کرماشان.. داڵاهو زەوی هونەر و مۆسیقا و گەشتیاری
شەفەق نیوز/ ناوچەی داڵاهو کە زیاتر لە ٣٥ هەزار کەس لەناوی ژیەێد، سێ شار و ١٤٠ ئاوای دیرێد، کەفێدە دویری ١٠٠ کیلۆمیتر وەرەو خوەرئاوای کرماشان، و چوینکە میژوو کویەن وشوینیگ جوگرافی جیاواز دیرێد، یەکیگ لە ناوچەیل نوو دانریەێد ئەرا گەشتیارەیل لەڕوی سروشت و تایبەتمەنیی لە کەلتوور و هونەر و کارەیل دەسڕەنگینی.
وەگورەی راپۆرتیگ لەلایەن سایت "ئيرنا"ی ئیرانی کە ئاژانس شەفەق نیوز هەڵگەردانی کرد، داڵاهو سێ شار دیرێد: گهواره، ریجاب و کرند غەرب، و ناوی لە (داڵ) و (ئاهو) هاتگە چوینکە داڵ و ئاسک فرە لەی ناوچە بویە.
راپۆرتەگە وتیش؛ ئی شارە کە شار جوانڕۆ و باباجانی لە باکوورە هانە شانی، و سەرپوڵ زەهاو لە خوەرئاوا، و گێڵان عەرب لە باشوور خوەرئاوا، و ئیسلام ئاباد غەرب لە خەەرهەڵاتەو، و کرماشان لە باکوور خوەرهەڵات.
راپۆرتەگە وتییش لە ساڵ ٢٠٢٤ ناوچەی کرند عەرب بویە شار داڵاهو کە بویە چوارەم شار لە ئوستان کرماشان، کە بویە کرند ناوەند داڵاهوکو بوودە دوو بەس؛ مەرکەزی وگهوارە، وەگەرد پەنج ئاوای: گوڕان، قەڵخانی، بان زەردە، باباجان وبيونيج، وەگەرد ١٥٤ ئاوای.
وتیش: هەرچەن میژووی کوینە و توانایل فرەیگ لە جویراجویر کەرتەیل دیرێد، وەلێ هیمان داڵاهو نەناسیاس، و دانیشتگەیل گیچەڵ دیرن.
راپۆرتەگە لە زوان حاکم داڵاهو مەسعود محنەتی کە باس شار داڵاهو کرد کە وت: شارەگە توانایل خاسیگ دیرێد و مەردمیگ رویخوەش و بەهرەیل فرەیگ، و لە کشتوکاڵ هایمنە ناو خاسترین شارەیل پارێزگاگە لە بەرهەم ئەنجیر و زەیتون و سیف و گرتەکان.
وتیش: شارەگە شوینەیل سروشتی و میژووی فرە خاسیگ دیرێد، جویر سراو ئاوی کە هەمیشە مەردم ئاراس تیەن.
وتیش: کارەیل دەسڕەنگینی جویر تاوانیگ جیاوازە لە داڵاهو، کە دروسکردن چەققوو و ئامێر مۆسیقا لە پیشەسل دەسی کوینە لەلای خەڵک داڵاهو.
محنەتی وتیش: هەرچەن شار داڵاهو دوو بەنداو دیرێد؛ ئازادی و زەمەکان، وەلێ خەڵک شارەگە سوود لەلی نیەگرن، و تەکبیر هەس ٦٠٠ هکتار لە زەویەیل بەنداو ئازادی بکریەێدە باخچە.
