکریەێد کە ئی کارەیلە بی رخباری بوون.

 ئەبو تحین دووپات کرد لەبان ئەوەگ کە باوەڕبۊین وە خوازیایی دەسخستن دەرزی ئەرا رەسین وە خاسەوبۊن زوی بەشداری کردگە لە بڵاوەوبۊن زیایچگن لە وەکارهاوردن دەرزییەیل ماسولکەیی و دەماری، وەگەرد ئەوەگ کە فرەیگ لە بیماریەیل پەرسیو و ئەنفلۆنزای سادە توانا داشتوود رەفتارکردن وەردیان وە دەرمانەیل گونجیاگ دەمی جیوەجی بکریەێد، وەپەی نیشانەیل و رەوش تەندروسی بیمارەگە.

دیاری کرد کە بڕیگ لە هاووڵاتییەیل راسەوخۆ روی کەنە برینپێچەیل (مضمدەیل) ئەرا داواکردن دەرزییە تیکەڵەیل بی سەردانیکردن پزیشک، ئەو کارە کە رخبارییەیل وەکارهاوردن بی لێکۆڵینەوە ئەرا دەرمانەیل زیاتر کەێد، و دووپات کرد لەبان گرنگی دیاریکردن چارەسەر گونجیاگ وەپەی هەڵسەنگانن رەوش تەندروسی، و وەکارنەهاوردن دەرزییەیل یا دژە زیندەییەیل بی بۊین پاساویگ پزیشکی.

 ئاشکرا کرد کە هەڵوژاردن چارەسەرەگە بایەسە پشت بوەسێد وە سروشت نیشانەیل و دەسنشانکردن بیماریەگە، نەک وە ئارەزوو بیمارەگە ئەرا خاسەوبۊن لە وەختیگ کوڵ، و داوا کرد کە دەرمانەیل لە سەرچەوەیل باوەڕپیکریاگ دەس بخریەێد و پابەندی وە رێنماییە پزیشکییەیل بکریەێد.

]]> Tue, 13 Oct 2026 10:43:26 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B2-%D8%B4-%D9%8A-%D8%AF-%D9%85%D8%A7%D8%B1-%D9%87%D9%88%D8%B4%D8%AF%D8%A7%D8%B1-%D8%AF-%D8%AF-%D9%84-%D9%85%D9%88%D8%A8%D8%A7-%D9%84-%D9%84-%D9%86%D8%A7%D9%88-%D8%AC%D9%8A%D8%AE-%D9%81 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B2-%D8%B4-%D9%8A-%D8%AF-%D9%85%D8%A7%D8%B1-%D9%87%D9%88%D8%B4%D8%AF%D8%A7%D8%B1-%D8%AF-%D8%AF-%D9%84-%D9%85%D9%88%D8%A8%D8%A7-%D9%84-%D9%84-%D9%86%D8%A7%D9%88-%D8%AC%D9%8A%D8%AE-%D9%81 پزیشکيگ دەمار هوشداری دەێد لە موبایل لەناو جيخەف

شەفەق نیوز- وەدویاچگن

پسپۆڕیگ لە پزیشک دەمارەیل دیاری کرد کە هەر 15 پلەیگ لە لارکردن سەر فشار لەبان مل دوو ئەوەنە کەێد، ئەرا یەیش تەمەی وەکارهاوردن موبایل زیرەک لەناو جیخەف نیەکرێد.

پزیشک ئەنتۆن تیخۆنۆڤسکی ئۊشێد: "چاشیان وەکارهاوردن موبایل زیروک لەناو جیخەف مدوو فشاریگ زیایە لەبان مل و پشت بوود، وە تایبەت ئەگەر کەسەگە ئامرازەگە بخەێدە بان زگ یا زرانی و سەری ئەرا ماوەیگ دریژ وە لاری بیلێد".

وەپەی قسەی ئەو، گونجیاگترین رەوش دانیشتن یا درازکیشانە، وەرد پاڵپشتیکردن پشت و مل وە سەرینیگ جیگیر وە گووشەیگ کە ها ناوەین 45 تا 60 پلە وە نزیکەیی.

و ئۊشێد: "نەبایەس موبایل یا ئامراز تابلێت بخریەێدە بان زگ یا زرانی، چۊنکە ئەوە سەر ناچار کەێد وەرەو نوا بچەمیەێدەو، و هەر 15 پلەیگ لە چەمیانەوە فشار لەبان بڕگەیل مل وە نزیکەیی دوو ئەوەنە کەێد، ئەرا یەیش خاستر ئەوەسە ئامێرەگە بخریەێدە بان سەرینیگ جیگیر یا هەڵگریگ تایبەت لە دویرایی 30 تا 40 سانتیمەتر لە دەمچەو، و وە نزیکەیی لەبان ئاست سینگ یا چەناگە".

پزیشکەگە دووپات کەێد، کە تەنانەت رەوش ئاسوودەیش کێشەیگ ترەک چارەسەر نیەکەێد، چۊنکە رژیان وەردەوام زانیارییەیل شایەت ئایەم لەناو رەوشیگ لە گرژی سووزداری بیلێد.

 ئۊشێدیش: "زیایچگن لە گەردین و چەوخشانن خەوەرە نەرینییەیل لەناو جیخەف نیگەرانی فرەترەو کەێد و گاڵی دەێد ئەرا دەرداین هۆرمۆنەیل گرژی، کوڕتیزۆڵ و نۆرئەدریناڵین. و لە ئەنجام یە، خەو سەختترەو بوود، و خەو بوودە خەویگ سەرزاری، و ئەگەر ئی خووە وەردەوام بوود، شایەت کەسەگە تۊش کەمخەوی بوود".

]]> Tue, 13 Oct 2026 07:31:49 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B2-%D8%B4-%D9%84-%D8%B1-%D8%B1%D8%AF%D9%86-%D8%AE-%D8%B1%D8%A7-%D8%B1%D8%A7-20-%D8%AE%D9%88%D9%84-%D9%84-%D8%B1%D9%88%D9%88-%D8%A7%D9%85-%D8%B1%D8%A7-%D8%AF-%D8%AA-%D9%86%D8%AF%D8%B1%D9%88%D8%B3 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B2-%D8%B4-%D9%84-%D8%B1-%D8%B1%D8%AF%D9%86-%D8%AE-%D8%B1%D8%A7-%D8%B1%D8%A7-20-%D8%AE%D9%88%D9%84-%D9%84-%D8%B1%D9%88%D9%88-%D8%A7%D9%85-%D8%B1%D8%A7-%D8%AF-%D8%AA-%D9%86%D8%AF%D8%B1%D9%88%D8%B3 پزیشکەیل.. ریکردن خێرا ئەرا 20 خولەک لە رووژیگ گامیگە ئەرا دڵیگ تەندروس

شەفەق نیوز ـ وەدویاچگن

توێژینەوەیگ تەندروسی نوو کە وەلایەن کۆمەڵەی دڵ ئەمریکی ئەنجامدریاس ئاشکرایکەێ، ئەنجامداین پیادەڕەوی 20 تا 30 خولەک لە رووژیگ، رخداری تویشهاتن وە بیماری دڵ  و جەڵتەی مێشک وە رێژەی %30 کەمکەێد.

توێژەرەیل دیاریکەن، چالاکی لەش وەردەوام نەک تەنیا بوودە مدوو رێکی لەش بەڵکم دەسمیەتی داوەزانن پەستان خوین و رێکخسن ئاشت شەکر لە خوین دەێد.

وەلیفەتەیل سەرەکی ریکردن رووژانە بەهێزکردن ماسیڵچەی دڵە، سوور خوین گورجترەوکەێد و کاریگەری ئەرێنی وەبان سووڕ خوین دانەێد، و بوودە مدوو کەمکردن سترێس و دڵەڕاوکێ هۆرمۆن دڵخوەشی  (ئەندۆرفین) زیاتر کەێد.

