کەشوهەوای 48 ساعەت ئایندەی کوردستان: واران و بەڵاچە و داوەزیان پلەی گەرمی

شەفەق نیوز - هەولێر

دەسەی کەشوهەوا لە کوردستان، ئمڕوو چوارشەممە، راپۆرتیگ لەبان   کەشوهەوای مەزەنەکریاگ  گشت ناوچەیل هەرێم لە 48 ساعەت ئایندە دەرکرد، و دیاریکرد ئەرا دەرفەت وارین واران و داوەزیان کەمیگ لە پلەیل گەرمی لە بەشیگ لە ناوچەیل.

دەسەگە لە بەیاننامەیگ  رەسیە ئاژانس شەفەق نیوز وت: کەشوهەوای سوو پێنجشەممە  ئەور تەواو بوود  وە مدوو کاریگەرییگ کەم لە نزمەپەستانیگ کەشوهەوا کە لە دەریای ناوەڕاسەو تێد،  واران سەرەتا لە ناوچەیل پارێزگای دهۆک و ئیدارەی سەربەخۆی زاخۆ دەس وەپی کەێد وە شیوەی وارانیگ سووک تا ناوڕاس  وەگەرد بەڵاچە، و دویایی بڵاوەوبوود    ئەرا بەشەیلیگ لە پارێزگای هەولێر و ئیدارەی سەربەخۆی سۆران، و کاریگەری  شەپوولەگە لەبان ئێ ناوچەیلە تا وەختەیل دیروەخت شەو  وەردەوام بوود.

بەیاننامەگە دیاری کرد  وای باکوور خوەرهەڵات سووک تا ناوڕاس بوود، وە تیژی ناوەین  (15-25) کیلومەتر لە ساعەتیگ، و مەودای نووڕین لە ناوەین (8-9) کیلومەتر، لە وەختیگ پلەیل گەرمی بەرزبوین کەمیگ  توومار کەێد بیجگە لە پارێزگای دهۆک کە داوەزیان کەمیگ توومار کەێد بەراورد وە رێژەیل ئمڕوو.

 مەزەنەی پلەیل گەرمی  گشت ناوچەیل ئەرا سوو پێنجشەممە وە پلەی سەدی:

هەولێر: 31

پیرمام: 26

سلێمانی: 29

هەڵەبجە: 31

چەمچەماڵ: 32

دهۆک: 27

زاخۆ: 26

ئاکرێ: 26

گەرمیان: 38

حاجی ئۆمەران: 17.