ڤیدیۆگەیم Assassin's Creed Shadows یەک ملیۆن وەکارهاور رەدکرد

شەفەق نیوز/ ڤیدیۆگەیم Assassin's Creed Shadows لە یەکەم رووژ نمایشکردنی توەنست یەک ملیۆن ئیسفاکەر رەدبکەێد، وە یەش زیاتر ئاستیگ بەلێندەر سەرەتایی خوەی قایم کرد.

 دویای چەن مانگیگ لە چەوڕێکدن و دویاکەفتن  ڤیدیۆگەیم Assassin’s Creed Shadows ئەرا کۆنسوڵەیل PS5 و Xbox Series X بڵاوکریا.

کۆمپانیای Assassin's Creed Shadows لە ری تووڕ ئێکسەو رایگەیان، شمارەی وەکرهاوەرەیل بازیەگە  یەک ملیۆنی رەدکردیە، دویای تەنیا رەدبوین ١٥ ساعەت لە خسنەبازاڕی وەبان گشت پلاتفۆرمەیل.