لەهەمان وەخت پیادەرەوی بوودە مدوو کۆنترۆلکردن کێش و دەسمیەتی سزانن کالۆری زیادەی لەش دەێد.

توێژەرەیل پیشنیارکەن لەبڕ وەکارهاوردن ماشین ئەرا مەودایەیل کول ریکردن بکەنە بەشیگ لە رۆتین رووژانەدان تا لەشیگ تەندروستر و تەمەنیگ درویژ بیاشتوون.

]]> Sat, 10 Oct 2026 09:58:09 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%A7-%D8%A7%D8%AF%D8%A7%D8%B1-%D8%AF%D8%B1%D9%88%D9%88-%D9%84-%D8%A8%D8%A7%D9%88-%D8%AA-%D8%AA%D8%A7%D9%88%D8%A7%D9%86-%D9%88%D8%B4%D8%AA%D9%86-%D8%B2-%D8%B1-%D8%AF-%D8%B3-%D8%B1%D8%AF-%D9%84-%D8%B3-%D9%85%D8%B1-%D8%AE-%D8%AA%D9%86-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%A7-%D8%A7%D8%AF%D8%A7%D8%B1-%D8%AF%D8%B1%D9%88%D9%88-%D9%84-%D8%A8%D8%A7%D9%88-%D8%AA-%D8%AA%D8%A7%D9%88%D8%A7%D9%86-%D9%88%D8%B4%D8%AA%D9%86-%D8%B2-%D8%B1-%D8%AF-%D8%B3-%D8%B1%D8%AF-%D9%84-%D8%B3-%D9%85%D8%B1-%D8%AE-%D8%AA%D9%86-%D8%AF ئاگاداری دروویگ لەباوەت تاوان کوشتن.. زیرەکی دەسکرد پۆلیس ئەمریکی خەڵەتنێد

شەفەق نیوز - وەدویاچگن

پۆلیس شار فیلادلفیا لە ویلایەت پەنسلڤانیای ئەمریکی راگەیان، کە مۆدێلیگ لە زیرەکی دەستکرد خەوەردان دروویگ لەباوەت تاوان کوشتن کلکردگە لەڕی ماڵپەڕیگ ئەلیکترۆنی تایبەت وە پۆلیس لە تەمموز/ یۆلیۆی گوزەشتە، لە رویداویگ کە وە یەکەمین رویداو ناسریاگ لە جۊر خوەی هەژمار کریا کە گومان کریەێد بریکاریگ لە زیرەکی دەسکرد تەقەلا داۊد خەوەردان دروویگ کل بکەێد ئەرا دەسەڵاتدارەیل.

پۆلیس وت کە کۆمپانیای "ئەنسرۆپیک"، گەشەپیدەر مۆدێلەگە، رووژ جمعە لە رویداوەگە خەوەرداری کردگە، و دیاری کرد کە خەوەردانەگە لە وەخت پرۆسەیگ تاقیکردن میکانزمیگ کل کریاگە، پۆلیس رەخنە لە دویاکەفتن ئاشکراکردن رویداوەگە و خەوەردان لەلی ئەرا ماوەی نزیکەی دوو مانگ گرۆ، و ئی دواکەفتنە وە کاریگ قبووڵنەکریاگ وەسف کرد.

وەپەی قسەی پۆلیس، خەوەردانەگە لە 18ی تەمموز/ یۆلیۆ رەسیە، و ئەوە لەخوەی گردۊ کە کلکەرەگەی شایەت زانیاری لەباوەت دۆسیەی کوشتنەگە داشتگە، و لە دەق پەیامەگە هاتۊد: «شایەت زانیاری بیاشتام لەباوەت ئی دۆسیە، لە هۊرمە کە کەسیگ دیمە هاوشیوەی ئی وەسفە لە دەورگرد ناوچەگە لەو ماوە، تکایە پەیوەندی وەپیم بکەن ئەگەر ئی زانیارییە پەیوەندی وەپیەو دیرێد».

ئی رویداوە لە وەختیگ تیەێد کە گرنگیدان و نیگەرانییەیل لەباوەت توانای سیستمەیل زیرەکی دەسکرد روی لە زیایبۊنە، وە تایبەت ئەو بریکارەیلە کە توانای جیوەجیکردن کارەیل لەڕی ئینتەرنێتەو دیرن، لە سای راپۆرتەیل لەباوەت وەکارهاوردن ئی سیستمەیلە لە بەزانن توڕەیل کۆمپیوتەری تایبەت و هوشدارییداین لە رخەیل ئەگەری کە شایەت لە پەرەسەنینیان دروس بوود.

لە ئەیلول/ سێپتەمبەر گوزەشتە، کۆمپانیای "ئۆپن ئەی ئای"، هاوماڵیکەر "ئەنسرۆپیک"، داوای وەخشین کرد، دۊای بەزانن دەروازەی داتای تەندروسی ئوسترالی وە دەس بریکاریگ لە زیرەکی دەسکرد، لە رویداویگ کە باسی کریا وە یەکەمین رویداو ناسریاگ کە بریکاریگ لەی جۊرە ماڵپەڕیگ ئەلیکترۆنی حکومی ئەرا بەرژەوەنی خوەی وەکار بارێد.

رویداوەیل وەرین ترەک وەکارهاوردن کەلێنەیل لە سیستەمە لاوازەیل یا رەسین ئەرا سەکوویەیل ریوەپینەیریای لەلایەن بریکارەیل زیرەکی دەسکرد لەخوەی گرد ئەرا پەیوەندیکردن لە ناوەین خوەیان، وەلی رویداو فیلادلفیا پرسیارەیل زیاتر زنەو کەێد لەباوەت چۊنیەتی رەفتارکردن ئی سیستەمەیلە وەرد ماڵپەڕە فەرمییەیل، و رێکارەیل چەودیاری ئەرا ریگریکردن لە کلکردن زانیاری چەواشەکار ئەرا دەسەڵاتدارەیل.

]]> Sat, 10 Oct 2026 07:14:32 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%A7-%D9%81-%D9%86-18-%D9%84-%D8%A8%D8%A7%D8%B2%D8%A7-%D9%84-%D8%AA%D8%A7%D8%B1%D8%A7%D9%86-%D8%AF-%D8%B1-%D9%81-%D8%AF-%D9%87-%D8%B1-%D9%86-%D9%87%D8%A7%D9%88%D8%B1%D8%AF-%D8%B1%D8%AF%D9%86-%D8%B3-%D8%AE%D8%AA-%D9%88-%D8%B1-%D8%A7%D8%B3 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%A7-%D9%81-%D9%86-18-%D9%84-%D8%A8%D8%A7%D8%B2%D8%A7-%D9%84-%D8%AA%D8%A7%D8%B1%D8%A7%D9%86-%D8%AF-%D8%B1-%D9%81-%D8%AF-%D9%87-%D8%B1-%D9%86-%D9%87%D8%A7%D9%88%D8%B1%D8%AF-%D8%B1%D8%AF%D9%86-%D8%B3-%D8%AE%D8%AA-%D9%88-%D8%B1-%D8%A7%D8%B3 ئایفۆن 18 لە بازاڕەیل تاران دەرکەفێد هەرچەن هاوردەکردن سەختەو کریاس

شەفەق نیوز- ئەڵگەردان تایبەت

مۆبایل کۆمپانیای ئەپڵ ئەمریکی "ئایفۆن 18" دەس کرد وە دەرکەفتن لە بازاڕەیل تاران پایتەخت ئیران، سەرەڕای ئەو کۆت و بەنەیلە کە چەسپیاگەسە بان هاوردەکردنی وە شیوەیگ بازرگانی و نەوین دەرفەت ئەرا تومارکردنی وە شیوەیگ فەرمی لە سیستەم "هەمتا".

