"چات جی پی تی" ژنیگ لە مەرگ رزگار کەێد

شەفەق نيوز/ ژنیگ وەناو لۆرين بانون داڵگ دوو مناڵە، ئاشکرا کرد کە زیرەکی دەسکرد وەتایبەت پڕۆگرام "چات جی پي تی"، کاریگ یەکلاییکەر رانیە لە ئاشکراکردن تویشهاتنی وە بیماری کانسەر، دویای ئەوە کە پزشکەیل نەتوەنستن ئەو کارە بکەن.

 بانون کە لەناوەین دوورگەیل ڤیرجین و شار ويلمنگتون ئەمریکا ژیەێد، لە ساڵ 2024 زانست کە وە سەختی کلگەیلی چەمنێدەو، کە ئی نشانەیلە جویر هەوکردن ماسولکەیل رۆماتويدیە.

هەرچەن لە وەشکین ئاشکرا نەوی، وەلێ پزشکەیل رکدار بوین کە تویش ئەو بیماریە لە هەوکردن هاتگە، و لەبان ئەوە دەرمان ئەرای نویسانن.

 وەلێ دویای ئەوە، تەندروسیی سەختەو بوی، و ژان فرەیگ لەناوزگ داشت، کە وەماوەی کوڵیگ زیاتر لە 6 کیلۆگرام لە کیش لەشی داوەزیا.

وەگورەی سایت"LADbible Group" بەریتانی، لەبان ئەوەیش هەر پزشکەیل وتن بیماریەگە هەوکردن ماسولکەیلە.

بانون دی بیئومیدەو بوی، ناچار بوی پەنا بوەێد ئەرا پڕۆگرام "چات جی پی تی" لە زیرەکی دەسکرد، و نشانەیل بیماریەگە ئەرای نویسان.

 بانون وت: هەناێ ئەرای نویسانم، "چات جی پی تی" وت: هاتێ تویش بیماری هەوکردن رژێن تایرۆید هاتمە، و داوا لەلیم کرد داوای وەشکین و تاقیکردن زیاتر لە پزشک بکەم.

هەرچەن پزشکەیل ئەو باوەڕە نەیاشتنە چوینکە لە میژوو بنەماڵەگەی ئەو بیماریە توومار نەکریاس، وەلێ ژنەگە هەر رکدار بوین تاقی بکەێدەور تا دویای ئەو دەرئەنجامەیل خود قسەگەی "چات جی پی تی" نشان دان.

لە وەشکین وە شەپوول ئەوبان دەنگ دەرکەفت کە دوو پەنام لەناو ملی هەس، و تویش کانسەر ڕژێن تایرۆید هاتگە.

ئەو دالگە، لەتەمەن 40 ساڵە، لە کانوون دویەم 2025، کەفتە نەشتەرگەری، و ئیرنگە کەفتیەسە ژیر چەودیاریکردن پزشکی تا گشت تەمەنی.