کوشیان و زەخمداری سێ ئەندام ئەمنی لە هیزگردن ئاگر لەناو زیندان ئەبو غرێب لە بەغداد
شەفەق نيوز - بەغداد
وەزارەت داد، ئمڕوو سێشەممە، هیزگردن ئاگر لەناو یەکیگ لەو هۆڵویلە راگەیان کە لەژیر خاسەوکردن بویە، و زیندانی لەناوی نەویە لەناو زیندان ئەبو غرێب لە بەغدای پایتەخت.
وەزارەتەگە لە بەیاننامەیگ رەسیە ئاژانس شەفەق نیوز وت: ئاگرەگە بویە مدوو کوشیان یەکیگ لە فەرمانبەرەیل و زەخمداری دووان ترەک.
وەگورەی بەیاننامەگە، تیمەیل وەرگری شارستانی توەنستن زویوەزوی و وەتوانای بەرزیگ ئاگرەگە کپەو بکەن و نەیلن بڕەسێدە ئەو شوینەیل زیندانەگە، و زەخمدارەیل ئەرا خەسەخانە بریان.
بەیاننامەگە وتیش: خالد شوانی وەزیر داد وەگەرد رویداوەگە رەسیە شوین زیندانەوە تا بکەفێدە فتراق رویداوەگە، و دڵنیایی لە تەندروسی زەخمدارەیل بکەێد، و خوەی سەرپەرشتی لە تەقەلای تیمەیل وەرگری شارستانی و تیمەیل تایبەت بکەێد، و لە خود وەختەگە فەرمان وازکردن لێکۆڵینەوە لە مدووەیل ئاگرەگە دا.
لەی باوەتە، سەرچەوەیگ لە وەرگری شارستانی ئەرا ئاژانس شەفەق نیوز وت: تیمەیل وەرگری شارستانی ئاگریگ لەناو کەڕەڤانیگ کپەو کردن لەناوی مار خاسەوکردن فەرمانگەی چاکسازی نزیک زیندان ژنەیل بوی لە زیندان ئەبو غرێب.
