قاچاخکردن مرۊژە.. نووترین تاوان لە دادگا

شەفەق نيوز/ کەسەیلیگ ناخاڵەی بەلجیکی، بوخت چەتەکاری ژیان هشکایی وەپییان گریا، دویای پەیاکردن هەزاران مرۊژە لەناو شۊشە لەلایان بویە، کە دەسەڵاتەیل کینیا وتن؛ یە بەشیگە لە قاچاخکردن زیندەوەر بویچگەیل.

لۆرنوی دەیڤد و سیبی لودیڤیکس کە دوو گەنج بەلجیکی بوین، لە 5 نیسان دەسگیر کریان، کە نزیکەی 5 هەزار مرۊژە وەپییان بویە، و خریانە دادگا لە نیرۆبی، و ئەرا دادوەر وتن؛ هەر ئەرا خوەشی ئەو مرۊژەیلە گردەو کردنە، و نیەزانن یاسایی نییە.

 لە تاوانیگ ترەک، توومەتبار کەسیگ کینی وەناو دينيس نگانگا و کەسیگ ڤێتنامی وناو دو هانگ نگوين کریا وە توومەت قاچاخکردن نایاسایی لە خود دادگا کە 400 مرۊژە وەپییان بویە.

خزمەتگوزاری ژیان هشکایب لە کینیا وت: ئەو چوار کەسە دەسیان لەناو قاچاخکردن مرۊژە بویە ئەرا بازاڕەیل ئەوروپا و ئاسیا.

وتیش: هەناردەکردن نایاسایی مرۊژە شکست وە سەروەری کینیا هەمەڕەنگی بایۆلۆژی لەناو خاک خوەی تیەرێد، و کۆمەڵگایەیل ناخۆیی و دامودەزگایل زانستی لە سوودەیل ژینگە و ئابووری ئەگەری بیبەش کەێد.

ئەو کەسەیل بەلجیکیە نزیکەی 5 هەزار مرۊژە وەپییان گریا لەناو ماڵ میوانیکردن، لەناو 2244 شۊشەی پڕ لە پەمگ تا چەن مانگیگ مرۊژەیلە لەناویان بمینن.

دەسەڵاتەیل کینیا نرخ ئەو مرۊژەیلە وە یەک ملیۆن شلن کینی مەزەنە کردن (7700 دۆلار).