 وەپەی راپۆرتیگ ئەرا ئاژانس فارس ئیرانی کە ئاژانس شەفەق نیوز ئەڵگەردانی گرد، رەسین مۆبایلەگە ئەرا بازاڕ ئیرانی لە وەختیگ تیەێد کە کەناڵەیل هاوردەکردن فەرمی ئەرا تەلەفۆنە دەسییەیل لە ئیمارات رویوەڕوی کۆت و بەنەیل بوونەو، دۊای ئەو وەرەونواچگنە دۊایینەیلە لە ناوچەی کەنداو و گرژییەیل لە ناوەین ئیران و وڵاتە یەکگرتگەیل.

 وەپەی راپۆرتەگە، هاوردەکردن بازرگانی ئەرا مۆبایل ئایفۆن 18 لە ئیران قەیەغە کریەێد، و لە وەختیگ هیچ کۆت و بەنیگ نییە لەبان هاوردەکردنی لەلایەن گەشتیارەیلەو وەپەی ئەو رێکارەیلە کە لە ئیران کار وەپیان کریەێد، وەلی وەردەسبۊن مۆبایلەگە لە بازاڕەیل وە بڕیگ وەرچەو نشان پشت بەسین بازاڕەگە وە کەناڵەیل دابینکردنیگ دەێد کە لە هاوردەکردن بازرگانی فەرمی رەد کەن.

 راپۆرتەگە دیاری کرد کە زنجیرەی دابینکردن تەلەفۆنەگە لە دوبەی و شارجەوە دەس وەپی کەێد، وەرجە ئەوەگ وە ری ئاسمانی لەڕی رێڕەوەیل ترانزێتەو بڕەسێد ئەرا هەرێم کوردستان عراق، و بارەیل لە هەردگ شار سلێمانی و هەولێر گردەو کریەن، دۊاتر لەناو پاکەتەیل بۊچگ لەڕی ناوچە سنوورییەیل لە بانە و مەریوان ئەرا ناو ئیران بریەن، تا رەسنە تاران.

 راپۆرتەگە هۊردەکارییەیل پیشکەش نەکرد لەباوەت بڕ ئەو بارەیلە کە رەسینەسە بازاڕ ئیرانی یا شمارەی ئامێرەیل ئایفۆن 18 کە رەسن.

 راپۆرتەگە وتیش کە بڕ گشتی خەرجکردن لەبان هاوردەکردن جۊرە جیاوازەیل تەلەفۆنەیل ئایفۆن ئەرا ئیران مەزەنە کریەێد وە کەمتر نەوود لە 300 ملیۆن دۆلار، بی ئەوەگ ئەو ماوەی وەختە دیاری بکەێد کە ئی مەزەنە پشت وەقی بەسێد یا ئەو لایەنە کە ئامادەی کردگە.

 یەیش لە وەختیگ تیەێد کە سەرکردایەتی ناوەندی ئەمریکی (سێنتکۆم) قسە کرد لەباوەت وەرەونواچگنەیلیگ پەیوەندیدار وە دەریاوانی و جۊلەی دەریایی لە کەنداو، وەلی راپۆرتەگە بەڵگەیل پیشکەش نەکرد کە پەیوەندی بوەسێد لە ناوەین ئەو وەرەونواچگنەیلە و رێڕەوەیل هاوردن تەلەفۆنەیل ئایفۆن ئەرا ئیران.

]]> Wed, 07 Oct 2026 09:41:46 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B3-%D8%B2%D8%A7%D9%86%D8%A7-%D8%AE%D9%87-%D8%A7%D8%AA-%D9%86-%D8%A8-%D8%B2-%D8%B4%D9%83-%D8%B1%D8%A7-%D8%B3%D8%A7-2026-%D8%A8%D8%B1%D8%AF%D9%86-%D9%88 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B3-%D8%B2%D8%A7%D9%86%D8%A7-%D8%AE%D9%87-%D8%A7%D8%AA-%D9%86-%D8%A8-%D8%B2-%D8%B4%D9%83-%D8%B1%D8%A7-%D8%B3%D8%A7-2026-%D8%A8%D8%B1%D8%AF%D9%86-%D9%88 سێ زانا خه‌ڵات نۆبڵ پزیشكی ئەرا ساڵ 2026 بردنەو

شەفەق نیوزـ وەدویاچگن

لیژنەی نۆبڵ، خەڵات پزیشکی بەخشی وە سێ زانای ئەمریکی و ئەڵمانی. کارل دایسرۆس، پیتەر هیگیمان و یۆرگ ناگڵ لەوەر کارکردن لە مژار "ئۆپتۆجێنێتیکس" و کۆنتڕۆڵکردن خانەیل مێشک،  کە بڕەگەی 1.2 ملیۆن دۆلارە.

لیژنەی نۆبڵ لە ستۆکۆڵم راگەیان، کارل دایسرۆس-ی ئەمریکی و پیتەر هیگیمان و یۆرگ ناگڵ-ی ئەڵمانی، خەڵات نۆبڵ پزیشکی ئەرا  ساڵ 2026 وەرگردیە، ئێ  خەڵاتە جویر ڕێزلێنانیگە ئەرا پەیاکردنەیلیان لە مژار ئۆپتۆجێنێتیکس، کە سەرکەفتی بوین لە دیاریکردن  ئەو کەنالە ئایۆنییەیلە لە ری رووشنایی چالاک بوون. ئۆپتۆجێنێتیکس دەسمیەتی زانایەیل دەێد بفامن چوین خانەیل کار کەنە بان رەفتارەیل جویر هووکارەبوین، رخ، ئالودەبوین و جویلە.

ئێ پەیاکردنە ری خوەشکەێد ئەرا پەیاکردن چارەسەر نوو ئەرا تێکچگن دەماریەیل جویر بیماری  پارکنسۆن و فێ. هەمیش لە مژار پزیشکی کلینیکیئەرا گلەوداین نوڕین وەکارتێد ئەرا بیمارەیلە نوڕینیان کەم بویە. 

 بڕیارە لە 10ی (کانون یەکەم/12) ئمساڵ لە ئاهەنگیگ فەرمی لە سوید، خەڵاتەیلیان کە پێکهاتیە لە مەدالیای تەڵا و بڕ 1.2 ملیۆن دۆلار، وە لایەن پادشا کارل شانزەهەم گوستاف-ەوە وەپیان وەخشریەێد.

]]> Mon, 05 Oct 2026 14:47:14 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%A8%D9%88%D9%88-%D9%88%D8%A7%D8%B1%D8%A7%D9%86-%D9%88-%D9%86-%D8%AF%D8%B1%D9%88%D8%B3-%D8%A8%D9%88%D9%88%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%A8%D9%88%D9%88-%D9%88%D8%A7%D8%B1%D8%A7%D9%86-%D9%88-%D9%86-%D8%AF%D8%B1%D9%88%D8%B3-%D8%A8%D9%88%D9%88%D8%AF بوو واران چوین دروس بوود؟

شەفەق نیوز ـ وەدویاچگن

بوو واران ئەو بوو تایوەتەس کە فرەجار  لە وەخت وارانوارین  یا دویای واران وارین  وە تایوەت هنای واران وەبان خاک هشکیگ وارێد هەس وەپی کریەێد، ئێ بووە فرەجار هەستیگ ئارامی و نوو وە مرۆڤ وەخشێد.

