زانایەیل شێواز نوویگ ئەرا چارەسەرکردن شێرپەنجە پەیاکردن
شەفەق نیوز/ پزیشکەیل زانکۆی پزیشکی روسیا دەسکردنە وە وەکارهاوردن تەکنەلۆژیا نوویگ ئەرا بەرەنگاربوین پەنام گورچگ وە وەکارهاوردن پلەی گەرمی ژیر سفر.
وەپای خەوەریگ ماڵپەڕ " lebanon24"، ئێ شێواز چارەسەرکردنە پزیشکەیل سی تی سکان وەکارتیارن ئەرا ئەوەگ وە هویردی دەرزی سەردەوکەر بخەنە ناو ئەندامە تویشبویەگە، و وە وەکارهاوردن کارەبا کەم کەمە پلەی گەرمی داوەزنن.
تەکنیۆەگە هویچ جویرە ژانیگ ئەرا بیمارەگە نەیرێد، و ری دەێد لە ژیر بیهووش کردن ناوچەگە ئەنجام بدرێد، یەیش هیشتیە چارەسەرەگە گونجیاگ بوود ئەرا ئەو بیمارەیلە کە هەڵوژان چارەسەر ترەک نەیرن.
دویای چەن ساعەتیگ لە چارەسەرەگە بیمار توەنێد وەروەو ماڵ گلوبخوەد، یەیش وە پیچەوانەی چارەسەرەیل ترەکە هەوەجە وە مەنن درویژە وەخت کەێد لە خەستەخانە.
زانایەیل دیاریکردنە چارسەرە نووەگە هەوەجە وە تاقیکردنەوە و لێکۆڵینەوەی زیاتر کەێد.
