نێچیروان بارزانی دووپاتکرد لەبان فراوانکردن پەیوەنی وەگەرد ئیتاڵیا

شەفەق نیوز/ سەرۆک هەرێم کوردستان نێچیروان بارزانی، ئمڕوو پەنجشەممە، پیشوازی کرد لە باڵیۆز گشتی ئیتالیا لە هەرێم کوردستان میشێل کامیروتا، وەبوونەی کۆتایهاتن وە ئەرکەگەی.

لە دیدارەگە، بارزانی سوپاس و پێزانین خوەی نیشاندا ئەرا تەقەلای باڵیۆز ئیتالیا لە ئەوزەڵداین و فراوانکردن پەیوەنیەیل وەگەرد هەرێم کوردستان، هێوای سەرکەفتن ئەرای خوازی لە کارە نووەگەی.

لەلایگ ترەک، باڵیۆز ئیتاڵیا دەسخوەشی لە نێچیروان بارزانی و لیژنەیل دیاریکریاگ لە هەرێم کوردستان کرد ئەرا پاڵپشتی وەردەوامەیلیان و دووپاتکرد لە بان خواست وڵاتەگەی لە ئەوزەڵداین پەیوەنی دوو قۆڵیەیل و فراوانکردن هاوکاری ناوەین ئیتاڵیا و هەرێم کوردستان.