پۆلیس ماتۆڕسکیل گەشتیاریگ هۆڵەندیی پەیاکرد کە لە هەولێر دزیاس
شەفەق نیوز/ وەڕێوەبەرایەتی پۆلیس پارێزگای هەولێر، ئمڕوو پەنجشەممە، خەوەردا توەنستنە ماتۆڕسکیل گەشتیاریگ هۆڵەندی پەیابکەن لەماوەی چەن ساعەت کەمیگ لە دزیانی لەناوڕاس شارەگە.
پۆلیس ئمڕوو لە بەیاننامەیگ راگەیان، لەدویای بڵاوبوین پارچە ڤیدیۆیگ لەبان تووڕەیل کۆمەڵایەتی، دەرچگە ژنیگ هۆڵەندی سەردان هەرێم کوردستان کردیە جویر گەشتیاریگ لە بڕوار (16-11-2024).
وەپای بەیاننامەگە، گەشتیارەگە لە یەکیگ لە هۆتێلەگان بان جادەی (60) لە هەولێر مەنیەسەو، و لەنوای هۆتیلەگە ماتۆڕسیلەگەی رویوەروی دزین بوود، دیاریکرد لەدویای خەوەردارکردن مەفرەزەیل پۆلیس دەسوەجی دەسکردنە وە لێکۆڵینەوە.
پۆلیس دیاریکرد، "لەدویای وەدویاچگن و وەرگردن زانیاری، توەنستیمن لەماوەی چەن ساعەت کەمیگ ماتۆڕسکیلەگە پەیابکەین، چەن مەتریگ دویر بویە لەو شوینەی کە گەشتیارەگە لەلی بویە، و لەکارکەفتیە و دریارەدەس خاوەنەگەی.
ژنە هۆڵەندیەگە تا ئیسە هویچ سکاڵایگ توومارنەکردیە تا ئیسە لێکۆڵینەوە وەردەوامە، وەپای بەیاننامەی پۆلیس.
