وە کوڵگردنیگ.. حەشد کەسەیلیگ هاوکار وەرد "داعش" لە خوەرئاوای کەرکوک دەسگیرکرد

شەفەق نیوز ـ بەغداد

دەسەی حەشد شەعبی، ئمڕوو شەممە، دەسگیرکردن کەسەیلیگ راگەیان کە هاوکاربوینە وەرد رێکخریاگ "داعش"، وە کوڵەی قایمیگ لە خوەرئاوای پارێزگای کەرکوک.

دەسەگە لە بەیاننامەیگ رەسیە ئاژانس شەفەق نیوز راگەیان، "هێزیگ لە لیوای 61ی لە چوارچمگ ئۆپراسیۆنڵیل باکوور و خوەرهەڵات دیجلە توەنستن یەکیگ لە هاوکارەیل رێکخریاگ تیرۆرستی داعش دەسگیربکەن لەری کولەی قایمیگ لە خوەرئاوای پارێزگای کەرکوک".

وتیش؛ "ئۆپراسیۆنەگە وە پشت بەسان زانیاری هەواڵگێریەیل هویردیگ کریا" وت: "توومەتبار (ن.س.س) لە لێکۆڵینەوەی سەرەتایی دان وە ئەوەگ دانایە پەیوەنی وەرد ئەندامەسل داعش داشتیە، تێوەگلیاس لە بڵاوکردن هویر حیزب بەعس لەناوچگ".

 وەپای بەیاننامەگە "باوگ توومەتبارەگە پلەی بەرزیگ داشتیە لەناو رێکخریاگ تیرۆرستی داعش".

دیاریکرد، رێکارەیل یاسایی پێویست وەرانوەری گرێد و درێدە دەس لایەنەل پەیوەنیدار ئەرا تەواوکردن لێکۆڵنەوە و وەرگردن رێکارە یاساییەل پێویست.