ئێ بووە لەڕوی زانستیەو وەپی ئوشریەێد  پێتریچۆر Petrichor، باوجی ئایا هەرگیز هویرەوکردیمنە ئێ بووە لە کوو تێد  چوین دوسبوود؟

 لەڕوی زانستیەو بوو واران تەنیا لە یەک مادە دروس نیەود، بەڵکم چەن مدوو  سروشتیگ هەس:

یەکەم: ماددەی جیۆسمین (Geosmin)

جیۆسمین ماددەیگ کیمیاییە کە وەلایەن جویریگ لە بەکتریای خاکەو دروسبوود؛ ئێ ماددە بوویگ تایبەت خاک تەڕ دیرێد و یەکیگە لە هووکارە سەرەکییەیل بوو زەویی دویای واران.

دویەم: روین رووەکەیل

مەوقەی هشکەساڵی و بیوارانی، بڕیگ رووەک مادەی روینین سروشتی لەبان وڵنگ و خاک گردەوکەن، هنای واران وارێد، ئێ مادەیلە وەرد مادەیل ترەک تێکل بوو و بەشیگ لە بوو تایوەت واران پێکتیارێد.

سێیەم: شەپۆلە بویچگەیل وا

هنای دلۆپەیل واران کەفنە بان خاک توەنن هەڵم و هویردە دلۆپەی بویچگ دروسبکەن، ئێ دلۆپانە مادەیل بوونهەڵگر لە خاکەو وەرەو هەوا کلکەن و هیلن بووەگە زیاتر هەس وەپی بکریەێد.

]]> Mon, 05 Oct 2026 07:16:37 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%88-%D8%A7%D8%AA-%D8%A8-%D8%AA%D8%B3%D9%88%D8%A7%D9%86%D8%A7-%D8%B1-%D9%88-%D8%AE%D9%88%D8%A7%D8%B1%D8%AF%D9%86-%D9%88%D8%B4%D8%AA-%D9%81-%D9%84-%D8%AF-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%88-%D8%A7%D8%AA-%D8%A8-%D8%AA%D8%B3%D9%88%D8%A7%D9%86%D8%A7-%D8%B1-%D9%88-%D8%AE%D9%88%D8%A7%D8%B1%D8%AF%D9%86-%D9%88%D8%B4%D8%AA-%D9%81-%D9%84-%D8%AF-%D8%AF وڵات بۆتسوانا ری وە خواردن گوشت فیل دەێد

شەفەق نیوز ـ بۆتسوانا

حکومەت بۆتسوانا وە بوونەی رووژ سەروەخوەیی وڵاتەگەی، بڕیاردا ئەرا راوکردن شمارەیگ فیل، یەیش ناڕەزایی تونیگ چالاکوانەیل ژینگەیی و سەرۆک وەرین وڵاتەگەی وەشوین خوەی هاورد.

حکومەت وڵاتەگەی ئوشێد ئیمە ئێ کارە لەوەر مەردم نەدار ئاوایەیل کەیمن تا گوشت دەسیان بکەفێد ئەرا خواردن هەمیش شمارەی فیلەیل کەمەوبوون تا پەلامار کێڵگەیل نەیەن و زەرەد وە جفتکارەیل نەڕەسنن.

ئێ بڕیارە بویەسە مدوو ناڕەزایی فرەیگ پارێزەیەیل ژینگە تەنانەت یەکیگ لە سەرۆکەیل وەرین وڵاتەگە، کە لەو باوەڕەن یە هەڵەی گەپیگە کە لە جیای کوشتنیان بایەت مقیەتی بکریەن چوینکە لەبان ئاست جیهان وەرەو کەمبوین چگنە.

بۆتسوانا کە کەفێدە باشوور کیشوەر ئەفریقا و خاوەن گەپترین کۆمەڵەی فیلە لە جیهان وە جویریگ  نزیکەی 130 هەزار فیل لە دارسان و بوسانەیل زندگی کەن.

جی باسە کە چالاکوانەیل هوشداری دەن کە فیل ئاژەڵیگ فرە زیرەکە و پەیوەندیی خیزانیی خاسیگ دیرێد،  هەناێ راوچییگ لەناو بڕیگ فیل یەکیگیان کوشێد، ئەو فیلەیل ترەک تویڕە بوون و کەفنە رەوش وەرگری لەخوەیان، وەیەوە لەجای چارەسەربوین کێشەگە، رخباری پەلاماردان مەردم و ئاوایەیل لەلایەن ئەو ئاژەڵەیلە گەورەترەو بوود.

]]> Sun, 04 Oct 2026 07:21:20 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B2%D8%A7%D9%86%D8%A7-%D9%84-%D9%87%D8%A7%D8%B2-%D8%A7%D8%B4-%D8%B1%D8%A7-%D9%86-%D8%AF%D8%B1-%D8%B1%D9%88%D9%88-%D9%84-%D8%A8%D8%A7%D9%86-%D8%B2-%D9%88-%D8%A7-%D8%B4%D8%AA-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B2%D8%A7%D9%86%D8%A7-%D9%84-%D9%87%D8%A7%D8%B2-%D8%A7%D8%B4-%D8%B1%D8%A7-%D9%86-%D8%AF%D8%B1-%D8%B1%D9%88%D9%88-%D9%84-%D8%A8%D8%A7%D9%86-%D8%B2-%D9%88-%D8%A7-%D8%B4%D8%AA-%D8%AF زانایەیل هازیگ ئاشکرا کەن کە درێژی رووژ لەبان زەوی ئاڵشت کەێد

شەفەق نیوز- وەدۊاچگن

رووژنامەی "دەیلی مەیل" خەوەردا کە هەردگ زانای فیزیا هۆیڤێنگ چانگ و ماسیو دێمبیری لە زانکۆی ئەلبێرتا کەنەدی ئاشکرای هازیگ شاریاگ لە قۊلاییەیل زەوی کردنە کە شایەت کاریگەری لەبان خێرایی خڕخواردن هەسارەگە بکەێد، کە ئەنجام درێد وە ئاڵشتکارییگ کەم لە دریژی رووژ وە بڕ بەشەیلیگ لە هەزار لە چرکەیگ.

 رووژنامەگە دیاری کرد کە هەردگ زاناگە شیەوکردن ئەرا تومارەیلیگ کردنە کە گلەو خوەن ئەرا ماوەی ناوەین هەردگ ساڵ 1964 و 2019، و داتایەیل زەویلەرزە گردەو کردنە کە وەکار هاتیە ئەرا وەدۊاکەفتن خڕخواردن ناوک ناوخۆیی، و نموونەیلیگ ئەرا جۊلەی ناوک دەیشتەکی شلە کە دووارە دروس کریایە وە پشت بەسین وە ئاڵشتکارییەیل لە بوار موگناتیسی زەوی.

وتیش کە هەردگ لێکۆڵەرەگە وەراورد ئاڵشتکارییە مەنیەیەیل لە دریژی رووژ وەرد کاریگەرییەیل سێ میکانیزم جیاواز کردنە، ئەوەیش دۊای دۊرخستن کاریگەرییەیل مدووەیل ترەک کە شایەت کاریگەری لەبان خڕخواردن زەوی بکەن، جۊر وا و جۊلەی زەریایەیل و کاریگەری دۊرومەودای مانگ.

 ئەنجامەیل نیشان دان کە کارلێک کیشکردن لە ناوەین ناوک ناوخۆیی زەوی و کەوڵەگە کە دەورگردی دایە، نۊنەرایەتی لێکدان فرەترین گونجیاگ وەرد ئاڵشتکارییە چەودیریکریاگەیل کەێد.

 ناوک ناوخۆیی لە تووپییگ فرە گەرم و چڕ دروس بویە، کە وە شیوەیگ بنەڕەتی لە ئاسن و نیکل دروس بۊە، وەلی وە شیوەیگ تەواو تووپ نییە، هەمیش بەشەوکردن بارستەیی لە کەوەڵەگە نایەکسانە، و وەرد خڕخواردن ناوک ناوخۆیی، لە کارلێک ناوەین ئی بەشەوبوینە نایەکسانەیل ئەوە تیەێدەو کە ناسریاگە وە "هاز خڕواردن کیشکردن"، و ئی هازە تۊنێد خڕخواردن زەوی خێراو بکەێد یا کەمیگ یەواشی بکەێد، کە ئەو ماوە ئاڵشت کەێد کە زەوی هەوجە وەپییە ئەرا تەواوکردن خولیگ تەواو لە دەور خوەی، و وە یەیش کاریگەری لەبان دریژی رووژ کەێد.

