تەکنیک ژاپۆنی نوویگ ئاو کەێدە سزەمەنی

شەفەق نیوز/ زانایەیل ژاپۆنی رەسینە تەکنەلۆژیای نوویگ ئەرا شکانن ئاو و ئاڵشتکردنی ئەرا سزەمەنی هایدرۆجین وە وەکارهاوردن تیشک خۆر.

 توێژینەوەگە لە گۆڤار Frontiers in Science بڵاو کریاس، کە وە وەکارهاوردن فۆتۆکاتالیستیگ تایبەت، ئی تەکنەلۆژیا ئامانج دابینکردن هایدرۆجین هەرزانتر و فرەتر و زەردەوامە، ئاسوو ئەرا چەن چینیگ لە وزەدا وازەو کەێد.

 ئیرنگە فرەی هایدرۆجین لە گاز سروشتی دراورن، کە هیلێد هاوردنی ئەرا سەرچەوەگ وەردەوامتر، جویر هایدرۆجین لە ئاوەو، بوودە چشتیگ گرنگ ئەرا بانان.

 شیوازە نووەگە کە پشت وە وزەی خۆر بەسێد، وە "دروسکردن ئاسان دانریەێد و پەیمان شووڕشیگ دەێد ئەگەر کارایی خوەی وەدەس بارێد".

 پرۆسەگە لە بنەمای بەشەوکردن ئاوە ئەرا ئۆکسجین و هایدرۆجین وە وەکارهاوردن فۆتۆکاتالیست. 

 هەرچەن یە چشتیگ نوو نییە، بەڵام فرەی کاتالیزەرە ئاساییەیل ناکارامەن و وزەی خۆر وەشیوەیگ گونجیاگ نیەکەنە هایدرۆجین.

 زانایەیل ژاپۆنی نووڕین کە ئەو سیستەمە وەکار بارن کە وە سیستەم "دوو گام" ناسیاس ئەرت خاسترکردن کارایی،  لەی سیستەم فۆتۆکاتالیستیگ هایدرۆجین بەرهەم تیەێد، لە وەختیگ فۆتۆکاتالیستیگ ترەک ئۆکسجین بەرهەم تیەێد.

  ئی سیستەمە وەچەو سیستەم یەک گامی تەقلیدی پیشکەفتووتر و کاریگەرترە.

 نویسەر سەرەکی توێژینەوەگە، پرۆفیسۆر کازوناری دۆمێن، لە زانکۆی شینشو ئاشکرا کەێد کە: "بەشەوکردن ئاو لەلایەن فۆتۆکاتالیستەیل وە تیشک خۆر تەکنەلۆژیایگ ئایدیاڵە ئەرا ئاڵشتکردن و هەڵگردن وزەی خۆر ئەرا وزەی کیمیایی".  وتیش: "پێشکەفتنەیل ئی دویاییە لە ماددە و سیستەم فۆتۆنیک گەشبینی دروس کەن کە توەنێد ئی ئامانجە لە بانان وەدی بارێد".

 دکتۆر تاکاشی هیساتۆمی، یەکیگ لە هاوکارەیل زانکۆی شینشۆ، وت: “لە وەختیگ تەکنەلۆژیای ئاڵشتکردن وزەی خۆر نیەتوەنێد لە شەو یا لە کەشوهەوای بەد کار بکەێد، هەڵگردن وزەی خۆر جویر وزەی کیمیایی لە کەرەستە توەنێد بوودە مدوو ئەوە کە لە هەر وەختیگ و لە هەر شوینیگ وەکار باێد.” .

 هیساتۆمی ئویشێد: "کارایی ئاڵشتکردن وزەی خۆر لە سیستەمەگەمان یەک ئەوەتە و نیم زیاتر بویە وەچەو بە ئەنجام تاقیکردن وەکارهاوردن تیشک سروشتی خۆر".