مەرج داو ملا نەسردین
شەفەق نیوز/ لە نزیک رووستاگەی ملانەسردین کویەی بەرزێ بووی کە شەوانە واێ تونێ و کزەێ فرەی فرە سەردێ داشت.
هاوڕێیەیل ملا وەتن : ملا ئەگەر بتۊەنی یەێ شەو تا شەوەکی بێ یەگ لە ئاگرێ کەڵک بگری لە بان ئەو چیا بووسی، ئیمە یەێ مێوانی خاسی ئەڕاد گریم ئەگەنە تو بایەس یەێ میوانی فرە خاسێ بەیدە گشتمان.
ملا نەسردین مل چەمان و قەبوول کرد، ئەو شەوە چیەڕا ئەورە و تا شەوەکی جەڕ خواردە خوەیا لە وەشت زقوم وەلێ تاقەت هاورد شەوەکی هاتا وەت : مە بردمەسا بایەس میوانی ئەڕام بگرین. وەتن ملا لە هۊچ ئاگرێ کەڵک (ئستفادە) نەکردی ؟؟
ملا وەت : نە ، تەنیا لە ناو یەکێ لە رووستایل دەورمان یەێ دەروەچێ ڕووشنا بی دیار بی شەمێ لەورە داگیساننە
هاوڕێیەیلێ وەتن : هە ئەو ئاگرە گەرمدا کردێیە تو مەرج دانایدە و بایەس میوانی بێەی.
ملا مل چەمان و وەتە پێیان : فڵانە رووژ بانەڕا ماڵ ئیمە ئەڕا خواردن نان نیمەڕوو. سەر وادەێ دیاری کریا هاوڕێیەیل گلەگلە هاتن، وەلێ خەوەرێ لە نان نیمەڕوو نەۊ وەتن: ملا چمان خواردنێ لە کار نییە، ملا وەت : بەڵێ وەلێ هێمان دروس نەۊە، دو سێ ساتێ لە لێ ویەرد وەلێ هەمیش نان نیمەڕوو دروس نەۊ . ملا وەت هێمان ئاوە ناتەسە کوڵ تا برنج بکەیمە ناوێ.
هاوڕێیەیلێ چینە ناو چشتخانە بۊنن چۊ ئاو نیەتێدە کوڵ. دین کە ملا قەزان گەوراێ کردەسە دارا چەن گەز خوارترێ یەێ شەم بۊچگ وەژێر قەزانە گیس داس
وەتن : ملا ئی شەم بۊچگە نیەتۊەنێ لە هەیمەێ دو گەزی قەزان وەی گەورایە گەرم بکەێ ! ملا وەت : ئەنۊ چۊ تۊەنس وە هەیمەێ چەن کیلومتری مە وەبان چیاگە گەرما بکەێ؟
ئیوە بنیشن تا ئاوە باێدە کوڵ و خواردن دروس بوو !!!
هەڵگەردان: سادق_جەلیلیان
