نێچیروان بارزانی وەگەرد باڵیۆز نوو ئیمارات باس لە پیشکەفتنەیل ناوچەگە کرد
شەفەق نیوز/ سەرۆک هەرێم کوردستان نێچیروان بارزانی، ئمڕوو چوارشەممە، چەوی کفت وە باڵیۆز نوو ئیمارات لە عراق عەبدوڵا مەتەر خەمیس ئەلمەزروعی، دووپاتکرد لە پاڵپشتی تەواو لایەنە پەیونیدارەیل هەرێم ئەرا وەجی رەسانن ئەرکەگەی وە شیوەیگ سەرکەفتیانە.
لای خویەو، باڵیۆز ئیمارات سەلام و رێز سەرۆک ئیمارات شێخ محه‌مه‌د بن زاید ئال نه‌هیانی رەسانە سه‌رۆک نێچیروان بارزانی، هەمیش ستايش پەیوەنییە پتەوەیل وڵاتەگەی وەگەرد عراق و وە تایبەت هەرێم کوردستان کرد.
سەرۆک هەرێم کوردستانیش سەلام و رێز ئەرا سەرۆک ئیمارات کلکرد و دەسخوەشی و وەپیزانین ئەرا پشتگیری وەردەوامەیل ئیمارات لە عراق و هەرێم کوردستان دووپاتکرد.
هەردووگ لایەن گفتوگوکردن دربارەی فراوانکدن هاریکاری هاوبەش لە مژارە جیاوازەیل هویروڕا ئاڵشتکردن.
دویا پیشهاتەیل ناوچەگە وە تایبەت دۆخ سوریا و چەن پرسیگ ترەک جی بایەخ هاوبەش تەوەریگ ترەک دیدارەگە بوی.
