وڵات چین یەکەمین ماراسۆن ناوەین ئایەم و ڕۆبۆت ئەنجام دەێد
شەفەق نیوز/ چین وە یەکەمین پێشبڕکێی ماراسۆن لە جویر خوەی جیهان سەرسام کرد، کە ئایەم کێبڕکێی وەرد ڕۆبۆتەیل کرد، ٢١ ڕۆبۆت بەشداری لە نیمچە ماراسۆنیگ کرد کە رووژ شەممە، لە شاری پەکین وەڕیەوچگ، کە رووبەریگ ٢١ کیلۆمەتری گردەو.
ڕۆبۆتە بەشداربویەیل، لە کۆمپانیا چینییەیل DroidVP و Noetix Robotics، قەوارەیان لە ناوەین 1.20 سانتیمەتر تا 1.8 مەتر بویە، وە دیزاین جویراجویر، لەناویان ڕۆبۆتیگ کە تایبەتمەندی ژنانە دیرێد و توانای زەردەخەنە و چەوقرپانن دیرێد.
بەشیگ لە کۆمپانیایل چەن هەفتەیگ لە تاقیکردنەوەی ئامادەکاری خوازینە تا پێشبڕکێگە، کە ڕێکخەرەیلی وە "زیاتر لە پێشبڕکێی ماشین کەێد" باسی کردن، لەوەر خوازین تیم ئەندازیاری و گەشتیاری.
لە پێشبڕکێگە هەر ڕۆبۆتیگ ڕاهێنەریگ وەگەردی بویە، بەشیگیان بایەس بوی پشتگیری ڕۆبۆتەبل بکەن لە دەوکردنیان، بەشیگیان کەوش وەرزشی یا دەسکیش بۆکسێن وەکار هاورد، یەکیگیان سەرپووشیگ لەسەری بوی کە لەقەیی نەیسیاوێد "پابەندبوین وە بردنەوە".
ڕۆبۆت تیانگۆنگ ئۆڵترا لە سەنتەر داهێنان پەکین وە ماوەی ٢ ساعەت و ٤٠ خولەک سەرکەفتن وەدەسهاورد و لە ڕۆبۆتەیل دیکە کە تویش کێشەی تەکنیکی بوین، سەرکەفتن هاورد، یەکیگیان لەبان کڕ سەرتایی گلیا، یەکیگ ترەکیش دویای ماوەی کەمیگ داد لە ڕێڕەویگ پاسەوانی.
ناوەند ڕێکخستن پێشبڕکێگە وە هاوبەشی لەلایەن دوو کۆمپانیای دەوڵەتییەو کۆنترۆڵ کریەێد، کە هەریەکەیان خاوەن 43% تیرەیلە، لە وەختیگ شاومی و یوبیتێک لەو تیرەیل هاوبەشن.
لەلاییگ ترەک، تانگ جیان، وەرپرس سەرەکی تەکنەلۆجیای سەنتەرەگە، ئاشکرا کرد کە رەفتار ڕۆبۆت براوە، لە بنەمای تەکنەلۆجیای تەقلیدکردن جویلەی دەوکردن ئایەم بویە، کە ئەندامە درویژەیل وە شیوەیگ دروسکریاگە کە ری وەپی دەێد تەنیا وە سێ ئاڵشتکردن پاتری پێشبڕکێگە تەواو بکەێد.
ئی رویداوە لە چوارچیوەی تەقەلایل چین تیەێد ئەرا بەرزکردن بەرهەمهاوردن لە پیشەسازییەیل بانان، هەرچەن گومان شارەزایانی ناودەوڵەتی لە بەهای پراکتیکی ڕۆبۆتەیل بەشداریکردن لە پێشبڕکێەیل دەوکردن هەس.
ئالان ڤێرن، شارەزا لە زانکۆی ویلایەت ئۆریگۆن، وت: ئەو تەکنیکەیلە کە ئەرا جویلانن ڕۆبۆتەیل وەکار تیەن ساڵانیگە ناسیانە و مەرج نییە ئی جویر نمایشە ڕەنگدانەوەی پیشکەوتن زیرەکی دەسکرد یا توانای پیشەسازی بوود.
لە وەختیگ دامەزرێنەرەیل پڕۆژەگە دووپات کردن کە گرنگی بانانیان لەبان پەرەپیدان ئەپڵیکەیشن پیشەسازی و بازرگانی بوود.
