رووسیا یەکەمین ئامێر پاکەوکردن جادەیل وە زیرەکی دەسکرد خەێدە کار
شەفەق نیوز/ زانایەیل زانکۆی دەوڵەتی باشوور ئورال یەکەم سیستەم ئۆتۆماتیکی لە بنەمای زیرەکی دەسکرد لە ڕووسیا پەرە وەپی دان ئەرا پاکەوکردن جادەیل لە گەناڵخە و خوەڵ.
ئی سیستەمە مقیەتی خوەی لەو هەڵەیلە کەێد کە توەنێد لەلایەن زەڕێوەبەر ئامێرەیل ئەنجام بیریەن، وەی شیوە کوالیتی کارەیل خاسترەو بوود، کە لەلایەن ئەندرێ مارتیانۆڤ، پرۆفیسۆر یاریدەدەر لە بەش وێستگەیل کارەبا و تووڕەیل و سیستەم دابینکردن کارەبا لە زانکۆگەو هاتگە.
وتیش:"ئیمە پەرە وە سیستەمیگ ئۆتۆماتیک دایمنە کە توەنێد ئی جویرە یا ئەو جویرە ئەرا پاککردن سیستەمەیل هەڵوژێد، وەبی ئەوەگ وەڕێوەبەر ئامێرەیل دەسوەردان لە پرۆسەگە بکەێد، ری وەپیمان دەێد پرۆسەی جاڕوودان، ئاوڕەشە، پاکەوکردن جادەیل، لاوردن وەفر، و هەڵگردن خاسترەو بکەیمن".
وتیش: "ئیرنگە جویر شیوەیگ گشتی ناوچەیل لە گەناڵخە و خوەڵ وەدەس پاکەو کریەن، وەگەرد ئەوە کە رانندە یا وەڕێوەبەر وەو شیوە رەفتار وەگەردی کەێد کە بزانێد گونجیاس.
وتیس: سیستمەگەمان دیدگای ئامێر وەکار تیەرێد، کە ری دەێد هەڵسەنگاندن ئەرا خوازین ئی کارە یا ئەو کارە بکەێد لە شوینیگ دیاریکریای ئەرا پاکەوکردن، کە سیستمەگە خوەی وەگەرد خوازین کارەگە پووڕنێد.
مارتیانۆڤ وتیش: لە سەرەتای ساڵ ٢٠٢٥ نموونەی سیستەمەگە ئامادە بوود، لە خود وەختیش یەکەم تاقیکردنەوەیل سیستەمەگە لە کارگەی ئامێر ریوبان لە شار کورگان رووسیا دەسوەپی کەێد.
