سەرۆک هەرێم کوردستان پیشوازی لە کونسوڵ گشتی ئەمریکا کەێد

شەفەق نیوز - هەولێر

سەرۆک هەرێم کوردستان نیچیروان بارزانی، ئمڕوو چوارشەممە، لە هەولێر پیشوازی لە کونسوڵ گشتی ئەمریکا  گۆیندۆلین گرین لە هەولێر کرد.

وەپای بەیاننامەیگ  سەرۆکایەتی هەرێم، لە دیدارەگە پەیوەنییەیل ویلایەتە یەکگرتگ وەگەرد عراق و هەرێم کوردستان، و دۆخ ناوخوەی  هەرێم، وەگەرد پەیوەنییەیل ناوەین هەولێر و بەغداد قسە و باس لەبانی کریا.

لەی چوارچمگە، هەردوگ لا لەبان هەوەجەی یەکگرتی کڕ ناوخوەی، و کارکردن ئەرا خێراکردن لە گامەیل پێکهاوەردن کابینەی وەزاری نوو ئەرا حکومەت هەرێم کوردستان رێک کەفتن.

چارەسەرکردن گیچەڵەیل هەولێر و بەغداد لەبان بنەمای دەستوور و پاراستن سەقامگیری، وەگەرد نووترین ئەوزەڵکردنەیل  سیاسی و ئەمنی لە ناوچەگە وەشیوەی گشتی، تەوەرەیگ تر بۊ لە دیدارەگە.