کەشناسی هەرێم کوردستان: بەرزەوبوین پلەی گەرمی لەی ساعەتەیل ئایندە

شەفەق نیوز/ وەڕیەوبەرایەتی کەشناسی و زەویلەرزەناسی لە هەرێم کوردستان، ئمڕوو جمعە، مەزەنە کرد لە ساعەتەیل ئایندە پلەی گەرمی لە شار و ناوچەیل هەرێم کوردستان بەرزەو بوود.

وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: پلەی گەرمی لە پارێزگایل هەرێم کوردستان، لە ساعەتەیل ئایندە، لە یەک تا دوو پلە بەرزەو بوود.

دیاری کرد کە بەرزترین پلەی گەرمی لە ئیدارەیل زاخۆ ز گەرمیان توومار کریەێد کە رەسێدە 27 پلەی سەدی، ئیجا لە هەولێر پایتەخت و پارێزگای دهۆک وە 25 پلەی سەدی.

وتیش: پلەی گەرمی لە پارێزگای هەڵەبجە رەسێدە 24 پلەی سەدی، ز لە سلێمانی و لە ئیدارەی سۆران رەسێدە 22 پلەی سەدی، و لە حاجی عومران نزمترین پلەی گەرمی لە هەرێم کوردستان توومار کریەێد کە رەسێدە 11 پلەی سەدی.