تەنیا لە ماوەی ئمساڵ پەنج ملیۆن گلە لە GTA V فروشیاس

شەفەق نیوز/ وەبان ئەو سەرنجەیلە کە لەبان GTA 6 بوین، باوجی ڤیدیۆگەیم GTA 5 هێمان وەردەوامە لە توومارکردن ریکۆردەیلی و وە تەنیا لە چارەک کۆتایی ئمساڵ زیاتر لە پەنج ملیۆن گلە لەلی فرووشیا.

وەپای دوایین راپۆرتTake-Two Interactive،  ڤیدیۆگەیم GTA Vلە ساڵ ٢٠١٣ـەو تا ئیرنگە رەسیە ٢١٥ ملیۆن گلە، کە لە ئاست جەهانی لەلی فروشیاس.

ئەوەگ جی سەرنجە، بەش پەنجەم جی تی ئەی تا ئیسە و  لە ئمساڵ ئێ داهاتبەرزە داشتیە لەوەختیگ کە گشت نوڕینەیل لەبان بەش شەش و نوو بازیەگەس کە بڕیارە ساڵ ئایندە بڵاوبکرێد.