وڵات میسر ڕۆبۆت لەجیای پولیس هاتوچو خەێدە کار

شەفەق نيوز/ وەزارەت ناوخۆی وڵات میسر، دەسکردە وەکارهاوردن ڕۆبۆت لە چەن چواڕییانیگ لەجیای پولیس هاتوچو، بە یەکەمین گام ئەرا سەرتای جیوەجیکردن و گشتگیرکردن ئەو ریکارەیلە وە فەرمی لە مانگەیل ئایندە.

وەگورەی میدیایل میسری، جادەیل پایتەخت ئیداری نوو لە میسر دیمەن بیوینەیگ وەخوەی دی، وەگەرد دەرکەفتن ڕۆبۆت هاتوچو، شانوەشان پولیس هاتوچو کار کەێد، لە گامیگ وە یەکەمین لەیجویرە دریەێدە قەڵەم.

 وەگورەی رووژنامەی مەسراوی، وەزارەت ناوخۆ دەسکرد وە تاقیکردن ئی ڕۆبۆتە لە دەورگرد گەڕەک وەزارات، وە ئامادەکردن ئەرا پشتبەسین فەرمی لەماوەی نیم دویەم ئی ساڵە، ئەوەیش لە ستراتیژییەت تیکەڵکردن زیرەکی دەسکرد و تەکنیکەیل مودێرن لە کەرت هاتوچو، ئەرا بەرزکردن بیوەیی، و گونجانن هامشوو.