و هەردگ لێکۆڵەرەگە ئی کاریگەرییە بەسنە وە شیوازیگ لە ئاڵشتکارییەیل لە خڕخواردن زەوی کە دریژە کیشێد ئەرا نزیکەی 70 ساڵ. هەمیش دۊنستن کە ناوک ناوخۆیی، بیجگە ئەوەگ سەختە، تۊنێد شیوەگەی وە یەواشی ئاڵشت بوود وە وەڵامداین ئەرا ئەو هازەیلە کە دەورگردی دانە.

 شمارەیل نیشان دان کە گریمانەی ئەوەگ ناوک ناوخۆیی وە تەواوی سەختە وە شیوەیگ خاس وەرد ئاڵشتکارییە چەودیریکریاگەیل نیەگونجیەێد، لە وەختیگ ئەنجامەیل زیاتر گونجیاگ بۊن وەرد داتایەیل لەوەختیگ نموونەگە ری وە ئاڵشتکردن شیوەگەی دا وە پلە وە پلە، و خاسترین مەزەنەیل نشان دەن کە ئی ئاڵشتکارییەیلە لە ماوەیگ رۊ دەن کە لە ناوەین 8 و 10 ساڵە، لە وەختیگ مەودای ئەگەردار لە دوو ساڵەو تا 31 ساڵ دریژە کیشێد.

هەمیش خوەنستنەگە نیشانەیل پیشکەش کرد لەبان ئەگەر بویین چینیگ دەوڵەمەن وە ئاسن و گەیەنەر ئەرا کارەبا لە نزیک بنەمای کەووڵەگە، کە ئەستۊرییەگەی نزیکەی دوو کیلۆمەترە، لەشان گردەوبۊنەیلیگ لە کەرەستەیل فرەتر گەرم کە لە پێکهاتە کیمیاییەیان جیاوازن لەو کەرەستەیلە کە دەورگردیان دانە، و لێکۆڵەرەیل ئی کەرەستەیلە وە شیوەیگ راسەوخۆ چەودیاری نەکردنە، بەڵکم بوینیان لەڕی نموونە و هەژمارەیلەو دەرهاوردنە.

 بیجگە گرنگی ئەنجامەیل، لێکۆڵەرەیل وریاداری دەن لە دانان شیواز 70 ساڵەگە جۊر خولیگ رێکخریاگ و چەسپیاگ، چۊنکە هێمان نادیارە ئایا ئی شیوازە وە رەدبۊن وەخت دووارەو بوود یا رەنگدانەوەی ئەو رەوشەیلەس کە لە ماوەی هەفت دەیەگە زاڵ بۊنە و داتایەیل گردنەسەیانە وەر.

هەمیش ئەنجامەیل پشت بەسنە ئەو نموونەیلە کە ئەرا ناسانن جۊلەی ناوک ناوخۆیی و ناوک دەیشتەکی شلە وەکار هاتنە، و بڕیگ لە مەزەنەیل وە ریژەیگ کە رەسێدە 30% ئاڵشت بۊنە لەوەخت وەکارهاوردن نموونەیل جیاواز، و خوەنستنەگە گشت لەرزینەیل لە درێژی رووژ لێک نیەێدەو، وە تایبەت ئەو ئاڵشتکارییەیلە کە لە ماوەیلیگ لە ناوەین 10 و 30 ساڵ رۊ دەن، کە شایەت وە پلەیگ گەوراتر پەیوەندی دیرن وە هازەیلیگ کە لەبان سنوورەیل ناوەین ناوک و تووکڵ کار کەن.

بیجگە ئەوەیش، خوەنستنەگە شیوازیگ نوو پیشکەش کەێد ئەرا فامستن لەوەگ لە قۊلاییەیل زەوی رۊ دەێد، و نیشان دەێد کە چۊ ئاڵشتکارییەیل فرە بۊچگ لە دریژی رووژ تۊنن زانیارییەیل لەباوەت جۊلەی کەرەستەیل و پێکهاتە و رەفتاریان لەناو زگ هەسارەگە ئاشکرا بکەن.

]]> Sat, 03 Oct 2026 08:41:33 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B1%D9%86-%D8%B2-%D9%86-%D8%B1%D8%A7-%D9%85%D9%86%D8%A7-%D9%84 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B1%D9%86-%D8%B2-%D9%86-%D8%B1%D8%A7-%D9%85%D9%86%D8%A7-%D9%84 گرنگی زینک ئەرا مناڵەیل چەیگە؟

شەفەق نیوز ـ وەدویاچگن

زینک مادەیگ سەرەکیە ئەرا سیستەم وەرگیری مناڵەیل لە وەرز تاوسان کەمی زینک مدوو سەرەکی تویشهاتۆ وە بیماریەیل تەنانەت مردنیش دانریەێد.

وەپای ماڵپەڕی "onlymyhealth" کەمی زینک بوودە مدوو سنووردارکردن ئەوزەڵ زاروویەیل و کەمبوین وەرگیری وەرانوەر وە هەوکردن و تویش هاتن وە بیماریەیل.

 زینک وە کانزایگ سەرەکی دانریەێد کە رۆل گرنگیگ دیرێد لە پاراستن سیستەم وەرگیری لەش و پاڵپشتی ئەزەڵکردن و کارکردن خانەیل وەرگیری ەێد، یەیش توانای لەش ئەرا وەرەنگاربوین هەوکردن خاستر کەێد  و بیجگە لەوەش زینک تایوەتمەنی دژە ئۆکسان دیرێد کە مقیەتی خانەیل کەێد لە فشار ئۆکسجین کە وە مدوو گەرما و تیشک خوەر دروسبوود.

هەمیش رۆلگرنگیگ لە دروسکردن  DNAو بەشەوبوین خانەیل دیرێد کە پرۆسەی سەرەکین ئەرا خاسەوکردن خانەیل تێکچگ و بەرهەمهاوردن خانەی نوو.

 مناڵ لە تەمەن 6 مانگ تا 3 ساڵ هەوەجە کەێد رووژانە 

 2-3 میلیگرام زینک بخوەێد، ئەرا مناڵ تەمەن 4 تا 8 ساڵ رووژانە بڕ زینک 5 میلیگرام بوود، لە تەمەن 9 تا 19ساڵیی، وە گشتی خواردن زینک رووژانە بایەت لە ناوەین  8 تا 11 میلیگرام بوود.

]]> Sun, 27 Sep 2026 17:09:47 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%88%D8%B1-%D8%A7-%D8%A8%D9%88%D9%88%D9%86-%D8%A7%D8%AA-%D8%AC-%D8%AA-%D8%AF%D8%B2-%D9%88-%D9%88-%D9%86-%D9%88-%D8%A7%D8%B1%D9%87%D8%A7%D9%88%D8%B1-%D9%84-%D9%84-%D8%A8%D8%A7%D9%86-%D9%86%D8%AA-%D8%B1%D9%86-%D8%AA-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%88%D8%B1-%D8%A7-%D8%A8%D9%88%D9%88%D9%86-%D8%A7%D8%AA-%D8%AC-%D8%AA-%D8%AF%D8%B2-%D9%88-%D9%88-%D9%86-%D9%88-%D8%A7%D8%B1%D9%87%D8%A7%D9%88%D8%B1-%D9%84-%D9%84-%D8%A8%D8%A7%D9%86-%D9%86%D8%AA-%D8%B1%D9%86-%D8%AA-%D8%AF وریا بوون.. "چات جی پی تی" دزە وە وینەی وەکارهاورەیلی لەبان ئینتەرنێت کەێد

شەفەق نیوز- وەدۊاچگن

کۆمپانیای "ئۆپن ئەی ئای" ئاشکرای دزەپیکردن فرەتر لە 50 وینەی تایبەت وە وەکارهاورەیل "چات جی پی تی" و بڵاوکردنی لەبان ئینتەرنێت کرد، لەلایەن زیرەکی دەسکردەو، بی گلەوخواردن ئەرا رەزامەنی خاوەنەیلیان.

