ناسا نووترین پەرە وە تەلەسکۆپ چووڵایی ئاسمانی وە خەرج ٤ ملیار دۆلار دەێد
شەفەق نیوز/ پسپۆڕەیل ناسا وە چڕی کارکەن ئەرا پەرەپیدان نووترین روانگەی چووڵایی ئاسمان کە بریتییە لە تەلەسکۆپ "نانسی گريس رومان" خەرجەگەی مەزەنە کریەێد وە چوار ملیار دۆلار.
توانای نووڕستن ئی تەلەسکۆپە ری وەپی دەێد ئەرا ١٠٠ جار فراوانتر لە تەلەسکۆپ وەناوبانگ هابڵ ئەرا چەودیاریکردن گەردوون داشتوود، ئی روانگە سەردەم نوویگ لە چەودیاریکردن چوڵایی ئاسمان و لێکۆڵینەوە لە تەنە ئاسمانییەیل دەسوەپی بکوێد، لەناویان هەسارە ناپاکەیل، کە تەنیگ گووشەیین وە قەوارەی هەسارەیگ لە چووڵایی ئاسمان گەردن.
تاقیکردنەیل توانای تەلەسکۆپگە چەسپاننە کە وە شیوەیگ جیگیر لە ژیر بانوخوارکردن پلەی گەرمی کە تایبەتە وە بۆشایی ئاسمان کار کەێد.
ئیرنگە بڕیارە لە سەرەتای ساڵ ٢٠٢٧ تەلەسکۆپەگە بخرێدە خوارەو، بەڵام لەوەر پلانەیل کۆشک سپی ئەرا کەمکردن بودجەی ناسا وە ریژەی ٢٤% لە ساڵ ٢٠٢٦، ئی مەوقە ئاڵشت بوود.
لە وەختیگ ئی پڕۆژە گامبگ٦ گەورەس وەرەو نوا لە گەردین وەشوین چوڵایی ئاسمان، بەڵام ئاستەنگە داراییەیل توەنن کاریگەری لەبان بەرنامەی وەختانەی داشتوون.
بەڵام راپۆرتەیل نشان دەن کە بڕین دارایی ئەگەری توەنێد بوودە مدوو بەسیان تەواوەتی سەنتەر باڵگردن بۆشایی ئاسمانی (گۆدارد)، و گیچەڵە داراییەیل کاریگەری لەبان پڕۆژە گەورەیل جویر (شاتل) لە خولگەی مانگ و ئەرک رەسانن نمونەی خاک لە مەریخەو دیرن.
لە بەڵگەنامەیل وەرین راپۆرتکردنەگە، باس لەوە کریا کە بودجە تەنیا ئەرا تەلەسکۆپ بۆشایی ئاسمانی هابل و تەلەسکۆپ بۆشایی ئاسمانی جەیمس وێب دیاری کریەێد، لە وەختیگ تەلەسکۆپەیل ترەک لەی پویلدانە دویرەو خریەن.
