زانیایەل بەڵگەی بویین ژیان لە دەێشت هەسارەی زەوی پشتڕاس کەن

شەفەق نیوز/ گەردونناسەیل ژیان لە دەێشت کۆمەڵەی خوەر پەیاکردنە کە زیاتر لە 124 ساڵ رووشنایی لە زەویەو دویرە.

تیمیگ زانایەیل زانکۆی کامبریج لە بەریتانیا پشتڕاسی کرد ژیان لەدەێشت کۆمەڵەی خوەر پەیاکردیە لەبان هەسارەیگ وەناو   "K2-18b"، بەرگە هەوایگ دیرێد کە بڕیگ فرە لە مادەی   " dimethyl sulfide" گرێدەخوەی کە مادەی کیمیایی نەناسریایگە تەنیا وەلایەن زینەوەرەیل زینگ بەرهەم تێد".

 ئەوەگ وە گرنگیەو زانایەیل باس لەلی کەن ئەوەس قەوارەی ئێ مادە لە بەرگەهەوای هەسارەگە 20 چەنە قەوارەی زەوییە، هەمیش قەبارەی ئێ مادە فرە وە خێرایی نیەمینێد و دویای ئاڵشتبوود و دوارە دروسەوبوود، یەیش بویین ژیان وە رێژەی 99.7% لەبان هەسارەگە پشتڕاس کەێد..

 پرۆفیسۆر نیکو مادوسودان راگەیانیە " هەرچەن پەیاکردن ژیان وە تەواوی رانەگەیانیە باوجی خاڵ وەرچەرخان گەپیگە، ئەوەگ ئیسفایکەیمن دیاریکەن ئەرا جیهانیگ ئەڵاجەوی کە هاتێ ژیان لەناوی بوود، هەسارەگە  2.6 ئەوەنەی زەوییە، بەرگە هەوای هەسارەیەگە گونجاگە ئەرا ژیانکردن"

جیباسە، باس لەەکردنە داتا و لێکۆڵینەوەی زیاتر هەوەجەکەێد ئەرا پشتراسکردن دەرئەنجامەیل.