پیلاندانان کوردستان: زیاتر لە 6 ملیۆن کەس لە هەرێم دانیشتنە و وەتەمەنترینیان 126 ساڵە
شەفەق نیوز/ وەزیر پلاندانان هەرێم کوردستان، ئمڕوودووشەممە، راگەیان شمارەی دانیشتگەیل هەرێم رەسیەس ئەرا 6 ملیۆن و 370 هەزار و 668 کەس.
دارا لە کۆنگرەیگ رووژنامەوانی راگەیان، ئەو شمارە وەپای ئەنجامە بەرایەیل سەرژماری دانشتگەیلن و (دانشتگەیل ناوچەیل جی ناکۆک) نیەگرێدەو.
دیاریکرد، شمارەی نیر لەهەرێم کوردستان رەسیەس ئەرا ٣ ملیۆن و ٢٠٠ هەزار و ٥٠٦ کەس، لەوەختیگ شمارەی ما رەسیە ئەرا ٣ ملیۆن و ١٧٠ هەزار و ١٦٢ کەس، واتە رێژەی نیر ٥٠.٤% و ڕێژەی ما ٤٩.٦% بویە.
لە درویژەی قسیەیلی وت: 6 ملیۆن و 370 هەزار و 668 کەس لە هەرێم کوردستان زندگی کەن، کە لە ناوەین 84% دانیشتگ شار و 16% ئاواینشینن ، بیجگە لەوەگ 2 ملیۆن و 28 هەزار یەکەی نیشتەجیبوین لە هەرێم کوردستان هەس.
وەزیر پلاندانان کوردستان دیاریکرد 4.4%ی دانشتگەیل هەرێم کوردستان تەمەنیان لە بان 65 ساڵە، هەمیش وەتەمەنترین کەس هەرێم تەمەنی 126 ساڵە.