ئاژانس "رۆیتەرز" لە زوان "ئۆپن ئەی ئای" وت کە لێکۆڵینەوە لەی رۊداوەیلە کە وە "ئاسایشی" باسی کردنە شایەت مانگەیلیگ دریژە بکیشێد، وە دیاریکردن ئەوەگ 53 نموونە خستیەسە ژیر چەودیاری کە لەناوی وینەیلیگ بڵاو کریانە، کە وەکارهاورەیل خستنەسەی ناو "چات جی پی تی"، لەبان ماڵپەڕەیل میوانداریکردن وینەیل.

 دیاری کرد کە بڕیگ لە بەرنامەیلی زانیارییەیل لە سیستەمەیل ناوخۆیی خوەی کە تایبەتن وە مەشق و تاقیکردن کل کردنە ئەرا ماڵپەڕەیل دەیشتەکی، کە وینەی وەکارهاوەرەیلیش لەناویانیە.

 "ئۆپن ئەی ئای" خەوەردا کە هاوکاری وەرد دابینکەرەیل خزمەتگوزارییەیل میوانداریکردن کردگە ئەرا لاوردن زۊنەی ئەو وینەیلە، وەلی هیمان تەقەلا دەێد ئەرا لاوردن ئەوانە کە مەننە، کە یەیش واتەی ئەوە کەێد کە بڕیگ لەی وینەیلە هیمان لە وەردەس گشتی هەن.

 وەپەی ئەوەگ سەرچەوەیگ ئاگادار لە باوەتەگە کە "رۆیتەرز" لەزوانی بڵاو کرد کە "ئۆپن ئەی ئای" تا ناوڕاس مانگ ئەیلول/ سێپتەمبەر ئیسە نزیکەی 24 رۊداو خستیەسە ژیر چەودیاری، کە لەناوی بەرنامەیل "وە شیوەیلیگ نەخوازیاگ" رەفتار کردنە.

یەیش وە یەکەمین رویداو راگەیانریای لەقەڵەم دریەێد کە لەناوی بەرنامەیل زیرەکی دەسکرد سەر وە کۆمپانیاگە بەد سەرەدەری وەرد زانیارییەیل وەکارهاوەرەیل کەن، هەمیش نووترین نموونەس لەبان کیشەیل پەیدابۊ کە پەیوەندی وە رەفتارەیل بی کۆنترۆڵ ئەرا ئی سیستەمەیلە لەناو "ئۆپن ئەی ئای" دیرن.

 ئی وینەیلە تایبەت بۊن وە وەکارهاورەیلیگ کە ری وەپیدان هەس زانیارییەیلیان لەناو "چات جی پی تی" وەکار بایەرێد ئەرا مەشقپیکردن نموونەیل زیرەکی دەسکرد، لەوەر ئەوەگ ئەوان وژاردەی هەڵوەشانن رەزامەنی لەبان ئەوە هەڵنەوژاردۊن، واتە داوای هەڵاوێردکردن زانیارییەیلیان لە مەشقەگە نەکردۊن.

]]> Sat, 26 Sep 2026 13:33:05 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%AA%D9%88-%D9%86-%D9%88-%D8%B1%D9%88%D9%88-%D8%B2-%D9%88-19-%D8%B3-%D8%B9%D8%A7%D8%AA-%D8%A8-%D9%87 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%AA%D9%88-%D9%86-%D9%88-%D8%B1%D9%88%D9%88-%D8%B2-%D9%88-19-%D8%B3-%D8%B9%D8%A7%D8%AA-%D8%A8-%D9%87 توێژینەوەیگ: رووژ زەوی 19 سەعات بۊه

شەفەق نیوز- وەدۊاچگن

توێژینەوەیگ زانستی نوو ئاشکرا کرد کە رووژ لەبان زەوی وەرجە نزیکەی 1.25 ملیار ساڵ وە بڕ پەنج سەعات کوڵتر بۊە لەوەگ ئیسە هەس، چۊنکە دریژیی لەو وەختە لە نزیکەی 19 سەعات رەد نەکردیە، وەپەی شیەوکردنیگ کە توێژەرەیل ئەرا چینە کەڤرە کۊنەیل لە ناوچەی گراند کانیۆن لە وڵاتە یەکگرتگەیل ئەنجامی دانە.

توێژەرەیل پشت بەسینە چینەیل پێکهاتەی "هاکاتای" کەڤری، کە رەنگی پڕتەقاڵی مەیلەو سوورە، و نشانەیل جیۆلۆجی لەناو خوەی هیشتیەسەو کە دەسمیەتی دانە لە سەرلەنوو بیناکردن لایەنیگ لە میژوو پەیوەندی ناوەین زەوی و مانگ.

 ئی کەڤرەیلە دروس بۊنە لەوەختیگ ناوچەگە بەشیگ بۊە لە کیشوەر "لۆرێنتیا"ی کۊن، لە نزیک دەریایگ ناوخۆیی و لە ژینگەیگ نیمچە یەکسان کە ئاڵشتبۊنەیل دووپاتکریاگ لە ناوەین ماوەیل نمداری و هشکەساڵی وەخوەیەو دی، کە یەیش بۊە مدوو کەڵەکەبۊن نیشتەنییەیل وە شیوەی چینەیل رێکخریاگ.

 وەپەی توێژینەوە بڵاوکریایەگە لە گۆڤار "Nature Geoscience"، توێژەرەیل شیەوکردن ئەرا چینەیل یەک لەدۊای یەک لە کەڤرە دەوڵەمەنەیل وە کاربۆنات و قاتە خەڕگینەیل کردن، و دیاری کردن کە شیوەیل چۊیەک دووپاتەو بوون لە شوینەیلیگ کە فرەتر لە 60 کیلۆمەتر مەودا لە ناوەینیان هەس.

 توێژەرەیل وەیجۊرە دۊنن کە بڵاوبۊن ئی شیوەیلە لەبان مەودایەیل فراوانیگ ئەگەر بەسیانی وە رەوشەیل ناوخۆیی کەمەو کەێد، و دووپات کەن کە ئەوانە رەنگدانەوەی ئاڵشتبۊنەیل کەشوهەوایین لەبان مەودایگ فراوان کە لە ئەنجام جیاوازییەیل دەوری لە خولگەی زەوی و گەردینی پەیا بۊنە، و وە ناو "سویڕەیل میلانکۆڤیچ" ناسریانە.

 سویڕەیل میلانکۆڤیچ کاریگەری خەنە بان بڕ تیشک خۆر و بەشەوکردنی لەبان روی زەوی لە ئەنجام ئاڵشتبۊنەیل لە شیوەی خولگەگە و لاری تەوەر هەسارەگە و رویکردنی، وەگەرد ئەو گەشەپیدان وەردەوامە لە مەودای ناوەین زەوی و مانگ.

 لەڕی شیەوکردن ئەو نشانەیلە کە لەناو قاتەیل پاریزیانە، توێژەرەیل مەزەنە کردن کە سویڕ لەرین تەوەر زەوی لەو وەختە رەسیەسە نزیکەی 15 هەزار و 730 ساڵ.

