تایلەندییگ تاج شاجوان جەهانی نەێدە سەر
2025-06-01T07:23:28+00:00
شەفەق نیوز/ خانمە تایلەندی ئەوبال سوتشاتا تشوانغسەری، توەنست نازناو شاجوان جەهان وەدەسبارێد، لەو پێشبڕکێیە کە لە هیندیستان رێکخریا.
تشوانغسەری ها لوتکەی لیست 107 پێشبڕکێکەر، پێشبڕکێگە لە شار حەێدەر ئاباد وەڕیوەچی و خانمە ئەسیوبی هاسیت دیریجی ئادماسوو بویە هاوەڵ یەکەم پێشبڕکێگە، وەپای راگەیانن "سي إن إن".
تشوانغسەری تاجەگەی لە بەرەندەی نازناو ساڵ پارەگە کریستینا بیشکوفا وەرگرد.
جی باسە لە لیست بەرەندەیل هیندستان نازناوەگە شەش ناوی دیار گرێەخوەی کە وەناوبانگترینیان بریتین لە ئایشواریا ڕای (١٩٩٤) و پریانکا چۆپرا (٢٠٠٠) کە دویای بەرندەبوین ناوبانگیگ ناودەوڵەتی لە مژار سینەما وەدەسهاوردن.
