هوشداری لە رەسین "زۆمبی ئاسک" ئەرا ئایەم
شەفەق نیوز/ سەرۆک سەنتەر پزیشکی کەسی لە زانکۆی کازان لە رووسیا، ئەلبێرت ڕێزڤانۆڤ هوشداری دا لە ئەگەر رەسین بیماری لەڕەوبوین درویژماوە (زۆمبی ئاسک) کە ئیرنگە چارەسەری نییە ئەرا ئایەم.رێزڤانۆڤ وتیش: بیماریەگە رەسیەسە گام یەکەمی لە تویشهاوردن جویرەیل ترەک، کە بیماریەگە ڤایرۆسی نییە، بەڵکم بیمارییگ “پریۆن”یە، جویر بیماری شیتی مانگا، وەگورەی ماڵپەڕ “رووسیا ئمڕوو عەرەبی”.وتیش: "چوینکە وەرجەیە بیماریەیل ترەک پریۆن لە ئاژەڵەو رەسیەسە ئایەم، یەیش ئەگەریگە لەڕوی نووڕین، ئیسە چەسپیاس کە کە وەرازی کویە توەنێد وە خواردن لاشەی ئاسک بیمار تویش ڤایرۆسەگە باێد، وەگەرد ئەوەیش هیمان یەک تویشبوین وە بیماری لەڕی درویژماوە لەلای ئایەم توومار نەکریاس. جی باسە کە مایکل ئۆستەرهۆڵم، سەرۆک توێژەر بواری بیماریە درمیەیل لە زانکۆی مینیسوتا، وەرجەیە باس رخداری رەسین بیماریەگە ئەرا ئایەم کردوێد، یەیش لەوەر ئەوەسە کە بەڵگە هەس کە وەراز کویە هاتێ بیماری لەڕی درویژماوە لە ئاسکەو گردیە، کە هاتێ بڕەسێدە وەراز ماڵ، و لەوەر ئەوە کە خانەیل وەراز جویر خانەیل ئایەمە، رخداری دیرێد کە ئایەم بگرێدەی.