 تیمەگە ئی هەژمارەیلە وەکار هاوردن ئەرا مەزەنەکردن ئەو مەودا کە مانگ لە زەوی دۊر بۊە وەرجە نزیکەی 1.25 ملیار ساڵ، و رەسینە ئەوە کە یەکسان بۊە وە نزیکەی 53.8 جار ئەوەنەی نیمەی تیرەی زەوی، وەرجە وەکارهاوردن ئی زانیارییەیلە ئەرا شمارەکردن دریژی رووژەگە، کە وە نزیکەی 19 سەعات مەزەنە کریاس.

 ئەنجامەیل گونجیەن وەرد ئەو نموونە زانستییەیلە کە گەشەپیدان سیستەم زەوی و مانگ دیاری کەن، کە مانگ لە گوزەشتە نزیکتر بۊە لە زەوی، وەرجە ئەوەگ وە شیوەیگ پلە پلە لەلی دۊرەو بگرێد، کە یەیش وەرد رەدبۊن وەخت کاریگەری خستەسە بان خێرایی سۊڕیان زەوی و دریژی رووژەگە.

 توێژینەوەگە دیاری کەێد کە کەڤرە کۊنەیل تەنیا شۊنەوار دەریایەیل و ژینگەیل و کەشوهەوایەیل کە لە سەدان ملیۆن ساڵەو دیار نەمەنینە نیەپاریزن، بەڵکم شایەت چۊ "سەعاتیگ جیۆلۆجی"یش کار بکەن، کە ئاڵشتبۊنەیل جۊلەی زەوی و مانگ تومار کەن و ری وە زانایەیل دەن هویردەکارییەیل لە میژوو کۊن هەسارەگە گلەو بارن.

]]> Sat, 26 Sep 2026 09:06:58 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%AA%D9%88-%D9%86-%D9%88-%D8%AE-%D9%88-%D8%B1%D8%A7-%D9%81%D8%B1-%D8%AA%D8%B1-%D9%84-9-%D8%B3-%D8%B9%D8%A7%D8%AA-%D8%A8-%D8%B3-%D8%AF-%D9%88-%D9%88-%D8%A8-%D8%B1%D8%B2-%D9%88%D8%A8-%D9%86-%D8%B1-%D9%85%D8%B1%D8%AF%D9%86 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%AA%D9%88-%D9%86-%D9%88-%D8%AE-%D9%88-%D8%B1%D8%A7-%D9%81%D8%B1-%D8%AA%D8%B1-%D9%84-9-%D8%B3-%D8%B9%D8%A7%D8%AA-%D8%A8-%D8%B3-%D8%AF-%D9%88-%D9%88-%D8%A8-%D8%B1%D8%B2-%D9%88%D8%A8-%D9%86-%D8%B1-%D9%85%D8%B1%D8%AF%D9%86 توێژینەوەیگ خەو ئەرا فرەتر لە 9 سەعات بەسێدەو وە بەرزەوبۊن رێژەی مردن

شەفەق نیوز- وەدۊاچگن

توێژینەوەیگ ئاشکرا کرد کە خەفتن ئەرا فرەتر لە نۆ سەعات لە شەویگ پەیوەندی وە بەرزەوبۊن رێژەی مردنەو دیرێد لە وەرانوەر خەفتن ئەرا ماوەیگ لە ناوەین حەفت و هەشت سەعات، لە وەختیگ ئی چین دۊاییە نزمترین رێژەی مردن تومار کرد لە ناوەین ئەو بەشداربۊیەیلە کە وەدۊاچگن ئەرایان کریا ئەرا ماوەی سێ دەیە.

 توێژەرەیل تایوانی وەدۊاچگن کردن ئەرا نەریتەیل خەو لەلای فرەتر لە 3 هەزار کەس ئەرا ماوەی 30 ساڵ، و دیین کە رێژەی مردن رەسیە 10.57 کەس ئەرا هەر هەزار کەسیگ لە ناوەین ئەوانەگ لە هەفت تا هەشت سەعات لە شەو خەفن، کە نزمترین رێژەس کە لە توێژینەوەگە تومار کریاگە.

 رێژەگە بەرزەو بۊ ئەرا 10.97 کەس ئەرا هەر هەزار کەس لە ناوەین ئەوانەگ کەمتر لە شەش سەعات خەفن، لە وەختیگ رەسیە 11.27 کەس لە ناوەین ئەو کەسەیلە کە فرەتر لە نۆ سەعات لە شەو خەفن.

 توێژینەوەگە مدووەیل دووپاتکریاییگ دیاری نەکرد کە پەیوەندی ناوەین دریژی ماوەی خەو و بەرزەوبۊن رێژەی مردن ئاشکرا بکەێد، وەلی توێژەرەیل دەسنشان کردن ئەرا ئەوەگ ئەو کەسەیلە کە ئەرا ماوەیگ دریژتر خەفن شایەت فرەتر بکەفنە وەر بەرزەوبۊن پەستان خۊن و هەوکردنەیل، کە هەردگیان دوو مدوون پەیوەندی وە شمارەیگ لە کیشەیل تەندروسییەو دیرن، کە بیمارەیل دڵ و جەڵتەیل مێشک لەناویانیە.

هەمیش توێژەرەیل دیاری کردن کە فرە لە خەفتن شایەت کاریگەری لەبان سەعات بایۆلۆجی لەش بیلێد، و رێکخستن هۆرمۆنەیل، و توانای سیستەم وەرگری.

 وەپەی توێژەرەیل، پەیمانەکردن ماوەی خەو شایەت بوودە بەشیگ لە وەشکینە پزیشکییە رۆتینییەیل، وە شیوەیگ کە دەسمیەتی دەێد لەبان دیاریکردن ئەو کەسەیلە کە فرەتر کەفنە وەر بڕیگ لە رخەیل تەندروسی.

 ماوەی خەو دریژ، وەپەی توێژینەوەیل وەرین، پەیوەندی دیرێد وە شمارەیگ لە کیشەیل تەندروسییەو، کە بیمارەیل دڵ و شەکرە لە جۊر دۊەم و چاخی و لاوازی هووش لەناویانیە، وەلی ئی پەیوەندییە مەرج نییە ئەوە بوود کە خەو دریژ مدوو راسەوخۆ بوود ئەرا ئی مردنەیلە.

 تەمەیش کریەێد وە شیوەیگ گشتی وە دەسخستن ماوەیگ لە ناوەین هەفت تا نۆ سەعات لە خەو لە هەر شەویگ.

]]> Tue, 22 Sep 2026 08:51:10 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B4%D8%AA-%D8%A7%D8%B1-%D9%84-%D9%88-%D8%B1%D8%B3-%D8%B1-%D8%AA-%D9%85%D8%B3%D8%A7%D8%AD-%D8%AF-%D8%B3-%D8%B1-%D8%B1-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B4%D8%AA-%D8%A7%D8%B1-%D9%84-%D9%88-%D8%B1%D8%B3-%D8%B1-%D8%AA-%D9%85%D8%B3%D8%A7%D8%AD-%D8%AF-%D8%B3-%D8%B1-%D8%B1-%D8%AF گەشتیاریگ لەوەر سەر تیمساحیگ دەسگیرکریەێد

شەفەق نيوز- وەدویاچگن 

میدیایەیل ئیتالیا بڵاوکردن، پۆلیس دارایی لە شار تۆرین ل فرۆکەخانەی کاتسیلی دەسگردنە وەبان سەر تیمساحیگ لەناوچگ کە لەناو کیف گەشتیاریگ بویە.

وەپای خەوەریگ ماڵپەڕ"UPI"، گەشتیارەگە لە شار مایامییەو رویکردیەس  ئیتاڵیا لەری ئیستەنبوڵ رەسیەس ئەو وڵاتە.

