سلێمانی.. زەخمداری پەنج خوەنەوار وە مەرافەیگ سەخت لەناو یەکیگ لە زانکۆگان
شەفەق نیوز/ زانکۆی پۆلۆتەکنیکی سلێمانی، ئمڕوو پەنجشەممە، مەرافیگ سەخت وەخوەی دی لەناوین خوەنەوارەیل کە بویە مدوو زەخمداری شمارەیگ فرەیگ لەلیان، وەبی ئەوەی هووکارەگەی بزانرێد.
سەرچەوەیگ لەناو زانکۆگە وە ئاژانس شەفەق نیوز وت، "مەرافەگە تا ئاستیگ تون بویە پاسەوانەیل زانکۆ نەتوەنستنە کۆنترۆل بارودۆخەگە بکەن رویوەروی بوینەوەگە رەسیەس ئەرا وەکارهاوردن دار و چەقوو وە له ئەنجام پەنج کەس زەخمداربوین".
سەرچەوەگە وتیش "پۆلیس بانگ کریاس ئەرا لەیەکەو جیاکردنیان و توەنستنە بارودۆخەگە کپەوبکەن و زەخمدارەیلە ئەرا چارەسەرکردن کلبکەنە خەستەخانە" دیاریکرد "یەکیگ لە زەخمدارەیلە بارودۆخی رخبەرەو ئیرنگە ها لەژیر چەودێری چڕ".
سەرچەوەی ترەک دووپاتکرد "وردەوردەیل لەناو حەرەم زانکۆ دەسوەپی کردیە دویایی رەسیەس ئەرا رویوەرویبوینەوەی تونیگ، لە ئەنجام دڵەڕاوکێ گەپیگ لەناوەین خوەنەوارەیل و کارمەندەیل فێرکاری دروسکردیە".
