زیاتر لە 100 ژەهراویبوین وە خواردنەیل "ماکدۆناڵدز" لە 14 ویلایەت ئەمریکا

شەفەق نیوز/ وەلای کەمەو 104 کەس تویش ژەهراویبوین خواردن هاتن لەوەر بەکتریای (ئای. کولای) 34 کەس لەلیان ئەرا خەستەخانە کلکریا، لەوەر خواردن ئەو پیازە وەبان هەمبرگر ماکدوناڵدز دانریابوی، وەپای بەیان وەرپرسەیل تەندروسی فیدڕاڵی لە ولایەتە یەکگرتگەیل. 

وەپای قسەی بنکەی بیماری و خوەپارێزیەل لە 14 ویلایەت ئەمریکا حالەتەگان توومارکریاس، و کەسیگ لە ولایەت کولورادۆ مردیە، و 4 کەس لەلیان بیماریەگەیان کاردانەوە لەبان گورچگیان داشتیە.

لە ناوەین 12 سبتەمبەر و 21 ئۆکتۆبەر حالەتەگان توومارکریانە بەرزترین حالەت لە کولورادۆ بویە کە (30 حالەتە)، لەدویای یە ولایەت مۆنتانا (19 حالەت)، ونبراسكا (13 حالەت)، ونيو مەكسيكۆ (10 حالەت)، وەرد حالەتەیل ترەک لە ولایەتەیلتر جویر   ميزۆری و يوتا و وايومنغ وكانساس وميشيغان وكارۆلينای باکوور وئەووريغۆن وواشنتۆن وويسكونسن.

سەرچەوە: سکای نیوز