کوشیان کەسیگ لەڕی وە ئامانج کردن گورز تورکیا ئاواییگ لە دهۆک

شەفەق نیوز/ سەرچەوەیگ ناوخوەیی، ئمڕوو چوارشەممە، خوەردا لە کوشیان کەسیگ وە گورز تورکیا وەبان ئاواییگ لە پارێزگای دهۆک.

سەرچەوەگە وە ئاژانس شەفەق نیوز وت "شەوەکی ئمڕوو تورکیا پەلامار ئاوای (هرور) دا لە سنوور پارێزگای دهۆک".

وتیش "پەلامارەگە بویە مدوو کوشیان هاوڵاتیگ مەدەنی لە ئاوایەگە وەناو (سەباح عەبدولستار ) 45 ساڵان".

شایەتحاڵەیل راگەیان هاوڵاتییگ وەناو سەباح عەبدولستار  ئمڕوو شەوەکی رویوەروی پەلامارداین بویە هنای  ئەرا راو چگەس ناوچەی  "سیدو" کە کەفێدە بان ئاوای "هروری".

شایەتحاڵەگە ئەرا ئاژانسەگەمان ئاشکرایکرد، هێزیل تورکیا ناوچەگە کردنەسە ئامانج تا ئیسە سرووشت پەلامارەگە نەزانریاس هویچ رونکردنەوەیگ نەدریاس کە لەری درۆن بویە یا  تەقەکردن لەری سوپای تورکیا  کە لەوناوەن فرەن.

تا ئیسە تەرمەگە لە شوین رویداوەگەس، کەسوکاری چەوەڕێ وەرگردن رەزامەنیەیل پێویست کەن ئەرا گواستنەوەی تەرمەگە، وەپای شایەتحالەیل.