وێنە.. جێنفەر لۆبیز واز لە دووسەگەی تیارێد
شەفەق نیوز/ هەسارەی ناودار هۆڵیوود و گورانیچڕ ناسریاگ ئەمریکی جێنفەر لۆبیز، کۆتایی وە ژیان دووسیەگەی وەگەرد ئەلیکس رۆدیگەرز هاورد.
میدیایل ئەمریکا بڵاو کردن ک جێنفەر لۆبیز و ئەلیکس ک خوازین ناوبەین خوەیان خاسەو بکەن، وەلی شکست هاوردن.
لە راگەیانن کەناڵ «ئەی بی سی» باس کرد ک ئەرا هەردوگیان خاسە برادەر بوون، و پەیوەندییان وەو جوورە بمینێد.
هەرلیوا ک لەیەک نزیک بوون و دەسمیەتی پڕۆژەیلیان وەخاتر مناڵەیلیان بیەن.
ئەلیکس ٤٥ ساڵانە ک بازیگەر باسکیت بویە، دویای دوو ساڵ دووسی، لە مانگ ئادار ٢٠١٩ داوای ژیان هاوسەری وەگەرد لۆپیز ٤١ ساڵان کرد، وەلی لەی دویاییە ناوبەینیان خراو بوی و دەزویرانیەگەیان پویچەڵ بوی.
جێنفەر لۆبیز خانمە گورانیچڕ و ئەکتەر جهانی لە تەمەن ٥١ ساڵان، سێ جار هاوسەرگیری کردگە، یەکەمیان نۆ مانگ وەپی چگ، و دوویەمیان تا ١١ مانگ ئەوزەڵ کرد، بەڵکم هاوسەرگیریەگەی وەگەرد مارک ئەنتۆنی تا ماوەی ١٠ ساڵ وەردەوام بوی، و خاوەن دوو مناڵە وەناو ئیمی و ماکس.
