کەمەوبوین رووبەر یەخ جەمسەر باکوور ئەرا بوبچگترین قەوارە لە 45 ساڵەو تا ئیسە

شەفەق نيوز/ ئاژانس بۆشایی ئاسمان ژاپۆن، کەمەوبوین رووبەر یەخ جەمسەری لە زەریای رچکیاگ باکووری لە زمسان ساڵ 2025 راگەیان، کە رەسیە بوبچگترین قەوارە لەوختیگەو پەیمانەکردن دەسوەپی کرد لە ساڵ    1979 تا ئیسە.

ئاژانسەگە وت: رووبەر یەخ لە جەمسەر باکوور لە وەرز زمسان رەسیە بوبچگترین قەوارە لە میژوو پەیمانەکردن ئاسمانی، کە ساڵانە رووبەر یەخ جەمسەری تا مانگ ئادار وڵاوە بوود، و ئمساڵ گەورەترین رووبەری لە 20 ئادار رەسیە 13.79 مليۆن کیلۆمەتر چوارسویکە، کە کەمترین ئاستە لە وەختیگەو پەیمانەکردن دەسوەپی کردگە

ئاژانس بۆشایی ئاسمان ژاپۆن ئەو پەیمانەکردنە وە هاوکاری وەرد پەیمانگەی ژاپۆن ئەرا توێژینەوەیل جەمسەری ئەنجام دا، لە چوارچیوەی پڕۆژەی توێژینەوەی جەمسەر باکوور، و داتایەیل پەیمانەیی ڕادیۆیی میکرۆبی وەکار هاورد، کە لە مانگ دەسکر "شيزوكو" وەری گرد.  

نەخشەی راپۆرتەگە نشان دا کە رووبەر یەخ لە ساڵ 2017 فرە کەمتر بوی لە ئاستەیل ساڵ 2012ڕ و ناوڕاسیی لە دەیەی دویەم بە سەدەی یانزە، و دەرکەفت کە کڕ رووبەر یەخەگە لە ساڵ 2025 لە هن ساڵ  2017یش بوبچگتر بوی.

نشانەیل رووبەر مانگانەی یەخ لە دیسەمبەر تا فیبرایەر خوارترین ئاستەیلی لە هەر مانگیگ وەجیا توومار کرد.