وڵات چین کەرەستەیل گەورەترین خۆر دەسکرد ئەمادە کەێد
شەفەق نيوز/ وڵات چین، دویاترین کەرەستەیل یەکەی سیستەم سەردەوکردن ئەرا شوین (ئیتێر) (ئەتۆمی گەرمی تاقیکردن ناودەوڵەتی) لە باشوور فەرەنسا کلکرد، کە نشانەس ئەرا ئەوە کە گشت کەرەستەیل سیستەم موگناتیسی (ئیتێر) تەواو بوین.
ئەو سیستەم موگناتیسیە وەلایەن پەیمانگەی فیزیای بلازما سەروە ئەکادیمیاب چین ئەرا زانستەیل گەشەوەپی کریا، کە وە دەمار ژیان ئەرا سیستەم موگناتیسی ئیتێر ناسیاس.
یەکەی سەردەوکردن سیستەمەگە 9 بڕ خانانی وە شیوەی نیمچە بازنەییگ تیرەی هەریەکەیان رەسێدە 16 مەتر، وە بەرزی 3 مەتر.
"ئيتێر" یەکیگە لە گەورەترین و گرنترین پڕۆژەیل تۆێژینەوەی زانستی ناودەوڵەتی لە جیهان، وەناو خۆر دەسکرد ناسیاس، و ئی ناوە لە توانای بەرهەمکردن وزەی پاک و بی کاربۆن هاتیە کە جویر خوەرە، ئەوەیش لەڕی تەکان رووشنایی و گەرمی، و تیکەڵبوینیان.
ئیتر وەشیوەیگ هاوبەشانە وەلایەن یەکێتی ئەوروپا و ژاپۆن و ئەمریکا و کۆمار کۆریا و هندستان و رووسیا سپۆنسەر کریاس.
