نیشانەیلیگ دەرخەێد دڵد لاوازە

شەفەق نیوز/ شێواز زندگی ئەرا تەندروسی دڵ گرنگە، خاسترین ریگە ئەرا دویرەوکەفتن لە گیچەڵەیل دڵ ئەوەسانێ دڵد وە تەندروس بیلید و گرنگی وەپی بدەێد وە وەزشکردن و خواردن تەندروس.

لە ماڵپەڕ " نیویۆرک پۆست" بڵاو کریاس، لاوازبوین دڵ حاڵەتیگە هەنای رویدەێد دڵ نیەتوەنێد وەشیوەی تەندروس خوین کلبکەێد ئەرا هەوەجەیل لەش، یەیش وە ئەو مانا نییە دڵ وە تەواوی لە کارکردن وسیایە، بەڵکم وە مانای ئەوەس کارەیلی تێکچیە.

پزیشکی داوای گرنگیدان وە نیشانەیل کەن کە هاتێ دەرکەفتنیان نیشانەیگ بوود ئەرا لاوازی دڵ و   دکتۆر جێرم پزیشک نەشتەرگەری دڵ لە ویلایەت جۆرجیا، بڕیگ نیشانەی خێدەروی:

١. سەختی هەناسەدان لە وەخت ریکردن یا وەخت ئەلاژیان پاڵکەوتندا.

٢. پەنەمان قوول

٣. قوتەی فرەیگ.

٤. شەکەتی و بی ئازی

٥. هەسکردن وە ژان لە سینگ

٦. سەرگیژە.

٧. ناڕێکی کوتیان دڵ.