تاسووکەر و دەرویش
کوڵە چیرۆک
رووژێگ تاسووکەریگ چیەڕا لاێ دەوریشێ لەورە دی ک ئەو نیشتەسە بان دووشەک مەخمەڵێ لە ناو چاتووڵ جوانێ ک ڕەسنەیلەێ گریە داسە بسمارەیل تەڵا.
تاسووکەر وەختێ یانە دی هاوار کرد: ئیە چە باردووخیگە ؟ دەوریش رێزدار ! مە تاریف فرەیگ لە پاکی و ئازادی ئێوە شنەفتمە وەلێ وەختێ ئی همگە زریق بریقە لە دەور ئێوە دۊنم، تەمام دڵسەردا بیم .
دەوریش خەنەێ کرد و وەت:
مە گورجم تا تەمام یانە بیلمەجی و بکەفمە گەرد تونا.
وە وەتن ئی قسە، دەوریش هێز گرد کەفتە شوون تاسووکەر ئەو تەنانەت نەیشتە راو تا کەوشەیلەیشێ بکەێدە پا.
دۊاێ وەخت کوڵێ، تاسووکەر وە پەریشانی و ناڕاحەتی وەت :
دیدە چە بی ؟ مە جام تاسووم لە ناو چاتووڵەێ تو هیشتمەسە جی. مە وەبێ جام تاسوو چە بکەم ؟
تکایە تیکڵەێ بیلەڕاو تا مە بچم جامەم بارم.
دەوریش خەنی و وەت :
هاوڕێیەگەم ! بسمار تەڵاێ چاتووڵەێ مە چینەسە زەۊا، نە لە ناو دڵ مە، وەلێ جام تاسووەێ تو هێمان ها شوون تونا ؟
نەیلن چشتەیل بێ وەلیفەت ،نواێ یێ کردن ئێوە بگرێ.
