چین هویرەوکەێد وە قەیەغەکردن فیلمەیل هۆلیوود لە وڵاتەگەی

شەفەق نیوز/ چین پلان دیرێد فلیمەیل هۆلیوود لە سینەماگان وڵاتەگەی قەیەغە بکەێد و یەیش جیر جواویگ تون ئەرا چەسپانن باجەیل ترەمپ، ئیەش بوودە دەسوەشانن گەپیگ وبان ئەمریکا وەپای ئەوەگ لە گوزەشتە ئەرا داهاتیگ زیاتر فیلمەیلە پشت وە ئێ وڵاتە بەسان.

رووژنامەنویسیگ چینی لە بەرنامەی رادیۆ ٤ی بی بی سی راگیاندیە، چین باج زیاتر خەێده بان   بەرهەمە کشاوەرزیەیل ئەمریکا جویر سۆیا و رێگری کەێد لە هاتن گشت پەلەوەرەیل ئەمریکا ئەرا چین، هەمیش پلانیش هەس   پەخشکردن فیلم ئەمریکی لە وڵاتەگەی قەیەغە بکەێد.

جی باسە، فیلمەیل ئەمریکی لە ساڵ وەرین 585 ملیۆن دۆلار لە چین وەدەسهاوردا، کەێدە  نزیکەی 3.5%ی داهات چین و ئیەش گەپترین پشک فیلمە بیانیەگانە.