سەر ئاژەڵەگە وەهشکی لەناو کاغەز پیچریاسەو وەرپرسەیل سنوور دەسوەجی دەسگردنە وەبان سەر تیمساحەگە  و گەشتیارەگەرویوەرویلێکۆڵینەوەی یاسایی کردنە وە مدوو هاوردن ئاژەڵیگ پارێزیاگ وەبی مووڵەت فەرمی.

لە حالەت سزادانی گەشتیارەگە رویوەروی سزای دارایی  لە ناوەین  20 هەزار تا 200 هەزار یۆرۆ یا زیندانیکردن لە 6 مانگ تا ساڵیگ بوود.

 تیمساحەیل وە یەکیگ لە ئاژەڵەیل پارێزیاگ دانریەن وەپای پەیماننامەی واشنتۆن لە ساڵ 1973 و پارێزگاری لەلیان کریەێد تا لە بازرگانی نایاسایی بپارێزیەن.

]]> Mon, 21 Sep 2026 14:34:19 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%A7-%D8%B1%D8%AF%D9%86-%D8%AC-%D8%B1-%D9%86%D9%88%D9%88-%D9%84-%D8%B4-%D9%84-%D9%84-%D8%A8-%D9%84-%D8%A7 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%A7-%D8%B1%D8%AF%D9%86-%D8%AC-%D8%B1-%D9%86%D9%88%D9%88-%D9%84-%D8%B4-%D9%84-%D9%84-%D8%A8-%D9%84-%D8%A7 پەیاکردن جۊریگ نوو لە پشیەیل لە بۆلیڤیا

شەفەق نیوز- وەدۊاداچگن

زانایەیل تۊنستن جۊریگ نوو لە پشیەیل لە بۆلیڤیا تومار بکەن، لە پەیاکردنیگ کە وە یەکەمین لە جۊر خوەی هەژمار کریەێد لە ماوەی فرەتر لە سەدەیگەو، دۊای دووپاتکردن جیاوازییە بۆماوەییەگەی لەو جۊرە ناسریاگەیلە لە پشیە کۊیەیل.

و زانایەیل ناو پشی "تیلکایۆ" نانە بان جۊرە نووەگە، کە ئەو ناوەسە کە وە شیوەیگ ناوخۆیی وەکاری تیارن، و سەر وە رەگەز "لیۆپاردۆس"ە کە شمارەیگ لە پشی کۊیە بۊچگەیل لە ئەمریکای باشوور لەخوەی گرێد.

 کش پشیە نووەگە نزیکەی 2.2 کیلۆگرامە، و جیاوازە وە لەشیگ باریک و تۊک قاوەیی رووشن کە پەڵەیل تاریکیگ وە شیوەیل خەڵقەیی لە جۊر گوڵەیل پووشنیەسەی، ئەوەگ رووخساریگ نزیک لە پڵەنگ دەێدە پی، وەلی وە قەوارەیگ کە نزیکە لە قەوارەی پشی ماڵی.

 زانای زیندەوەرەیل پاوڵا نۆگالێس-ئەسکارۆنز، وت، کە ئەرا یەکەمین جار لە ساڵ 2016 ئی پشیە لەناو ناوچەیگ پارێزریای ئەرا ژیان کۊیەیی لە بۆلیڤیا دیە.

وەلی لێکۆڵەرەگە جیاوازییگ ئاشکرا کرد لە شیوەی پەڵەیل و قەوارەیان، چۊنکە گەوراتر لەوانە دەرکەفتن کە تایبەتمەنن ئەرا جۊرە ناسریایەگە، ئەوەگ زانایەیل ناچار کرد تاقیکردن و شیکارییەیل بۆماوەیی لەبان نموونەیل لە پشیەگە جیوەجی بکەن.

 ئەنجامەیل نیشان دان کە ئاژەڵەگە لەڕوی بۆماوەییەو جیاوازە لە جۊرە ناسریایەیل، ئەوەگ دووپات کرد کە نۊنەرایەتی جۊریگ سەروەخوەی و نوو لە پشیەیل کەێد.

 گۆڤار "ناشناڵ جیۆگرافیک" لە نۆگالێس-ئەسکارۆنز وت کە ئی پەیاکردنە دیاری کەێد کە جەهان هیمان فرەیگ لە جۊرە نەناسریایەیل شاردیەسەو، هەرچەن ئەو وەرەونواچگنە گەورا بویە کە زانایەیل لە لێکۆڵینەوەی هەمەجۊری زیندەوەری وەدەسی هاوردنە.

 پەیاکردنەگە نشان کە وەردەوامبۊن بۊین جۊرەیل ئاژەڵی کە تا ئیسە وە شیوەیگ زانستی تومار نەکریانە، و وە تایبەت لەو ناوچەیلە کە دەوڵەمەنن وە هەمەجۊری زیندەوەری لە ئەمریکای باشوور.

]]> Fri, 18 Sep 2026 09:08:52 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%AE%D8%A7%D9%86%D9%85-%D8%A8%D8%A7%D8%B2-%D8%B1-%D8%AA-%D9%86-%D8%A7-%D9%86%D9%88-%D9%86-%D8%B1%D8%A7-%D8%AA-%D8%B9%D8%B1%D8%A7%D9%82-%D9%84-%D8%A7-%D9%88%D8%A7%D9%86-%D8%AA-%D8%AC-%D9%87%D8%A7%D9%86-%D8%A8-%D9%85%D8%B3-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%AE%D8%A7%D9%86%D9%85-%D8%A8%D8%A7%D8%B2-%D8%B1-%D8%AA-%D9%86-%D8%A7-%D9%86%D9%88-%D9%86-%D8%B1%D8%A7-%D8%AA-%D8%B9%D8%B1%D8%A7%D9%82-%D9%84-%D8%A7-%D9%88%D8%A7%D9%86-%D8%AA-%D8%AC-%D9%87%D8%A7%D9%86-%D8%A8-%D9%85%D8%B3-%D8%AF خانمە بازیکەریگ تەنیا نوێنەرایەتی عراق لە پاڵەوانیەتی جیهان بۆمسی کەێد

شەفەق نیوز- وەدویاچگن

بازیکەر تیم نیشتیمانی عراقی تایکواندۆ، ئیناس عەتا، رەسیە کۆریای باشوور ئەرا بەشداریکردن لە پێشبڕکێیەیل پاڵەوانیەتی جیهانی تایکواندۆ - بۆمسی، کە لە شار چێنتچوون کۆریای باشوور وەڕێوە چوود و پێشبڕکەیل تا 20ی ئەیلول وەردەوام بوون.

ئەحمەد غەراوی، وەڕێوەبەر ئۆفیس راگەیانن یەکێتی ئێ وەرزشە، وە شەفەق نیوزی وت؛ پاڵەوانیەتییەگە وە بەشدارییگ فراوان لە وڵاتەیل جوراوجویر جیهان وەڕێوەچوود، وە بەشداریی 83 وڵات و زیاتر لە 2700 بازیکەر ژن و پیای، لە یەکیگ لە دیارترین بەشدارییە جیهانییەیل وەرزش تایکواندۆ.

وتیش؛ یەکێتی عراق پشت وە بەشداریی ئیناس عەتا بەسێد ئەرا پێشکەشکردن ئاستیگ هونەریی جیاواز و نوێنەرایەتیکردن عراق وە شێوەیگ شایستە، لە ناو پێشبڕکێیگ قایم کە کۆمەڵیگ لە خاسترین بازیکەرەیل بۆمسی لە ئاست جیهان گردەوکەێد.

ئاشکرایکرد، بەشداریکردناگە وە رووشنایی ئەنجام خانمە بازیکەرەگە و توانایەیل بەرزی هات لە بەشداریکردنەیل اوخوەیی و بەرزەوبوین ئەرا پلەی یەکەم.

]]> Thu, 17 Sep 2026 08:00:37 +0000