ماشینیگ بارهەڵگر پیەڵیگ لە دیارترین شوینەیل گەشتیاری لەکار وسنێد
شەفەق نیوز/ سەرچەوەیگ لە پارێزگای هەولێر، ئمڕوو جمعە، خەوەردا لە پەککەفتن پیەڵیگ سەرەکی لە ئیدارەی سەروەخوەیی سۆران لە ئەنجام رویداویگ هاتوچو.
سەرچەوەگە ئەرا ئاژانس شەفەق نیوز وت: ماشینیگ بارهەڵگر درویژ (تر لە) داد لە پیەڵ وەناوبانگ گەلی عەلی بەگ، کە کونای گەورەیگ لەناوی دروس کرد، و رەدبوین وەبانیەو وسان، کە کەفتە هەڕەشەی رمیان.
لەلای خوەییش، کاروان میراودلی قسەکەر وەرگری شارستانی لە سۆران ئەرا ئاژانس شەفەق نیوز وت: رویداوەگە شەوەکی ئمڕوو رویدا، کە ترێلەیگ داد لە پیەڵەگە و وەشیوەی گەورەیگ زەرەد وەپی رەسان.
وتیش؛ پیەڵەگە وەڕیژەی 80% زەرەدمەن بوی، و دی ئەرا رەدبوین ماشین نەگونجیاس، چوینکە کەفتیەسە هەڕەشەی رمیان، و بایەسە ئاڵشت بکریەێد، وتیش: وەرگری شارستانی پیەڵەگە بەساد.
ناوچەی گەلی عەلی بەگ لە هەولێر پایتەخت هەرێم کوردستان، لە دیارترین شوینەیل سروشتی و گەشتیاریە کە وە تاڤگەی گەلی عەلی بەگ جیاوازە، کە گەشتیارەیل لە جویراجویر ناوچەیل عراق سەردانی کەن.
