ئیمارات ئامادەکاری کەێد ئەرا دەسەوکاربوین یەکەمین تەکسی باڵگر
شەفەق نيوز/ دەوڵەت ئیمارات، ئامادەکاری کەێد ئەرا دەسکردن وە یەمەنیک کاروانە تاقیکردن ئەرا فرۆکەی "ميدنايت"، کە یەکەمین فرۆکەی کارەبایی و وەشیوەی ستوینی هەڵسێد و نیشێدەو، لەناو پڕۆژەی تەکسی باڵگر، کە لە ئیمارەت ئەبو زەبی لەی ساڵە دەسوە تاقیکردنی کریەێد، وە ئامادەکاری ئەرا وەکارخستن بازرگانی تەواو لە گامەیل دویایین.
ئاژانس خەوەری ئیمارات "وام"، لە زوان تاڵب هەنائی وەڕیەوبەر گشتی کۆمپانیای "ئارتشەر ئەرا فڕۆکەوانی" ئەمریکی لە پێشانگای (لە ئیمارات دروس کەم) وت: ئی فرۆکە گرنگی فرەیگ لە سەردانکەرەیل وەرەو خوەی برد، و یەیش نموونەیگ ناوازەس لە نەوەی نوو ڕامێازەیل هامشوو ئاسمانی شارستانی وەردەوام.
دیاری کرد کە کۆمپانیاگە کارخانەیگ لە ویلایەت جۆرجیا لە ئەمریکا واز کرد، وە هاز بەرهمیگ رەسێدە فرۆکە لە ساڵیگ، وەگەرد پەلان زیایکردنی ئەرا 2400 فڕۆکە لە بانان.
هەنائی وتیش: رێککەفتن لە چوارچیوەی هاوکاری وەرد نویسینگەی ئەبو زەبی ئەرا بەرهەمهاوردن دیرێمن، ئەرا دروسکردن فرۆکەیل لە ئیمارات، و وەی نزیکە هویردەکاریەیل ئی گامە ئاشکرا کەیمن.
وتیش: فڕۆکەگە 100% وە کارەبا کار کەێد، و 4 نەفەر گرێد وەرۆ کاپتنەگە، و توانای هەڵسیان و نیشتنەوەی ستوینی دیرێد هەکاتی کۆپتەر، وەلێ لە کار و دیزاینی جیاوازە.
هەنائی دووپات کرد کە وەکارخستن تاقیکردنی لە ناوچەیل چووڵیگ دەسوەپی کەێد، ئیجا رەسێدە ناوچەیل مەردمدار، وە ئامادەکاری ئەرا دەسکردن وەکارخستن تەواوی، کە هیمان رووژیگ فەرمی ئەرا وەکارخستن بازرگانی دیاری نەکردیمنە، وەلێ لە وەخت گونجیاگ ئاشکرای کەیمن،
ئاشکرا کرد کە کۆمپانیای ئەبو زەبی بوودە یەکەمین کۆمپانیا مە وە فەرمی فرۆکەیل کارەبایی "ميدنايت" لە جەهان بخەێدە کار.
