چەن خوەراکیگ گەرم لەدویای رووژی شکان دەسمیەتی هەرسکردن خواردن دەێد

شەفەق نیوز/ ئەو کەسەیلە رووژیگرن ئەرا ماوەی چەن ساعەتیگ هویچ واردن و نوشەمەنیگ نیەخوەن، لە وەخت رووژگ شکانن وە ژەمیگ پڕ خوەراک و قورس پڕ لە چەوری خوەن، وەی مدووە فرەجار هەس وە ژان گەیە کەن، باوجی ئەرا چارەسەرکردن ئێ گیچەڵە توەنرێد سوود لە چەن خوەراکیگ گەرم وەربگیرێد، جویر:

چای نەعنا، وە سوودە ئەرا دەسمیتیدان   هەرس کردن خوەراک لە گەە، هەمیش بوودە هووکار کەمکردن پەنام زگ.

چای زەنجەبیل، گەیە ئارام کەێد دەسمیەتی خێراکردن پرۆسەی هەرس کردن دەێد، هەمیش دژە زگچین و گرژبوین کارکەێد.

چای گوڵە بەیبوون، ئێ چا-یە ناسریاگە وە ئارامکەر گەیە و لەش چارەسەر فرەیگ لە گیچەڵەیل هەرس کەێ، هەمیش هەوکردن ریخەلوی کەم کەێد و جووڵەی کۆئەندام هەرس خاستر کەێد.