وە سیفیگ رووژەگە دەسوەپی بکە
شەفەق نیوز/ سیف سەوز وە خواردنیگ تەندروس و کەم کالۆری دانرێد یەیش هیشتیە بوودە هەڵچان گونجیایگ جویر بەشیگ لە خوەراک هاوسەنگ.
لە ماڵپەڕ"eremnews" بڵاوکریاس، سیف سەوز بەهای بەرزیگ خوەراکی دیرێد، وە جویریگ سیفیگ قەوارە ناوڕاس نزیکەی ٩٥ کالۆری و ٢٥ گرام کاربۆهیدرات و ٤ گرام ڕیشال خوەراکی هاناوی و وە تەواوی دویرە لە چەوری و کۆلیسترۆڵ هەمیش سەرچەوەیگ دەوڵەمەنە وە ڤیتامین و کانزا سەرەکییەیل جویر ڤیتامین A و ڤیتامین C و کالیسیۆم و ئاسن.
دەرچگە خواردن سیف بەشدارە لە خاسترکردن تەندروسی دڵ لەری داوەزانن کۆلیسترۆڵ زەردبەخش (LDL)، و بەشیگ هووکارەگەی گلەودەن ئەرا بەرزی رێژەی ریشاڵەگەی، توێژینەوەیل ترەک باس لەوە کەن، خواردن چەن سیفیگ سەوز لە هەفتەیگ هاتێ ئەگەر تویشهاتن وە بیماری شەکرە جویر دویەم کەمەوکەێد.
وەپای ئەوەگ پێکتین هاناوی کە جویریگە لە ریشاڵ کە جویر پریبایۆتیک کارکەێد و دەسمیەتی ئەوزەڵکردن بەکتریا سودبەخشەیل دەێد لە ریخەلوی، پرۆسەی هەرسکردن ئاسان کەێد و نیشانەیل تێکچگن هەرسکردن کەمکەێد.
