115 کوشیان و زەخمداری لە ئەنجام رمیان قەواسەی یانەیگ شەوانە لە دۆمینیکان.. ڤیدیۆ
2025-04-08 14:45
شەفەق نيوز/ رمیان قەواسەی یانەیگ شەوانە لە سانتو دومينگۆ، پایتەخت کۆمار دۆمینیکان بویە هوکار کوشیان و زەخمداری 115 لە ئاماریگ وەرەو زیاتر چوود.
خوان مانوێل میندیز سەرۆک ناوەند فریاکەفتن وڵاتەگە وت: زەخمدارەیل ئەرا خەسەخانە بریان و تیمەیل رزگارکردن مینەی کەسەیلیگ لەژیر رمیاگەیل کەن.
وتیش: وەگورەی میدیایەیل ناوخوەیی، مەزەنە کەن بڕیگ لەلییان هیمان وەگیان بوون، ئوراوە دەسەڵاتەیل واز لە مینەکردن نیەتیەرن تا کەسیگ لەژیر رمیاگەیل وە گیرهاتن نەمینێد.
وەگورەی راپۆرتەیل فەرمی، رزبی بيريز گورانیچڕ مۆسیقای ميرينگي، کە ئاهەنگیگ مۆسیقی داشت مەوقەی رمیان قەواسەگە هاناو زەخمداریل.
وەکوتپڕ ئاشکرای مدووەیل رمیان قەواسەگە نەکریاس.
