کوشیان وەرپرسیگ لە کۆمپانیای "سيمنز" وەگەرد خیزانەگەی لە ئەنجام وەخوارکەفتن کۆپتر لە نیویۆرك
شەفەق نيوز/ شەش کەس گیانیان لەدەسدان، سێ مناڵ هاناویان، لە ئەنجام کەفتن هیایکوپتەر گەشتیاری لە چەم هیدسۆن وەرانەور شار نیویۆرک، وەگورەی راگەیانن ئێريك ئادامز سەرۆک شارەوانی شارەگە.
وەگورەی تووڕ "ABC News"، ئۆوجستين ئیسكوبار، وەرپرس جیوەجیکار کۆمپانیای "سيمنز" ئەرا تەکنەلۆژیا لەناو قوربانیەیل بوینە، وەگەرد ژن و مناڵەیلی.
وەڕیەوبەرایەتی فڕۆکەوانی فیدڕاڵی لە بەیاننامەیگ وت: ئەو کۆپتەرە لە مارکەی "بيل 206"، کەفتە ناو ئاو دویای وەخت کەمیگ لە هەڵسیانی لە سێیەم کاروانی لەو رووژە، کە وەلای پەیکەر ئازادییەو رەد بویە ئمجا وە کۆنتڕوڵ خوەی نەمەنیە، و وەرانەور جێرسی سيتی کەفتە چەم.
سەرۆک شارەوانی دیاری کرد کە پەنج کەس بیجگە کاپتنەگە لەناو فڕۆکەگە بوینە، و گشتیان گیانیان لەدەسدان، و کەسیگ لە ریوارەیل زەخمدار نەویە.
تیمەیل رزگارکردن لە پولیس دەریاوانی رەسینە شوین رویداوەگە، و توەنستن هەر شەش تەرمەگە درارن، و دەسەڵاتەیل دەسکردنە لێکۆڵینەوە ئەرا رەسین وە بندروس رویداوەگە.
