سلێمانی بازاڕیگ تایوەت ئەرا پاڵپشتی خێزان شەهیدەیل ئەرا پاڵپشتیکردن ئابووریان و نیشاندان داهێنانەیل هونەریان
شەفەق نیوز/ دەزگایگ لە سلێمانی وە هاوکاری وەڕێوەبەرایەتی شارەوانی سلێمانی، ئمڕوو پەنجشەممە، بازاڕیگ تایبەت وە خێزان شەهیدەیل رێکخست وە ئامانج خاسترکردن بار ئابووری و کۆمەڵایەتیان.
بازارەگە ئەرا ماوەی دوو رووژ وەردەوامە، دەرفەت وەخشێد ئەرا نمایشکردن بەرهەمەیل دەسکردیان، لەناویانیش کارەیل دەسڕەنگینی و تابلۆیەیل هونەری ، لە گامیل تەقەلادرێد توانایان دەربخەن و سەرچەەی داراییگ بوود ئەرایان.
مەحمود سەرمەدی وەرپرس راگەیانن دامودەزگای شەهیدەیل کوردستان وە ئاژانس شەفەق نیوز راگەیان، "بازاڕەگە بەشیگە لە دەسپێشخەریگ تەنیا ئەرا ئێ خێزانەیلە، کە پێکتێن لە مناڵ و هاوسەر و کەسوکار نزیکیان، تا بتوەنن بەرهەمەیلیان نمایش بکەن و بفروشن".
ئاشکرایکرد "شوینیان وە هەماهەنگی وەگەرد وەڕێوەبەرایەتی شارەوانی سلێمانی دەسنیشان کریاس، و گشت دەسمیەتیەیل راستەوخوەی چوود ئەرا خێزان شەهیدەیل بەشداربوی".
