وڵات چین تاقی یەکەمین تەکسی ئاسمانی کەێد

شەفەق نيوز- پەكين

کۆمپانیای EHang چینی، یەکەمین تاقیکردن ئەرا وەکارخستن تەکسی ئاسمانی خوەیڕان کرد کە وە کارەبا کار کەێد، لە گامیگ وە دەسکەفتیگ نوو لە هامشوو ئاسمانی زیرەک و وەردەوام دانریەێد.

فرۆکەی کارەبای VT35 بێفڕۆکەوان کە وە ستوینی هەڵسوبنیش کەێد (VTOL)، گەشە وەپی کریا تا بوودە تەکسی ئاسمانی لە کاروانەیل ناوڕاس و دویر.

نمایشکردت ئەو فڕۆکەی نوو لە شار هیڤی ئەنجام دریا، کە توەنست وە ئاسانی لە بەرزەوبوین ستوینی وەرەو فڕین ئاسووی بچوود.

نرخ ئی فرۆکە رەسێدە نزیکەی 6.5 ملیۆن  يوان ( 74 مليۆن رۆبل یا کەمتر لە یەک ملیۆن دۆلار ئەمریکی)، و تونیەگەی رەسێدە 215 کیلۆمەتر لە ساعەتیگ، و وەیەک بارکردن تا 201 کیلۆمەتر فڕێد، و ئەوپەڕ کیشی لە باڵگردن رەسێدە 950 کیلۆگرام، و دوو نەفەر وەگەرد چشتەیلیان هەڵگرێد

ئەو فرۆکە وە دەنگ رانیەێد یا وە ئامێرەیل پیشکەفتن کە کۆنترۆڵ فڕۆکەوانی و کەشوهەوای ناوخوەیی کەێد، و دیزاینی وە دوو باڵ و هەشت پەنکەی هیزدان جیاوازە، وەگەرد پەنکەی دەڵەکدان لە پشتەو تا وە کارایی وەرەو نوا بچوود.