دویەتیگ چینی لە 18 قاتەو کەفیدە خوار و قورتار بوود
شەفەق نيوز/ دویەتیگ لە باکوور وڵات چین، وەشیوەی ئەڵاجەوییگ لە مەرگ قورتار بوی، دویای کەفتنی لە قات بیسەچەنجەم لەو بینا کە ماڵی هاناوی.
ئەو رویداوە لە شار تانگشان بوی، هەناێ دویەتیگ لە تەمەن 9 ساڵان و تەنیا لەناو ژوورەگەی بویە، وەگورەی رووژنامەی پەکین نیوز.
ئەو دویەتە کە ناوی ئاشکرا نەکریا، لەناو ماڵەگە گەرمی بویە، و پەنجەرە واز کردگە.
لە بەدبەختی ئەو دویەتە، دەر پەنجەرگە چەکیاوێد، و تەکان بردیە، و دەسی هویچیگ نەگردیە، و لە ناو ماڵەگەیەو 18 قات رەد کرد تا کەفتە بان سەکوویگ.
دویای ئەو کەفتن سەختە، دويەتەگە هیز گرد و کەفتە ری وەبان پای خوەی، هەرچەن خوین لە دەم و گووشەیلی وەربوی، و چەویەیلی پەنەمیاوین.
دویای ئەوە کە رەساننەی ئەرا خەسەخانەی مناڵەیل پەکین، ئاشکرا بوی کە باڵی و تیوڵی و بڕبڕەی سینەی شکیانە، وەلێ سەری بیوەیە.
وەگورەی سایت ساوت چاینا مۆرنینگ، دویەتەگە گەفتە ژیر چەن نەشتەرییگ، و دویای 10 رووژ لە خەسەخانە دەرچگ.
