خەڵات نۆبڵ وەدەس هاورد و بۆزۆن پەیا کرد.. مردن زانای فیزیا پیتەر هیگز
وەگورەی ئاژانس فرانس پرێس، ئەو زانکۆ کە ئەو زانا ئەرا ماوەی فرەیگ مامووستای فەخری لەناوی بویە، لە بەیاننامەیگ راگەیان: “وە ئارامی لە ماڵگەی خوەی گیانی لەدەسدا، دویای ئەوەگ تویش بیماری هات”.
هیگز لە ساڵ ٢٠١٣ وەگەرد فرانسوا ئینگلەر بەلجیکی خەڵات نۆبڵ فیزیا وەدەس هاورد، وەمدوو پەرەپێدان ئەو تیۆرییە کە وە بۆسۆن هیگز ناسیاس لە ساڵ ١٩٦٤، کە بویە مدوو پەیاکردن بۆزۆنەگە لە ساڵ ٢٠١٢ لە ریخریاگ ئەوروپی ئەرا توێژینەوەی ئەتۆمی (CERN).
فیزیازانیل بۆزۆن هیگز وە سەنگ بتەڕەت پێکهاتەی ماددە زانن، و ئەو تەنۆلکە سەرەتاییە کە وەرپرسە لە بارستەی ماددە.
پیتەر هیگز، کە ئویشێد خوسەی لە ئامێرە جویر مۆبایل، دووپات کردگە کە ئەو وەختە زانستیە خەڵات نۆبڵ وەدەس هاوردیە هەناێ لە جادە بویە، دویای ئەوەگ هاوسایگی هاتیە پیرووزبایی لەلی بکەێد.
هیگز لە ٢٩ ئایار ١٩٢٩ لە شار نیوکاسڵ لە باکور ئینگلتەرا لەداڵگبویە، بڕوانامەی دکتۆرا لە کۆلێژ کینگ لە لەندەن وەرگردیە، بڕوانامەی فەخری و چەن خەڵاتیگ وەدەس هاوردیە.
