بڕیگ خوەراگ ئەگەر تویشهاتن وە بیماری شێرپەنجە کەمەوکەن
شەفەق نیوز/ لە توێژینەوەی نوویگ دەریخەێد خواردن ئۆمیگا۳ و ٦ کە لە خوەراکەیل رووەکی و ماسی هەس کاریگەری لەبان کەمەوبوین مەترسی تویشهاتن و شێرپەنجە دیرێد.وەپای توێژینەوەگە کە لە گۆڤار ناودەوڵەتی شێرپەنجە بڵاوکریاس، تا رێژەیی چەوری ئۆمێگا-٣ و ئۆمێگا-٦ لە خوین زیاتربوود ئەگەر تویشهاتن وە شێرپەنجە کەمترە.دکتۆر کایکسۆنگ کالڤین یی، لە بەش جینات لە زانکۆی جۆرجیا رایگەیان: ترشە چەورییەگان ئۆمێگا ٣ زیاتر وەسوودن ئەرا گەشەکردن مێشک و تەندروسی دڵ و خوینبەرەیل، لە وەختیگ ترشە چەورییەیل ئۆمێگا ٦ وەسوودن لە بەرگری و تەندروسی پووس.کۆمەڵەی شێرپەنجەی ئەمریکی باس لەوە کەن، ئۆمێگا ٣ و ئۆمێگا ٦ مەترسی تووشبهاتن وە ١٤ جویر جیاواز شێرپەنجە کەمەوکەن ، لەوانەش شێرپەنجەی قۆڵۆن، گەیە، سویە، مێشک، میزڵدان و جویرەیل ترەک.ئەو خوەراکەیلە کە دەوڵەمەنن وە ئۆمێگا ٣ بریتین لە: سەلەمون، سەردین، گردەکان، توەێم کەتان و سۆیا.ئەو خوەراکەیلە دەوڵەمەنن وە ئۆمێگا ٦ بریتین لە: زەیت بەرەفتاو، گردەکان، زەردێنەی خا و بادەم.
