یەکەم فرۆکە تەکسی لە ئیران خریا مژار جیوەجیکردن

شەفەق نیوز/ لە مەراسیمیگ دەسوەکاربوین پرۆژەیل وەزارەت ریوبان و ئەوزەڵداین شار، ئمڕوو شەممە، پرۆژەی تەکسی ئاسمانی لە فرۆکەخانەی پەیام وازکریا.

وەپای راپۆرتیگ لە ئاژانس خەوەری ئیران "مێهر" ، شەوەکی ئمڕوو رێورەسم دەسوەکاربوین پرۆژەیل وەزارەت ریوبان و ئەوزەڵداین شار، کە لەری  ڤیدیۆ کۆنفرانس وە ئامادەبوین سەرۆک کۆمار و وەزیر ریوبان و ئەوزەڵداین شار وەڕێوەچی، پڕۆژەی تەکسی ئاسمانی لە فڕۆکەخانەی ناودەوڵەتی پەیام لە پارێزگای ئەلبورز، خرایارە مژار جیوەجیکردن.

پرۆژەی تەکسی ئاسمانی کەرەج  ـ قەزوین یەکیگە لە بەرنامەیل ئەوزەڵداین وە کەرت گواستنەوەی ئاسمانی وڵات، کە وە مەبەست زیایکردن دەسڕەسین وە خێرایی خزمەتگوزاریەیلە و ئەوزەڵداین ناوچە ئابووریەیل تایوەت دانریاس و جیوەجیکریاس.